Juan 6
6
To panangpakan ne̍ Je̍sus ka nasuruc nga
lima nga ribu nga toley
Mat. 14:13-21; Mar. 6:30-44; Luk. 9:10-17
1Iya name̍nsan kalpasan niyan, dimelmang de̍ Je̍sus ito baybay ka Galilya nga maawagan ka Baybay nga Tibe̍riyas. 2Ket nakad-adu diya toley nga sumursurut e̍ Je̍sus, gapu ta nasingen da dito nakaskasdaaw nga inariman na ito pinalaing na diya agsacsakit. 3Ket itun, e̍ Je̍sus se̍ dito adalan na, nanang-at da iya isa nga tageytey, ket nagtugew da antuni. 4Ket dandani itunin ya algew nito padaya diya Hudyu nga maawagan ka Padaya Nitatalib.
5Ket itun, nadlaw ne̍ Je̍sus nga uwed mettin nakad-adu nga toltoley nga umad-adenni igida. Itu nga kinunen na e̍ Pe̍lipe̍, “Awac kid ya nguminaan tida ka kanen nga makaanay kadidi nga toltoley yin?” kunen na. 6Ngem kinunen nas met ne̍ Je̍sus yan tasun emmuwen na no nagan ya makunen ne̍ Pe̍lipe̍. Ta kinapudnu na, sigud nga emmu itunin ne̍ Je̍sus ya wanglen na.
7Ket kinunen ne̍ Pe̍lipe̍, “Bayay! Madi met umanay ya orey rinibu nga pisus, nga ingina ka tinapay nga pagbibingayan da, orey ngas no sagae̍teng da,” kunen na.
8Ket e̍ Andre̍s nga isa pe̍ kadito adalan ne̍ Je̍sus, nga kabsat ne̍ Simon Pe̍dru, kinunen na e̍ Je̍sus, 9“Uwed isa nga ebbing nga lalaki idi nga nagpekkel ka lima nga bukel nga tinapay nga se̍bada, se̍ duwa nga lames. Ngem siguradu nga madi umanay diyan para iya agten idi nga kaadu diya toley yin,” kunen na.
10Ket e̍ Je̍sus, nibaga na igida, “Pagtugawen nu diya toltoley, a,” kunen na. Dikad pe̍ pinagtugew da ngarud dito toltoley ito karucruutan. Ket ya bilang ngas dito manacman nga lalaki, ket aglima nga ribu.
11Ket e̍ Je̍sus, nimet na dito tinapay, se̍ nagyaman e̍ Apu Diyus. Kalpasan na, pinaiwaras na to tinapay kadito nakatugew nga toltoley. Agten pe̍ iyan to namaayan na kadito lames. Ket nakaanay gayamin, ta nangan dito toltoley patingga ka nabsug da nga tutu.
12Ket ito nabsug da nga aminin, kinunen ne̍ Je̍sus kadito adalan na, “Urnungen nu diya nabuna nga pispisey, ta awan kuma masayang,” kunen na. 13Inurnung da ngarud dito amin nga nabuna, ket napnu met ya sangapulu ket duwa nga lacba iya nabuna nga pispisey da kadito lima nga bukel nga tinapay nga se̍bada, nga buna dito nangan.
14Ket ito nailasin dito toltoley yan nga nakaskasdaaw nga inariman ne̍ Je̍sus, kinunen da iya panagtetebbar da, “Siguradu nga itu yani ya Mammadtu nga naipadtu nga umbe̍t iya lubung ngi!” kunen da.
15Ket e̍ Je̍sus, emmu na nga pangpanggeppen dito toltoley nga piliten da kuma nga isaad nga ari da. Itu nga nagpacni nge̍ Je̍sus nga nawe̍ manin kadiya tagtageytey nga nagis-isa ngin.
To pananalan ne̍ Je̍sus iya sap-ew niya danum
Mat. 14:22-33; Mar. 6:45-52
16Ket ito gumicbet tin, nanagus dito adalan ne̍ Je̍sus ito tageytey, nga nawe̍ da iya baybayin. 17Nagbangka da nga dumelmang, nga mawe̍ da kuma ka Kape̍rnaum. Ta orey nagicbet tin, madi pekkem inumbe̍t nge̍ Je̍sus iya edyan da. 18Ket ito madama da pekkem nga dumeldelmang, mangrugi nga agdawel ya danumin, ta uwed nabileg nga belluutin.
