Lukas 7
7
To panangpalaing ne̍ Je̍sus ito tagabu
Mat. 8:5-13
1Kalpasan nito panangisuru ne̍ Je̍sus kadito toley, nawe̍ ka Kape̍rnaum. 2Ket uwed antuni ya isa nga kapitan suldadu niya gubiye̍rnu Ruma. Agsakit ya patpatgen na nga tagabu, ket makatkatayen nin. 3Ket ito nadamag nito kapitan maipanggep e̍ Je̍sus, uwed da nibon na nga panglakayen diya Hudyu nga mawe̍ iya edyan ne̍ Je̍sus. Nibon na da ngarud, tasun mawe̍ da ibaga e̍ Je̍sus nga umbe̍t na kuma kanu nga palaingen to tagabu na.
4Ket ito nakadateng ngin dito panglakayen iya edyan ne̍ Je̍sus, nagpacpakaasi da nga napasnec igina, nga kinunen da maipanggep ito kapitan nga, “Maikari yan nga toley iya tulung mu, 5ta patpatgen nactida nga Hudyu. Ket igina met ya nangipaariman iya paggigimungan iya ili mi,” kunen da.
6Ket nibulun ngarud nge̍ Je̍sus igida. Ket ito denni yin nge̍ Je̍sus iya baley nito kapitan, nibon met nito kapitan diya gagayyem na, tasun mawe̍ da ibaga ya bilin na e̍ Je̍sus. Ket nawe̍ da ngarud, nga kinunen da e̍ Je̍sus, “Agten idi ya ibaga ne̍ Kapitan: Orey no madi ka umbe̍t iya baley, Apu, ta madi yac met maikari nga mangsangaili ikew iya baley ku. 7Itu pe̍ ya gapu na nga di yac inumbe̍t iya edyan mu, ta bekken nac met nga maikari nga umbe̍t ikew. Basta ikagim kuma ngasin ya bilin mu, tasun malaingan kuma ngin ya eb-ebbonec. 8Emmuc nga mabalin ya agten iyan, ta orey iyaken, uwed pe̍ mangituray iyaken, se̍ uwed da met iturayac nga suldadu. Ket no ibon ku ya isa, ket mawe̍ met. Se̍ no ‘Umbe̍t ka idi,’ kunec iya isa, ket umbe̍t met. Se̍ no ‘Idi ya wanglem,’ kunec iya tagabuc, ket tungpalen na met,” kunen dito naibon.
9Ket nasdaaw nge̍ Je̍sus ito nagicna na yani. Ket kinunen na kadito adu nga nibulubulun igina, “Tutu met nga orey kadiya iIsrae̍l, awan pekkem naaskurac nga agten idi nga nabileg ya panamati na,” kunen na.
10Ket ito simoli yin dito nibon nito kapitan iya baley na, nadateng da met nga nalainganin to tagabu.
To panangpaungar ne̍ Je̍sus ito anac nito balu
11Ito di nabayag, nawe̍ nge̍ Je̍sus iya isa nga ili nga managan ka Nain, ket nibulun igina diya adalan na se̍ adu pe̍ diya duduma nga toley. 12Ket ito sumungsungad da iya gagmuwangan niya ili, pag-isu met nga uwed da lumawan nga mawe̍ agitamen ka natey. Balu met ya ina nito natey, ket to natey, kackaisu met nga anac na nga lalaki. Ket adu pe̍ diya kailiyan nito balu nga nakibulun igina.
13Ket ito nasingen niya Apu to balu, naasiyan met igina. Ket kinunen na ito balu, “Madi ka kuma agberberrit,” kunen ne̍ Je̍sus, 14se̍ nawe̍ na met nicman to lungun, ket simardeng ngarudin dito nagbulig. Ket kinunen met ne̍ Je̍sus ito natey, “Gayyem, bumangun ka,” kunen na. 15Ket bimangun mettin to natey, se̍ nagkagi yin. Ket niyawat ne̍ Je̍sus iya ina nan.
16Nasdaaw ngarud amin dito toley, ket nagdaydayaw da e̍ Apu Diyusin, nga kinunen da, “Uwed met nangatu nga mammadtu nga nagparang dactidan!” Se̍ kinunen da pe̍, “Sinacwaran nactida nge̍ Apu Diyusin!” kunen da.
