ယူဝ်းႁၢၼ်ႇ 13
13
ၸဝ်ႈယေႇသူႉသုၵ်ႈတိၼ်တပႄးမၼ်းၸဝ်ႈ
1ၸူဝ်ႈဢၼ်ဢမ်ႇပႆႇၶၢမ်ႇ ပွႆးပႃႉသၶႃႇၼၼ်ႉၸိုင်၊ ယေႇသူႉၼၼ်ႉပိူဝ်ႈဢၼ်ႁူႉလွင်ႈၶိင်ႇမိူဝ်ႈဢၼ် မၼ်းၸဝ်ႈတၵ်းလႆႈလုၵ်ႉသေၵႃႈတီႈလေႃးၵႃႉၼႆႉ ၶၢႆႉၵႂႃႇၵႃႈတီႈပေႃႈၸဝ်ႈပုၼ်ႉၼၼ်ႉႁွတ်ႈမႃးယဝ်ႉၼၼ်ႉလႄႈ ၵွပ်ႈပိူဝ်ႈဢၼ်မၼ်းၸဝ်ႈ ႁၵ်ႉၵူၼ်းမၼ်းၸဝ်ႈဢၼ် မီးယူႇၵႃႈၼႂ်းလေႃးၵႃႉၼႆႉလႄႈ၊ မၼ်းၸဝ်ႈႁၵ်ႉတေႃႇထိုင်ႁွတ်ႈတီႈသုတ်းတီႈၵွႆဢေႃႈ။- 2မႃႇၼၢတ်ႈသႂ်ႇပၼ်တၢင်းၵျၢမ်ႇတၢင်းပွင် လွင်ႈဢၼ်တၵ်းလႆႈဢဝ်မၼ်းၸဝ်ႈဢၢပ်ႈၼၼ်ႉ ၵႃႈၼႂ်းႁူဝ်ၸႂ်ယူႉတႃႉဢီႉသၵႃႇရေႇဢုတ်ႈ လုၵ်ႈၸၢႆးသီႉမုၼ်ႇၼၼ်ႉသေယဝ်ႉ၊ ၼႂ်းမိူဝ်ႈဢၼ် ယင်းတိုၵ်ႉၵိၼ်ၶဝ်ႈၶမ်ႈယူႇၼၼ်ႉၸိုင်၊- 3ယေႇသူႉႁူႉလွင်ႈဢၼ်ပေႃႈၸဝ်ႈ ဢၢပ်ႈပၼ် တင်းသဵင်ႈတင်းလူင်ၵႃႈတီႈၼႂ်းမိုဝ်းမၼ်းၸဝ်ႈ ဢိၵ်ႇတင်းလွင်ႈဢၼ်မၼ်းၸဝ်ႈ ဢွၵ်ႇသေၵႃႈတီႈၽြႃးပဵၼ်ၸဝ်ႈမႃး တင်းလွင်ႈဢၼ်မၼ်းၸဝ်ႈတၵ်းၵႂႃႇၵႃႈတီႈၽြႃးပဵၼ်ၸဝ်ႈပုၼ်ႉၼၼ်ႉယူႇသေလႄႈ၊- 4လုၵ်ႉသေၵႃႈတီႈၶူင်ႇတီႈၵိၼ်ၼၼ်ႉလႄႈ ထွတ်ႇဢဝ်ၶူဝ်းမၼ်းၸဝ်ႈသေယဝ်ႉ၊ ဢဝ်ၽႃႈၸဵတ်ႉလႄႈ ႁတ်ႉဢႅဝ်မၼ်းၸဝ်ႈဢေႃႈ။- 5လိုၼ်းၼၼ်ႉ မၼ်းၸဝ်ႈဢဝ်ၼမ်ႉထွၵ်ႇသႂ်ႇၵႃႈၼႂ်းဢႅင်ႇသေလႄႈ သုၵ်ႈတိၼ်တပႄးၸဝ်ႈတင်းလၢႆယဝ်ႉၸင်ႇ ဢဝ်တင်းၽႃႈၸဵတ်ႉဢၼ်ႁတ်ႉဢႅဝ်မၼ်းၸဝ်ႈၼၼ်ႉၸဵတ်ႉဢေႃႈ။
6မိူဝ်ႈဢၼ်မၼ်းၸဝ်ႈႁွတ်ႈထိုင် ၵႃႈတီႈသီႉမုၼ်ႇပေႇတရူႉၸိုင်၊ မၼ်းၼၼ်ႉလဝ်ႊထၢမ်လႄႈဝႃႈ၊ ၸဝ်ႈႁဝ်း၊ၸဝ်ႈႁဝ်းတၵ်းသုၵ်ႈတိၼ်ၵဝ်ၶႃႈၶႃႈႁိုဝ်၊ ဝႃႈၼင်ႇၼႆဢေႃႈ။- 7ယေႇသူႉၵေႃႈၶိုၼ်းလၢတ်ႈလႄႈဝႃႈ၊ လွင်ႈဢၼ်ၵဝ်ႁဵတ်းၼႆၸိုင် တေႃႈလဵဝ်ၼႆႉမႂ်းဢမ်ႇပႆႇႁူႉ။ ၵမ်းလိုၼ်းမႂ်းတၵ်းႁူႉဢေႃႈ၊ ဝႃႈၼင်ႇၼႆဢေႃႈ။- 8ပေႇတရူႉၵေႃႈလဝ်ႊလၢတ်ႈလႄႈဝႃႈ၊ ၸဝ်ႈႁဝ်းတၵ်းဢမ်ႇလႆႈသုၵ်ႈတိၼ်ၵဝ်ၶႃႈလႃးလႃးၶႃႈ၊ ဝႃႈၼင်ႇၼႆဢေႃႈ။ ယေႇသူႉၵေႃႈ ၶိုၼ်းလၢတ်ႈလႄႈဝႃႈ၊ ပေႃးၵဝ်ဢမ်ႇလႆႈသုၵ်ႈမႂ်းၸိုင်၊ မႂ်းဢမ်ႇသိူၵ်ႈသမ်ႇၵၼ်တင်းၵဝ်ၵူၺ်ႉ၊ ဝႃႈၼင်ႇၼႆဢေႃႈ။- 9သီႉမုၼ်ႇပေႇတရူႉၵေႃႈ လဝ်ႊလၢတ်ႈလႄႈဝႃႈ၊ ယႃႇပေသုၵ်ႈတိၼ်ၵဝ်ၶႃႈၵူၺ်ႉ၊ သုၵ်ႈမိုဝ်းၵဝ်ၶႃႈ ဢိၵ်ႇတင်းႁူဝ်ၵဝ်ၶႃႈသေၵမ်းၶႃႈ၊ ဝႃႈၼင်ႇၼႆဢေႃႈ။- 10ယေႇသူႉၵေႃႈလၢတ်ႈလႄႈဝႃႈ၊ ၵေႃႉဢၼ်ဢၢပ်ႇၼမ်ႉယဝ်ႉၼၼ်ႉၸမ်ႉ၊ လိူဝ်သေတၢင်းဢၼ်သုၵ်ႈတိၼ်ၵူၺ်း၊ လွင်ႈဢၼ်တၵ်းလႆႈသုၵ်ႈဢမ်ႇမီး။ မူတ်းသႂ်ယူႇတင်းတူဝ်တင်းၶိင်းဢေႃႈ။ သူၼႆႉမူတ်းသႂ်ဢေႃႈ။ ၵူၺ်းၵႃႈ ၵမ်ႈၽွင်ႈဢမ်ႇမူတ်းသႂ်၊ ဝႃႈၼင်ႇၼႆဢေႃႈ။- 11လွင်ႈမၼ်းၸမ်ႉ ပိူဝ်ႈဢၼ်မၼ်းၸဝ်ႈႁူႉၵေႃႉဢၼ် တၵ်းဢဝ်မၼ်းၸဝ်ႈဢၢပ်ႈၼၼ်ႉယူႇလႄႈ မၼ်းၸဝ်ႈၸင်ႇလၢတ်ႈလႄႈဝႃႈ၊ ၼႂ်းသူၼႆႉၵမ်ႈၽွင်ႈဢမ်ႇမူတ်းသႂ်၊ ဝႃႈၼင်ႇၼႆဢေႃႈ။
