Genesis Iḷitchuqqutit

Iḷitchuqqutit

Atiq Genesis sivuniqaqtuq “aullaqisaaġvigmik.” Makpiġaami quliaqtuaguruq savaagummagnik nunalu qiḷaglu, aullaqisaaŋallu iñuich, isagutisaaġniŋa piḷuutim suli nagliksaaġnaq iḷivaallugman nunami, suli God-im aŋalatchisaagun iñugnik.

Genesis avgusiġñaġumiñaqtuq malġuigullugu:

1) Chapter 1-miñ 11-mun Iñiqtaumman nuna suli sivulliich iñuich iñuuniaġniŋat. Tavrani agliusimarut Adam-kun, Eve-kun, Cain-kun, Abel-kullu, suli Noah-lu, uliqpagmallu, Nasiqsruġviŋalu Babylon.

2) Chapter 12-miñ 50-mun Iñuuniŋat sivulliich maŋŋuuruat Israel-gum kiŋuvaaŋiññun. Sivulliġivlugu Abraham, iḷisimanaqtitchiŋaruaq ukpiġunmiñik suli kamakkutimiñik God-auruamun. Tugliġivlugich quliaqtuaguruat iġñiŋagun Isaac-kun, suli tutaaluagun Jacob-kun (tairauŋammiruakun Israel-mik), suli Jacob qulit malġuuruat iġñiŋich, aullaġniisaaguŋaruat qulit malġuuruat maŋŋuuvlutiŋ Israel-gum kiŋuvaaŋiññun. Nalunaigivlugu iḷaŋat iġñiŋisa, Joseph, suli nalautittuatigun Jacob-lu allallu iġñiŋich qitunġaqtuummaġmik iñuuniaġniksraŋatigun Egypt-mi.

Una makpiġaaq quliaqtuagugaluaqtuq iñuktigun, nuimałhaaqtut quliaqtuat God-im savaaġiraŋich. Isagutisaaŋaruq nalupqinaiyaqługu God savaŋatilaaŋanik nunamiglu qiḷagmiglu, aasii aqulliqsaaŋavluni unniqsuqłiiñmik God sivunmun qaunaksrisiqaġniaqtilaaŋa iñugmiñun. Makpiġaaq naalġataqługu tavra God ilaa quliaqtuaguruq, isivġiiruaq suli tatavsaqługich killuġmik savaaqaqtuat, aullativlugich suli ikayuqługich iñugirani, suli qanuq iñuutqutilaaŋich iḷisimapkaqługich. Taamna utuqqauruaq makpiġaaq aglaaguŋaruq agliutisaqługu iñuich ukpiġutaat suli sivunmun ukpiġutaat igliqtitquvlugu.

Avgutit

Savaagummagnik nunalu qiḷaglu suli iñuich 1.1—2.25

Isagutisaaġniŋa piḷuutim suli nagliksaaġutim 3.1-24

Adam-miñaglaan Noah-mun 4.1—5.32

Noah-lu uliqpagmallu 6.1—10.32

Nasiqsruġviŋa Babylon 11.1-9

Shem-miñaglaan Abram-mun 11.10-32

Qaukłiuruat: Abraham-lu, Isaac-lu, Jacob-lu 12.1—35.29

Kiŋuvaaŋich Esau-m 36.1-43

Joseph suli aniqatiiŋich 37.1—45.28

Israel-gum kiŋuvaaŋich Egypt-miinmata 46.1—50.26

Aktuálne označené:

Genesis Iḷitchuqqutit: INUPIAQ

Zvýraznenie

Zdieľať

Kopírovať

Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás

Iñupiatun Mumiksat Uqalugiksuat (North Slope Iñupiaq Bible) © American Bible Society.

Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:

American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)

Zistiť viac o Iñupiatun Mumiksat Uqalugiksuat