Obľúbené biblické verše z Ad’u Tinda 1

Zdieľať

Alona mi de kua ala: Ei lei sana d’igi ei na; ma hle tam d’igi ei na na. Ar mi te yam kulufâ, yam aluweina, yam azurei suma nglona, yam ambureina kahle suma gurei suma a dram kä yam andagad’ina pet mi. Hina Alona mi le sana d’igi mam na, mi lum hle tam d’igi mam na; mi le mandjufâ katchad’a mi.

Alona mi b’e vunam kaziya, mi dazi ala: Agi vud’ugiya, agi zulugiya, agi oyôgi yam andagad’a; agi tagi kad’u, agi tagi yam kulufâ, yam aluweina, yam ambureina, yam azurei suma a nga tit yam andagad’ina pet mi.

Avok ka va nga d’uo tua d’a, Alona mi lakulod’a kandagad’a.

Andagad’a yat ti ni hawa kikid’ik, nduvunda duk yam mbiyo alum ma ngolâ, Muzu’â hAlonina nga mi ngui yam mbiyo máma mi.

Ata yi máma Alona mi dala: Ar b’od’a ti nde woyo; b’od’a ti nde woi mi.

Alona mi gol ahle suma mam lazina pet, a djivid’a heî. Fladeged’a nga, yorogod’a nga mi; ni bur ma karagayana.

Alona mi wala b’od’a ti djivid’a, mi wal ir b’od’a woi ki nduvunda.

Alona mi dazi kua ala: An hagi ir asu ma yam andagad’ina kandjavam pet kagu ma vuta kandjavam pet; azi ni te magina.

Mi yi b’od’a ala Faleid’a; mi yi nduvunda ala Andjeged’a. Fladeged’a nga, yorogod’a nga mi; ni bur ma avo’â.

Alona mi de kua ala: Ar hur alona mi nde woi á wal ir mbiyo ma akulona ki ma kä na.

An he asu ma nguloma mambureina kazureina kaluweina kahle suma a dram kä yam andagad’ina; ni te mazina. A le hina mi.

Alona mi de kua ala: Ar ahle suma b’o yina a kak sä akulo á wal ir faleid’a kandjeged’a, á tak burâ ki bizad’a katchogoid’a mi.

Alona mi de kua ala: Ar asuna mi deî yam andagad’a, ar asuna mi le irâ ad’u andjavamu, ar agu ma lara ge pî mi vut andjavamu. A le hina mi.

Wani hur alona mi nde woi mi. Ni hina ba, Alona mi wal ir mbiyo ma kä na ki ma akulona. A nga hina mi.

Kayam ndata, andagad’a ti deî asuna, asuna mi le irâ ad’u andjavamu, aguna mi vut ad’u andjavam teteng mi. Alona mi wala ni djivid’a iramu.

Alona mi lahle suma b’o yi suma nglona mbà; b’o d’a ngola nafata á te yam faleid’a; d’a gora ni tilâ á te yam andjeged’a; mi le tchitchiud’a kua mi.

Alona mi de kua ala: Ar mbiyo ma kä ad’u akulod’ina, mi tok ata yima tuna tala ar yima sod’a mi nde woyo d’a. Mi le hina mi. Alona mi yi yima sod’a ala Andagad’a; mi yi mbiyo ma mi tok ata yima tuna ala Alum ma nglona. Alona mi wala ni djivid’a iramu.

Alona mi b’e vunam kaziya, mi dazi ala: Agi vud’ugiya, agi zulugiya, agi oyôgi alum ma nglona; ar aluweina a zul yam andagad’a mi.

Alona mi de kua ala: Ar andagad’a ti buzuk kahle suma arina woi abua, nala, d’uwarâ, ahle suma dramba, azureina kambureina, ad’u andjavazi teteng mi. A le hina mi.

Alona mi de kua ala: Ar ahle suma arina a zul mimiyâk aduk mbina, ar aluweina a pir akulo yam andagad’a mi.

Hina Alona mi lazureina, ambureina, d’uwarâ kahle suma dramba, ad’u andjavazi teteng. Alona mi wala ni djivid’a iramu.