12မၼ်းၸဝ်ႈသုၵ်ႈတိၼ်ၶဝ်ၼၼ်ႉယဝ်ႉၸင်ႇ သမ်ႉၶိုၼ်းၼုင်ႈၶူဝ်းလႄႈ ဢိင်ယူႇၵႃႈတီႈႁိမ်းၶူင်ႇတီႈၵိၼ်သေလႄႈဝႃႈ၊ သူႁူႉလွင်ႈတၢင်းဢၼ် ၵဝ်ႁဵတ်းမႃးယဝ်ႉတီႈသူၼႆႉၼၼ်ႉႁိုဝ်။- 13သူၼႆႉ ၸၢင်ႈႁွင်ႉၵဝ်လႄႈဝႃႈ သြႃႇၸဝ်ႈႁဝ်း၊ ၸဝ်ႈၽြႃးႁဝ်း၊ ဝႃႈၼင်ႇၼႆဢေႃႈ။ ၵႂၢမ်းဢၼ်သူလၢတ်ႈၼၼ်ႉၵေႃႈ ပဵၼ်ၵႂၢမ်းဢၼ်ၸိုဝ်ႈဢၼ်ၸႂ်ႈဢေႃႈ။ လွင်ႈမၼ်းၸမ်ႉ ၵႃႈၼင်ႇဢၼ်သူႁွင်ႉၼၼ်ႉၵဝ်ပဵၼ်ဢေႃႈ။- 14ပေႃးၵဝ်ဢၼ်ပဵၼ်ၸဝ်ႈၽြႃးသူ ပဵၼ်သြႃႇသူၼႆႉသုၵ်ႈတိၼ်သူၸိုင် သူၵေႃႉၼိုင်ႈလႄႈၵေႃႉၼိုင်ႈတၵ်းလႆႈသုၵ်ႈတိၼ်ၵၼ်ဢေႃႈ။- 15ၼင်ႇႁိုဝ်သူတၵ်းႁဵတ်းၸွမ်းၵႃႈၼင်ႇဢၼ် ၵဝ်ႁဵတ်းၼႂ်းသူၼႆႉၼၼ်ႉၸိုင်၊ ၵဝ်ၼႄပျႃးပုင်ႇသၢၵ်ႈသေႇဝႆႉယဝ်ႉ။- 16ၵဝ်ဝႃႈတီႈၸိုဝ်ႈတီႈၸႂ်ႈတီႈသူၸမ်ႉ၊ ၶႃႈယဵင်ႈၶႅၼ်းယႂ်ႇမျၢတ်ႈၼႃႇသေၸဝ်ႈမၼ်းဢမ်ႇၸႂ်ႈ။ ၵေႃႉဢၼ်ၶၢမ်ႇတၢင်းဢၼ်ပွႆႇၸႂ်ႉ ၼၼ်ႉၵေႃႈယဵင်ႈၶႅၼ်းယႂ်ႇမျၢတ်ႈၼႃႇသေ ၵေႃႉဢၼ်ပွႆႇၸႂ်ႉမၼ်းၼၼ်ႉဢမ်ႇၸႂ်ႈ။- 17ပေႃးသူႁူႉလွင်ႈတၢင်းၸိူဝ်းၼႆႉလႄႈ ၵမ်ၵျၢင်ႉၸွမ်းၸိုင် သူမီးမင်ႇၵလႃႇဢေႃႈ။
18ၵဝ်ဢဝ်လွင်ႈသူၵႃႈမီးၼႆႉလႄႈ ဝႃႈဢမ်ႇၸႂ်ႈ။ ၵဝ်ႁူႉၶဝ်ၸိူဝ်းဢၼ် ၵဝ်လိူၵ်ႈၵဵပ်းဢဝ်ၼၼ်ႉယူႇဢေႃႈ။ ၵူၺ်းၵႃႈ လွင်ႈၼင်ႇႁိုဝ် တၵ်းႁႂ်ႈၵျၢမ်းလိၵ်ႈဢၼ်ဝႃႈ၊ ၵေႃႉဢၼ်ၵိၼ် ၶဝ်ႈမုၼ်းၵဝ်ၼၼ်ႉ ဢဝ်တိၼ်ပိတ်ႉၵဝ်ဢေႃႈ၊ ဝႃႈၼင်ႇၼႆၼၼ်ႉ ပျေႉၸုမ်ႇၸိုင်ၸင်ႇပဵၼ်ဢေႃႈ။- 19လွင်ႈၼင်ႇႁိုဝ်သူတၵ်းယုမ်ႇမၢတ်ႈ လွင်ႈဢၼ်ၵဝ်ပဵၼ်ၵေႃႉၼၼ်ႉ ၼႂ်းမိူဝ်ႈဢၼ်လွင်ႈတၢင်းၼၼ်ႉႁွတ်ႈမႃးၼၼ်ႉၸိုင် တေႃႈလဵဝ်ၼႆႉ ၵဝ်လၢတ်ႈဝႆႉတီႈသူ ၸူဝ်ႈဢၼ်လွင်ႈတၢင်းၼၼ်ႉဢမ်ႇပႆႇႁွတ်ႈထိုင်ၼၼ်ႉယဝ်ႉ။- 20ၵဝ်ဝႃႈတီႈၸိုဝ်ႈတီႈၸႂ်ႈတီႈသူၸမ်ႉ၊ ၵေႃႉဢၼ်ႁပ်ႉတုင်းဢဝ်ၵေႃႉဢၼ်ၵဝ်ပွႆႇၸႂ်ႉၼၼ်ႉႁပ်ႉတုင်းဢဝ်ၵဝ်ဢေႃႈ။ ၵေႃႉဢၼ်ႁပ်ႉတုင်းဢဝ်ၵဝ်ၼၼ်ႉ ႁပ်ႉတုင်းဢဝ်ၵေႃႉဢၼ်ပွႆႇၸႂ်ႉၵဝ်မႃးၼၼ်ႉဢေႃႈ၊ ဝႃႈၼင်ႇၼႆဢေႃႈ။
ၸဝ်ႈယေႇသူႉတၵ်းလႆႈၶၢမ်ႇဢၢပ်ႈ
(တူၺ်း၊ မၢတ်ႈ 26:20-25။ မႃႇ 14:17-21။ လူႉ 22:21-23)