19Ket ito nakadeyyu dito adalan nga aggacgaudin ka lumima winno agennem nga kilume̍tru win, nasingen da met nge̍ Je̍sus nga manmanalan iya sap-ew niya danumin nga umad-adenni iya bangka da. Ket napalaus ngarud ya ansing dan.
20Ket kinunen ne̍ Je̍sus igida, “Madi kayu mansing, ta iyaken met!” kunen na. 21Dikad pe̍ nakaanggem da nga nangilugan igina ito bangka da. Ket sigida nga nakasanglad da iya demmang nga kapennan da.
To panangsapul dito toltoley e̍ Je̍sus
22Ito kadamlag na, uwed pekkem dito toltoley nga nabati enna demmang nito baybay, ket sapsapulen da nge̍ Je̍susin. Nalagip da nga is-isa to bangka nga nakapundu antuni nga nasingen da ito algew nga sacbay niyan. Ket emmu da pe̍ nga madi nakilugan nge̍ Je̍sus kadito adalan na ito bangka. Ditun ngas adalan na ya emmu da nga nawe̍. 23Ket to napasamac, uwed pe̍ duduma nga bangka nga gayat ka ili nga Tibe̍riyas nga simanglad antuni iya denni ito lugar nga nanganan dito toley ito tinapay kalpasan nito panagyaman niya Apu. 24Ket gapu ta nailasin dito nabati nga toltoley nga tutu nga awan antuni nge̍ Je̍sus, se̍ awan pe̍ dito adalan nan, sinakayan da met ditun nga bangka, ket dimelmang da. Ta mawe̍ da sapsapulen nge̍ Je̍sus ka Kape̍rnaum.
E̍ Je̍sus ya pagbiyag
25Ito nasmac dito toltoley nge̍ Je̍sus iya demmang, kinunen da igina, “Mistru, ape̍ nungey ya dimateng mu idi?” kunen da.
26Ket kinunen ne̍ Je̍sus igida, “Pudnu met yani nga ibagac dakayu: Sapsapulen dac ita gapu was ta nangan kayu ito tinapay ket nabsug kayu, bekken met nga gapu ta maawatan nu ya kaipapennan diya pagilasinan nga inariman ku. 27Ala! Gicnaen nu yani! Bekken kuma nga ya pagbiyag nga mapirdi ngas ya ikarigatan nu nga sapulen, no di lugud ya pagbiyag nga madi maamin, nga itu ya mange̍cde̍ ka agnanayun nga biyag. Ya Anac nga Naipatoley, igina mettas ya mangiyawat dakayu iyan nga pagbiyag. Ta nipasingen nin ne̍ Apu Diyus nga Ama nga uwed igina ya turay na,” kunen na.
28Dikad pe̍ sinaludsud dito toley e̍ Je̍sus nga kinunen da, “Nagan ngarud diya masapul nga wanglen mi tasun matungpal mi kuma diya ipawangel ne̍ Apu Diyus?” kunen da.
29Ket kinunen ne̍ Je̍sus, “Idi ya gabay ne̍ Apu Diyus nga wanglen nu: Patiyen nu kuma ngarud ya nibon na,” kunen na.
30Dikad pe̍ kinunen dito toley igina, “No agten iyan, nagan ngarud ya maipasingem nga pagilasinan, tasun no masingen mi, ket mamati kami ikew? Nagan ya mawangel mu? 31Ta dito am-ama tida itun, uwed to maawagan ka mana nga naipakan igida ito uwed da enna away. Itu to naisurat iya Bibliya nga kunen na, ‘Ne̍cdan na da ka pagbiyag da nga kanen da nga gayat ka langit,’” kunen da.
32Dikad pe̍ kinunen ne̍ Je̍sus igida, “Ibagac ya kinapudnu na dakayu: Bekken ngarud nga ito Muyse̍s ya nange̍cde̍ igida ito pagbiyag da nga gayat ka langit itun, no di lugud ya Amac. Tutu met, ket ya Amac, igina met ya mange̍cde̍ dakayu iya pudnu nga pagbiyag nga gayat ka langit. 33Ta ya pagbiyag nga e̍cde̍ ne̍ Apu Diyus, itu ya gayat ka langit nga mange̍cde̍ ka biyag kadiya toltoley idi nga lubung,” kunen na.
