Yohani 5
5
U Yesu akumupozya umuntu pachiziba
1Pisinda pache u Yesu akabuka mu Yelusalemu ku lusekelo ulwa Chiyuda. 2Mu Yelusalemu mulamula papipi nu Mulyango uwa Ng'ozi mukaba ichiziba#5.2 papipi nu…ichiziba: Pamo papipi ni Chiziba icha Ng'ozi…pabuzilo. chicho chikazyunguliliwa ni ntanda fayivi, chicho mu Chihebeli bakatinji Betizada#5.2 Betizada: Amasimbo ghamo aghakale ghasimbite ukuti Betisayida. 3Muntanda zila mukalambalala abantu abinji nkani ababine, abafwamaso, babo bafuye ivinama na balemazu.#5.3: Amasimbo ghamo aghakale ghonjelezya: 3b-4 Abene bakalindililagha ukuti amizi ghayingane, pakuti akabalilo akinji uwantumi uwakumwanya uwa Mwene akikilagha muchiziba mula nukuyingannya amizi. Umubine uwakwanda yuyo adwibamo bo amizi ghakuyingana akapolagha ububine bwache bosi bubo akaba nabo. 5Pakasi pabantu ababine bala, akabapo yumo yuyo akabinagha amaka 38. 6Bo u Yesu amwennya alambalaye nukumanya ukuti abina akabalilo akatali nkani, akamulalusya akati, “Nkimba ukulonda pakupola?”
7Umubine yula akamula akati, “Wee Mwene, inte nu muntu uwakundwibika muchiziba ichi bo amizi ghakuyingana. Pakuti bo nkuti indwibemo, nkwagha uyunji adwibitemo kale.”
8U Yesu akamubuzya akati, “Nyamuka, nyamula ichibonde chako, endagha.” 9Panapo na panapo umuntu yula akapola, akanyamula ichibonde chache nukwanda pakwenda.
Zinizi zikabombiwa Pisiku Ilyakutuzya, 10#Neh. 13.19; Yel. 17.21po abalaghili aba Chiyuda bakamubuzya umuntu yuyo akapola ukuti, “Ilelo Lisiku Ilyakutuzya, sona Indaghilo zyitu zitakwitikizya ukuti unyamule ichibonde chako.” 11Akabamula akati, “Umuntu yuyo akampozya akambuzya akati, ‘Nyamula ichibonde chako, endagha.’ ”
12Bakamulalusya bakati, “Muntu wenu yuyo akubuzizye ukuti unyamule ichibonde chako nukwenda?”
13Loli umuntu yuyo akapola atakamumanya umuntu yuyo akamupozya pachifukwa ichakuti u Yesu akepapo pakuti pabuzilo bula pakaba ichilundilo icha bantu.
14Pisinda pache u Yesu akamwagha mu Nyumba iya Chala nukumubuzya ukuti, “Ivwa kuno, ilelo wapola, utakabombe sona imbibi, ukuti ichintu chimo ichibibi chingakuwila.”
15Umuntu yula akabuka nukubabuzya abalaghili aba Chiyuda ukuti umuntu yuyo akampozya akaba we Yesu. 16Po aba Yuda bakanda pakumuvwima u Yesu pachifukwa ichakuti akabomba imbombo iyakupozya iyi Pisiku Ilyakutuzya. 17U Yesu akabamula akati, “U Tata akubomba imbombo akabalilo kosi, po nane bulo imbaghiye pakubomba imbombo.”
18Pachifukwa ichi, abalaghili aba Chiyuda bakalondagha nkani pakumughogha u Yesu pakuti chitakaba chifukwa chene ichakuti akanangannya ululaghilo ulwa Isiku Ilyakutuzya, loli pachifukwa ichakunena ukuti u Chala akaba we wise, po pakubomba bunubu akipela mwene ukuyana nu Chala.
Ubulaghili ubwa Mwana uwa Chala
19Po u Yesu akabamula akati, “Naloli nkubabuzya ukuti u Mwana atangabomba nachimo pamwene. Loli akubomba zyene zizyo ennya Uwise akubomba. Pakuti zizyo Uwise akubomba zyo zizyo u Mwana wepe akubomba. 20Pakuti Uwise amughanite u Mwana nukumulanjizya vyosi vivyo akubomba umwenecho. Akwiza pakumulanjizya ni mbombo inkulu nkani ukuchila na zinizi, po mwebosi mukwiza pakuswigha. 21Ngati mumo Uwise akuzyusizya abafwe nukubapa ubumi, umwakuyana bulo wepe u Mwana akubapa ubumi babo akulonda ukubapa. 22Uwise atakumulonga nayumo umuntu, loli amupiye u Mwana ubulaghili bosi ubwakulongela, 23ukuti bosi bamuchindikaye u Mwana ukuyana namumo bakumuchindikila Uwise. Umuntu wesi yuyo atakumuchindika u Mwana, atakumuchindika nu Wise bulo yuyo akamutuma.
