Мф 4
4
4 ГЛАВА
1 Иисусым тергӹмӓш. 12 Иисус Галилейӹштӹ увертӓрен тымдаш тӹнгӓлеш. 18 Иисус пӹтӓриш тыменьшӹвлӓжӹм ӱжеш. 23 Иисусын халык верц тыргыжланымыжы.
1Иисусым диавол тергӹжӹ#4:1 Тергӓш – искушаяш. манын, Йымын Шӱлӹш Тӹдӹм пустыньыш нӓнген. 2Нӹллӹ кечӹ дӓ нӹллӹ йыд нимат качде постьымы паштек, остаткаэш Иисус шужымыжым шижӹн. 3Тӹдӹн докы аздарышы толын дӓ попен: «Тӹнь Йымын Эргӹ ылат гӹнь, ти кӱвлӓлӓн киндӹшкӹ сӓрнӓлтӓш шӱдӹ». 4Но Иисус келесен: «Сирӹмӹ:
”Киндӹ доно веле агыл,
а Йымын ышмажы гӹц лӓкшӹ цилӓ шамак доно эдем ӹлӓ”».#4:4 Втор 8:3.
5Тӹнӓм диавол Тӹдӹм святой халашкы, Иерусалимӹш, нӓнген, Йымын пӧрт левӓш тӹрӹш шагалтен 6дӓ попен: «Тӹнь Йымын Эргӹ ылат гӹнь, ӱлӹкӹ шынгалт, сирӹмӹ вет:
”Тӹдӹ Ангелвлӓжӹлӓн Тӹнь гишӓнет шӱдӓ:
ялет доно кӱэш ит шӹртньӹ манын,
нӹнӹ Тӹньӹм кидӹшкӹштӹ нӓлӹт”».#4:6 Пс 90:11-12.
7Иисус тӹдӹлӓн келесен: «Тенгеӓт сирӹмӹ: ”Господь Йыметӹм ит тергӹ”».#4:7 Втор 6:16.
8Ӹнде диавол Тӹдӹм пиш кӱкшӹ кырык вӹкӹ нӓнген, улы сӓндӓлӹкӹн цилӓ кугижӓншӹвлӓм дӓ нӹнӹн лӹмлештмӹштӹм анжыктен 9дӓ Тӹдӹлӓн попен: «Анзыланем кымык вазын, мӹлӓм кымалат гӹнь, цилӓ тидӹм Тӹлӓт пуэм». 10Тӹнӓм Иисус тӹдӹлӓн келесен: «Мӹнь дорцем каранг, сатана! Сирӹмӹ вет:
”Господь Йыметлӓн кымал,
ик Тӹдӹлӓн веле служы”».#4:10 Втор 6:13.
11Тӹнӓм диавол Тӹдӹм коден кен, дӓ теве Ангелвлӓ толыныт дӓ Иисуслан служаш тӹнгӓлӹнӹт.
12Иоанным кычен питӹрӹмӹ гишӓн колмыкыжы, Иисус Галилейӹш кен. 13Назаретӹм коден, тангыж тӹреш вӓрлӓнӹшӹ Завулон дон Неффалим кымдемӹштӹшӹ Капернаумыш ӹлӓш толын. 14Тенге Исаия пророк гач келесӹмӹ шокталтын. Тӹдӹ попен:
15«Завулон мӱлӓндӹ дон Неффалим мӱлӓндӹ,
тангыж докы кемӹ корны,
Иордан вес велнӹ,
язычниквлӓн Галилейӹштӹ –
16пӹцкемӹшӹштӹ ӹлӹшӹ халык
кого сотым ужын,
колымаш ӹмӹл велӹштӹ шӹнзӹшӹвлӓлӓн
соты валгалтын».#4:15-16 Ис 9:1-2.
17Ти жеп гӹц Иисус тымдаш тӹнгӓлӹн дӓ попен: «Сулык гӹц карангын, Йымы докы сӓрнӓлдӓ, Пӹлгомыштышы Кугижӓншӹ ӹнде лишемӹн».