34Dikad pe̍ kinunen da igina, “Pe̍yeng nakami kay ngarud nga e̍cdan, apu, ka agten iyan nga pagbiyag,” kunen da.
35Ket e̍ Je̍sus, kinunen na ngarud igida, “Iyaken met yan nga pagbiyag, nga maiyarig ka makan nga pakabiyagan. Itu nga ya umadenni nga sumurut iyaken, madi met mabisinin. Ket ya mamati iyaken, madi pe̍ mewwew win. 36Ngem agten ngarud ito kunec dakayu, ta orey nasingen nun dito pagilasinan nga inar-ariman ku, madi kayu met latta mamati. 37Ngem amin diya toley nga italec niya Ama iyaken, itu diyan diya umadenni nga sumurut iyaken. Ket ya umadenni nga sumurut iyaken, madic ngarud pagtalawen. 38Ta inumbe̍t tac nga gayat ka langit, tasun wanglec ya tarigagayan niya nangibon iyaken, bekken nas nga ya tarigagayac. 39Ket ya tarigagayan niya nangibon iyaken, itu ya madic panangipalubus nga mapukaw ya orey nagan na nga toley kadiya amin nga nitalec na iyaken, no di lugud pagungarec da nga amin nad iya kaodiyan nga algew. 40Ngarud, tarigagay niya Amac nga amin diya makaemmu se̍ mamati iya Anac, mae̍cdan da iya agnanayun nga biyag. Ket pagungarec da nad ngarud iya kaodiyan nga algew win,” kunen na.
41Ket dito Hudyu, nagtagtagobotob da nga silulucsew maipanggep e̍ Je̍sus, gapu ito kinunen na nga igina mettas ya pagbiyag nga naggayat ka langit. 42Ket kinunen da iya panagtagtagobotob da, “Di met itu nge̍ Je̍sus nga anac nito Huse̍? Em-emmu tida met ya ama se̍ ina na. Ape̍ ngarud nga kunen na ita nga inumbe̍t kanu nga gayat ka langit?” kunen da.
43Ket kinunen ne̍ Je̍sus igida, “Madi kayu kuma agtagtagobotob nga masikuran maipanggep iyan. 44Agten idi: Awan makaadenni nga sumurut iyaken no madi awisen nga mona niya Ama nga nangibon iyaken. Ket diya umadenni nga sumurut iyaken, pagungarec da nad ngarud iya kaodiyan nga algew. 45Malagip nu to naisurat iya Bibliya nga kinunen dito mammadtu, ‘Ket igida, sursuruwan nad ne̍ Apu Diyus da nga amin,’ kinunen da itun. Ket tutu met nga amin diya agad-adal se̍ mangipangag e̍ Apu Diyus, umadenni da ngarud nga sumurut iyaken. 46Bekken ku nga kayat nga kagiyen nga uwed toley nga nakasingen nin e̍ Apu Diyus nga Ama. Ta yan nas naggayat e̍ Apu Diyus ya nakasingen igina. 47Pudnu met yani nga kunec: Ya mamati iyaken, uwed iginan ya agnanayun nga biyag.
48“Agten iyan ngarud, ta iyaken ya pagbiyag nga maiyarig ka makan nga pakabiyagan. 49Dito am-ama nu, tutu met nga uwed to pagbiyag da nga maawagan ka mana enna away itun. Ngem orey nangan da iyan, natey da met latta. 50Ngem ya pagbiyag nga ibagac ita nga gennung, itu ya gayat ka langit nga tutu. Ket mabalin nga mangan diya toley idi, ket madi da met matey. 51Iyaken mettas ya pagbiyag nga maiyarig ka pakabiyagan nga naggayat ka langit. Ket ya orey nagan na nga toley nga mangan idi nga pagbiyag nga ipaay ku, agbiyag met ka agnanayun. Ket idi nga pagbiyag, itu mettas ya beggic nga iyawat ku nad tasun uwed pakabiyagan diya toltoley idi nga lubung,” kunen ne̍ Je̍sus.
52Ket dito Hudyu nga naggigicna, nagsisinnungbat dan gapu ito kinunen ne̍ Je̍sus, nga kinunen da, “Kumaan na nga e̍cde̍ nidi nga toley kanu ya beggi na nga kanen tida?” kunen da.
