Obľúbené biblické verše z MATIUS 9

Zdieľať

Un dau Yesus neng diaʹ bayaʹ katuk ke dina: “Bioʹ lepe ajau ini, un sepe diaʹ majau ue bang kediʹut le. Lemameʹ ne palaʹ Tuhan iaʹ un ajau ini, apan ne cuk kelunan diaʹ mencam pegayeng tai majau uma haʹ.”

Tai ne mita sen dau kitap ini: ‘Abeʹ keʹ ubaʹ liwa. Pengelesau iaʹ akeʹ ubaʹ.’ Abeʹ keʹ nai mengin kelunan diaʹ kuma ida lepa teneng, di lareʹ akeʹ nai ke mengin kelunan diaʹ dulu kuma jaʹat.”

Dalau ue taʹan kelunan kadoʹ dina, bioʹ tekaʹ pengelesau ue neng ida, ban ne ida iʹut tawai re, ngan abeʹ un tebelum nte, koʹ baʹan dumba diaʹ are un iaʹ ke nubo ida.

Kun Yesus kenahan dau isiu re, sulo ho mipa ida: “Abeʹ kelunan diaʹ maget titin duktun ke naban ida, di lareʹ dulu idaʹ sakit le iaʹ ke mita duktun.

Yesus tai masat teliling neng mung lepoʹ bioʹ ngan lepoʹ iʹut, mentung nge pekatuk dulu neng singket amin sebayang, ngan badaʹ denga tiga neng puyan pengaren Allah ke ngaren ilu kelunan. Kun ne paget mung naʹan penyakit ngan penginteʹ usa le kelunan.