18Галилей тангыж тӹр доно кемӹжӹ годым Тӹдӹ кок ӹзӓк-шолякым, Петр манмы Симоным дӓ тӹдӹн Андрей шоляжым, ужын. Нӹнӹ коллоэц ылыныт, тӹ жепӹн вӓпшӹштӹм тангыжыш кӹшкенӹт. 19Иисус нӹнӹлӓн келесен: «Паштекем кедӓ, Мӹнь тӓмдӓм эдем лошым ӹштем». 20Нӹнӹ тӹнӓмок вӓпшвлӓштӹм коденӹт дӓ Иисус паштек кенӹт. 21Тӹшец пакырак ашкедмӹкӹ, вес кок ӹзӓк-шолякым, Зеведейӹн Иаков дон Иоанн эргӹвлӓжӹм, ужын. Нӹнӹ ӓтяштӹ доно иквӓреш пышышты вӓпшӹм тумыштенӹт. Иисус нӹнӹмӓт ӱжӹн. 22Нӹнӹ тӹнӓмок пышыштым дӓ ӓтяштӹм коденӹт, паштекшӹ кенӹт.
23Иисус цилӓ Галилей мычкы каштын дӓ синагогвлӓштӹ тымден, Кугижӓншӹн Пуры Уверӹм шӓрен, эдемвлӓм шукы йиш цер дӓ шукы ясы гӹц паремден. 24Тӹдӹ гишӓн увер цилӓ Сири кымдыкеш шӓрлен. Лаксыргышы, шукы йиш цер доно ясыланышы, мерцӹшӹ, иӓ мутьымы, тӹлзӹ кушмы годым парвалышы, пларичӓн эдемвлӓм цилӓштӹмӓт Иисус докы канденӹт, дӓ Тӹдӹ нӹнӹм паремден. 25Тӹдӹн паштек Галилей, Декаполис,#4:25 «Декаполис» – Лу хала. Иерусалим, Иудей дӓ Иордан рекӓ вес монгыр гӹц шукы халык каштын.
Aktuálne označené:
Мф 4: УС
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Библим сӓрӹшӹ институт, Хельсинки 2014
Мф 4
4
4 ГЛАВА
1 Иисусым тергӹмӓш. 12 Иисус Галилейӹштӹ увертӓрен тымдаш тӹнгӓлеш. 18 Иисус пӹтӓриш тыменьшӹвлӓжӹм ӱжеш. 23 Иисусын халык верц тыргыжланымыжы.
1Иисусым диавол тергӹжӹ#4:1 Тергӓш – искушаяш. манын, Йымын Шӱлӹш Тӹдӹм пустыньыш нӓнген. 2Нӹллӹ кечӹ дӓ нӹллӹ йыд нимат качде постьымы паштек, остаткаэш Иисус шужымыжым шижӹн. 3Тӹдӹн докы аздарышы толын дӓ попен: «Тӹнь Йымын Эргӹ ылат гӹнь, ти кӱвлӓлӓн киндӹшкӹ сӓрнӓлтӓш шӱдӹ». 4Но Иисус келесен: «Сирӹмӹ:
”Киндӹ доно веле агыл,
а Йымын ышмажы гӹц лӓкшӹ цилӓ шамак доно эдем ӹлӓ”».#4:4 Втор 8:3.
5Тӹнӓм диавол Тӹдӹм святой халашкы, Иерусалимӹш, нӓнген, Йымын пӧрт левӓш тӹрӹш шагалтен 6дӓ попен: «Тӹнь Йымын Эргӹ ылат гӹнь, ӱлӹкӹ шынгалт, сирӹмӹ вет:
”Тӹдӹ Ангелвлӓжӹлӓн Тӹнь гишӓнет шӱдӓ:
ялет доно кӱэш ит шӹртньӹ манын,
нӹнӹ Тӹньӹм кидӹшкӹштӹ нӓлӹт”».#4:6 Пс 90:11-12.
7Иисус тӹдӹлӓн келесен: «Тенгеӓт сирӹмӹ: ”Господь Йыметӹм ит тергӹ”».#4:7 Втор 6:16.
