Juan 16
16
1“Nibagac diyan dakayun tasun awan nad kuma pakakumsaan nu gapu kadiya mapasamac dakayu. 2Ta ilaskig dakayu nad iya pannakigimung nu kadiya gigimungan da. Ngarud, umbe̍t nad ya timpu nga diya orey nagan na nga pumatey dakayu, ibilang da met nga panangidayaw da kanu e̍ Apu Diyus ya panangpatey da dakayu. 3Agten kadiyan ngarud ya wanglen da nad dakayu, ta madi da met em-emmu ya Ama winno iyaken. 4Tutu met nga mapasamac nad diyan, ngem nibagac dakayun tasun nad no dumateng da dakayu, malagip nu kuma nga nibagac dan dakayu. Madic nipakaemmu diyan dakayu ito damu, gapu ta uwed dac pekkem itun dakayu.”
Ya gagara niya Ispiritu Santu
5“Ngem ita, pumanaw wac kun nga sumoli iya edyan niya nangibon iyaken. Ket dakayu, madi kayu met gabay nga emmuwen iyaken ya kapennac kun. 6Lumdaang kayu nga gennung gapu kadiyan nga nibagac dakayun. 7Ngem ibagac ya pudnu dakayu: Nabarbaru met para dakayu no pumanaw wac. Ta no madi yac pumanaw, madi met umbe̍t dakayu ya Mamagbaga. Ngem no pumanaw wac kun, ibon ku mettas dakayu. 8Ket nad no umbe̍t ya Mamagbaga ngin, ipakaemmu na kadiya toltoley ya kinapudnu maipanggep iya kinamanagbasul da, se̍ maipanggep iya kinalinteg nga ibilin ne̍ Apu Diyus, se̍ maipanggep iya panangukum na, tasun awan pambar dan. 9Ipakaemmu na ngarud igida ya maipanggep iya basul, gapu ta madi da met gabay ya mamati iyaken. 10Ipakaemmu na met pe̍ igida ya maipanggep iya kinalinteg, gapu ta pudnu met nga iyaken ya nalinteg nga mawe̍ mettas iya Ama. Ket iya agten iyan, madi dac nad ngarud masingen nin. 11Ket ipakaemmu na nad met pe̍ ya maipanggep iya panangukum, ta naukum met nga tutu win ya agituray idi nga lubung.
12“Adu pekkem ya gabay ku nga ipakaemmu kuma dakayu, ngem madi kayu pekkem kabaellan ita. 13Ngem nad no umbe̍t ya Ispiritu Santu win, gagara na ya mangipakaemmu iya kinapudnu maipanggep e̍ Apu Diyus. Itu nga igina nad ya mangiturung dakayu tasun maawatan nu ya amin nga kinapudnu. Pudnu ngarud ya ipakaemmu na, ta madi nad mangisuru ka kabucbukudan na nga sursuru, no di lugud isuru na nad diya naitalec igina. Ket ipakaemmu na nad pe̍ dakayu diya sumarunu nga mapasamac. 14Iyaken nad ya ipadayaw na dakayu, ta diya gabay ku nga ibaga dakayu, itu mettas ya ipakaemmu na nad dakayu. 15Ta awan met ipaidam niya Ama iyaken, itu nga kinunec nga ipakaemmu nad niya Ispiritu Santu diya gabay ku nga ibaga dakayu.”
Mona ya pakaldaangan, se̍ nad ya pakaanggemman
16Ket kinunen manin ne̍ Je̍sus, “Tutu met nga iya di mabayag, madi dac masingen nin, ngem kalpasan mettas niya e̍teng nga timpu, masingen dac nad manin,” kunen na.
17Ket uwed da dito adalan na nga kinunen da kadiya kabulun da, “Nagan kid ya kayat na nga kagiyen iya nibaga na nga, iya di mabayag, madi tida kanu masingen nin, ngem kalpasan kanu mettas niya e̍teng nga timpu, masingen tida nad manin? Se̍ nagan na kid pe̍ ya kayat na nga kagiyen to kinagi na nga gapu kanu ta mawe̍ iya Ama?” kunen da.
18Ket nagsisinnaludsud da pe̍ nga kinunen da, “Nagan kid ya kayat na nga kagiyen ito kinunen na, ‘iya di mabayag’? Madi tida ngarud maawatan ya ibagbaga na!” kunen da.
