Obľúbené biblické verše z Yowani 14

Zdieľať

«Nàbarekere ebôlo. No'bu bôlo, nyínabêresise'bo. Kanji butáli ngo'bwa bandu bo'muno butala bénde bâna. Bushi no'ku, muténdaa mwáchichiribusa mwa michima yenyu, nesi mwáchobaa.

Yesu nai mbu: «Nyono nyi njira, kanji nyi kanangana, kanji nyi kalamo! Kutali ola ùngaala kuika era mwa Tata, busira kunyirèngera'ko.

Yesu era kubura ebanafunzi* bai mbu: «Muténdaa mwáchiribusa mwa michima yenyu. Mundaa mwêmerera Ongo, nanyi mwánende mwányemerera mwa michima yenyu.

Si kwe'sina lyanyi ku Tata àngábatumira eMuchima Mubuya-buya. No'yu Muchima Mubuya-buya i'ungénde wábaasa, na kunde ábakangirisa byoshi. Na chira mwasi woshi nábaburaa, akénde ánabakengesa'o.

«Ola wèmerere emiomba* yanyi, na kunde átunda'i, oyola i'ùnyisimire. Ola unyísimire, i'Tata nai angásima ngachi. Nanyi, nyingánamusima, kanji nyikénde náchilosa kui.»

Nanyi, nyingéma Tata abêrese eunji ola ungénde wábaasa, na kuendekera kuba ala'uma nenyu esuku soshi. Oyola, i'Muchima we'kanangana. Ebandu bo'mwa butala, bàtangaala kumuhuukasa, bushi bàtatula bàmusene'ko, kanji bàtatula bàmwîshi. Si mwabo, mumwîshi bushi atúla ala'uma nenyu, kanji akánalinda anátula mwa ndanda senyu.

Kanji byoshi bya mungénde mwéma kwe'sina lyanyi, nyingénde nánabiira, chasiya Tata énde áya ngulu kunyirengera nyi Mwana wai. Kubinali, choshi cha mungénde mwányěma kwe'sina lyanyi, nyingénde nánabairira'chi.

«Akaba mutúla munyisimire, mungénde mwátunda ne'miomba* yanyi.

Mwa nyumba ya Tata, mutúla bisiki binene. Akaba bìtangabere bacha, ndàngababwirire mbu náya kubakunganyisa echisiki cha mukábera'mo.

Na akaba nyingáya kubakunganyisa chi, nyikáhuba kubaha nyibátole, chasiya echisiki cha nyikába'mo, nenyu múbe muchi.

Mwo'lu, Tomasi era kubusa Yesu mbu: «Enawetu, si eyi ungáya, tubeke tùteshi'yi! Rero, enjira ye'kuya'yi, kute tungére twáimenya?»