Lk 7
7
Mbo Esaé Evete Ntete Bezimbi
(Mt 8:5-13; Mt 15:25-28)
1Eyoñ a maneya kobô, bôte bese be mbe be wô'ô nye *minkobô mite mise, ane Yésus a nga nyiin e Kapernawum.
2Evete bezimbi ntete wua é nga bili mbo ésaé a konôk bebé ya wu ve a too nye étua édima. 3A nga wô'ô be kobô'ô ajô Yésus, nde a lôme bemvendé b'éziñ ya Beyude asu ya sili nye na a zu nyii e mbo ésaé wé. 4Ane be nga kui be Yésus a ye'elane nye be yemete'e nye na: Da yiane na ô bo nye jame te, 5amu *a nye'e ayoñe dangan, e nye fe a nga lôñe *aba Zambe dangan. 6Yésus a kelek baa be be, teke ôyab a *nda évete bezimbi, e nde évete bezimbi ntete wua ja lôme bemvôé b'éziñ be kate Yésus na: A Nti, te wo nyoñ abime nju'u te, amu me nji bo e nyô a yiane na ô nyiin andile dame si. 7Amu ajô te fe me nga bo teke buni na me ne nyô a yiane zu be wo. Ve jô'ôk ajô, a mbo ésaé wom a ye bo *mvo'é. 8Amu e ma me ne éjôé bemasa bam, me bili bezimbi éjôé jame si; a ma jô wua na: Kelek! Nye ve ke; nyô mbo'o na: Za'ak! Nye ve zu; a e mbo ésaé wome na: Bo'o e jame dili! Nye ve bo de. 9Eyoñe Yésus a nga wô'ô mejô mete, a nga kam évete bezimbi ntete wua, ve kôñelan e mfa'a ékôane bôt é mbe é tôñe nye a jô na: Ma jô mia de na: To'o Israél été, me nji koon avale ngule mbunan di. 10Eyoñ ba bulan e *nda, bekee *nlôman be nga koon e môt a mbe nkôkon a ntoo *mvo'é.
E mone nkuse minga ya Nayin a wômô
(Lk 8:49-56; Bm 11; 1Bb 17:17-24)
11E *môs ô nga tôñe valé a nga ke e tisone ba loone Nayin; beyé'é bé a nsamba ézu'u bôt be mbe ba be nye nsamba. 12Eyoñ a nga kui bebé a *mbé ya tison a nga yene be kele jame môt a too atyi'i mon, nyia wé a mbe nkus: Ane nsamba bôt ya tison ô nga fulane nsamba wua a nye. 13E Nti a nga yene nye, a ko nye éngôngo a jô nye na: Te yôn! 14E nde a subu bebé a nnambe éwolo mbim. Ba be nga be'e je be nga tebe. Yésus na: A Ndômane môt, ma jô wo de na: Kôlô'ô si! 15Ane mbim ô nga tabe tôtoo a taté na wo kobô. Yésus a nga kee nye nyia wé. 16Woñ ô nga bi bese; be nga kañe Zambe be jô'ô na: Beta *nkulu mejô a tebeya ézezañe jangan, a Zambe a zuya jom ayoñe bôte dé. 17Nkobô te ô nga mialan ajô dé e Yudé ase a mefôla mese ma bôéban.
Nsili Yôanes Babtist a sili Yésus
18Beyé'é be Yôanes be nga kate nye mam mete mese. 19Yôanes a nga loone bebaé ya beyé'é bé a lôme be e be Nti be jô nye na: Ye wo ô ne nyô a yiane zu, ye bi yange môte mfe' 20Eyoñe be kuiya be nye, bôte bete be nga jô na: Yôanes Babtist a te lôme bia be wo bi jô na: Ye wo ô ne nyô a yiane zu, ye bi yange mfe' 21Awolo te ebien, Yésus a nga yete akon e be abui bôt, miñyeyem a mimbia minsisim a nga saé abui mindindim. 22E nde a nga yalane be na: Kela katane Yôanes mam mia te yen a wôk: mindindim mia yen, miñyeyem mia wulu, *minzezam mia fuban, mindôndok mia wôk, miñwuan mia wômô, mbamba foé a kateban e be minzôzoé. 23Ebotan e be nyô ma ye bo te bo ékolé ôbak!