21 ယေႇသူႉလၢတ်ႈၸိူဝ်ႉၼင်ႇၼၼ်သေယဝ်ႉ၊ ႁူဝ်ၸႂ်မၼ်းၸဝ်ႈမီးတၢင်းဢၼ် ယၢပ်ႇၸႂ်ယုင်ႈၸႂ်ၼႃႇလူင်လၢင်လႄႈ ၶၢမ်ႇသၢၵ်ႈသေႇလႄႈဝႃႈ၊ ၵဝ်ဝႃႈတီႈၸိုဝ်ႈတီႈၸႂ်ႈတီႈသူၸမ်ႉ၊ ၼႂ်းသူၼႆႉၵေႃႉၼိုင်ႈတၵ်းဢဝ်ၵဝ်ဢၢပ်ႈဢေႃႈ၊ ဝႃႈၼင်ႇၼႆဢေႃႈ။- 22တပႄးၸဝ်ႈၸိူဝ်းၼၼ်ႉ မီးတၢင်းဢၼ်ၵႂင်ၸႂ်ယုင်ႈၸႂ် လွင်ႈဢၼ်မၼ်းၸဝ်ႈဢဝ်လွင်ႈၽူႈလႂ်ဝႃႈၼၼ်ႉလႄႈ၊ ႁင်းၽႂ်ႁင်းမၼ်းၵေႃႉၼိုင်ႈလႄႈၵေႃႉၼိုင်ႈတူၺ်းၵၼ်ယူႇဢေႃႈ။- 23တပႄးၸဝ်ႈဢၼ်ယေႇသူႉႁၵ်ႉၼႃႇၼၼ်ႉဢိင်ယူႇၵႃႈတီႈႁိမ်း ဝၢင်ႈႁူဝ်ဢူၵ်းမၼ်းၸဝ်ႈလႄႈ၊- 24သီႉမုၼ်ႇပေႇတရူႉ ဢဝ်မိုဝ်းၼႄတီႈမၼ်းၼၼ်ႉသေလႄႈဝႃႈ၊ လၢတ်ႈပၼ်လွင်ႈဢၼ်မၼ်းၸဝ်ႈ လၢတ်ႈဝႃႈလွင်ႈၽူႈလႂ်ၼၼ်ႉတီႈႁဝ်းသေၵမ်း၊ ဝႃႈၼင်ႇၼႆဢေႃႈ။- 25ၵေႃႉၼၼ်ႉ ဢိင်ၸပ်းႁူဝ်ဢူၵ်းယေႇသူႉသေလႄႈ လဝ်ႊထၢမ်လႄႈဝႃႈ၊ ၸဝ်ႈႁဝ်း၊ မၼ်းပဵၼ်ၽူႈလႂ်ၶႃႈ၊ ဝႃႈၼင်ႇၼႆဢေႃႈ။- 26ယေႇသူႉၵေႃႈၶိုၼ်းလၢတ်ႈလႄႈဝႃႈ၊ ပဵၼ်ၵေႃႉဢၼ်ၵဝ်ဢဝ်ၶဝ်ႈမုၼ်းၵမ်းၼိုင်ႈၸုမ်ႇသေလႄႈပၼ်ၼၼ်ႉဢေႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊ မၼ်းၸဝ်ႈ ဢဝ်ၶဝ်ႈမုၼ်းၵမ်းၼိုင်ႈၸုမ်ႇသေယဝ်ႉ၊ ပၼ်တီႈ ယူႉတႃႉဢီႉသၵႃႇရေႇဢုတ်ႈလုၵ်ႈၸၢႆးသီႉမုၼ်ႇဢေႃႈ။- 27ၵေႃႉၼၼ်ႉၶၢမ်ႇဢဝ်ၶဝ်ႈမုၼ်းၵမ်းၼိုင်ႈၼၼ်ႉယဝ်ႉ၊ ၸႃႇတၢၼ်ႇၶဝ်ႈၵႃႈၼႂ်းမၼ်းဢေႃႈ။ ယေႇသူႉၵေႃႈ လၢတ်ႈတီႈမၼ်းလႄႈဝႃႈ၊ ႁဵတ်းလွင်ႈဢၼ်မႂ်းတၵ်းလႆႈႁဵတ်းၼၼ်ႉ ၶၼ်ၶၼ်ၽႂ်းၽႂ်းတႃႉ၊ ဝႃႈၼင်ႇၼႆဢေႃႈ။
28ၼႂ်းၶဝ်ၸိူဝ်းဢၼ်ဢိင်ယူႇၵႃႈတီႈႁိမ်းၶူင်ႇတီႈၵိၼ်ၼၼ်ႉ ၽူႈလႂ်သေၵေႃႉသေၵူၼ်း ဢမ်ႇႁူႉလွင်ႈဢၼ်မၼ်းၸဝ်ႈ လၢတ်ႈဝႃႈၸိူဝ်ႉၼင်ႇၼႆ ၵွပ်ႈပိူဝ်ႈလွင်ႈၸိူဝ်ႉၼင်ႇႁိုဝ်ၼၼ်ႉ။- 29ၵမ်ႈၽွင်ႈၵေႃႈထၢင်ႇ ပိူဝ်ႈဢၼ်ယူႉတႃႉပႃး ထူင်ငိုၼ်းယူႇလႄႈ ယေႇသူႉမီးဢမိင်ႉဝႃႈ၊ သိုဝ်ႉပုၼ်ႈဢၼ်ႁဝ်းတၵ်းလူဝ်ႇၼႂ်းပွႆးၼႆႉတႃႉ ဝႃႈၼႆလႄႈသင်၊ ဢမ်ႇၼၼ်ၵေႃႈ ပၼ်သေၸိူဝ်ႉသေပိူင် တီႈၶဝ်ၸိူဝ်းဢၼ်ယၢၵ်ႈဢၼ်ၽၢၼ်ၼၼ်ႉတႃႉ၊ ဝႃႈၼင်ႇၼႆၼၼ်ႉဢေႃႈ။
30ၵေႃႉၼၼ်ႉၶၢမ်ႇဢဝ်ၶဝ်ႈမုၼ်းၵမ်းၼိုင်ႈၼၼ်ႉသေယဝ်ႉ၊ ဢွၵ်ႇၵႂႃႇၵမ်းလဵဝ်ဢေႃႈ။ ၶိင်ႇၼၼ်ႉၸမ်ႉ ပဵၼ်ၶိင်ႇၵၢင်ၶမ်ႈဢေႃႈ။
ၸဝ်ႈယေႇသူႉႁေႃးထႃႈလွင်ႈပေႇတရူႉတၵ်းထဵင်ပႅတ်ႈမၼ်းၸဝ်ႈ
(တူၺ်း၊ မၢတ်ႈ 26:31-35။ မႃႇ 14:27-31။ လူႉ 22:31-34)