53Itu nga kinunen ne̍ Je̍sus igida, “Ibagac ya pudnu dakayu: Awan dakayu ya agten iyan nga biyag no madi kayu ngarud mangan iya beggi niya Anac nga Naipatoley se̍ uminum iya daga na. 54Ta ya mangan iya beggic se̍ uminum iya dagac, uwed iginan ya biyag nga agnanayun. Ket nad iya kaodiyan nga algew, pagungarec ngarud met. 55Ta pudnu nga pagbiyag ya beggic se̍ dagac. 56Ngarud, ya mangan iya beggic se̍ uminum iya dagac, silalagip iyaken nin. Ket iyaken, silalagip pac met pe̍ yin igina nga pe̍yeng.
57“Agten idi: Ya Ama nga sibibiyag, igina ya nangibon iyaken idi. Ket gapu ta igina ya pagtaudan niya biyag, agbiyag gac met. Ket agten iyan met pe̍ ya toley nga mangan iyaken, ta agbiyag met pe̍ gapu iyaken.
58“Agten iyan ngarud ya kayat ku nga kagiyen nga pagbiyag nga naggayat ka langit. Bekken nga agten ito pagbiyag nga kinan dito am-ama tida itun. Ta orey nangan da, ket natey da mettas. Ngem ya mangan idi nga pagbiyag nga ibagac, agbiyag met ka agnanayun,” kunen na.
59Ket amin didi nga nibaga ne̍ Je̍sus, nibaga na met ito nangisursuru enna gigimungan diya Hudyu ka Kape̍rnaum.
Narigat nga mamati diya duduma e̍ Je̍sus
60Ket ito nagicna dito pasurut ne̍ Je̍sus diyan nga nibaga na, adu da nga nagkunen nga, “Ay! Narigat nga unay ya panursuru na. Awan ngata makaawat kadiyan,” kunen da.
61Ngem e̍ Je̍sus, emmu na nga sigud nga agtantanabotob dito pasurut na gapu ito nibaga na. Itu nga kinunen na igida, “Ape̍ nga makumsa kayu gapu ito kunec? 62Makumsa kayu nad pe̍ aya no masingen nu ya Anac nga Naipatoley nga agpangudu nad nga mawe̍ ito sigud nga edyan na? 63Maemmuwan nu kuma nga madi ngarud makae̍cde̍ ka biyag ya beggi niya toley. Ta yan nas Ispiritu ne̍ Apu Diyus ya makae̍cde̍ ka biyag. Dikad pe̍ dito kinagic dakayu, ket maipanggep met iya Ispiritu ne̍ Apu Diyus, se̍ ya biyag nga e̍cde̍ na. 64Ngem orey naemmuwan nu yanin, uwed da latta dakayu diya madi mamati,” kunen ne̍ Je̍sus. Ta sigud nga emmu na no nagan dito madi mamati igina, se̍ no nagan ya mangiyawat igina. 65Ket kinagi na pe̍ igida nga, “Itu ya gapu na nga nibagac dakayu nga awan makaadenni nga sumurut iyaken no madi e̍cdan niya Ama ka kabaellan na nga sumurut,” kunen na.
66Ket gapu kadito kinagi ne̍ Je̍sus, adu dito pasurut na nga nangpanaw iginan, ket madi da nakibulun iginan. 67Ket iya agten iyan, nagsaludsud nge̍ Je̍sus kadito sangapulu ket duwa nga adalan na nga kinunen na, “Ket dakayu met? Gabay nu pe̍ ya pumanawin?” kunen na.
68Ket e̍ Simon Pe̍dru ya nangsungbat nga kinunen na, “Awan met sabali nga gabay mi nga pakitipunan Apu, no di yas ik-ikew. Ta ikew was ya makaibaga iya agnanayun nga pakabiyagan mi. 69Dakami, mamati kamin, ket emmu min nga ikew ya Nalinteg nga Ebbon ne̍ Apu Diyus,” kunen na.
70Ket kinunen ne̍ Je̍sus igida, “Sangapulu ket duwa kayu ngarud nga pinilic. Ngem ya kinapudnu na, sairu met ya isa dakayu,” kunen na. 71Ket to Hudas nga anac niya Simon Iskariyute̍, igina met ya kinagi ne̍ Je̍sus itun. Ta igina met to mangiyawat e̍ Je̍sus, nga orey no igina ya isa kadito sangapulu ket duwa nga adalan na.
Aktuálne označené:
Juan 6: YBT
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
© 1990 New Tribes Mission, Sanford, FL 32771-1487, USA.
Printed in the Philippines.
