Daa 17
17
Lua tɔ̃zɔ̃yã dilɛa Ablaũɛ
1Kɛ́ Ablaũ kà wɛ̃̀ basɔo mɛndosai, Dii bɔ̀ à mɔ̀wà à mɛ̀: Mamɛ má Lua Gbãapiide ũ. Tɛmazi, níɔ ku taaesai. 2Ma baakuannɔ aɔ gɛ́ɛ, mí n bui kãfĩnɛ maamaa. 3Ablaũ wùlɛ a gbɛɛu Lua aɛ, ɔ̃ Lua òɛ̀: 4Lá ma bàa kunnɔ, bui pɔ ńyɔ̃ gɔ̃ n dezi ũɔ aaɔ dasi. 5Wàli onɛ Ablaũ lɔo, sema Ablahaũ,#17.5 Bee mɛ̀ buidaside asa má n kɛ buiɔ dezi ũɛ.#Lom 4.17 6Má tó n bui dasikũ, buiɔ ń kiaɔ bɔ n kĩiɛ. 7Ma bàa aɔ kunnɔ ń n buiɔ gɔɔpiiɛ.#Luk 1.55 Máɔ dɛ n Lua ũ ń n buiɔ n kpɛ. 8Má Kanaa busu pɔ ń ku a guu nibɔ ũ kpama pii ń n buiɔ n kpɛ, kɛ́ aaɔ vĩ gɔɔpii, míɔ dɛ an Lua ũ.
9Lua ɛ̀a ò Ablahaũɛ: Mpi ń n buiɔ, àɔ ma baakuaánɔ yã kũa e á buiwa. 10Mpi ń n buiɔ, yã pɔ malɛ dilɛɛ́ àɔ kũan kɛ: Sema á gɔ̃ɛ pii lí tɔ̃zɔ̃. 11Àli tɔ̃zɔ̃ ma baakuaánɔ seela ũ.#Zĩn 7.8; Lom 4.11 12Sema n bui nɛgɔ̃ɛɔ lí tɔ̃zɔ̃ ń gɔɔ swaaɔ̃dezĩ e ń buiwa, nɛ pɔ wà ń í n bɛɔ ń zɔ pɔ wa lù buipãleɔwaɔ pii. 13Wà aà ì n bɛn nò, wa lù zɔ ũn nò, sema aàli tɔ̃zɔ̃. Bee iɔ dɛ ma baakuaánɔ gɔɔpii seela ũ á mɛwa. 14Sema àli gyafɔɔde bɔ á guu, asa gbɛ̃́ pɔ i tɔ̃zɔ̃o i ma baakuaánɔ yãdaoɛ.
15Ɔ̃ Lua ɛ̀a ò Ablahaũɛ: Nsuli o n naɛ Salai lɔo, nìli oɛ̀ sa Sala.#17.15 Bee mɛ̀ kia nɛnɔɛ 16Má baaadaaagu, mí tó aà nɛ'i gɔ̃ɛ ũ, i gɔ̃ buiɔ dazi ũ. Busu kiaɔ bɔ aà kĩiɛ. 17Ɔ̃ Ablahaũ wùlɛ a gbɛɛu Lua aɛ, à yaalɔ̀ a ò a nɔ̀sɛ guu: Gbɛ̃́ pɔ kà wɛ̃̀ basɔo a nɛ'ie? Lá Sala kà wɛ̃̀ basiiɔ̃kwi, a nɛ'ie? 18Ɔ̃ à ɛ̀a ò Luaɛ: Suɛ! Ǹyɔ̃ Isimaɛla gwa. 19Lua mɛ̀: Seasai n na Sala a nɛ'i gɔ̃ɛ ũ, ní tɔkpaɛ̀ Izaaki.#17.19 Bee mɛ̀ yaalɔ Ma bàa aɔ kuaanɔ ń aà buiɔ gɔɔpiiɛ. 20Isimaɛla yãmusu, ma n yãmà. Má baaadaaagu, a nɛ'i, i kãfĩ maamaa. A nɛgɔ̃ɛɔ i gbɛ̃ɔn kuɛpla, mɛ́ aa gɔ̃ kiaɔ ũ, aà bui i dasikũ. 21Ń beeo ma baakuannɔ a gɔ̃ Izaakiɛɛ. Zii maa'i ɔ̃ Sala a aà i. 22Kɛ́ Lua yã'ò Ablahaũɛ a làa, ɔ̃ à gòaala à tà musu.
23Ɔ̃ Ablahaũ a nɛ Isimaɛla sɛ̀ ń a bɛ gɔ̃ɛ pɔ wà ń í a bɛɔ ń zɔ pɔ wà ń lulùɔ pii, ɔ̃ à tɔ̃zɔ̃̀zɔ̃nɛ́ zĩ́ bee gɔ̃̀ɔ lá Lua òɛwa. 24Ablahaũ kà wɛ̃̀ basɔo mɛndosai, ɔ̃ à gbàsa tɔ̃zɔ̃̀, 25aà nɛ Isimaɛla sɔ̃ wɛ̃̀ kuɛ'aaɔ̃. 26Zĩdoũzĩ ɔ̃ Ablahaũ tɔ̃zɔ̃̀ ń a nɛ Isimaɛlao 27ń gɔ̃ɛ pɔ wà ń í a bɛɔ ń zɔ pɔ wà ń lú buipãleɔwaɔ pii. Aa tɔ̃zɔ̃̀ gɔɔdoũzĩɛ.
Aktuálne označené:
Daa 17: Boo2024
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Boko Bible © SIM International, 2024.