Luk 11
11
1E diyakindi, o Mâ‐a diyakidi a kalakiya o iboko na vihuhu, Mâ pa, ka eyokwed‘ ’aju eâkâ ea vâ na Ju, na, Upangiyi, yokwakidě hwě ikaliya, ka Jân a yokwakidě tepě beyokwedi beaju. 2Ka Mâ‐a vâ na bâ, na, O inyěni o kalakiyěni, vâkâni, na, Hangw‘ ’ahu a jad‘ oba, Dina jâvě i diyake holi. Ipangiya jâvě i vake. Upango muâvě u hamake o he, ka mu jad‘ oba. 3Věkě hwě buhwa ka buhwa beja beahu bea buhwa bohuhu. 4Na nâvě o ka ’yakidě hwě bobe boahu; ’kabojana ho iyakidě tepě ba di hwě nuwanango běhěpi. O valakidě hwě iyějudwě; ndi věngěkidě hwě o bobe.
5Ka Mâ‐a vâ na bâ, na, Nja a jadi inyěni o jadi a běkě mâ na mboi, na eâ ea viya o mâ‐a jadi na bulu hanganě, na eâ ea vâ na ju, na Mbweyi ’amě, vě ’mba okava membunda melalo; 6ikabojana mboi ’amě e viyedi o ’kendâ e lumbiyi ’mba, mbi ’bě na ’lombo ya yambiya mâ: 7Ua ndabo a ka yavwani utema, na, Ka nyungudě ’mba: jâmbě i dibamindi, hwě na bana bamě hwa bendi ikondo; mba yâlě o ’muwa n‘ umba‐mba vě âvě. 8Mbi vâki n‘ inyěni, na, Tombe a ’muwe na mâ‐a vě mâ, o pělě ’a na a mboi ’aju, ndi ’kabojana ililimidě jaju j‘ iuwa a ka ’muwandi na mâ‐a vě mâ nyang‘ ’aju e ka vahě. 9N‘ Umba‐mbi vâki n‘ inyěni, na, Uwakani, e ka věwěndi inyěni; vahakani, o ka duwandini; tinakiděni, i ka dubudwěndi inyěni. 10Ikabojana a uwakě uěhěpi a pahakiyandi; a vahakě a ka duwandi; na o a tinakidě i ka dubudwi mâ. 11Oningě mwa momo a jomba inyi ba di ba hangwě pěmbě, a ka vi mâ ilale? tombe ejaka, a ka vi mâ mbamba o pělě ’a ejaka? 12Tombe a uwa dikě, a ka vi mâ ikole? 13Pě lě ’nyěni, ba didi bobe, oa yowě lě ni ivě ja bada banyu belombo beyamu; na kumbanakidě Hângw‘’anyu a jad‘ oba hanga na A ka vi ba uwakě Mâ Ilina Iyamu wa?
14A diyakindi a věngěkidě děvil, e diyakidi emukumuku. E diyakind‘ o děvil e věngěmidi, ka emukumuku ea kala; ka bato ba mama. 15Ndi bâkâ o njamb‘ ’abu ba vâki, na, A věngěkiděndi děvil na Biělsibub upolo mua děvil. 16Bapâkwě, ba uwaki Mâ ndembo oviya ’ba o bo yějěkiyě. 17Ndi Mâ yowěngo ipiviyedi jabu, A vâki na bâ, na, Ipangiya jěhěpi i pěhěkě na jâ mětě i ka jiliyandi; na ndabo ea pěhě na ndabo e ka kwandi. 18Oningě tepě Setan a pěhě na mâ mětě, ipangiya jaju i ka těmě lě na?’kabojana o vâkândini na Mbi věngěkiděndi děvil na Biělsibub. 19Ndi nja ua bana banyu a věngěněkidě děvil, oningě na Mbi věngěkidě jâ na Biělsibub? ovaně nd‘ o bâ‐ba ka diyě bayěkidi banyu. 20Nd‘ oningě na Mbi věngěkidě děvil n‘ upenjo mua Anyambě, vâkâna ipangiya ja Anyambě i pândi o inyěni o jadi. 21Oningě moto ukolo na bevolani a tataka ndabo ’aju, jumba jaju i diyakandi hwěi: 22nd‘ oningě ua ngudi wa na ju a pâ o mâ‐a didi, na mâ‐a bala mâ, a patwana mâ bevolani beaju be ma pitakidě beěhěpi, běngě a kabake imano. 23A ha ’bě n‘ Umba a ’bě o pěl‘ ’amě; na a ha yolanakě ’Mba a pajanganakěndi. 24Oningě ilina ibe ja věngěmě na moto, i tamwakandi o loboko la yaheyahe, a vahaka iyâjâ; a duwe, ka mâ‐a vâ, na, Mbi ka timbandi o ndabo ’amě o umb‘ i vakiyedi. 25O mâ‐a pâdi, ka mâ‐a kâbidě eâ viyâwěngo na kembwěngo. 26Jâ ndi jaju ja vala ka nângâ na mâ mětě malina mapâkwě hěmbwědi bobe wa na mâ mětě; ka mâ‐ma ngiya, ka diya omě: madikanido ma moto těně ma bobe wa na o bohoboho.