Juan 6
6
To panangpakan ne̍ Je̍sus ka nasuruc nga
lima nga ribu nga toley
Mat. 14:13-21; Mar. 6:30-44; Luk. 9:10-17
1Iya name̍nsan kalpasan niyan, dimelmang de̍ Je̍sus ito baybay ka Galilya nga maawagan ka Baybay nga Tibe̍riyas. 2Ket nakad-adu diya toley nga sumursurut e̍ Je̍sus, gapu ta nasingen da dito nakaskasdaaw nga inariman na ito pinalaing na diya agsacsakit. 3Ket itun, e̍ Je̍sus se̍ dito adalan na, nanang-at da iya isa nga tageytey, ket nagtugew da antuni. 4Ket dandani itunin ya algew nito padaya diya Hudyu nga maawagan ka Padaya Nitatalib.
5Ket itun, nadlaw ne̍ Je̍sus nga uwed mettin nakad-adu nga toltoley nga umad-adenni igida. Itu nga kinunen na e̍ Pe̍lipe̍, “Awac kid ya nguminaan tida ka kanen nga makaanay kadidi nga toltoley yin?” kunen na. 6Ngem kinunen nas met ne̍ Je̍sus yan tasun emmuwen na no nagan ya makunen ne̍ Pe̍lipe̍. Ta kinapudnu na, sigud nga emmu itunin ne̍ Je̍sus ya wanglen na.
7Ket kinunen ne̍ Pe̍lipe̍, “Bayay! Madi met umanay ya orey rinibu nga pisus, nga ingina ka tinapay nga pagbibingayan da, orey ngas no sagae̍teng da,” kunen na.
8Ket e̍ Andre̍s nga isa pe̍ kadito adalan ne̍ Je̍sus, nga kabsat ne̍ Simon Pe̍dru, kinunen na e̍ Je̍sus, 9“Uwed isa nga ebbing nga lalaki idi nga nagpekkel ka lima nga bukel nga tinapay nga se̍bada, se̍ duwa nga lames. Ngem siguradu nga madi umanay diyan para iya agten idi nga kaadu diya toley yin,” kunen na.
10Ket e̍ Je̍sus, nibaga na igida, “Pagtugawen nu diya toltoley, a,” kunen na. Dikad pe̍ pinagtugew da ngarud dito toltoley ito karucruutan. Ket ya bilang ngas dito manacman nga lalaki, ket aglima nga ribu.
11Ket e̍ Je̍sus, nimet na dito tinapay, se̍ nagyaman e̍ Apu Diyus. Kalpasan na, pinaiwaras na to tinapay kadito nakatugew nga toltoley. Agten pe̍ iyan to namaayan na kadito lames. Ket nakaanay gayamin, ta nangan dito toltoley patingga ka nabsug da nga tutu.
12Ket ito nabsug da nga aminin, kinunen ne̍ Je̍sus kadito adalan na, “Urnungen nu diya nabuna nga pispisey, ta awan kuma masayang,” kunen na. 13Inurnung da ngarud dito amin nga nabuna, ket napnu met ya sangapulu ket duwa nga lacba iya nabuna nga pispisey da kadito lima nga bukel nga tinapay nga se̍bada, nga buna dito nangan.
14Ket ito nailasin dito toltoley yan nga nakaskasdaaw nga inariman ne̍ Je̍sus, kinunen da iya panagtetebbar da, “Siguradu nga itu yani ya Mammadtu nga naipadtu nga umbe̍t iya lubung ngi!” kunen da.
15Ket e̍ Je̍sus, emmu na nga pangpanggeppen dito toltoley nga piliten da kuma nga isaad nga ari da. Itu nga nagpacni nge̍ Je̍sus nga nawe̍ manin kadiya tagtageytey nga nagis-isa ngin.
To pananalan ne̍ Je̍sus iya sap-ew niya danum
Mat. 14:22-33; Mar. 6:45-52
16Ket ito gumicbet tin, nanagus dito adalan ne̍ Je̍sus ito tageytey, nga nawe̍ da iya baybayin. 17Nagbangka da nga dumelmang, nga mawe̍ da kuma ka Kape̍rnaum. Ta orey nagicbet tin, madi pekkem inumbe̍t nge̍ Je̍sus iya edyan da. 18Ket ito madama da pekkem nga dumeldelmang, mangrugi nga agdawel ya danumin, ta uwed nabileg nga belluutin.