17Ket nagwaras ngarud ya damag maipanggep e̍ Je̍sus kadiya amin nga il-ili iya pagiliyan diya Hudyu se̍ kadiya kabangibang na nga luglugar.
Dito nibon nito Juan nga Mammautisar ito edyan ne̍ Je̍sus
Mat. 11:2-6
18Ket diya adalan nito Juan nga Mammautisar, nipadamag da e̍ Juan amin dito inar-ariman ne̍ Je̍sus. Itu nga inayaban nito Juan ya duwa kadito adalan na, 19ket nibon na da nga mawe̍ iya edyan niya Apu, tasun isaludsud da igina nga kunen da, “Ikew ya naikari nga umbe̍t, winno uwed pekkem mas sabali nga padaanan mi?” mawe̍ da kuma kunen.
20Ket nawe̍ da ngarud, ket ito nakadateng da iya edyan ne̍ Je̍sus, kinunen da igina, “Nibon nakami nge̍ Juan nga Mammautisar, tasun emmuwen mi ikew, no ikew ya nikari ne̍ Apu Diyus nga umbe̍t, winno uwed pekkem mas sabali nga padaanan mi?” kunen da.
21Ket bayat nito kauwed da iya edyan ne̍ Je̍sus, adu diya pinalaing na nga agsacsakit, se̍ diya uwed sarut da, se̍ diya naluganan ka sairu, se̍ adu pe̍ diya kulap nga pinagbalin na nga makasingen nin. 22Ket iya agten iyan, kinunen ne̍ Je̍sus kadito nibon ne̍ Juan, “Sumoli kayu iya edyan ne̍ Juan, ket ibaga nu igina diya nasingen se̍ nagicna nu idi. Ibaga nu nga makasingen nin diya kulap, makadalanin diya lugpi, napalaingin diya agkukutel, se̍ makagicna ngin diya tuleng. Ket diya natey, napaungar dan. Diya nanumu nga toley, nakaskasabaan dan iya Makaparagsac nga Damag. 23Ket idi pe̍ ya ibaga nu e̍ Juan: ‘Maragsakan met ya toley nga madi agduwaduwa maipanggep iyaken,’ kunen nu,” kunen ne̍ Je̍sus.
To kunen ne̍ Je̍sus maipanggep ito Juan nga Mammautisar
Mat. 11:7-19
24Ket ito nakapanaw antuni nin dito nibon ne̍ Juan, uwed kinunen ne̍ Je̍sus kadiya toltoley maipanggep e̍ Juan, nga kinunen na, “Ito nawe̍ kayu ito edyan ne̍ Juan ka away, nagan kad ya nawe̍ nu siningen? Nawe̍ kayu kad singen kuma ya isa nga tabagan nga kiwkiwaen belluut? Bekken met! 25Dikad nagan ngarud ya nawe̍ nu siningen? Isa kad nga toley nga nagkawwes ka napaw-is? Bekken met, ata diya agkawwes ka napaw-is, se̍ nanam-ay ya panagbiyag da, ket aged-edyan da met kadiya palasiyu nga pagedyanan diya ar-ari.
26“Dikad nagan ngarud ya nawe̍ nu siningen kuma antuni? Isa aya nga mammadtu? Ket bo! Tutu met yan. Ket ibagac dakayu nga nangnangruna pekkem ngem iya isa nga kadawyan nga mammadtu to nasingen nu antuni. 27Ta igina met ya kayat nga kagiyen nito naisurat iya Bibliya nga kunen na,
‘Agten idi:
Bilinec nad ya ibon ku nga mangipakaemmu,
nga mawe̍ nga mon-ona ngem ikew,
ket isagana na ya dalan mu,’
kunen na iya Bibliya.
28“Tutu met nga awan naiyanac nga toley nga nadaydayaw ngem e̍ Juan. Ngem no maipanggep iya panangituray ne̍ Apu Diyus, pudnu met nga nadaydayaw pekkem ngem yani nga dayaw ne̍ Juan ya kasasaad niya orey kanumuwan nga toley nga makipaglak-am iya panangituray ne̍ Apu Diyus,” kunen na.