31ဝၢႆးလင်ၵေႃႉၼၼ်ႉဢွၵ်ႇၵႂႃႇသေယဝ်ႉ၊ ယေႇသူႉၵေႃႈလၢတ်ႈလႄႈဝႃႈ၊ တေႃႈလဵဝ်ၼႆႉလုၵ်ႈၵူၼ်းမီးတၢင်းဢၼ်မုၼ်ၽုင်း ထၢင်ႇသႃးမႃးလႄႈ ၽြႃးပဵၼ်ၸဝ်ႈၵေႃႈမီးတၢင်းဢၼ်မုၼ်ၽုင်းထၢင်ႇသႃးမႃးၵွပ်ႈပိူဝ်ႈလုၵ်ႈၵူၼ်းၼၼ်ႉဢေႃႈ။- 32ပေႃးၽြႃးပဵၼ်ၸဝ်ႈ မီးတၢင်းဢၼ်မုၼ်ၽုင်းထၢင်ႇသႃးမႃးၵွပ်ႈပိူဝ်ႈလုၵ်ႈၵူၼ်းၼၼ်ႉၸိုင်၊ ၽြႃးပဵၼ်ၸဝ်ႈၼၼ်ႉတၵ်းႁႂ်ႈမုၼ်ၽုင်းမၼ်းၼၼ်ႉ ထၢင်ႇသႃးမႃးၵွပ်ႈပိူဝ်ႈတူဝ်ၸဝ်ႈၵဝ်ႇဢေႃႈ။ ၶိင်ႇၵႃႇလႃႉဢမ်ႇပေႃးႁိုင် မၼ်းၸဝ်ႈတၵ်းႁႂ်ႈမုၼ်ၽုင်းမၼ်းၼၼ်ႉ ထၢင်ႇသႃးမႃးဢေႃႈ။- 33လုၵ်ႈလၢင်းဢၼ်ၵဝ်ႁၵ်ႉၶဝ်ဢိူၺ်း၊ ၵဝ်ယူႇလူၺ်ႈၵၼ်တင်းသူထႅင်ႈၵမ်းဢွၼ်ႇၼိုင်ႈၵူၺ်းဢေႃႈ။ သူတၵ်းႁႃၵဝ်ဢေႃႈ။ ၸိူဝ်ႉၼင်ႇဢၼ် ၵဝ်လၢတ်ႈဝႆႉတီႈၵူၼ်းယူႉတႃႉၸိူဝ်းၼၼ်ႉလႄႈဝႃႈ၊ တီႈဢၼ်ၵဝ်ၵႂႃႇၼၼ်ႉၸိုင်သူဢမ်ႇႁွတ်ႈထိုင်လႆႈ၊ ဝႃႈၼင်ႇၼႆၼၼ်ႉ၊ တေႃႈလဵဝ်ၼႆႉၵဝ်လၢတ်ႈတီႈသူဢေႃႈ။- 34ၵဝ်ပၼ်ပိင်းၺၢပ်ႈဢၼ်မႂ်ႇဝႆႉတီႈသူလႄႈဝႃႈ၊ သူၵေႃႉၼိုင်ႈလႄႈၵေႃႉၼိုင်ႈႁၵ်ႉၵၼ်တႃႉ၊ ၸိူဝ်ႉၼင်ႇဢၼ်ၵဝ်ႁၵ်ႉသူၼၼ်ႉ၊ ၵေႃႉၼိုင်ႈလႄႈၵေႃႉၼိုင်ႈႁၵ်ႉၵၼ်တႃႉ၊ ဝႃႈၼင်ႇၼႆဢေႃႈ။- 35ပေႃးသူၵေႃႉၼိုင်ႈလႄႈၵေႃႉၼိုင်ႈႁၵ်ႉၵၼ်ၸိုင် ၵူၼ်းတင်းသဵင်ႈတင်းလူင်တၵ်းထွၵ်ႈလူၺ်ႈ တၢင်းႁၵ်ႉၼၼ်ႉသေလႄႈ ႁူႉလွင်ႈဢၼ် သူပဵၼ်တပႄးၵဝ်ဢေႃႈ၊ ဝႃႈၼင်ႇၼႆဢေႃႈ။
36 သီႉမုၼ်ႇပေႇတရူႉၵေႃႈလဝ်ႊထၢမ်လႄႈဝႃႈ၊ ၸဝ်ႈႁဝ်း၊ ၸဝ်ႈႁဝ်းတၵ်းၵႂႃႇၵႃႈတီႈလႂ်ၶႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊ ယေႇသူႉၵေႃႈ ၶိုၼ်းလၢတ်ႈလႄႈဝႃႈ၊ တီႈဢၼ်ၵဝ်တၵ်းၵႂႃႇပုၼ်ႉၸိုင် တေႃႈလဵဝ်ၼႆႉမႂ်းဢမ်ႇၸွမ်းလႆႈ။ ၵမ်းလိုၼ်းၸင်ႇတၵ်းလႆႈၸွမ်းဢေႃႈ၊ ဝႃႈၼင်ႇၼႆဢေႃႈ။- 37ပေႇတရူႉၵေႃႈလဝ်ႊလၢတ်ႈလႄႈဝႃႈ၊ ၸဝ်ႈႁဝ်း၊ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ ၵဝ်ၶႃႈဢမ်ႇၸွမ်းလူၺ်ႈၵၼ်တင်းၸဝ်ႈႁဝ်းတေႃႈလဵဝ်ၼႆႉလႆႈၼင်ႇႁိုဝ်ၶႃႈ။ ၵဝ်ၶႃႈတၵ်းၸုၼ်ႉဢသၢၵ်ႈၵဝ်ၶႃႈပုၼ်ႈၸဝ်ႈႁဝ်းၶႃႈဢေႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊- 38ယေႇသူႉၵေႃႈၶိုၼ်းလၢတ်ႈလႄႈဝႃႈ၊ ၸွင်ႇမႂ်းတၵ်းၸုၼ်ႉဢသၢၵ်ႈမႂ်းပုၼ်ႈၵဝ်ႁိုဝ်။ ၵဝ်ဝႃႈတီႈၸိုဝ်ႈတီႈၸႂ်ႈတီႈမႂ်းၸမ်ႉ၊ ၸူဝ်ႈဢၼ်ၵႆႇဢမ်ႇပႆႇၶၼ်ၼၼ်ႉၸိုင် မႂ်းတၵ်းထဵင်ပႅတ်ႈၵဝ်တေႃႇထိုင်ႁွတ်ႈသၢမ်ပွၵ်ႈဢေႃႈ၊ ဝႃႈၼင်ႇၼႆဢေႃႈ။
Aktuálne označené:
ယူဝ်းႁၢၼ်ႇ 13: CBMS
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Copyright © 2021 by OMF International, Shan Baptist Churches Fellowship
