Matei Ulongolelo
Ulongolelo
Lilobhe lya Mbone ngita chilijhandikwe na Matei ndi chimo pakate ya itabo ncheche Mulilaghano Liyono ichimulila ughome gwa Yecho Kilichitu pannema pano. Kila chimo cha itabo yenio kikemwa, “Injili” Mana jhake, “Lilobhe lya Mbone.” Itabo henge ikajhandikwe na Matei na Maluku na Luka na Yohane. Pala pajhomwika Yecho. Bhando bhubhachomita bhamanyite jhe kitabo chenje cha Matei kikajhandikwe ligha. Nambo iwechekana kikajhandikwe muchaka cha makome chita kuhumii pala Yecho Kilichitu pabhelwikwa. Hele abhii jhe jwamanya kikajhandikilwe kojhe. Nambo bhando twe bhihambuka kikijhandikwe mu kilambo chuku Palechitina na iwechekana kubhehe mu muche gwa ku Yeluchalemo.
Mundo jwakajhandike kitabo chenje ndi Matei. Pakibha amela kukemwa na Yecho abhehe mmolwa gwake. Akibha ntola kode na liina lyake lenge amanyikina ngita Lawe. Jhonjo Matei akibha jhumo jwa akatenga kome na bhabhele na akajhandike Lilobhe lya Mbone kwa nhwalo gwa Akayahude bhachome. Tulonge naha kubhehe Matei antoile ilebhe ibhandikila makome chita kuhumii mu Majhandiko gha Lilaghano lya makacho. Apata kulangiya kubhehe Yecho ndi Kilichitu Nkomboche jwahaghulilwe na Chapanga. Na jwenio ndi akalondole bha Chapanga bhakalongile malobhe ghake. Helahela Matei akajhandike ilebhe mbwee ya unahota gwa Chapanga. Akayahude bhanendelila Kilichitu Nkomboche abhehe mwanahota jwa kilambo jwa pannema. Nambo Matei ajhandika kwa kukilolekeya hake kwa kukikana kihobholelo na kwa kuchimulila unahota gwa uhuke gwa Chapanga.
Lilobhe lya Mbone ngita chilijhandikwe na Matei kibhekitwe kubhehe chukutumbuu mu Lilaghano Liyono kwa nhwalo kibhii na ilebhe mbwee kuhumii mu Lilaghano lya makacho. Kabhele kilombana mbone malaghano gheniya mabhele. Na bhando bhange bhubhachoma bhilonge Matei atehila kujhigha ngita Mucha chajhandike itabo yake. Yela nhwano yukutumbula mu Lilaghano lya makacho. Malobhe gha Yecho ku kitombe Matei chula jha 5-7. Ilenganichwa na Chapanga chapekiya Mucha Lilaghalikilo. Nkomboke mu chula jha 19:3-23:33.
Ghughabhii mukitabo
Matei atumbula Lilobhe lya Mbone kwa kuchimulila kubhelukwa kwa Yecho Kilichitu na patumbula lihengo lyake, mu chula jha 1-4.
Matei ajhendelela kuchimulila lihengo lya Yecho na mabholo ghange, mu chula jha 5-25.
Chehemo jha kujhomolela jha Lilobhe lya Mbone lilijhandikwe na Matei, ichimulila lilobhe likolongwa lya lihengo lya Yecho mu kuwegha na kuyoka kwake, mu chula jha 26-28.
Aktuálne označené:
Matei Ulongolelo: NTNdeBL2020
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
The New Testament in Ndendeule Language @The Word for the World International and Ndendeule Language Translation. All rights reserved