19Ket ito nakadeyyu dito adalan nga aggacgaudin ka lumima winno agennem nga kilume̍tru win, nasingen da met nge̍ Je̍sus nga manmanalan iya sap-ew niya danumin nga umad-adenni iya bangka da. Ket napalaus ngarud ya ansing dan.
20Ket kinunen ne̍ Je̍sus igida, “Madi kayu mansing, ta iyaken met!” kunen na. 21Dikad pe̍ nakaanggem da nga nangilugan igina ito bangka da. Ket sigida nga nakasanglad da iya demmang nga kapennan da.
To panangsapul dito toltoley e̍ Je̍sus
22Ito kadamlag na, uwed pekkem dito toltoley nga nabati enna demmang nito baybay, ket sapsapulen da nge̍ Je̍susin. Nalagip da nga is-isa to bangka nga nakapundu antuni nga nasingen da ito algew nga sacbay niyan. Ket emmu da pe̍ nga madi nakilugan nge̍ Je̍sus kadito adalan na ito bangka. Ditun ngas adalan na ya emmu da nga nawe̍. 23Ket to napasamac, uwed pe̍ duduma nga bangka nga gayat ka ili nga Tibe̍riyas nga simanglad antuni iya denni ito lugar nga nanganan dito toley ito tinapay kalpasan nito panagyaman niya Apu. 24Ket gapu ta nailasin dito nabati nga toltoley nga tutu nga awan antuni nge̍ Je̍sus, se̍ awan pe̍ dito adalan nan, sinakayan da met ditun nga bangka, ket dimelmang da. Ta mawe̍ da sapsapulen nge̍ Je̍sus ka Kape̍rnaum.
E̍ Je̍sus ya pagbiyag
25Ito nasmac dito toltoley nge̍ Je̍sus iya demmang, kinunen da igina, “Mistru, ape̍ nungey ya dimateng mu idi?” kunen da.
26Ket kinunen ne̍ Je̍sus igida, “Pudnu met yani nga ibagac dakayu: Sapsapulen dac ita gapu was ta nangan kayu ito tinapay ket nabsug kayu, bekken met nga gapu ta maawatan nu ya kaipapennan diya pagilasinan nga inariman ku. 27Ala! Gicnaen nu yani! Bekken kuma nga ya pagbiyag nga mapirdi ngas ya ikarigatan nu nga sapulen, no di lugud ya pagbiyag nga madi maamin, nga itu ya mange̍cde̍ ka agnanayun nga biyag. Ya Anac nga Naipatoley, igina mettas ya mangiyawat dakayu iyan nga pagbiyag. Ta nipasingen nin ne̍ Apu Diyus nga Ama nga uwed igina ya turay na,” kunen na.
28Dikad pe̍ sinaludsud dito toley e̍ Je̍sus nga kinunen da, “Nagan ngarud diya masapul nga wanglen mi tasun matungpal mi kuma diya ipawangel ne̍ Apu Diyus?” kunen da.
29Ket kinunen ne̍ Je̍sus, “Idi ya gabay ne̍ Apu Diyus nga wanglen nu: Patiyen nu kuma ngarud ya nibon na,” kunen na.
30Dikad pe̍ kinunen dito toley igina, “No agten iyan, nagan ngarud ya maipasingem nga pagilasinan, tasun no masingen mi, ket mamati kami ikew? Nagan ya mawangel mu? 31Ta dito am-ama tida itun, uwed to maawagan ka mana nga naipakan igida ito uwed da enna away. Itu to naisurat iya Bibliya nga kunen na, ‘Ne̍cdan na da ka pagbiyag da nga kanen da nga gayat ka langit,’” kunen da.
32Dikad pe̍ kinunen ne̍ Je̍sus igida, “Ibagac ya kinapudnu na dakayu: Bekken ngarud nga ito Muyse̍s ya nange̍cde̍ igida ito pagbiyag da nga gayat ka langit itun, no di lugud ya Amac. Tutu met, ket ya Amac, igina met ya mange̍cde̍ dakayu iya pudnu nga pagbiyag nga gayat ka langit. 33Ta ya pagbiyag nga e̍cde̍ ne̍ Apu Diyus, itu ya gayat ka langit nga mange̍cde̍ ka biyag kadiya toltoley idi nga lubung,” kunen na.