29Ket ito nagicna diya toltoley yan, inabuluyan diya kadawyan nga toley se̍ diya agsingsingir ka buis yan nga paglinteggan ne̍ Apu Diyus, gapu ta itu diyan diya nabautisaran nga siaabuluy itun, ito nagpabautisar da ito Juan. 30Ngem dito Parisiyu, se̍ dito mamasirib iya Linteg, madi da met nibilang nga gennung nga para igida to panggep ne̍ Apu Diyus. Ta igida, di da met nagpabautisar e̍ Juan itun.
31Ket kinunen manin ne̍ Je̍sus, “Nagan ngarud ya kustu nga pangiyarigac kadiya toltoley iya ita nga timpu? Se̍ nagan ngata ya mayat nga pakaipadaan niya gangey da? 32Ket agten da ngarud idi nin: Arig da ngas nga eb-ebbing nga agtutugew iya tindaan, nga agpipinnekkaw da nga kunen da, ‘Nagpalpaldeng kami, ngem madi kayu met nagsallip. Naginsasangngit kami, ngem madi kayu met nagladingit.’ 33Agten kayu ngarud iyan, ta nagparang dakayun nge̍ Juan nga Mammautisar, nga niparit na iya beggi na ya mangan ka tinapay se̍ ya uminum ka basi, ket kunkunen nu met nga, ‘Nasairuwan met yan!’ kunen nu. 34Ket nagparang ya Anac nga Naipatoley, nga mangmangan se̍ makiin-inum met nga gennung, ket kunkunen nu manin, ‘Ahah! Narawet se̍ age̍ng-e̍nglew met yani, ket makigayyem met pe̍ kadiya agsingsingir ka buis se̍ diya managbasul,’ kunen nu met nga sidedellaw. 35Ngem orey no agten iyan ya kunkunen nu, ket emmu tida nga ya pudnu nga kinasirib, maipasingen met gapu kadiya nalaing nga maariman diya amin nga uwed sirib na,” kunen na.
To managbasul nga babey
36Ket uwed isa kadito Parisiyu itun nga nangawis e̍ Je̍sus nga mawe̍ kanu makipangan igina. Ket nawe̍ ngarud nge̍ Je̍sus iya baley na, ket nakisangu nga nangan iya panganan. 37Ket itun, uwed pe̍ iyan nga ili ya isa nga managbasul nga babey. Ket ito nadamag niyan nga babey nga uwed kanu nge̍ Je̍sus nga mangmangan enna baley nito Parisiyu win, nawe̍ pe̍ iyan to babey, nga nangidal-ag ka isa nga butilya nga bangbanglu nga para labu. 38Nawe̍ ngarud nagsikad nga agberberrit iya likud ne̍ Je̍sus, ket nagtedted met diya luwa na kadiya saka ne̍ Je̍sus. Nipunas na met ya ebbuc na mettas kadito naitedted nga luwa na kadiya saka ne̍ Je̍sus. Ket inagkan na met pe̍ nga sidadayaw diya saka na, se̍ na binucbukan diya saka na ito bangbanglu.
39Ket to Parisiyu nga nangawis e̍ Je̍sus iya baley na, ito nasingen na to winangel nito babey, kinunen na met iya lemlemmet na maipanggep e̍ Je̍sus, “No pudnu nga mammadtu yani nga toley, malasin na kuma met no nagan nidi nga babey nga mangse̍cse̍cde̍ng igina, se̍ emmu na met no kumaan niya ugali na. Ta managbasul met yani nga babey,” kunen na iya lemlemmet na.
40Ket e̍ Je̍sus, kinunen na met ito Parisiyu, “Simon, uwed ibagac ikew,” kunen na.
“Ket nagan na, Mistru?” kunen nito Parisiyu.
41Ket nagpangngarig manin nge̍ Je̍sus nga kinunen na, “Uwed duwa nga toley nga imutang ka kuwarta iya agpacpautang. Ket to isa, lima nga gasut nga pisus to inutang na, se̍ ya isa, lima nga pulu nga pisus ngas to inutang na. 42Ket gapu ta di da makabayadin iya utang da, madi pinabayadan nito nakautangan da dito utang da nga duwa. Ket idi ya saludsud kun: Nagan ngarud kadidi nga duwa ya dacdackel ya panagayat na ito nagpautang igida?” kunen na.