ယူဝ်းႁၢၼ်ႇ 13
13
ၸဝ်ႈယေႇသူႉသုၵ်ႈတိၼ်တပႄးမၼ်းၸဝ်ႈ
1ၸူဝ်ႈဢၼ်ဢမ်ႇပႆႇၶၢမ်ႇ ပွႆးပႃႉသၶႃႇၼၼ်ႉၸိုင်၊ ယေႇသူႉၼၼ်ႉပိူဝ်ႈဢၼ်ႁူႉလွင်ႈၶိင်ႇမိူဝ်ႈဢၼ် မၼ်းၸဝ်ႈတၵ်းလႆႈလုၵ်ႉသေၵႃႈတီႈလေႃးၵႃႉၼႆႉ ၶၢႆႉၵႂႃႇၵႃႈတီႈပေႃႈၸဝ်ႈပုၼ်ႉၼၼ်ႉႁွတ်ႈမႃးယဝ်ႉၼၼ်ႉလႄႈ ၵွပ်ႈပိူဝ်ႈဢၼ်မၼ်းၸဝ်ႈ ႁၵ်ႉၵူၼ်းမၼ်းၸဝ်ႈဢၼ် မီးယူႇၵႃႈၼႂ်းလေႃးၵႃႉၼႆႉလႄႈ၊ မၼ်းၸဝ်ႈႁၵ်ႉတေႃႇထိုင်ႁွတ်ႈတီႈသုတ်းတီႈၵွႆဢေႃႈ။- 2မႃႇၼၢတ်ႈသႂ်ႇပၼ်တၢင်းၵျၢမ်ႇတၢင်းပွင် လွင်ႈဢၼ်တၵ်းလႆႈဢဝ်မၼ်းၸဝ်ႈဢၢပ်ႈၼၼ်ႉ ၵႃႈၼႂ်းႁူဝ်ၸႂ်ယူႉတႃႉဢီႉသၵႃႇရေႇဢုတ်ႈ လုၵ်ႈၸၢႆးသီႉမုၼ်ႇၼၼ်ႉသေယဝ်ႉ၊ ၼႂ်းမိူဝ်ႈဢၼ် ယင်းတိုၵ်ႉၵိၼ်ၶဝ်ႈၶမ်ႈယူႇၼၼ်ႉၸိုင်၊- 3ယေႇသူႉႁူႉလွင်ႈဢၼ်ပေႃႈၸဝ်ႈ ဢၢပ်ႈပၼ် တင်းသဵင်ႈတင်းလူင်ၵႃႈတီႈၼႂ်းမိုဝ်းမၼ်းၸဝ်ႈ ဢိၵ်ႇတင်းလွင်ႈဢၼ်မၼ်းၸဝ်ႈ ဢွၵ်ႇသေၵႃႈတီႈၽြႃးပဵၼ်ၸဝ်ႈမႃး တင်းလွင်ႈဢၼ်မၼ်းၸဝ်ႈတၵ်းၵႂႃႇၵႃႈတီႈၽြႃးပဵၼ်ၸဝ်ႈပုၼ်ႉၼၼ်ႉယူႇသေလႄႈ၊- 4လုၵ်ႉသေၵႃႈတီႈၶူင်ႇတီႈၵိၼ်ၼၼ်ႉလႄႈ ထွတ်ႇဢဝ်ၶူဝ်းမၼ်းၸဝ်ႈသေယဝ်ႉ၊ ဢဝ်ၽႃႈၸဵတ်ႉလႄႈ ႁတ်ႉဢႅဝ်မၼ်းၸဝ်ႈဢေႃႈ။- 5လိုၼ်းၼၼ်ႉ မၼ်းၸဝ်ႈဢဝ်ၼမ်ႉထွၵ်ႇသႂ်ႇၵႃႈၼႂ်းဢႅင်ႇသေလႄႈ သုၵ်ႈတိၼ်တပႄးၸဝ်ႈတင်းလၢႆယဝ်ႉၸင်ႇ ဢဝ်တင်းၽႃႈၸဵတ်ႉဢၼ်ႁတ်ႉဢႅဝ်မၼ်းၸဝ်ႈၼၼ်ႉၸဵတ်ႉဢေႃႈ။
6မိူဝ်ႈဢၼ်မၼ်းၸဝ်ႈႁွတ်ႈထိုင် ၵႃႈတီႈသီႉမုၼ်ႇပေႇတရူႉၸိုင်၊ မၼ်းၼၼ်ႉလဝ်ႊထၢမ်လႄႈဝႃႈ၊ ၸဝ်ႈႁဝ်း၊ၸဝ်ႈႁဝ်းတၵ်းသုၵ်ႈတိၼ်ၵဝ်ၶႃႈၶႃႈႁိုဝ်၊ ဝႃႈၼင်ႇၼႆဢေႃႈ။- 7ယေႇသူႉၵေႃႈၶိုၼ်းလၢတ်ႈလႄႈဝႃႈ၊ လွင်ႈဢၼ်ၵဝ်ႁဵတ်းၼႆၸိုင် တေႃႈလဵဝ်ၼႆႉမႂ်းဢမ်ႇပႆႇႁူႉ။ ၵမ်းလိုၼ်းမႂ်းတၵ်းႁူႉဢေႃႈ၊ ဝႃႈၼင်ႇၼႆဢေႃႈ။- 8ပေႇတရူႉၵေႃႈလဝ်ႊလၢတ်ႈလႄႈဝႃႈ၊ ၸဝ်ႈႁဝ်းတၵ်းဢမ်ႇလႆႈသုၵ်ႈတိၼ်ၵဝ်ၶႃႈလႃးလႃးၶႃႈ၊ ဝႃႈၼင်ႇၼႆဢေႃႈ။ ယေႇသူႉၵေႃႈ ၶိုၼ်းလၢတ်ႈလႄႈဝႃႈ၊ ပေႃးၵဝ်ဢမ်ႇလႆႈသုၵ်ႈမႂ်းၸိုင်၊ မႂ်းဢမ်ႇသိူၵ်ႈသမ်ႇၵၼ်တင်းၵဝ်ၵူၺ်ႉ၊ ဝႃႈၼင်ႇၼႆဢေႃႈ။- 9သီႉမုၼ်ႇပေႇတရူႉၵေႃႈ လဝ်ႊလၢတ်ႈလႄႈဝႃႈ၊ ယႃႇပေသုၵ်ႈတိၼ်ၵဝ်ၶႃႈၵူၺ်ႉ၊ သုၵ်ႈမိုဝ်းၵဝ်ၶႃႈ ဢိၵ်ႇတင်းႁူဝ်ၵဝ်ၶႃႈသေၵမ်းၶႃႈ၊ ဝႃႈၼင်ႇၼႆဢေႃႈ။- 10ယေႇသူႉၵေႃႈလၢတ်ႈလႄႈဝႃႈ၊ ၵေႃႉဢၼ်ဢၢပ်ႇၼမ်ႉယဝ်ႉၼၼ်ႉၸမ်ႉ၊ လိူဝ်သေတၢင်းဢၼ်သုၵ်ႈတိၼ်ၵူၺ်း၊ လွင်ႈဢၼ်တၵ်းလႆႈသုၵ်ႈဢမ်ႇမီး။ မူတ်းသႂ်ယူႇတင်းတူဝ်တင်းၶိင်းဢေႃႈ။ သူၼႆႉမူတ်းသႂ်ဢေႃႈ။ ၵူၺ်းၵႃႈ ၵမ်ႈၽွင်ႈဢမ်ႇမူတ်းသႂ်၊ ဝႃႈၼင်ႇၼႆဢေႃႈ။- 11လွင်ႈမၼ်းၸမ်ႉ ပိူဝ်ႈဢၼ်မၼ်းၸဝ်ႈႁူႉၵေႃႉဢၼ် တၵ်းဢဝ်မၼ်းၸဝ်ႈဢၢပ်ႈၼၼ်ႉယူႇလႄႈ မၼ်းၸဝ်ႈၸင်ႇလၢတ်ႈလႄႈဝႃႈ၊ ၼႂ်းသူၼႆႉၵမ်ႈၽွင်ႈဢမ်ႇမူတ်းသႂ်၊ ဝႃႈၼင်ႇၼႆဢေႃႈ။