27E diyakindi, o Mâ‐a diyakidi a kalaka belombo těkabe, ka mwajo umbâkâ ua njamba a betě joyi jaju, ka mâ‐a vâ na mâ, na, Ibâtâ n‘ ihuhu i bapakid‘ âvě, na mabě mâvě ma nyangakidi. 28Ka Mâ‐a vâ, na, E, ibâtâ wa na ba yokakě ndaga ja Anyambě, na bâ‐ba tataka jâ.
29O bato ba diyakidi ba yolaně ta, a yalakiděndi o vâ, na. Ekadi ndi igona ibe: i vahaki ndembo; nd‘ o ’bě na ndembo e ka věwě jâ, kabo ndembo ea Jonas e‘ usâki. 30Panika Jonas a diyakidi ndembo o ba Niniva ba jadi, nonaně tepě Mwana moto a ka diyě o igona těkadi. 31Konde ea diko e ka těměndi o yěkě na bamo b‘ igona těkadi, na a kwehě bâ: ’kabojana a vakiyendi o mahuka ma he ka yoka iyowě ja Sâlâmân; ndi hilakěteni, uněně wa na Sâlâmân a nd‘ okava. 32Bato ba Niniva ba ka ’muwi, ka kwehě igona těkadi o yěkě: ’kabojana ba ulwakindi n‘ ipakuwedi ja Jonas; ndi umbwakiyate, uněně wa na Jonas A nd‘ okava.
33O ’bě na moto, a běkě vitwa yoděngo, na mâ‐a tědě viâ iboko vi‘ ’kutakuta, hanga tepě ibomako ja kwe, nd‘ o uhângâ, na ba ngakiyě ba ka yěněkě bwe. 34Bwe ya nyolo ndi dihâ: nd‘ oningě dihâ javě i tamuwingě bwe, nyol‘ ’âvě eěhěpi e ka londi na bwe; nd‘ oningě i diyingě bobe, nyol‘ ’âvě e ka londi tepě n‘ ivititi. 35Bandamakidě, o banga bwe e di na nâvě ea diya ivititi. 36Nd‘ oningě nyol‘ ’âvě eěhěpi ea diya ti na bwe, e diye na pělě e didi ivitit‘, nyol‘ ’âvě eěhěpi e ka diyi ti na bwe, bwěsě o na vitwa vi yodakě na ngudi vi věkě âvě bwe.
37O Mâ‐a diyakidi a kalaka, ka Farisi n‘ uhuhu ea hâhâlidě Mâ na A jake na ju, ka Mâ‐a ngiya o mâ‐a jadi ka Mâ‐a diya o beja. 38O Farisi a yěnidi, a ka mamaka na au tuka benâ na Mâ‐a taka o diya o huma. 39K‘ Upangiyi a vâ na ju, na, Hângě inyi Farisi o tanakěni sěngě na epělě o bwebwe; nd‘ o utema muanyu u di ti na majake na bobe. 40Inyi betiketike, a ’běte a velakidi bea bwebwe, a velakidi bea utema tepě? 41Ndi věkěni bova boa beanyu be janidi; vâkâna belombo beěhěpi bea běndi botano o inyěni o jadi.
42Maguga n‘ inyěni, Farisi! ’kabojana o věkěndini ea jomu ja mint na ru na belombo be tombwakě beěhěpi, ndi o tombakěni yěkě n‘ itândě ja Anyambě: ekabe ndi beanyu be lukakid‘ o ha, nd‘ o dika tepě ni bepâkwě be hawě. 43Maguga n‘ inyěni, Farisi! ’kabojana o tândâkândini bediya beněně o sinegâg, na mahomwě o lohambanido. 44Maguga n‘ inyěni, balěndi na Farisi, menoki! ’kabojana o ndi ka malonga ma ha yěněněkě, na bato ba kundwakě mâ ba yowe.