24“Naloli nkubabuzya ukuti bosi babo bakwivwa amazyu ghane nukumusubila yuyo akantuma, bali nubumi ubwa bwila na bwila. Batakwiza pakulongiwa, loli balobokako kubufwe nukwinjila mubumi. 25Naloli nkubabuzya ukuti akabalilo kakwiza, sona kizite kale, kako abafwe bakwiza pakwivwa izyu ilya Mwana uwa Chala, po bosi babo bakulyivwa bakwiza pakuba nubumi. 26Ngati mumo Uwise mbwibwi iyabumi, umwakuyana bulo amupeleye nu Mwana wache pakuba mbwibwi iyabumi. 27Sona amupiye nu Mwana ubulaghili ubwakulongela pakuti we Mwana uwa Muntu. 28Mutakaswighaye pachinichi, akabalilo kakwiza kako bosi abafwe bakwiza pakwivwa izyu lyache, 29#Dan. 12.2nukwepamo mumapumpa ghabo. Bosi babo babombite inyiza bakwiza pakuzyuka kubufwe nukuba nubumi, sona babo babombite imbibi bakwiza pakuzyuka kubufwe nukulongiwa.”
Abasimiki aba Yesu
30“Intangabomba nachimo pane mwene. Nkulonga bulo namumo u Chala akumbuzizya, po ubulongi bwane bwanaloli pakuti intakubomba ubwighane bwane, loli ubwighane ubwa yuyo akantuma.
31“Nanti nkwisimikizya nemwene, ulusimikizyo lwane lute lwanaloli. 32Loli alipo yumo uwakunsimikizya, sona inzimenye ukuti ulusimikizyo lwache lulo akunsimikizya lwanaloli. 33#Yoh. 1.19-27, 3.27-30Amwe mukatuma intumi kwa Yohani Uwalozyo, po umwene ulusimikizyo lwache lukaba lwanaloli. 34Kute kokuti nkweghamila ulusimikizyo ulwa muntu, loli nkubabuzya zinizi ukuti mupokiwe. 35U Yohani akaba ngati yo nyale, yiyo yikaka nukulama, sona mukalondagha ukwilagha ulukozyo lwache pakabalilo akanandi bulo. 36Loli ulusimikizyo lulo indi nalo lukulu ukuchila ulwa Yohani. Pakuti imbombo zizyo Utata wane akampa ukuti imalizye, imbombo zizyo indi pakubomba, zyo zizyo zikusimikizya ukuti Utata antumite. 37#Mat. 3.17; Mlko. 1.11; Luk. 3.22Sona Utata yuyo akantuma weyuyo akunsimikizya. Amwe mutivuyepo nalumolumo izyu lyache, pamo ukuchennyapo icheni chache, 38lyope nizyu lyache litalimo mumwinyu pakuti mutakumusubila yuyo akamutuma. 39Mukumanyila akiza Amasimbo pakuti mukwinong'ona ukuti momumo mukwiza pakubwaghamo ubumi ubwa bwila na bwila. Po Amasimbo ghanagha gho ghagho ghakunsimikizya. 40Loli amwe mukukana ukwiza kukwane ukuti mubanje nubumi.
41“Intakulonda amapalo agha bantu. 42Loli imbamenye namumo mubeleye, sona inzimenye ukuti mutamughanite u Chala mumoyo ghinyu. 43Ane nizite nu bulaghili ubwa Tata wane, loli amwe mutampokelite. Loli nanti yumo akwizila mubulaghili ubwache nu bwache, amwe mukwiza pakumpokela. 44Nkimba mungasubila bulibuli, nanti mukuchindinkana mwebenebene, loli mutakwiyula pakuba nu muchizi uwakufuma kwa Chala mwene na mwene bulo? 45Mutakinong'onaye ukuti ane nkwiza pakubasusya kwa Tata, awe. U Mozesi yuyo mukumusubila, weyuyo akwiza pakubasusya amwe. 46Nanti mwamusubiye u Mozesi, ngali mwansubiye nane pakuti umwene asimbite nizya ane. 47Loli nanti mutakuzisubila zizyo akasimba, nkimba po mungazisubila bulibuli zizyo nkunena?”