43Ket simungbat ngarud to Parisiyu nga Simon, nga kinunen na, “Ya kunec, ket to toley nga ad-adu ya napakawan nga utang na ngata, a,” kunen na.
Ket kinunen ne̍ Je̍sus igina, “Kustu met ya kunem,” kunen na. 44Ket linaw-ing ne̍ Je̍sus to babey, se̍ na kinunen ito Simon, “Singem yani nga babey. Ket ikew, Simon, imuneg gac iya baley mu wi, ket di nac met ne̍cdan ka danum nga pangbegguc kadiya sakac. Ngem igina, linsep na met diya sakac kadiya luwa na, se̍ na pinunasan iya ebbuc na. 45Ket ikew, madi nac kinablaawan ka agec. Ngem igina, manipud ito deddan nga sinumpuc ku, di pekkem simardeng nga mangag-agec kadiya sakac. 46Ikew, madi ka inipu ka lana ya ebbuc ku. Ngem igina nga gennung, binucbukan na met ka bangbanglu diya sakac. 47Dikad pe̍ ibagac ngarud ikew ya kinapudnu na, nga nalawag nga napakawanin diya adu nga basbasul nidi nga babey, gapu ta dackel ya panagayat na. Ngem ya toley nga e̍teng ya mapakawan igina, e̍teng met ya panagayat na,” kunen na.
48Ket kinunen ne̍ Je̍sus ito babey yin, “Napakawan ngarudin diya basbasul mun,” kunen na.
49Ket dito duduma nga sisasangu ito panganan, kinunen da iya panagtetebbar da, “Nagan kid aya yani nga toley, ta mamakawan kanu met ka basul!” kunen da.
50Ngem e̍ Je̍sus, kinunen na ito babey, “Naisalakan kan gapu iya panamatim. Agawir ka nga sitatalna kuma ngasin,” kunen na.
Aktuálne označené:
Lukas 7: YBT
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
© 1990 New Tribes Mission, Sanford, FL 32771-1487, USA.
Printed in the Philippines.
Lukas 7
7
To panangpalaing ne̍ Je̍sus ito tagabu
Mat. 8:5-13
1Kalpasan nito panangisuru ne̍ Je̍sus kadito toley, nawe̍ ka Kape̍rnaum. 2Ket uwed antuni ya isa nga kapitan suldadu niya gubiye̍rnu Ruma. Agsakit ya patpatgen na nga tagabu, ket makatkatayen nin. 3Ket ito nadamag nito kapitan maipanggep e̍ Je̍sus, uwed da nibon na nga panglakayen diya Hudyu nga mawe̍ iya edyan ne̍ Je̍sus. Nibon na da ngarud, tasun mawe̍ da ibaga e̍ Je̍sus nga umbe̍t na kuma kanu nga palaingen to tagabu na.
4Ket ito nakadateng ngin dito panglakayen iya edyan ne̍ Je̍sus, nagpacpakaasi da nga napasnec igina, nga kinunen da maipanggep ito kapitan nga, “Maikari yan nga toley iya tulung mu, 5ta patpatgen nactida nga Hudyu. Ket igina met ya nangipaariman iya paggigimungan iya ili mi,” kunen da.
6Ket nibulun ngarud nge̍ Je̍sus igida. Ket ito denni yin nge̍ Je̍sus iya baley nito kapitan, nibon met nito kapitan diya gagayyem na, tasun mawe̍ da ibaga ya bilin na e̍ Je̍sus. Ket nawe̍ da ngarud, nga kinunen da e̍ Je̍sus, “Agten idi ya ibaga ne̍ Kapitan: Orey no madi ka umbe̍t iya baley, Apu, ta madi yac met maikari nga mangsangaili ikew iya baley ku. 7Itu pe̍ ya gapu na nga di yac inumbe̍t iya edyan mu, ta bekken nac met nga maikari nga umbe̍t ikew. Basta ikagim kuma ngasin ya bilin mu, tasun malaingan kuma ngin ya eb-ebbonec. 8Emmuc nga mabalin ya agten iyan, ta orey iyaken, uwed pe̍ mangituray iyaken, se̍ uwed da met iturayac nga suldadu. Ket no ibon ku ya isa, ket mawe̍ met. Se̍ no ‘Umbe̍t ka idi,’ kunec iya isa, ket umbe̍t met. Se̍ no ‘Idi ya wanglem,’ kunec iya tagabuc, ket tungpalen na met,” kunen dito naibon.