12မၼ်းၸဝ်ႈသုၵ်ႈတိၼ်ၶဝ်ၼၼ်ႉယဝ်ႉၸင်ႇ သမ်ႉၶိုၼ်းၼုင်ႈၶူဝ်းလႄႈ ဢိင်ယူႇၵႃႈတီႈႁိမ်းၶူင်ႇတီႈၵိၼ်သေလႄႈဝႃႈ၊ သူႁူႉလွင်ႈတၢင်းဢၼ် ၵဝ်ႁဵတ်းမႃးယဝ်ႉတီႈသူၼႆႉၼၼ်ႉႁိုဝ်။- 13သူၼႆႉ ၸၢင်ႈႁွင်ႉၵဝ်လႄႈဝႃႈ သြႃႇၸဝ်ႈႁဝ်း၊ ၸဝ်ႈၽြႃးႁဝ်း၊ ဝႃႈၼင်ႇၼႆဢေႃႈ။ ၵႂၢမ်းဢၼ်သူလၢတ်ႈၼၼ်ႉၵေႃႈ ပဵၼ်ၵႂၢမ်းဢၼ်ၸိုဝ်ႈဢၼ်ၸႂ်ႈဢေႃႈ။ လွင်ႈမၼ်းၸမ်ႉ ၵႃႈၼင်ႇဢၼ်သူႁွင်ႉၼၼ်ႉၵဝ်ပဵၼ်ဢေႃႈ။- 14ပေႃးၵဝ်ဢၼ်ပဵၼ်ၸဝ်ႈၽြႃးသူ ပဵၼ်သြႃႇသူၼႆႉသုၵ်ႈတိၼ်သူၸိုင် သူၵေႃႉၼိုင်ႈလႄႈၵေႃႉၼိုင်ႈတၵ်းလႆႈသုၵ်ႈတိၼ်ၵၼ်ဢေႃႈ။- 15ၼင်ႇႁိုဝ်သူတၵ်းႁဵတ်းၸွမ်းၵႃႈၼင်ႇဢၼ် ၵဝ်ႁဵတ်းၼႂ်းသူၼႆႉၼၼ်ႉၸိုင်၊ ၵဝ်ၼႄပျႃးပုင်ႇသၢၵ်ႈသေႇဝႆႉယဝ်ႉ။- 16ၵဝ်ဝႃႈတီႈၸိုဝ်ႈတီႈၸႂ်ႈတီႈသူၸမ်ႉ၊ ၶႃႈယဵင်ႈၶႅၼ်းယႂ်ႇမျၢတ်ႈၼႃႇသေၸဝ်ႈမၼ်းဢမ်ႇၸႂ်ႈ။ ၵေႃႉဢၼ်ၶၢမ်ႇတၢင်းဢၼ်ပွႆႇၸႂ်ႉ ၼၼ်ႉၵေႃႈယဵင်ႈၶႅၼ်းယႂ်ႇမျၢတ်ႈၼႃႇသေ ၵေႃႉဢၼ်ပွႆႇၸႂ်ႉမၼ်းၼၼ်ႉဢမ်ႇၸႂ်ႈ။- 17ပေႃးသူႁူႉလွင်ႈတၢင်းၸိူဝ်းၼႆႉလႄႈ ၵမ်ၵျၢင်ႉၸွမ်းၸိုင် သူမီးမင်ႇၵလႃႇဢေႃႈ။
18ၵဝ်ဢဝ်လွင်ႈသူၵႃႈမီးၼႆႉလႄႈ ဝႃႈဢမ်ႇၸႂ်ႈ။ ၵဝ်ႁူႉၶဝ်ၸိူဝ်းဢၼ် ၵဝ်လိူၵ်ႈၵဵပ်းဢဝ်ၼၼ်ႉယူႇဢေႃႈ။ ၵူၺ်းၵႃႈ လွင်ႈၼင်ႇႁိုဝ် တၵ်းႁႂ်ႈၵျၢမ်းလိၵ်ႈဢၼ်ဝႃႈ၊ ၵေႃႉဢၼ်ၵိၼ် ၶဝ်ႈမုၼ်းၵဝ်ၼၼ်ႉ ဢဝ်တိၼ်ပိတ်ႉၵဝ်ဢေႃႈ၊ ဝႃႈၼင်ႇၼႆၼၼ်ႉ ပျေႉၸုမ်ႇၸိုင်ၸင်ႇပဵၼ်ဢေႃႈ။- 19လွင်ႈၼင်ႇႁိုဝ်သူတၵ်းယုမ်ႇမၢတ်ႈ လွင်ႈဢၼ်ၵဝ်ပဵၼ်ၵေႃႉၼၼ်ႉ ၼႂ်းမိူဝ်ႈဢၼ်လွင်ႈတၢင်းၼၼ်ႉႁွတ်ႈမႃးၼၼ်ႉၸိုင် တေႃႈလဵဝ်ၼႆႉ ၵဝ်လၢတ်ႈဝႆႉတီႈသူ ၸူဝ်ႈဢၼ်လွင်ႈတၢင်းၼၼ်ႉဢမ်ႇပႆႇႁွတ်ႈထိုင်ၼၼ်ႉယဝ်ႉ။- 20ၵဝ်ဝႃႈတီႈၸိုဝ်ႈတီႈၸႂ်ႈတီႈသူၸမ်ႉ၊ ၵေႃႉဢၼ်ႁပ်ႉတုင်းဢဝ်ၵေႃႉဢၼ်ၵဝ်ပွႆႇၸႂ်ႉၼၼ်ႉႁပ်ႉတုင်းဢဝ်ၵဝ်ဢေႃႈ။ ၵေႃႉဢၼ်ႁပ်ႉတုင်းဢဝ်ၵဝ်ၼၼ်ႉ ႁပ်ႉတုင်းဢဝ်ၵေႃႉဢၼ်ပွႆႇၸႂ်ႉၵဝ်မႃးၼၼ်ႉဢေႃႈ၊ ဝႃႈၼင်ႇၼႆဢေႃႈ။
ၸဝ်ႈယေႇသူႉတၵ်းလႆႈၶၢမ်ႇဢၢပ်ႈ
(တူၺ်း၊ မၢတ်ႈ 26:20-25။ မႃႇ 14:17-21။ လူႉ 22:21-23)