Aktuálne označené:
Yohani 5: LMBNT2016
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Zistiť viac o Ulufingo UlupyaYohani 5
5
U Yesu akumupozya umuntu pachiziba
1Pisinda pache u Yesu akabuka mu Yelusalemu ku lusekelo ulwa Chiyuda. 2Mu Yelusalemu mulamula papipi nu Mulyango uwa Ng'ozi mukaba ichiziba#5.2 papipi nu…ichiziba: Pamo papipi ni Chiziba icha Ng'ozi…pabuzilo. chicho chikazyunguliliwa ni ntanda fayivi, chicho mu Chihebeli bakatinji Betizada#5.2 Betizada: Amasimbo ghamo aghakale ghasimbite ukuti Betisayida. 3Muntanda zila mukalambalala abantu abinji nkani ababine, abafwamaso, babo bafuye ivinama na balemazu.#5.3: Amasimbo ghamo aghakale ghonjelezya: 3b-4 Abene bakalindililagha ukuti amizi ghayingane, pakuti akabalilo akinji uwantumi uwakumwanya uwa Mwene akikilagha muchiziba mula nukuyingannya amizi. Umubine uwakwanda yuyo adwibamo bo amizi ghakuyingana akapolagha ububine bwache bosi bubo akaba nabo. 5Pakasi pabantu ababine bala, akabapo yumo yuyo akabinagha amaka 38. 6Bo u Yesu amwennya alambalaye nukumanya ukuti abina akabalilo akatali nkani, akamulalusya akati, “Nkimba ukulonda pakupola?”
7Umubine yula akamula akati, “Wee Mwene, inte nu muntu uwakundwibika muchiziba ichi bo amizi ghakuyingana. Pakuti bo nkuti indwibemo, nkwagha uyunji adwibitemo kale.”
8U Yesu akamubuzya akati, “Nyamuka, nyamula ichibonde chako, endagha.” 9Panapo na panapo umuntu yula akapola, akanyamula ichibonde chache nukwanda pakwenda.
Zinizi zikabombiwa Pisiku Ilyakutuzya, 10#Neh. 13.19; Yel. 17.21po abalaghili aba Chiyuda bakamubuzya umuntu yuyo akapola ukuti, “Ilelo Lisiku Ilyakutuzya, sona Indaghilo zyitu zitakwitikizya ukuti unyamule ichibonde chako.” 11Akabamula akati, “Umuntu yuyo akampozya akambuzya akati, ‘Nyamula ichibonde chako, endagha.’ ”
12Bakamulalusya bakati, “Muntu wenu yuyo akubuzizye ukuti unyamule ichibonde chako nukwenda?”
13Loli umuntu yuyo akapola atakamumanya umuntu yuyo akamupozya pachifukwa ichakuti u Yesu akepapo pakuti pabuzilo bula pakaba ichilundilo icha bantu.
14Pisinda pache u Yesu akamwagha mu Nyumba iya Chala nukumubuzya ukuti, “Ivwa kuno, ilelo wapola, utakabombe sona imbibi, ukuti ichintu chimo ichibibi chingakuwila.”
15Umuntu yula akabuka nukubabuzya abalaghili aba Chiyuda ukuti umuntu yuyo akampozya akaba we Yesu. 16Po aba Yuda bakanda pakumuvwima u Yesu pachifukwa ichakuti akabomba imbombo iyakupozya iyi Pisiku Ilyakutuzya. 17U Yesu akabamula akati, “U Tata akubomba imbombo akabalilo kosi, po nane bulo imbaghiye pakubomba imbombo.”
18Pachifukwa ichi, abalaghili aba Chiyuda bakalondagha nkani pakumughogha u Yesu pakuti chitakaba chifukwa chene ichakuti akanangannya ululaghilo ulwa Isiku Ilyakutuzya, loli pachifukwa ichakunena ukuti u Chala akaba we wise, po pakubomba bunubu akipela mwene ukuyana nu Chala.
Ubulaghili ubwa Mwana uwa Chala
19Po u Yesu akabamula akati, “Naloli nkubabuzya ukuti u Mwana atangabomba nachimo pamwene. Loli akubomba zyene zizyo ennya Uwise akubomba. Pakuti zizyo Uwise akubomba zyo zizyo u Mwana wepe akubomba. 20Pakuti Uwise amughanite u Mwana nukumulanjizya vyosi vivyo akubomba umwenecho. Akwiza pakumulanjizya ni mbombo inkulu nkani ukuchila na zinizi, po mwebosi mukwiza pakuswigha. 21Ngati mumo Uwise akuzyusizya abafwe nukubapa ubumi, umwakuyana bulo wepe u Mwana akubapa ubumi babo akulonda ukubapa. 22Uwise atakumulonga nayumo umuntu, loli amupiye u Mwana ubulaghili bosi ubwakulongela, 23ukuti bosi bamuchindikaye u Mwana ukuyana namumo bakumuchindikila Uwise. Umuntu wesi yuyo atakumuchindika u Mwana, atakumuchindika nu Wise bulo yuyo akamutuma.