9Ket nasdaaw nge̍ Je̍sus ito nagicna na yani. Ket kinunen na kadito adu nga nibulubulun igina, “Tutu met nga orey kadiya iIsrae̍l, awan pekkem naaskurac nga agten idi nga nabileg ya panamati na,” kunen na.
10Ket ito simoli yin dito nibon nito kapitan iya baley na, nadateng da met nga nalainganin to tagabu.
To panangpaungar ne̍ Je̍sus ito anac nito balu
11Ito di nabayag, nawe̍ nge̍ Je̍sus iya isa nga ili nga managan ka Nain, ket nibulun igina diya adalan na se̍ adu pe̍ diya duduma nga toley. 12Ket ito sumungsungad da iya gagmuwangan niya ili, pag-isu met nga uwed da lumawan nga mawe̍ agitamen ka natey. Balu met ya ina nito natey, ket to natey, kackaisu met nga anac na nga lalaki. Ket adu pe̍ diya kailiyan nito balu nga nakibulun igina.
13Ket ito nasingen niya Apu to balu, naasiyan met igina. Ket kinunen na ito balu, “Madi ka kuma agberberrit,” kunen ne̍ Je̍sus, 14se̍ nawe̍ na met nicman to lungun, ket simardeng ngarudin dito nagbulig. Ket kinunen met ne̍ Je̍sus ito natey, “Gayyem, bumangun ka,” kunen na. 15Ket bimangun mettin to natey, se̍ nagkagi yin. Ket niyawat ne̍ Je̍sus iya ina nan.
16Nasdaaw ngarud amin dito toley, ket nagdaydayaw da e̍ Apu Diyusin, nga kinunen da, “Uwed met nangatu nga mammadtu nga nagparang dactidan!” Se̍ kinunen da pe̍, “Sinacwaran nactida nge̍ Apu Diyusin!” kunen da.
17Ket nagwaras ngarud ya damag maipanggep e̍ Je̍sus kadiya amin nga il-ili iya pagiliyan diya Hudyu se̍ kadiya kabangibang na nga luglugar.
Dito nibon nito Juan nga Mammautisar ito edyan ne̍ Je̍sus
Mat. 11:2-6
18Ket diya adalan nito Juan nga Mammautisar, nipadamag da e̍ Juan amin dito inar-ariman ne̍ Je̍sus. Itu nga inayaban nito Juan ya duwa kadito adalan na, 19ket nibon na da nga mawe̍ iya edyan niya Apu, tasun isaludsud da igina nga kunen da, “Ikew ya naikari nga umbe̍t, winno uwed pekkem mas sabali nga padaanan mi?” mawe̍ da kuma kunen.
20Ket nawe̍ da ngarud, ket ito nakadateng da iya edyan ne̍ Je̍sus, kinunen da igina, “Nibon nakami nge̍ Juan nga Mammautisar, tasun emmuwen mi ikew, no ikew ya nikari ne̍ Apu Diyus nga umbe̍t, winno uwed pekkem mas sabali nga padaanan mi?” kunen da.
21Ket bayat nito kauwed da iya edyan ne̍ Je̍sus, adu diya pinalaing na nga agsacsakit, se̍ diya uwed sarut da, se̍ diya naluganan ka sairu, se̍ adu pe̍ diya kulap nga pinagbalin na nga makasingen nin. 22Ket iya agten iyan, kinunen ne̍ Je̍sus kadito nibon ne̍ Juan, “Sumoli kayu iya edyan ne̍ Juan, ket ibaga nu igina diya nasingen se̍ nagicna nu idi. Ibaga nu nga makasingen nin diya kulap, makadalanin diya lugpi, napalaingin diya agkukutel, se̍ makagicna ngin diya tuleng. Ket diya natey, napaungar dan. Diya nanumu nga toley, nakaskasabaan dan iya Makaparagsac nga Damag. 23Ket idi pe̍ ya ibaga nu e̍ Juan: ‘Maragsakan met ya toley nga madi agduwaduwa maipanggep iyaken,’ kunen nu,” kunen ne̍ Je̍sus.