19Ket e̍ Je̍sus, emmu na nga gabay da nga pagsaludsudan, itu nga kinunen na igida, “Ape̍ nga agsisinnaludsud kayu mettin gapu ito kagic nga, ‘Iya di mabayag, madi dac masingen nin, ngem kalpasan mettas niya e̍teng nga timpu, masingen dac nad manin’? 20Ibagac dakayun ya kinapudnu na: Uwed nad ngarud pagberberritan se̍ pagladingitan nu. Ngem diya bekken nga mamati, aganggem da nad mettin. Ngarud, lumdaang nad kayu. Ngem masukatan nad mettas ya leddaang nu ka anggem. 21Arig kayu nad met nga babey nga agpakiskis, ta uwed ngarud ya pakadanagan na no nadatnganin ya panaganac na. Ngem no naiyanac na ya bucsit nan, nale̍pananin niya babey to rigat nan, gapu ta anggemman na ngarudin ya naiyanac na nga ke̍bit. 22Ket agten kayu met pe̍ iyan, ta uwed leddaang nu ita. Ngem agsisingen tida nad manin, ket aganggem kayu nad ngarudin. Ket awan makaipac nad iyan nga anggem nun.”
Ya Ama ya pagkararagan tidan gapu iya kinaturay ne̍ Je̍sus
23“Ket nad mettin, bekken nga iyaken ya pagadngan nun. Ta ya kinapudnu na, ya Ama mettas nad ya pagadngan nun, ket ipaay na ngarud ya orey nagan na nga adngen nu igina nga sipapati kayu iya kinaturay ku. 24Agingga ita, madi kayu pekkem agadeng igina nga sipapati kayu iya kinaturay ku. Ngem manipud ita, basta agadeng kayun gapu iya kinaturay ku. Ket maipaayan kayu ngarud, tasun yan nas anggem kuma ya uwed dakayu.
25“Pangngarig dito panursuruc dakayu. Ngem nad mettas, bekken nga pangngarig ya panursuruc dakayun, ta ipakaemmuc nad nga silawlawag dakayu ya maipanggep iya Ama. 26Ket iyan nad nga timpu, dakayu ngarud ya agadeng igina gapu iya kinaturay ku. Ket madi nad masapulin nga iyaken ya agadeng igina ka para dakayu. 27Ta ya Ama mettas pe̍ ya mangayat dakayu, gapu ta ayaten dac se̍ gapu ta patiyen nu nga naggayat tac nga tutu igina. 28Ngarud, ya Ama met ya naggayatac nga tutu ito inumbe̍t tac idi nga lubung. Ket ita, panawac kun ya lubung ngi nga sumoli yac manin iya Ama,” kunen na.
29Ket dito adalan na, kinunen da igina, “Ay, yan! Bekken nga ya pangngarig ya usarem mun, ta nalawag mettin ya kagkagiyem. 30Ket iya agten iyanin, nalawag dakami itan nga emmum ya amin, ta orey awan pekkem agsaludsud ikew, emmum met nga sigudin ya saludsud da. Ket itu ya pangpatiyan min nga naggayat ka nga tutu e̍ Apu Diyus,” kunen da.
31Ket kinunen ne̍ Je̍sus igida, “Tutu kad? Uwed kad panamati nu ita? 32Kinapudnu na, ket madatngan nad ya ipapanaw nu iyaken. Ket ita nga tutu ya timpu nan, nga mawarawara kayu nga aminin. Ket tunggal isa dakayu, agtalew ngarud nga mawe̍ iya mismu nga babaley nun. Ket iyaken, panawan dac kun nga is-isa. Ngem orey agten iyan, bekken nac nga mabaybay-an nga is-isa, ta uwed met iyaken ya Ama.
33“Nibagac didi dakayu ita, tasun gapu nad mettas iya panamati nu iyaken, uwed pekkem talna nu. Ta idi nga lubung, maparigatan kayu was met. Ngem agtalged kayu lugud, ta iyaken, inabac kun ya kinadake̍c nga uwed idi nga lubung!” kunen ne̍ Je̍sus.
Aktuálne označené:
Juan 16: YBT
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
© 1990 New Tribes Mission, Sanford, FL 32771-1487, USA.
Printed in the Philippines.