45Ka ubweyidi mua belekanako umbâkâ mâ‐a yavwana, ka mâ‐a vâ na Ju, na, Uyokwidi, o âvě o vâkě nonaně o běte o hěnjěkě na hwě ta. 46Ka Mâ‐a vâ, na, Maguga tepě n‘ inyěni, babweyidi ba belekanako! ’kabojana o bapakiděndini bato maumba madilo n‘ ibapě, nd‘ inyi mětě o kupaněni maumba tě n‘ upenjo muanyu umbâkâ. 47Maguga n‘ inyěni! ’kabojana o longakandi malonga ma basâki, bahangwě banyu ba weyaki bâ. 48Mbambayě o ndini leviděngo na o kamakiděndini behadi bea bahangwě banyu, ’kabojana bâ‐ba ma weyaki bâ, inyěni o longakani malonga mabu. 49Ovaně nd‘ o iyowě ja Anyambě i vâkě, na, Mbi ka lomandi basâki na metodu o bâ‐ba jadi, ba ka weyakandi na bâ‐ba ngongolakidě bâkâ: 50ovaně nd‘ o makiya ma basâki běhěpi, ma tâdi oviya jali ja he, ma ka uwě igona těkadi; 51oviya makiya ma Eběl na pâ makiya ma Sakaraias, a wakidi o hanganě ea âlta na těmpěl: Mbi langwakiyandi inyěni pâkwěpâkwě, na, Be ka uwěndi igona těkadi. 52Maguga n‘ inyěni, babweyidi ba belekanako! ’kabojana o věngiděndini enunguna e‘ iyowě: n‘ inyi mětě o ngiyeni, n‘ inyěni o himbakiděni ba ombakě o ngiya.
53O Mâ‐a diyakidi a kalaka na bâ belombo těkabe, balěndi na Farisi ba ka tundwakidě Mâ bakita bakita, o bohihakidě Mâ na A kalake belombo beitě: 54ba běmběkě Mâ, ba vahaka o kaha elombo o udumbu muaju, eabu e ka tubě Mâ.
Aktuálne označené:
Luk 11: BNG1895
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Published by the American Bible Society in 1895, 1926.
Luk 11
11
1E diyakindi, o Mâ‐a diyakidi a kalakiya o iboko na vihuhu, Mâ pa, ka eyokwed‘ ’aju eâkâ ea vâ na Ju, na, Upangiyi, yokwakidě hwě ikaliya, ka Jân a yokwakidě tepě beyokwedi beaju. 2Ka Mâ‐a vâ na bâ, na, O inyěni o kalakiyěni, vâkâni, na, Hangw‘ ’ahu a jad‘ oba, Dina jâvě i diyake holi. Ipangiya jâvě i vake. Upango muâvě u hamake o he, ka mu jad‘ oba. 3Věkě hwě buhwa ka buhwa beja beahu bea buhwa bohuhu. 4Na nâvě o ka ’yakidě hwě bobe boahu; ’kabojana ho iyakidě tepě ba di hwě nuwanango běhěpi. O valakidě hwě iyějudwě; ndi věngěkidě hwě o bobe.
5Ka Mâ‐a vâ na bâ, na, Nja a jadi inyěni o jadi a běkě mâ na mboi, na eâ ea viya o mâ‐a jadi na bulu hanganě, na eâ ea vâ na ju, na Mbweyi ’amě, vě ’mba okava membunda melalo; 6ikabojana mboi ’amě e viyedi o ’kendâ e lumbiyi ’mba, mbi ’bě na ’lombo ya yambiya mâ: 7Ua ndabo a ka yavwani utema, na, Ka nyungudě ’mba: jâmbě i dibamindi, hwě na bana bamě hwa bendi ikondo; mba yâlě o ’muwa n‘ umba‐mba vě âvě. 8Mbi vâki n‘ inyěni, na, Tombe a ’muwe na mâ‐a vě mâ, o pělě ’a na a mboi ’aju, ndi ’kabojana ililimidě jaju j‘ iuwa a ka ’muwandi na mâ‐a vě mâ nyang‘ ’aju e ka vahě. 9N‘ Umba‐mbi vâki n‘ inyěni, na, Uwakani, e ka věwěndi inyěni; vahakani, o ka duwandini; tinakiděni, i ka dubudwěndi inyěni. 10Ikabojana a uwakě uěhěpi a pahakiyandi; a vahakě a ka duwandi; na o a tinakidě i ka dubudwi mâ. 11Oningě mwa momo a jomba inyi ba di ba hangwě pěmbě, a ka vi mâ ilale? tombe ejaka, a ka vi mâ mbamba o pělě ’a ejaka? 12Tombe a uwa dikě, a ka vi mâ ikole? 13Pě lě ’nyěni, ba didi bobe, oa yowě lě ni ivě ja bada banyu belombo beyamu; na kumbanakidě Hângw‘’anyu a jad‘ oba hanga na A ka vi ba uwakě Mâ Ilina Iyamu wa?
