Obľúbené biblické verše z YOHANES 14

Zdieľať

“Akui ma'uk dena' kenep men kelo', iha' tih kenep dena' Kui aleng Ek uk kelo', nusi' ha' awi ket aleng huang usun tana anih ih ket aleng Ek ih. Meng kenep kelo' kawah, meng kelo' takut.

Iha' nah Yesus kuma' men iha', “Akui anih nah Alan, dahin Pa'un Teneng, dahin Urip. Ji kelunan pah em deng ateng ha' Tamei iha' ha' em ngejeloh Akui.

“Meng nah kelo' kawah kenep. Kelo' nginah té' Allah, nginah té' Akui lahuh.

Iha' Aleng Masi kelo' anan, iha' tih Belua' Ma'ang, aleng Tamei seng nyihu alem aran Kui, Iha' seng katuk kelo' ket lim-lim, dahin pehituk kelo' tatah lim-lim ket aleng Ek bara men kelo'.

Hi-hi aleng puboh tebara Kui dahin ngioh Na', iha' anan nah aleng nyalam Akui. Hi-hi aleng halam té' Akui, Tamak pah seng nyalam iha', Akui pah seng nyalam iha' lahuh, dahin petula Akui té' iha'.”

Akui seng akei té' Tamei, Iha' pah seng ma'uk ji aleng ha' béh Aleng Masi kelo', ja Iha' peji dahin kelo' ateng-ateng baya, iha' nah Belua' teneng. Huang usun tana anih em deng ala Iha', avin nusi' daha' nyineng Iha', nusi' pah daha' jam Iha', bi kelo' anih jam Iha', avin Iha' peji dahin kelo', Iha' pah seng té' té' alem kelo'.

Ket nun aleng kelo' akei alem aran Kui, atih nah Ek na ja aren Tamei tula halem Anak Na'. Iha' kelo' akei nun-nun té' Akui alem aran Kui, atih nah Ek na.

“Iha' kelo' halam té' Akui, adang kelo' ngioh lim tebara Kui.

Halem uma Tamak té' kahum ngavan melo'; awi ha' em nunan, uh kuma' nah Akui men kelo'. Akui tei nemei ngavan kelo'.

Iha' Akui tei nemei ngavan kelo', adang Akui nei nekulah ala kelo' melo' Dahik, ja ha' Ngavak té', hinan pah kelo' té' lahuh.

Lun ken Tomas men Iha', “U Tuhan, nusi' kalo' jam Ngavam seng tei anan, nuno' tuk kalo' seng jam alan anan lo?” ken na'.