Juan 16
16
1“Nibagac diyan dakayun tasun awan nad kuma pakakumsaan nu gapu kadiya mapasamac dakayu. 2Ta ilaskig dakayu nad iya pannakigimung nu kadiya gigimungan da. Ngarud, umbe̍t nad ya timpu nga diya orey nagan na nga pumatey dakayu, ibilang da met nga panangidayaw da kanu e̍ Apu Diyus ya panangpatey da dakayu. 3Agten kadiyan ngarud ya wanglen da nad dakayu, ta madi da met em-emmu ya Ama winno iyaken. 4Tutu met nga mapasamac nad diyan, ngem nibagac dakayun tasun nad no dumateng da dakayu, malagip nu kuma nga nibagac dan dakayu. Madic nipakaemmu diyan dakayu ito damu, gapu ta uwed dac pekkem itun dakayu.”
Ya gagara niya Ispiritu Santu
5“Ngem ita, pumanaw wac kun nga sumoli iya edyan niya nangibon iyaken. Ket dakayu, madi kayu met gabay nga emmuwen iyaken ya kapennac kun. 6Lumdaang kayu nga gennung gapu kadiyan nga nibagac dakayun. 7Ngem ibagac ya pudnu dakayu: Nabarbaru met para dakayu no pumanaw wac. Ta no madi yac pumanaw, madi met umbe̍t dakayu ya Mamagbaga. Ngem no pumanaw wac kun, ibon ku mettas dakayu. 8Ket nad no umbe̍t ya Mamagbaga ngin, ipakaemmu na kadiya toltoley ya kinapudnu maipanggep iya kinamanagbasul da, se̍ maipanggep iya kinalinteg nga ibilin ne̍ Apu Diyus, se̍ maipanggep iya panangukum na, tasun awan pambar dan. 9Ipakaemmu na ngarud igida ya maipanggep iya basul, gapu ta madi da met gabay ya mamati iyaken. 10Ipakaemmu na met pe̍ igida ya maipanggep iya kinalinteg, gapu ta pudnu met nga iyaken ya nalinteg nga mawe̍ mettas iya Ama. Ket iya agten iyan, madi dac nad ngarud masingen nin. 11Ket ipakaemmu na nad met pe̍ ya maipanggep iya panangukum, ta naukum met nga tutu win ya agituray idi nga lubung.
12“Adu pekkem ya gabay ku nga ipakaemmu kuma dakayu, ngem madi kayu pekkem kabaellan ita. 13Ngem nad no umbe̍t ya Ispiritu Santu win, gagara na ya mangipakaemmu iya kinapudnu maipanggep e̍ Apu Diyus. Itu nga igina nad ya mangiturung dakayu tasun maawatan nu ya amin nga kinapudnu. Pudnu ngarud ya ipakaemmu na, ta madi nad mangisuru ka kabucbukudan na nga sursuru, no di lugud isuru na nad diya naitalec igina. Ket ipakaemmu na nad pe̍ dakayu diya sumarunu nga mapasamac. 14Iyaken nad ya ipadayaw na dakayu, ta diya gabay ku nga ibaga dakayu, itu mettas ya ipakaemmu na nad dakayu. 15Ta awan met ipaidam niya Ama iyaken, itu nga kinunec nga ipakaemmu nad niya Ispiritu Santu diya gabay ku nga ibaga dakayu.”
Mona ya pakaldaangan, se̍ nad ya pakaanggemman
16Ket kinunen manin ne̍ Je̍sus, “Tutu met nga iya di mabayag, madi dac masingen nin, ngem kalpasan mettas niya e̍teng nga timpu, masingen dac nad manin,” kunen na.
17Ket uwed da dito adalan na nga kinunen da kadiya kabulun da, “Nagan kid ya kayat na nga kagiyen iya nibaga na nga, iya di mabayag, madi tida kanu masingen nin, ngem kalpasan kanu mettas niya e̍teng nga timpu, masingen tida nad manin? Se̍ nagan na kid pe̍ ya kayat na nga kagiyen to kinagi na nga gapu kanu ta mawe̍ iya Ama?” kunen da.
18Ket nagsisinnaludsud da pe̍ nga kinunen da, “Nagan kid ya kayat na nga kagiyen ito kinunen na, ‘iya di mabayag’? Madi tida ngarud maawatan ya ibagbaga na!” kunen da.