14A diyakindi a věngěkidě děvil, e diyakidi emukumuku. E diyakind‘ o děvil e věngěmidi, ka emukumuku ea kala; ka bato ba mama. 15Ndi bâkâ o njamb‘ ’abu ba vâki, na, A věngěkiděndi děvil na Biělsibub upolo mua děvil. 16Bapâkwě, ba uwaki Mâ ndembo oviya ’ba o bo yějěkiyě. 17Ndi Mâ yowěngo ipiviyedi jabu, A vâki na bâ, na, Ipangiya jěhěpi i pěhěkě na jâ mětě i ka jiliyandi; na ndabo ea pěhě na ndabo e ka kwandi. 18Oningě tepě Setan a pěhě na mâ mětě, ipangiya jaju i ka těmě lě na?’kabojana o vâkândini na Mbi věngěkiděndi děvil na Biělsibub. 19Ndi nja ua bana banyu a věngěněkidě děvil, oningě na Mbi věngěkidě jâ na Biělsibub? ovaně nd‘ o bâ‐ba ka diyě bayěkidi banyu. 20Nd‘ oningě na Mbi věngěkidě děvil n‘ upenjo mua Anyambě, vâkâna ipangiya ja Anyambě i pândi o inyěni o jadi. 21Oningě moto ukolo na bevolani a tataka ndabo ’aju, jumba jaju i diyakandi hwěi: 22nd‘ oningě ua ngudi wa na ju a pâ o mâ‐a didi, na mâ‐a bala mâ, a patwana mâ bevolani beaju be ma pitakidě beěhěpi, běngě a kabake imano. 23A ha ’bě n‘ Umba a ’bě o pěl‘ ’amě; na a ha yolanakě ’Mba a pajanganakěndi. 24Oningě ilina ibe ja věngěmě na moto, i tamwakandi o loboko la yaheyahe, a vahaka iyâjâ; a duwe, ka mâ‐a vâ, na, Mbi ka timbandi o ndabo ’amě o umb‘ i vakiyedi. 25O mâ‐a pâdi, ka mâ‐a kâbidě eâ viyâwěngo na kembwěngo. 26Jâ ndi jaju ja vala ka nângâ na mâ mětě malina mapâkwě hěmbwědi bobe wa na mâ mětě; ka mâ‐ma ngiya, ka diya omě: madikanido ma moto těně ma bobe wa na o bohoboho.
27E diyakindi, o Mâ‐a diyakidi a kalaka belombo těkabe, ka mwajo umbâkâ ua njamba a betě joyi jaju, ka mâ‐a vâ na mâ, na, Ibâtâ n‘ ihuhu i bapakid‘ âvě, na mabě mâvě ma nyangakidi. 28Ka Mâ‐a vâ, na, E, ibâtâ wa na ba yokakě ndaga ja Anyambě, na bâ‐ba tataka jâ.
29O bato ba diyakidi ba yolaně ta, a yalakiděndi o vâ, na. Ekadi ndi igona ibe: i vahaki ndembo; nd‘ o ’bě na ndembo e ka věwě jâ, kabo ndembo ea Jonas e‘ usâki. 30Panika Jonas a diyakidi ndembo o ba Niniva ba jadi, nonaně tepě Mwana moto a ka diyě o igona těkadi. 31Konde ea diko e ka těměndi o yěkě na bamo b‘ igona těkadi, na a kwehě bâ: ’kabojana a vakiyendi o mahuka ma he ka yoka iyowě ja Sâlâmân; ndi hilakěteni, uněně wa na Sâlâmân a nd‘ okava. 32Bato ba Niniva ba ka ’muwi, ka kwehě igona těkadi o yěkě: ’kabojana ba ulwakindi n‘ ipakuwedi ja Jonas; ndi umbwakiyate, uněně wa na Jonas A nd‘ okava.