To kunen ne̍ Je̍sus maipanggep ito Juan nga Mammautisar
Mat. 11:7-19
24Ket ito nakapanaw antuni nin dito nibon ne̍ Juan, uwed kinunen ne̍ Je̍sus kadiya toltoley maipanggep e̍ Juan, nga kinunen na, “Ito nawe̍ kayu ito edyan ne̍ Juan ka away, nagan kad ya nawe̍ nu siningen? Nawe̍ kayu kad singen kuma ya isa nga tabagan nga kiwkiwaen belluut? Bekken met! 25Dikad nagan ngarud ya nawe̍ nu siningen? Isa kad nga toley nga nagkawwes ka napaw-is? Bekken met, ata diya agkawwes ka napaw-is, se̍ nanam-ay ya panagbiyag da, ket aged-edyan da met kadiya palasiyu nga pagedyanan diya ar-ari.
26“Dikad nagan ngarud ya nawe̍ nu siningen kuma antuni? Isa aya nga mammadtu? Ket bo! Tutu met yan. Ket ibagac dakayu nga nangnangruna pekkem ngem iya isa nga kadawyan nga mammadtu to nasingen nu antuni. 27Ta igina met ya kayat nga kagiyen nito naisurat iya Bibliya nga kunen na,
‘Agten idi:
Bilinec nad ya ibon ku nga mangipakaemmu,
nga mawe̍ nga mon-ona ngem ikew,
ket isagana na ya dalan mu,’
kunen na iya Bibliya.
28“Tutu met nga awan naiyanac nga toley nga nadaydayaw ngem e̍ Juan. Ngem no maipanggep iya panangituray ne̍ Apu Diyus, pudnu met nga nadaydayaw pekkem ngem yani nga dayaw ne̍ Juan ya kasasaad niya orey kanumuwan nga toley nga makipaglak-am iya panangituray ne̍ Apu Diyus,” kunen na.
29Ket ito nagicna diya toltoley yan, inabuluyan diya kadawyan nga toley se̍ diya agsingsingir ka buis yan nga paglinteggan ne̍ Apu Diyus, gapu ta itu diyan diya nabautisaran nga siaabuluy itun, ito nagpabautisar da ito Juan. 30Ngem dito Parisiyu, se̍ dito mamasirib iya Linteg, madi da met nibilang nga gennung nga para igida to panggep ne̍ Apu Diyus. Ta igida, di da met nagpabautisar e̍ Juan itun.
31Ket kinunen manin ne̍ Je̍sus, “Nagan ngarud ya kustu nga pangiyarigac kadiya toltoley iya ita nga timpu? Se̍ nagan ngata ya mayat nga pakaipadaan niya gangey da? 32Ket agten da ngarud idi nin: Arig da ngas nga eb-ebbing nga agtutugew iya tindaan, nga agpipinnekkaw da nga kunen da, ‘Nagpalpaldeng kami, ngem madi kayu met nagsallip. Naginsasangngit kami, ngem madi kayu met nagladingit.’ 33Agten kayu ngarud iyan, ta nagparang dakayun nge̍ Juan nga Mammautisar, nga niparit na iya beggi na ya mangan ka tinapay se̍ ya uminum ka basi, ket kunkunen nu met nga, ‘Nasairuwan met yan!’ kunen nu. 34Ket nagparang ya Anac nga Naipatoley, nga mangmangan se̍ makiin-inum met nga gennung, ket kunkunen nu manin, ‘Ahah! Narawet se̍ age̍ng-e̍nglew met yani, ket makigayyem met pe̍ kadiya agsingsingir ka buis se̍ diya managbasul,’ kunen nu met nga sidedellaw. 35Ngem orey no agten iyan ya kunkunen nu, ket emmu tida nga ya pudnu nga kinasirib, maipasingen met gapu kadiya nalaing nga maariman diya amin nga uwed sirib na,” kunen na.