19Ket e̍ Je̍sus, emmu na nga gabay da nga pagsaludsudan, itu nga kinunen na igida, “Ape̍ nga agsisinnaludsud kayu mettin gapu ito kagic nga, ‘Iya di mabayag, madi dac masingen nin, ngem kalpasan mettas niya e̍teng nga timpu, masingen dac nad manin’? 20Ibagac dakayun ya kinapudnu na: Uwed nad ngarud pagberberritan se̍ pagladingitan nu. Ngem diya bekken nga mamati, aganggem da nad mettin. Ngarud, lumdaang nad kayu. Ngem masukatan nad mettas ya leddaang nu ka anggem. 21Arig kayu nad met nga babey nga agpakiskis, ta uwed ngarud ya pakadanagan na no nadatnganin ya panaganac na. Ngem no naiyanac na ya bucsit nan, nale̍pananin niya babey to rigat nan, gapu ta anggemman na ngarudin ya naiyanac na nga ke̍bit. 22Ket agten kayu met pe̍ iyan, ta uwed leddaang nu ita. Ngem agsisingen tida nad manin, ket aganggem kayu nad ngarudin. Ket awan makaipac nad iyan nga anggem nun.”
Ya Ama ya pagkararagan tidan gapu iya kinaturay ne̍ Je̍sus
23“Ket nad mettin, bekken nga iyaken ya pagadngan nun. Ta ya kinapudnu na, ya Ama mettas nad ya pagadngan nun, ket ipaay na ngarud ya orey nagan na nga adngen nu igina nga sipapati kayu iya kinaturay ku. 24Agingga ita, madi kayu pekkem agadeng igina nga sipapati kayu iya kinaturay ku. Ngem manipud ita, basta agadeng kayun gapu iya kinaturay ku. Ket maipaayan kayu ngarud, tasun yan nas anggem kuma ya uwed dakayu.
25“Pangngarig dito panursuruc dakayu. Ngem nad mettas, bekken nga pangngarig ya panursuruc dakayun, ta ipakaemmuc nad nga silawlawag dakayu ya maipanggep iya Ama. 26Ket iyan nad nga timpu, dakayu ngarud ya agadeng igina gapu iya kinaturay ku. Ket madi nad masapulin nga iyaken ya agadeng igina ka para dakayu. 27Ta ya Ama mettas pe̍ ya mangayat dakayu, gapu ta ayaten dac se̍ gapu ta patiyen nu nga naggayat tac nga tutu igina. 28Ngarud, ya Ama met ya naggayatac nga tutu ito inumbe̍t tac idi nga lubung. Ket ita, panawac kun ya lubung ngi nga sumoli yac manin iya Ama,” kunen na.
29Ket dito adalan na, kinunen da igina, “Ay, yan! Bekken nga ya pangngarig ya usarem mun, ta nalawag mettin ya kagkagiyem. 30Ket iya agten iyanin, nalawag dakami itan nga emmum ya amin, ta orey awan pekkem agsaludsud ikew, emmum met nga sigudin ya saludsud da. Ket itu ya pangpatiyan min nga naggayat ka nga tutu e̍ Apu Diyus,” kunen da.
31Ket kinunen ne̍ Je̍sus igida, “Tutu kad? Uwed kad panamati nu ita? 32Kinapudnu na, ket madatngan nad ya ipapanaw nu iyaken. Ket ita nga tutu ya timpu nan, nga mawarawara kayu nga aminin. Ket tunggal isa dakayu, agtalew ngarud nga mawe̍ iya mismu nga babaley nun. Ket iyaken, panawan dac kun nga is-isa. Ngem orey agten iyan, bekken nac nga mabaybay-an nga is-isa, ta uwed met iyaken ya Ama.
33“Nibagac didi dakayu ita, tasun gapu nad mettas iya panamati nu iyaken, uwed pekkem talna nu. Ta idi nga lubung, maparigatan kayu was met. Ngem agtalged kayu lugud, ta iyaken, inabac kun ya kinadake̍c nga uwed idi nga lubung!” kunen ne̍ Je̍sus.
Aktuálne označené:
:
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
© 1990 New Tribes Mission, Sanford, FL 32771-1487, USA.
Printed in the Philippines.