24Eyoñe minlôman mi Yôanes mi keya, Yésus a nga taté na a kobô minsamba mi bôt ajô Yôanes na: Jé mi nga ke nye'e mia yen e *nkôte si? Ye nden évuñulu ja fô'ô' 25Ve jé mi nga ke yen? Ye môt a be'e bibubute mengômesan? Yenan, e ba be be'e abeñe mengômesan be nyiñe fe étôto'o été, be ne e menda bejô bôt été. 26Jé ñhe mi nga ke yen? Ye *nkulu mejô? Yaa, ma jô mia na: A dañe *nkulu mejô. 27E nye ajô dé e ne ntilane na:
ô lôô, ma lôme nkee minlômane ôsu viôé,
asu ya kômesane zene jôé ôsu viôé
28ma jô mia de na: e ba be nga bialé e be binga été, nyô a ne anen été a dañe Yôanes a nji bo. Ve da, éjôé Zambe, nyô a dañe tyôtyoé a dañe nye.
29E bôte bese be nga vô'ôlô nye a benyoñe *toya be nga kale nye éyoñe be nga bo na be nyoñe nduane Yôanes; 30ve Befarizieñ a beye'ele metiñ, mbenan be nga bene na a duu be, be nga wua ôsimesane Zambe e mfa'a wobe bebien.
31Ma ye ve'ane bôte ya miaé wu a za? A ba funane za' 32Ba funane bongô be too e vôme bôte bese ba tabe e mbe ba loone be be jô'ô na:
Bi maneya loñe mia mfañ, a mia mi nji jem;
bi maneya yia bia bi du, ve mi nji ke yôn.
33Amu Yôanes a nga zu, a nji di bidi, a nji nyu woon, mi na: A bili mbia *nsisim. 34Mona môt a soya, a ja'ak, a nya'ak, mi na: a ne e môt a di abui a e nyuu woon, mvôé benyoñe *toya a bebo *abé. 35Ve ba bese ba kañese fe'e Zambe ba yeme na é ne *zôsôô.
Mbo *abé a ne minga a jamban
36Wua ya Befarizieñ a nga ye'elane Yésus na ba nye be di. Ane Yésus a nga nyiin e ndaa mone Farizieñ a tabe tawôlô. 37Nde mbo *abé minga éziñ ke a mbe valé e tison, a nga yeme na Yésus a nga too tawôlô e ndaa Farizieñ; ane a nga soo nde'e Albata njalan ôlobinda. 38Ve tebe mvuse mebo mé. A mbe a yônôk a taté na a ve mebo me Yésus émumun a mili'i mé, wôna a nga fimi me a ésile jé, a wuba'ane me a sôé fe me ôlobinda. 39A yene a nga yene nalé, e nde Farizieñ a nga bañete nye a nga jô émien été na: Nge môte nyô a mbe *nkulu mejô, a nga ye yeme za e nye minga a nnambe nye a né, a na a ne mbo *abé minga. 40Yésus a nga nyoñe nkobô a jô nye na: A Simon, me bili jam éziñ ya jô wo: Nye Yésus na: Kobô'ô a Nye'ele: 41Nsé memvôla a nga bili bôte be bili nye memvôla bebaé: Wua bedenié mintete mitan, nyô mbo'o bedenié mewôm metan. 42Mbôlô be nji bi jôme ya ya'an, a nga jamé mvôla e be be bebaane. E *mbé a ye dañe nye'e nye' 43Simon a nga yalane na: Ma ve'e fe'e na e nyô a nga jamé beta tañ; Yésus a nga jô nye na: Ô yemeya tyik. 44Wôna a nga kôñelan e mfa'a minga a mbe a jô Simon na: Ye ô lôô e minga nyô? Ma te nyiin e *nda jôé, ô nji ve ma mendim asu mebo mam, ve nye a te ve mebo mam émumun a mili'i mé, a fimi me a ésile jé. 45O nji latane ma anyu, ve nye, nté ma te nyiin, a nji jô'é latane mebo mam a anyu dé. 46O nji sôôé me mbone nlô; ve nye a maneya sôôé ôlobinda e mebo mam. 47Ajô te ma jô wo de na: ézu'u mam *abé jéé é ntoo *njaman, amu e nye a dañeya nye'e. Ve nyô ba jamé tyôtyoé *a nye'e fe tyôtyoé. 48Nye minga na: Mam *abé môé, me ntoo *njaman. 49E ba baa be be be nga too tawôlô be nga taté na ba jô e be bebien été na: Nyôna a ne za *a jamé to'o mam *abé. 50Ve a nga jô minga na: e mbunane wôé ô nyiiya wo, kele *mvo'é.
Aktuálne označené:
Lk 7: BDCB
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Bible en langue Bulu © L'Alliance Biblique du Cameroun, 2007, 2015.