To managbasul nga babey
36Ket uwed isa kadito Parisiyu itun nga nangawis e̍ Je̍sus nga mawe̍ kanu makipangan igina. Ket nawe̍ ngarud nge̍ Je̍sus iya baley na, ket nakisangu nga nangan iya panganan. 37Ket itun, uwed pe̍ iyan nga ili ya isa nga managbasul nga babey. Ket ito nadamag niyan nga babey nga uwed kanu nge̍ Je̍sus nga mangmangan enna baley nito Parisiyu win, nawe̍ pe̍ iyan to babey, nga nangidal-ag ka isa nga butilya nga bangbanglu nga para labu. 38Nawe̍ ngarud nagsikad nga agberberrit iya likud ne̍ Je̍sus, ket nagtedted met diya luwa na kadiya saka ne̍ Je̍sus. Nipunas na met ya ebbuc na mettas kadito naitedted nga luwa na kadiya saka ne̍ Je̍sus. Ket inagkan na met pe̍ nga sidadayaw diya saka na, se̍ na binucbukan diya saka na ito bangbanglu.
39Ket to Parisiyu nga nangawis e̍ Je̍sus iya baley na, ito nasingen na to winangel nito babey, kinunen na met iya lemlemmet na maipanggep e̍ Je̍sus, “No pudnu nga mammadtu yani nga toley, malasin na kuma met no nagan nidi nga babey nga mangse̍cse̍cde̍ng igina, se̍ emmu na met no kumaan niya ugali na. Ta managbasul met yani nga babey,” kunen na iya lemlemmet na.
40Ket e̍ Je̍sus, kinunen na met ito Parisiyu, “Simon, uwed ibagac ikew,” kunen na.
“Ket nagan na, Mistru?” kunen nito Parisiyu.
41Ket nagpangngarig manin nge̍ Je̍sus nga kinunen na, “Uwed duwa nga toley nga imutang ka kuwarta iya agpacpautang. Ket to isa, lima nga gasut nga pisus to inutang na, se̍ ya isa, lima nga pulu nga pisus ngas to inutang na. 42Ket gapu ta di da makabayadin iya utang da, madi pinabayadan nito nakautangan da dito utang da nga duwa. Ket idi ya saludsud kun: Nagan ngarud kadidi nga duwa ya dacdackel ya panagayat na ito nagpautang igida?” kunen na.
43Ket simungbat ngarud to Parisiyu nga Simon, nga kinunen na, “Ya kunec, ket to toley nga ad-adu ya napakawan nga utang na ngata, a,” kunen na.
Ket kinunen ne̍ Je̍sus igina, “Kustu met ya kunem,” kunen na. 44Ket linaw-ing ne̍ Je̍sus to babey, se̍ na kinunen ito Simon, “Singem yani nga babey. Ket ikew, Simon, imuneg gac iya baley mu wi, ket di nac met ne̍cdan ka danum nga pangbegguc kadiya sakac. Ngem igina, linsep na met diya sakac kadiya luwa na, se̍ na pinunasan iya ebbuc na. 45Ket ikew, madi nac kinablaawan ka agec. Ngem igina, manipud ito deddan nga sinumpuc ku, di pekkem simardeng nga mangag-agec kadiya sakac. 46Ikew, madi ka inipu ka lana ya ebbuc ku. Ngem igina nga gennung, binucbukan na met ka bangbanglu diya sakac. 47Dikad pe̍ ibagac ngarud ikew ya kinapudnu na, nga nalawag nga napakawanin diya adu nga basbasul nidi nga babey, gapu ta dackel ya panagayat na. Ngem ya toley nga e̍teng ya mapakawan igina, e̍teng met ya panagayat na,” kunen na.
48Ket kinunen ne̍ Je̍sus ito babey yin, “Napakawan ngarudin diya basbasul mun,” kunen na.
49Ket dito duduma nga sisasangu ito panganan, kinunen da iya panagtetebbar da, “Nagan kid aya yani nga toley, ta mamakawan kanu met ka basul!” kunen da.
50Ngem e̍ Je̍sus, kinunen na ito babey, “Naisalakan kan gapu iya panamatim. Agawir ka nga sitatalna kuma ngasin,” kunen na.
Aktuálne označené:
:
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
© 1990 New Tribes Mission, Sanford, FL 32771-1487, USA.
Printed in the Philippines.