24“Naloli nkubabuzya ukuti bosi babo bakwivwa amazyu ghane nukumusubila yuyo akantuma, bali nubumi ubwa bwila na bwila. Batakwiza pakulongiwa, loli balobokako kubufwe nukwinjila mubumi. 25Naloli nkubabuzya ukuti akabalilo kakwiza, sona kizite kale, kako abafwe bakwiza pakwivwa izyu ilya Mwana uwa Chala, po bosi babo bakulyivwa bakwiza pakuba nubumi. 26Ngati mumo Uwise mbwibwi iyabumi, umwakuyana bulo amupeleye nu Mwana wache pakuba mbwibwi iyabumi. 27Sona amupiye nu Mwana ubulaghili ubwakulongela pakuti we Mwana uwa Muntu. 28Mutakaswighaye pachinichi, akabalilo kakwiza kako bosi abafwe bakwiza pakwivwa izyu lyache, 29#Dan. 12.2nukwepamo mumapumpa ghabo. Bosi babo babombite inyiza bakwiza pakuzyuka kubufwe nukuba nubumi, sona babo babombite imbibi bakwiza pakuzyuka kubufwe nukulongiwa.”
Abasimiki aba Yesu
30“Intangabomba nachimo pane mwene. Nkulonga bulo namumo u Chala akumbuzizya, po ubulongi bwane bwanaloli pakuti intakubomba ubwighane bwane, loli ubwighane ubwa yuyo akantuma.
31“Nanti nkwisimikizya nemwene, ulusimikizyo lwane lute lwanaloli. 32Loli alipo yumo uwakunsimikizya, sona inzimenye ukuti ulusimikizyo lwache lulo akunsimikizya lwanaloli. 33#Yoh. 1.19-27, 3.27-30Amwe mukatuma intumi kwa Yohani Uwalozyo, po umwene ulusimikizyo lwache lukaba lwanaloli. 34Kute kokuti nkweghamila ulusimikizyo ulwa muntu, loli nkubabuzya zinizi ukuti mupokiwe. 35U Yohani akaba ngati yo nyale, yiyo yikaka nukulama, sona mukalondagha ukwilagha ulukozyo lwache pakabalilo akanandi bulo. 36Loli ulusimikizyo lulo indi nalo lukulu ukuchila ulwa Yohani. Pakuti imbombo zizyo Utata wane akampa ukuti imalizye, imbombo zizyo indi pakubomba, zyo zizyo zikusimikizya ukuti Utata antumite. 37#Mat. 3.17; Mlko. 1.11; Luk. 3.22Sona Utata yuyo akantuma weyuyo akunsimikizya. Amwe mutivuyepo nalumolumo izyu lyache, pamo ukuchennyapo icheni chache, 38lyope nizyu lyache litalimo mumwinyu pakuti mutakumusubila yuyo akamutuma. 39Mukumanyila akiza Amasimbo pakuti mukwinong'ona ukuti momumo mukwiza pakubwaghamo ubumi ubwa bwila na bwila. Po Amasimbo ghanagha gho ghagho ghakunsimikizya. 40Loli amwe mukukana ukwiza kukwane ukuti mubanje nubumi.
41“Intakulonda amapalo agha bantu. 42Loli imbamenye namumo mubeleye, sona inzimenye ukuti mutamughanite u Chala mumoyo ghinyu. 43Ane nizite nu bulaghili ubwa Tata wane, loli amwe mutampokelite. Loli nanti yumo akwizila mubulaghili ubwache nu bwache, amwe mukwiza pakumpokela. 44Nkimba mungasubila bulibuli, nanti mukuchindinkana mwebenebene, loli mutakwiyula pakuba nu muchizi uwakufuma kwa Chala mwene na mwene bulo? 45Mutakinong'onaye ukuti ane nkwiza pakubasusya kwa Tata, awe. U Mozesi yuyo mukumusubila, weyuyo akwiza pakubasusya amwe. 46Nanti mwamusubiye u Mozesi, ngali mwansubiye nane pakuti umwene asimbite nizya ane. 47Loli nanti mutakuzisubila zizyo akasimba, nkimba po mungazisubila bulibuli zizyo nkunena?”
Aktuálne označené:
:
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Zistiť viac o Ulufingo Ulupya