34Dikad pe̍ kinunen da igina, “Pe̍yeng nakami kay ngarud nga e̍cdan, apu, ka agten iyan nga pagbiyag,” kunen da.
35Ket e̍ Je̍sus, kinunen na ngarud igida, “Iyaken met yan nga pagbiyag, nga maiyarig ka makan nga pakabiyagan. Itu nga ya umadenni nga sumurut iyaken, madi met mabisinin. Ket ya mamati iyaken, madi pe̍ mewwew win. 36Ngem agten ngarud ito kunec dakayu, ta orey nasingen nun dito pagilasinan nga inar-ariman ku, madi kayu met latta mamati. 37Ngem amin diya toley nga italec niya Ama iyaken, itu diyan diya umadenni nga sumurut iyaken. Ket ya umadenni nga sumurut iyaken, madic ngarud pagtalawen. 38Ta inumbe̍t tac nga gayat ka langit, tasun wanglec ya tarigagayan niya nangibon iyaken, bekken nas nga ya tarigagayac. 39Ket ya tarigagayan niya nangibon iyaken, itu ya madic panangipalubus nga mapukaw ya orey nagan na nga toley kadiya amin nga nitalec na iyaken, no di lugud pagungarec da nga amin nad iya kaodiyan nga algew. 40Ngarud, tarigagay niya Amac nga amin diya makaemmu se̍ mamati iya Anac, mae̍cdan da iya agnanayun nga biyag. Ket pagungarec da nad ngarud iya kaodiyan nga algew win,” kunen na.
41Ket dito Hudyu, nagtagtagobotob da nga silulucsew maipanggep e̍ Je̍sus, gapu ito kinunen na nga igina mettas ya pagbiyag nga naggayat ka langit. 42Ket kinunen da iya panagtagtagobotob da, “Di met itu nge̍ Je̍sus nga anac nito Huse̍? Em-emmu tida met ya ama se̍ ina na. Ape̍ ngarud nga kunen na ita nga inumbe̍t kanu nga gayat ka langit?” kunen da.
43Ket kinunen ne̍ Je̍sus igida, “Madi kayu kuma agtagtagobotob nga masikuran maipanggep iyan. 44Agten idi: Awan makaadenni nga sumurut iyaken no madi awisen nga mona niya Ama nga nangibon iyaken. Ket diya umadenni nga sumurut iyaken, pagungarec da nad ngarud iya kaodiyan nga algew. 45Malagip nu to naisurat iya Bibliya nga kinunen dito mammadtu, ‘Ket igida, sursuruwan nad ne̍ Apu Diyus da nga amin,’ kinunen da itun. Ket tutu met nga amin diya agad-adal se̍ mangipangag e̍ Apu Diyus, umadenni da ngarud nga sumurut iyaken. 46Bekken ku nga kayat nga kagiyen nga uwed toley nga nakasingen nin e̍ Apu Diyus nga Ama. Ta yan nas naggayat e̍ Apu Diyus ya nakasingen igina. 47Pudnu met yani nga kunec: Ya mamati iyaken, uwed iginan ya agnanayun nga biyag.
48“Agten iyan ngarud, ta iyaken ya pagbiyag nga maiyarig ka makan nga pakabiyagan. 49Dito am-ama nu, tutu met nga uwed to pagbiyag da nga maawagan ka mana enna away itun. Ngem orey nangan da iyan, natey da met latta. 50Ngem ya pagbiyag nga ibagac ita nga gennung, itu ya gayat ka langit nga tutu. Ket mabalin nga mangan diya toley idi, ket madi da met matey. 51Iyaken mettas ya pagbiyag nga maiyarig ka pakabiyagan nga naggayat ka langit. Ket ya orey nagan na nga toley nga mangan idi nga pagbiyag nga ipaay ku, agbiyag met ka agnanayun. Ket idi nga pagbiyag, itu mettas ya beggic nga iyawat ku nad tasun uwed pakabiyagan diya toltoley idi nga lubung,” kunen ne̍ Je̍sus.
52Ket dito Hudyu nga naggigicna, nagsisinnungbat dan gapu ito kinunen ne̍ Je̍sus, nga kinunen da, “Kumaan na nga e̍cde̍ nidi nga toley kanu ya beggi na nga kanen tida?” kunen da.