33O ’bě na moto, a běkě vitwa yoděngo, na mâ‐a tědě viâ iboko vi‘ ’kutakuta, hanga tepě ibomako ja kwe, nd‘ o uhângâ, na ba ngakiyě ba ka yěněkě bwe. 34Bwe ya nyolo ndi dihâ: nd‘ oningě dihâ javě i tamuwingě bwe, nyol‘ ’âvě eěhěpi e ka londi na bwe; nd‘ oningě i diyingě bobe, nyol‘ ’âvě e ka londi tepě n‘ ivititi. 35Bandamakidě, o banga bwe e di na nâvě ea diya ivititi. 36Nd‘ oningě nyol‘ ’âvě eěhěpi ea diya ti na bwe, e diye na pělě e didi ivitit‘, nyol‘ ’âvě eěhěpi e ka diyi ti na bwe, bwěsě o na vitwa vi yodakě na ngudi vi věkě âvě bwe.
37O Mâ‐a diyakidi a kalaka, ka Farisi n‘ uhuhu ea hâhâlidě Mâ na A jake na ju, ka Mâ‐a ngiya o mâ‐a jadi ka Mâ‐a diya o beja. 38O Farisi a yěnidi, a ka mamaka na au tuka benâ na Mâ‐a taka o diya o huma. 39K‘ Upangiyi a vâ na ju, na, Hângě inyi Farisi o tanakěni sěngě na epělě o bwebwe; nd‘ o utema muanyu u di ti na majake na bobe. 40Inyi betiketike, a ’běte a velakidi bea bwebwe, a velakidi bea utema tepě? 41Ndi věkěni bova boa beanyu be janidi; vâkâna belombo beěhěpi bea běndi botano o inyěni o jadi.
42Maguga n‘ inyěni, Farisi! ’kabojana o věkěndini ea jomu ja mint na ru na belombo be tombwakě beěhěpi, ndi o tombakěni yěkě n‘ itândě ja Anyambě: ekabe ndi beanyu be lukakid‘ o ha, nd‘ o dika tepě ni bepâkwě be hawě. 43Maguga n‘ inyěni, Farisi! ’kabojana o tândâkândini bediya beněně o sinegâg, na mahomwě o lohambanido. 44Maguga n‘ inyěni, balěndi na Farisi, menoki! ’kabojana o ndi ka malonga ma ha yěněněkě, na bato ba kundwakě mâ ba yowe.
45Ka ubweyidi mua belekanako umbâkâ mâ‐a yavwana, ka mâ‐a vâ na Ju, na, Uyokwidi, o âvě o vâkě nonaně o běte o hěnjěkě na hwě ta. 46Ka Mâ‐a vâ, na, Maguga tepě n‘ inyěni, babweyidi ba belekanako! ’kabojana o bapakiděndini bato maumba madilo n‘ ibapě, nd‘ inyi mětě o kupaněni maumba tě n‘ upenjo muanyu umbâkâ. 47Maguga n‘ inyěni! ’kabojana o longakandi malonga ma basâki, bahangwě banyu ba weyaki bâ. 48Mbambayě o ndini leviděngo na o kamakiděndini behadi bea bahangwě banyu, ’kabojana bâ‐ba ma weyaki bâ, inyěni o longakani malonga mabu. 49Ovaně nd‘ o iyowě ja Anyambě i vâkě, na, Mbi ka lomandi basâki na metodu o bâ‐ba jadi, ba ka weyakandi na bâ‐ba ngongolakidě bâkâ: 50ovaně nd‘ o makiya ma basâki běhěpi, ma tâdi oviya jali ja he, ma ka uwě igona těkadi; 51oviya makiya ma Eběl na pâ makiya ma Sakaraias, a wakidi o hanganě ea âlta na těmpěl: Mbi langwakiyandi inyěni pâkwěpâkwě, na, Be ka uwěndi igona těkadi. 52Maguga n‘ inyěni, babweyidi ba belekanako! ’kabojana o věngiděndini enunguna e‘ iyowě: n‘ inyi mětě o ngiyeni, n‘ inyěni o himbakiděni ba ombakě o ngiya.
53O Mâ‐a diyakidi a kalaka na bâ belombo těkabe, balěndi na Farisi ba ka tundwakidě Mâ bakita bakita, o bohihakidě Mâ na A kalake belombo beitě: 54ba běmběkě Mâ, ba vahaka o kaha elombo o udumbu muaju, eabu e ka tubě Mâ.
Aktuálne označené:
:
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Published by the American Bible Society in 1895, 1926.