Lk 7
7
Mbo Esaé Evete Ntete Bezimbi
(Mt 8:5-13; Mt 15:25-28)
1Eyoñ a maneya kobô, bôte bese be mbe be wô'ô nye *minkobô mite mise, ane Yésus a nga nyiin e Kapernawum.
2Evete bezimbi ntete wua é nga bili mbo ésaé a konôk bebé ya wu ve a too nye étua édima. 3A nga wô'ô be kobô'ô ajô Yésus, nde a lôme bemvendé b'éziñ ya Beyude asu ya sili nye na a zu nyii e mbo ésaé wé. 4Ane be nga kui be Yésus a ye'elane nye be yemete'e nye na: Da yiane na ô bo nye jame te, 5amu *a nye'e ayoñe dangan, e nye fe a nga lôñe *aba Zambe dangan. 6Yésus a kelek baa be be, teke ôyab a *nda évete bezimbi, e nde évete bezimbi ntete wua ja lôme bemvôé b'éziñ be kate Yésus na: A Nti, te wo nyoñ abime nju'u te, amu me nji bo e nyô a yiane na ô nyiin andile dame si. 7Amu ajô te fe me nga bo teke buni na me ne nyô a yiane zu be wo. Ve jô'ôk ajô, a mbo ésaé wom a ye bo *mvo'é. 8Amu e ma me ne éjôé bemasa bam, me bili bezimbi éjôé jame si; a ma jô wua na: Kelek! Nye ve ke; nyô mbo'o na: Za'ak! Nye ve zu; a e mbo ésaé wome na: Bo'o e jame dili! Nye ve bo de. 9Eyoñe Yésus a nga wô'ô mejô mete, a nga kam évete bezimbi ntete wua, ve kôñelan e mfa'a ékôane bôt é mbe é tôñe nye a jô na: Ma jô mia de na: To'o Israél été, me nji koon avale ngule mbunan di. 10Eyoñ ba bulan e *nda, bekee *nlôman be nga koon e môt a mbe nkôkon a ntoo *mvo'é.
E mone nkuse minga ya Nayin a wômô
(Lk 8:49-56; Bm 11; 1Bb 17:17-24)
11E *môs ô nga tôñe valé a nga ke e tisone ba loone Nayin; beyé'é bé a nsamba ézu'u bôt be mbe ba be nye nsamba. 12Eyoñ a nga kui bebé a *mbé ya tison a nga yene be kele jame môt a too atyi'i mon, nyia wé a mbe nkus: Ane nsamba bôt ya tison ô nga fulane nsamba wua a nye. 13E Nti a nga yene nye, a ko nye éngôngo a jô nye na: Te yôn! 14E nde a subu bebé a nnambe éwolo mbim. Ba be nga be'e je be nga tebe. Yésus na: A Ndômane môt, ma jô wo de na: Kôlô'ô si! 15Ane mbim ô nga tabe tôtoo a taté na wo kobô. Yésus a nga kee nye nyia wé. 16Woñ ô nga bi bese; be nga kañe Zambe be jô'ô na: Beta *nkulu mejô a tebeya ézezañe jangan, a Zambe a zuya jom ayoñe bôte dé. 17Nkobô te ô nga mialan ajô dé e Yudé ase a mefôla mese ma bôéban.
Nsili Yôanes Babtist a sili Yésus
18Beyé'é be Yôanes be nga kate nye mam mete mese. 19Yôanes a nga loone bebaé ya beyé'é bé a lôme be e be Nti be jô nye na: Ye wo ô ne nyô a yiane zu, ye bi yange môte mfe' 20Eyoñe be kuiya be nye, bôte bete be nga jô na: Yôanes Babtist a te lôme bia be wo bi jô na: Ye wo ô ne nyô a yiane zu, ye bi yange mfe' 21Awolo te ebien, Yésus a nga yete akon e be abui bôt, miñyeyem a mimbia minsisim a nga saé abui mindindim. 22E nde a nga yalane be na: Kela katane Yôanes mam mia te yen a wôk: mindindim mia yen, miñyeyem mia wulu, *minzezam mia fuban, mindôndok mia wôk, miñwuan mia wômô, mbamba foé a kateban e be minzôzoé. 23Ebotan e be nyô ma ye bo te bo ékolé ôbak!