21 ယေႇသူႉလၢတ်ႈၸိူဝ်ႉၼင်ႇၼၼ်သေယဝ်ႉ၊ ႁူဝ်ၸႂ်မၼ်းၸဝ်ႈမီးတၢင်းဢၼ် ယၢပ်ႇၸႂ်ယုင်ႈၸႂ်ၼႃႇလူင်လၢင်လႄႈ ၶၢမ်ႇသၢၵ်ႈသေႇလႄႈဝႃႈ၊ ၵဝ်ဝႃႈတီႈၸိုဝ်ႈတီႈၸႂ်ႈတီႈသူၸမ်ႉ၊ ၼႂ်းသူၼႆႉၵေႃႉၼိုင်ႈတၵ်းဢဝ်ၵဝ်ဢၢပ်ႈဢေႃႈ၊ ဝႃႈၼင်ႇၼႆဢေႃႈ။- 22တပႄးၸဝ်ႈၸိူဝ်းၼၼ်ႉ မီးတၢင်းဢၼ်ၵႂင်ၸႂ်ယုင်ႈၸႂ် လွင်ႈဢၼ်မၼ်းၸဝ်ႈဢဝ်လွင်ႈၽူႈလႂ်ဝႃႈၼၼ်ႉလႄႈ၊ ႁင်းၽႂ်ႁင်းမၼ်းၵေႃႉၼိုင်ႈလႄႈၵေႃႉၼိုင်ႈတူၺ်းၵၼ်ယူႇဢေႃႈ။- 23တပႄးၸဝ်ႈဢၼ်ယေႇသူႉႁၵ်ႉၼႃႇၼၼ်ႉဢိင်ယူႇၵႃႈတီႈႁိမ်း ဝၢင်ႈႁူဝ်ဢူၵ်းမၼ်းၸဝ်ႈလႄႈ၊- 24သီႉမုၼ်ႇပေႇတရူႉ ဢဝ်မိုဝ်းၼႄတီႈမၼ်းၼၼ်ႉသေလႄႈဝႃႈ၊ လၢတ်ႈပၼ်လွင်ႈဢၼ်မၼ်းၸဝ်ႈ လၢတ်ႈဝႃႈလွင်ႈၽူႈလႂ်ၼၼ်ႉတီႈႁဝ်းသေၵမ်း၊ ဝႃႈၼင်ႇၼႆဢေႃႈ။- 25ၵေႃႉၼၼ်ႉ ဢိင်ၸပ်းႁူဝ်ဢူၵ်းယေႇသူႉသေလႄႈ လဝ်ႊထၢမ်လႄႈဝႃႈ၊ ၸဝ်ႈႁဝ်း၊ မၼ်းပဵၼ်ၽူႈလႂ်ၶႃႈ၊ ဝႃႈၼင်ႇၼႆဢေႃႈ။- 26ယေႇသူႉၵေႃႈၶိုၼ်းလၢတ်ႈလႄႈဝႃႈ၊ ပဵၼ်ၵေႃႉဢၼ်ၵဝ်ဢဝ်ၶဝ်ႈမုၼ်းၵမ်းၼိုင်ႈၸုမ်ႇသေလႄႈပၼ်ၼၼ်ႉဢေႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊ မၼ်းၸဝ်ႈ ဢဝ်ၶဝ်ႈမုၼ်းၵမ်းၼိုင်ႈၸုမ်ႇသေယဝ်ႉ၊ ပၼ်တီႈ ယူႉတႃႉဢီႉသၵႃႇရေႇဢုတ်ႈလုၵ်ႈၸၢႆးသီႉမုၼ်ႇဢေႃႈ။- 27ၵေႃႉၼၼ်ႉၶၢမ်ႇဢဝ်ၶဝ်ႈမုၼ်းၵမ်းၼိုင်ႈၼၼ်ႉယဝ်ႉ၊ ၸႃႇတၢၼ်ႇၶဝ်ႈၵႃႈၼႂ်းမၼ်းဢေႃႈ။ ယေႇသူႉၵေႃႈ လၢတ်ႈတီႈမၼ်းလႄႈဝႃႈ၊ ႁဵတ်းလွင်ႈဢၼ်မႂ်းတၵ်းလႆႈႁဵတ်းၼၼ်ႉ ၶၼ်ၶၼ်ၽႂ်းၽႂ်းတႃႉ၊ ဝႃႈၼင်ႇၼႆဢေႃႈ။
28ၼႂ်းၶဝ်ၸိူဝ်းဢၼ်ဢိင်ယူႇၵႃႈတီႈႁိမ်းၶူင်ႇတီႈၵိၼ်ၼၼ်ႉ ၽူႈလႂ်သေၵေႃႉသေၵူၼ်း ဢမ်ႇႁူႉလွင်ႈဢၼ်မၼ်းၸဝ်ႈ လၢတ်ႈဝႃႈၸိူဝ်ႉၼင်ႇၼႆ ၵွပ်ႈပိူဝ်ႈလွင်ႈၸိူဝ်ႉၼင်ႇႁိုဝ်ၼၼ်ႉ။- 29ၵမ်ႈၽွင်ႈၵေႃႈထၢင်ႇ ပိူဝ်ႈဢၼ်ယူႉတႃႉပႃး ထူင်ငိုၼ်းယူႇလႄႈ ယေႇသူႉမီးဢမိင်ႉဝႃႈ၊ သိုဝ်ႉပုၼ်ႈဢၼ်ႁဝ်းတၵ်းလူဝ်ႇၼႂ်းပွႆးၼႆႉတႃႉ ဝႃႈၼႆလႄႈသင်၊ ဢမ်ႇၼၼ်ၵေႃႈ ပၼ်သေၸိူဝ်ႉသေပိူင် တီႈၶဝ်ၸိူဝ်းဢၼ်ယၢၵ်ႈဢၼ်ၽၢၼ်ၼၼ်ႉတႃႉ၊ ဝႃႈၼင်ႇၼႆၼၼ်ႉဢေႃႈ။
30ၵေႃႉၼၼ်ႉၶၢမ်ႇဢဝ်ၶဝ်ႈမုၼ်းၵမ်းၼိုင်ႈၼၼ်ႉသေယဝ်ႉ၊ ဢွၵ်ႇၵႂႃႇၵမ်းလဵဝ်ဢေႃႈ။ ၶိင်ႇၼၼ်ႉၸမ်ႉ ပဵၼ်ၶိင်ႇၵၢင်ၶမ်ႈဢေႃႈ။
ၸဝ်ႈယေႇသူႉႁေႃးထႃႈလွင်ႈပေႇတရူႉတၵ်းထဵင်ပႅတ်ႈမၼ်းၸဝ်ႈ
(တူၺ်း၊ မၢတ်ႈ 26:31-35။ မႃႇ 14:27-31။ လူႉ 22:31-34)