53Itu nga kinunen ne̍ Je̍sus igida, “Ibagac ya pudnu dakayu: Awan dakayu ya agten iyan nga biyag no madi kayu ngarud mangan iya beggi niya Anac nga Naipatoley se̍ uminum iya daga na. 54Ta ya mangan iya beggic se̍ uminum iya dagac, uwed iginan ya biyag nga agnanayun. Ket nad iya kaodiyan nga algew, pagungarec ngarud met. 55Ta pudnu nga pagbiyag ya beggic se̍ dagac. 56Ngarud, ya mangan iya beggic se̍ uminum iya dagac, silalagip iyaken nin. Ket iyaken, silalagip pac met pe̍ yin igina nga pe̍yeng.
57“Agten idi: Ya Ama nga sibibiyag, igina ya nangibon iyaken idi. Ket gapu ta igina ya pagtaudan niya biyag, agbiyag gac met. Ket agten iyan met pe̍ ya toley nga mangan iyaken, ta agbiyag met pe̍ gapu iyaken.
58“Agten iyan ngarud ya kayat ku nga kagiyen nga pagbiyag nga naggayat ka langit. Bekken nga agten ito pagbiyag nga kinan dito am-ama tida itun. Ta orey nangan da, ket natey da mettas. Ngem ya mangan idi nga pagbiyag nga ibagac, agbiyag met ka agnanayun,” kunen na.
59Ket amin didi nga nibaga ne̍ Je̍sus, nibaga na met ito nangisursuru enna gigimungan diya Hudyu ka Kape̍rnaum.
Narigat nga mamati diya duduma e̍ Je̍sus
60Ket ito nagicna dito pasurut ne̍ Je̍sus diyan nga nibaga na, adu da nga nagkunen nga, “Ay! Narigat nga unay ya panursuru na. Awan ngata makaawat kadiyan,” kunen da.
61Ngem e̍ Je̍sus, emmu na nga sigud nga agtantanabotob dito pasurut na gapu ito nibaga na. Itu nga kinunen na igida, “Ape̍ nga makumsa kayu gapu ito kunec? 62Makumsa kayu nad pe̍ aya no masingen nu ya Anac nga Naipatoley nga agpangudu nad nga mawe̍ ito sigud nga edyan na? 63Maemmuwan nu kuma nga madi ngarud makae̍cde̍ ka biyag ya beggi niya toley. Ta yan nas Ispiritu ne̍ Apu Diyus ya makae̍cde̍ ka biyag. Dikad pe̍ dito kinagic dakayu, ket maipanggep met iya Ispiritu ne̍ Apu Diyus, se̍ ya biyag nga e̍cde̍ na. 64Ngem orey naemmuwan nu yanin, uwed da latta dakayu diya madi mamati,” kunen ne̍ Je̍sus. Ta sigud nga emmu na no nagan dito madi mamati igina, se̍ no nagan ya mangiyawat igina. 65Ket kinagi na pe̍ igida nga, “Itu ya gapu na nga nibagac dakayu nga awan makaadenni nga sumurut iyaken no madi e̍cdan niya Ama ka kabaellan na nga sumurut,” kunen na.
66Ket gapu kadito kinagi ne̍ Je̍sus, adu dito pasurut na nga nangpanaw iginan, ket madi da nakibulun iginan. 67Ket iya agten iyan, nagsaludsud nge̍ Je̍sus kadito sangapulu ket duwa nga adalan na nga kinunen na, “Ket dakayu met? Gabay nu pe̍ ya pumanawin?” kunen na.
68Ket e̍ Simon Pe̍dru ya nangsungbat nga kinunen na, “Awan met sabali nga gabay mi nga pakitipunan Apu, no di yas ik-ikew. Ta ikew was ya makaibaga iya agnanayun nga pakabiyagan mi. 69Dakami, mamati kamin, ket emmu min nga ikew ya Nalinteg nga Ebbon ne̍ Apu Diyus,” kunen na.
70Ket kinunen ne̍ Je̍sus igida, “Sangapulu ket duwa kayu ngarud nga pinilic. Ngem ya kinapudnu na, sairu met ya isa dakayu,” kunen na. 71Ket to Hudas nga anac niya Simon Iskariyute̍, igina met ya kinagi ne̍ Je̍sus itun. Ta igina met to mangiyawat e̍ Je̍sus, nga orey no igina ya isa kadito sangapulu ket duwa nga adalan na.
Aktuálne označené:
:
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
© 1990 New Tribes Mission, Sanford, FL 32771-1487, USA.
Printed in the Philippines.