24Eyoñe minlôman mi Yôanes mi keya, Yésus a nga taté na a kobô minsamba mi bôt ajô Yôanes na: Jé mi nga ke nye'e mia yen e *nkôte si? Ye nden évuñulu ja fô'ô' 25Ve jé mi nga ke yen? Ye môt a be'e bibubute mengômesan? Yenan, e ba be be'e abeñe mengômesan be nyiñe fe étôto'o été, be ne e menda bejô bôt été. 26Jé ñhe mi nga ke yen? Ye *nkulu mejô? Yaa, ma jô mia na: A dañe *nkulu mejô. 27E nye ajô dé e ne ntilane na:
ô lôô, ma lôme nkee minlômane ôsu viôé,
asu ya kômesane zene jôé ôsu viôé
28ma jô mia de na: e ba be nga bialé e be binga été, nyô a ne anen été a dañe Yôanes a nji bo. Ve da, éjôé Zambe, nyô a dañe tyôtyoé a dañe nye.
29E bôte bese be nga vô'ôlô nye a benyoñe *toya be nga kale nye éyoñe be nga bo na be nyoñe nduane Yôanes; 30ve Befarizieñ a beye'ele metiñ, mbenan be nga bene na a duu be, be nga wua ôsimesane Zambe e mfa'a wobe bebien.
31Ma ye ve'ane bôte ya miaé wu a za? A ba funane za' 32Ba funane bongô be too e vôme bôte bese ba tabe e mbe ba loone be be jô'ô na:
Bi maneya loñe mia mfañ, a mia mi nji jem;
bi maneya yia bia bi du, ve mi nji ke yôn.
33Amu Yôanes a nga zu, a nji di bidi, a nji nyu woon, mi na: A bili mbia *nsisim. 34Mona môt a soya, a ja'ak, a nya'ak, mi na: a ne e môt a di abui a e nyuu woon, mvôé benyoñe *toya a bebo *abé. 35Ve ba bese ba kañese fe'e Zambe ba yeme na é ne *zôsôô.
Mbo *abé a ne minga a jamban
36Wua ya Befarizieñ a nga ye'elane Yésus na ba nye be di. Ane Yésus a nga nyiin e ndaa mone Farizieñ a tabe tawôlô. 37Nde mbo *abé minga éziñ ke a mbe valé e tison, a nga yeme na Yésus a nga too tawôlô e ndaa Farizieñ; ane a nga soo nde'e Albata njalan ôlobinda. 38Ve tebe mvuse mebo mé. A mbe a yônôk a taté na a ve mebo me Yésus émumun a mili'i mé, wôna a nga fimi me a ésile jé, a wuba'ane me a sôé fe me ôlobinda. 39A yene a nga yene nalé, e nde Farizieñ a nga bañete nye a nga jô émien été na: Nge môte nyô a mbe *nkulu mejô, a nga ye yeme za e nye minga a nnambe nye a né, a na a ne mbo *abé minga. 40Yésus a nga nyoñe nkobô a jô nye na: A Simon, me bili jam éziñ ya jô wo: Nye Yésus na: Kobô'ô a Nye'ele: 41Nsé memvôla a nga bili bôte be bili nye memvôla bebaé: Wua bedenié mintete mitan, nyô mbo'o bedenié mewôm metan. 42Mbôlô be nji bi jôme ya ya'an, a nga jamé mvôla e be be bebaane. E *mbé a ye dañe nye'e nye' 43Simon a nga yalane na: Ma ve'e fe'e na e nyô a nga jamé beta tañ; Yésus a nga jô nye na: Ô yemeya tyik. 44Wôna a nga kôñelan e mfa'a minga a mbe a jô Simon na: Ye ô lôô e minga nyô? Ma te nyiin e *nda jôé, ô nji ve ma mendim asu mebo mam, ve nye a te ve mebo mam émumun a mili'i mé, a fimi me a ésile jé. 45O nji latane ma anyu, ve nye, nté ma te nyiin, a nji jô'é latane mebo mam a anyu dé. 46O nji sôôé me mbone nlô; ve nye a maneya sôôé ôlobinda e mebo mam. 47Ajô te ma jô wo de na: ézu'u mam *abé jéé é ntoo *njaman, amu e nye a dañeya nye'e. Ve nyô ba jamé tyôtyoé *a nye'e fe tyôtyoé. 48Nye minga na: Mam *abé môé, me ntoo *njaman. 49E ba baa be be be nga too tawôlô be nga taté na ba jô e be bebien été na: Nyôna a ne za *a jamé to'o mam *abé. 50Ve a nga jô minga na: e mbunane wôé ô nyiiya wo, kele *mvo'é.
Aktuálne označené:
:
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Bible en langue Bulu © L'Alliance Biblique du Cameroun, 2007, 2015.