31ဝၢႆးလင်ၵေႃႉၼၼ်ႉဢွၵ်ႇၵႂႃႇသေယဝ်ႉ၊ ယေႇသူႉၵေႃႈလၢတ်ႈလႄႈဝႃႈ၊ တေႃႈလဵဝ်ၼႆႉလုၵ်ႈၵူၼ်းမီးတၢင်းဢၼ်မုၼ်ၽုင်း ထၢင်ႇသႃးမႃးလႄႈ ၽြႃးပဵၼ်ၸဝ်ႈၵေႃႈမီးတၢင်းဢၼ်မုၼ်ၽုင်းထၢင်ႇသႃးမႃးၵွပ်ႈပိူဝ်ႈလုၵ်ႈၵူၼ်းၼၼ်ႉဢေႃႈ။- 32ပေႃးၽြႃးပဵၼ်ၸဝ်ႈ မီးတၢင်းဢၼ်မုၼ်ၽုင်းထၢင်ႇသႃးမႃးၵွပ်ႈပိူဝ်ႈလုၵ်ႈၵူၼ်းၼၼ်ႉၸိုင်၊ ၽြႃးပဵၼ်ၸဝ်ႈၼၼ်ႉတၵ်းႁႂ်ႈမုၼ်ၽုင်းမၼ်းၼၼ်ႉ ထၢင်ႇသႃးမႃးၵွပ်ႈပိူဝ်ႈတူဝ်ၸဝ်ႈၵဝ်ႇဢေႃႈ။ ၶိင်ႇၵႃႇလႃႉဢမ်ႇပေႃးႁိုင် မၼ်းၸဝ်ႈတၵ်းႁႂ်ႈမုၼ်ၽုင်းမၼ်းၼၼ်ႉ ထၢင်ႇသႃးမႃးဢေႃႈ။- 33လုၵ်ႈလၢင်းဢၼ်ၵဝ်ႁၵ်ႉၶဝ်ဢိူၺ်း၊ ၵဝ်ယူႇလူၺ်ႈၵၼ်တင်းသူထႅင်ႈၵမ်းဢွၼ်ႇၼိုင်ႈၵူၺ်းဢေႃႈ။ သူတၵ်းႁႃၵဝ်ဢေႃႈ။ ၸိူဝ်ႉၼင်ႇဢၼ် ၵဝ်လၢတ်ႈဝႆႉတီႈၵူၼ်းယူႉတႃႉၸိူဝ်းၼၼ်ႉလႄႈဝႃႈ၊ တီႈဢၼ်ၵဝ်ၵႂႃႇၼၼ်ႉၸိုင်သူဢမ်ႇႁွတ်ႈထိုင်လႆႈ၊ ဝႃႈၼင်ႇၼႆၼၼ်ႉ၊ တေႃႈလဵဝ်ၼႆႉၵဝ်လၢတ်ႈတီႈသူဢေႃႈ။- 34ၵဝ်ပၼ်ပိင်းၺၢပ်ႈဢၼ်မႂ်ႇဝႆႉတီႈသူလႄႈဝႃႈ၊ သူၵေႃႉၼိုင်ႈလႄႈၵေႃႉၼိုင်ႈႁၵ်ႉၵၼ်တႃႉ၊ ၸိူဝ်ႉၼင်ႇဢၼ်ၵဝ်ႁၵ်ႉသူၼၼ်ႉ၊ ၵေႃႉၼိုင်ႈလႄႈၵေႃႉၼိုင်ႈႁၵ်ႉၵၼ်တႃႉ၊ ဝႃႈၼင်ႇၼႆဢေႃႈ။- 35ပေႃးသူၵေႃႉၼိုင်ႈလႄႈၵေႃႉၼိုင်ႈႁၵ်ႉၵၼ်ၸိုင် ၵူၼ်းတင်းသဵင်ႈတင်းလူင်တၵ်းထွၵ်ႈလူၺ်ႈ တၢင်းႁၵ်ႉၼၼ်ႉသေလႄႈ ႁူႉလွင်ႈဢၼ် သူပဵၼ်တပႄးၵဝ်ဢေႃႈ၊ ဝႃႈၼင်ႇၼႆဢေႃႈ။
36 သီႉမုၼ်ႇပေႇတရူႉၵေႃႈလဝ်ႊထၢမ်လႄႈဝႃႈ၊ ၸဝ်ႈႁဝ်း၊ ၸဝ်ႈႁဝ်းတၵ်းၵႂႃႇၵႃႈတီႈလႂ်ၶႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊ ယေႇသူႉၵေႃႈ ၶိုၼ်းလၢတ်ႈလႄႈဝႃႈ၊ တီႈဢၼ်ၵဝ်တၵ်းၵႂႃႇပုၼ်ႉၸိုင် တေႃႈလဵဝ်ၼႆႉမႂ်းဢမ်ႇၸွမ်းလႆႈ။ ၵမ်းလိုၼ်းၸင်ႇတၵ်းလႆႈၸွမ်းဢေႃႈ၊ ဝႃႈၼင်ႇၼႆဢေႃႈ။- 37ပေႇတရူႉၵေႃႈလဝ်ႊလၢတ်ႈလႄႈဝႃႈ၊ ၸဝ်ႈႁဝ်း၊ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ ၵဝ်ၶႃႈဢမ်ႇၸွမ်းလူၺ်ႈၵၼ်တင်းၸဝ်ႈႁဝ်းတေႃႈလဵဝ်ၼႆႉလႆႈၼင်ႇႁိုဝ်ၶႃႈ။ ၵဝ်ၶႃႈတၵ်းၸုၼ်ႉဢသၢၵ်ႈၵဝ်ၶႃႈပုၼ်ႈၸဝ်ႈႁဝ်းၶႃႈဢေႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊- 38ယေႇသူႉၵေႃႈၶိုၼ်းလၢတ်ႈလႄႈဝႃႈ၊ ၸွင်ႇမႂ်းတၵ်းၸုၼ်ႉဢသၢၵ်ႈမႂ်းပုၼ်ႈၵဝ်ႁိုဝ်။ ၵဝ်ဝႃႈတီႈၸိုဝ်ႈတီႈၸႂ်ႈတီႈမႂ်းၸမ်ႉ၊ ၸူဝ်ႈဢၼ်ၵႆႇဢမ်ႇပႆႇၶၼ်ၼၼ်ႉၸိုင် မႂ်းတၵ်းထဵင်ပႅတ်ႈၵဝ်တေႃႇထိုင်ႁွတ်ႈသၢမ်ပွၵ်ႈဢေႃႈ၊ ဝႃႈၼင်ႇၼႆဢေႃႈ။
Aktuálne označené:
:
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Copyright © 2021 by OMF International, Shan Baptist Churches Fellowship