Obľúbené biblické verše z Mátyo 24

Zdieľať

Ndé wubî wú nlə́m wú pulu, áfánikə̌, ɛniŋgán ɛ́ bâʼ jǐta ɛ́ shul. Ndé ká njá mɔ́lə́ awə̌ á tfúl nlə́m á mútaka kə́ŋ ta á shúʼ, á kwisí líshuŋgɛ.

Ndúm ɛ mbâ ɛnín tɛ́ŋgɛnɛ wudya wú Dyǔ ɛ́ byábán á nkínshíyə nsə́sə̌n álí bwə nána bikumbu bísə́sə̌n bí wú. Á púndá ɛni yɔ̂ lishú lí paʼní.

Nyí wú ngə bá waní njum, nyí wú ndúm ɛ njum. Ndé nyí si báŋ. Misam mínán mísə́sə̌n mí lɔ́lí ɛ bwəlan, ndé suká mɔ́ mí lúfú nána lishúkán lí mə́ ɛ paʼ.

Ɛkumbu ɛ́ tyə́bán ɛ́kumbu ɛ́pə́pə̌ á njum. Janiya lí tyə́bán jániya lípə́pə̂ á njum. Njɛ ɛ́ bá, ndɔʼ ɛ́ sáʼ á mábú. Misam mínán mísə́sə̌n mí bá ngə wuwa wú wúsúsúwə ábə́ mwalân ǎ wúní wə̌ti ǎ sa ɛ́ yɛ́.

Wudya wú Dyǔ na nkínshíyə n túm, ndé biyala bí myə bí sî túmbá.

Baʼ jǐta bá paʼ nána bɔ́ bá dí Ani Awə̌ bá Wɔ́kílíní. Bá səŋ bâʼ jǐta.

Á púndá ɛni bá kú nyə́, bá bə nyə́ á makɛ́ má baʼ ábə́ bá kɔ́ksɛ́ nyə́, ti bá búlú nyə́. Bikumbu bísə́sə̌n bí kfwɛ nyə́ á ɛ́tútú ɛ́ dǐn lí myə. Á púndá ɛni, baʼ jǐta bá sî wɔ́ŋá pə́ dúbɛ. Bá bə mɔ na mɔtɛ́ á makɛ́ má baʼ ábə́ bá kfwɛ́ bɔ́. Ti bɔ́mə̌n bá kfwɛ́ nyǔ ɛ́ bɔ. Ndé balakuwa bá mudî bá mátúm bá paʼ ti bá səŋí baʼ jǐta.

Yésuwə a pushú bɔ́ nána, Nyí nǔŋ púndá mɔ ká nfɔ́ a si səŋ nyə́.

Áfánikə̌, nyí lɔ́lí ɛ bá á mbunsan, á ɛ́tútú nána Mwǎn a Mɔnyuŋ á pá á púndá ɛyə̌ nyí bándiyaní milə́m.

Áfánikə̌, nyí nǔŋ púndá á ɛ́tútú nána nyí bíyǎ bǔn ábə́ Sáŋgúwə́ n nyə á paní pə́.

Mɔ ká nfɔ́ a bíyǎ bǔn, púndá ɛyə̌ misam mínán mísə́sə̌n mí bwəlání. Ká áŋgɛl ɛ́yə́ ɛ́ dí ámǐn ɛ́ bíyǎ, ká Mwǎn pə́ a bíyǎ. Sáŋ mɔ́ na mɔ́ a bí púndá ɛyə̌ misam mínán mísə́sə̌n mí bwəlání.

Á ɛ́tútú nána baʼ jǐta bá dí ábə́ bá pɔ̌ŋ matúm nána, bɔ́ bá dí Ani Awə̌ Dyǔ lí Wɔ́kílíní. Balakuwa bá mudî bá mátúm bɔ́ pə́ bá paʼ. Bá bwəlákí misam mí manyáká mínə̂n, bá lúfú pə́ biyəmblan jǐta. Bá bwə nâ álí bwə nána bá sə̂ŋ ká bâʼ ábə́ Dyǔ lí pwɛ́síní, njí ɛtə́ʼ ɛ́ dí álí sə̌ŋ bɔ́.

Mulimlim ngə ɛ́ bílíní á madû má Nówa, nâ pə́ ɛ́ bání á púndá ɛyə̌ Mwǎn a Mɔnyuŋ á paní. Á ɛ́tútú nána, á púndá ɛni byáná madí má mbú má lwínj nkínshíyə nsə́sə̌n, baʼ bá bílí ɛ dyá, bá mwá, bumân na balân bá wə́laniya, kə́ŋ ti á bǔn ábə́ Nówa a kwílíní á bwálu wú nə̂n átin. Bá sî m bí yǔm ɛ́yə́ ɛ́ bílí ɛ́ bwəlan kə́ŋ á púndá ɛyə̌ madí má mbú má lwínjíní má kánán bɔ́. Mulimlim nâ pə́ ɛ́ bwəlání á púndá ɛyə̌ Mwǎn a Mɔnyuŋ á paní.