8Ӹнде диавол Тӹдӹм пиш кӱкшӹ кырык вӹкӹ нӓнген, улы сӓндӓлӹкӹн цилӓ кугижӓншӹвлӓм дӓ нӹнӹн лӹмлештмӹштӹм анжыктен 9дӓ Тӹдӹлӓн попен: «Анзыланем кымык вазын, мӹлӓм кымалат гӹнь, цилӓ тидӹм Тӹлӓт пуэм». 10Тӹнӓм Иисус тӹдӹлӓн келесен: «Мӹнь дорцем каранг, сатана! Сирӹмӹ вет:
”Господь Йыметлӓн кымал,
ик Тӹдӹлӓн веле служы”».#4:10 Втор 6:13.
11Тӹнӓм диавол Тӹдӹм коден кен, дӓ теве Ангелвлӓ толыныт дӓ Иисуслан служаш тӹнгӓлӹнӹт.
12Иоанным кычен питӹрӹмӹ гишӓн колмыкыжы, Иисус Галилейӹш кен. 13Назаретӹм коден, тангыж тӹреш вӓрлӓнӹшӹ Завулон дон Неффалим кымдемӹштӹшӹ Капернаумыш ӹлӓш толын. 14Тенге Исаия пророк гач келесӹмӹ шокталтын. Тӹдӹ попен:
15«Завулон мӱлӓндӹ дон Неффалим мӱлӓндӹ,
тангыж докы кемӹ корны,
Иордан вес велнӹ,
язычниквлӓн Галилейӹштӹ –
16пӹцкемӹшӹштӹ ӹлӹшӹ халык
кого сотым ужын,
колымаш ӹмӹл велӹштӹ шӹнзӹшӹвлӓлӓн
соты валгалтын».#4:15-16 Ис 9:1-2.
17Ти жеп гӹц Иисус тымдаш тӹнгӓлӹн дӓ попен: «Сулык гӹц карангын, Йымы докы сӓрнӓлдӓ, Пӹлгомыштышы Кугижӓншӹ ӹнде лишемӹн».
18Галилей тангыж тӹр доно кемӹжӹ годым Тӹдӹ кок ӹзӓк-шолякым, Петр манмы Симоным дӓ тӹдӹн Андрей шоляжым, ужын. Нӹнӹ коллоэц ылыныт, тӹ жепӹн вӓпшӹштӹм тангыжыш кӹшкенӹт. 19Иисус нӹнӹлӓн келесен: «Паштекем кедӓ, Мӹнь тӓмдӓм эдем лошым ӹштем». 20Нӹнӹ тӹнӓмок вӓпшвлӓштӹм коденӹт дӓ Иисус паштек кенӹт. 21Тӹшец пакырак ашкедмӹкӹ, вес кок ӹзӓк-шолякым, Зеведейӹн Иаков дон Иоанн эргӹвлӓжӹм, ужын. Нӹнӹ ӓтяштӹ доно иквӓреш пышышты вӓпшӹм тумыштенӹт. Иисус нӹнӹмӓт ӱжӹн. 22Нӹнӹ тӹнӓмок пышыштым дӓ ӓтяштӹм коденӹт, паштекшӹ кенӹт.
23Иисус цилӓ Галилей мычкы каштын дӓ синагогвлӓштӹ тымден, Кугижӓншӹн Пуры Уверӹм шӓрен, эдемвлӓм шукы йиш цер дӓ шукы ясы гӹц паремден. 24Тӹдӹ гишӓн увер цилӓ Сири кымдыкеш шӓрлен. Лаксыргышы, шукы йиш цер доно ясыланышы, мерцӹшӹ, иӓ мутьымы, тӹлзӹ кушмы годым парвалышы, пларичӓн эдемвлӓм цилӓштӹмӓт Иисус докы канденӹт, дӓ Тӹдӹ нӹнӹм паремден. 25Тӹдӹн паштек Галилей, Декаполис,#4:25 «Декаполис» – Лу хала. Иерусалим, Иудей дӓ Иордан рекӓ вес монгыр гӹц шукы халык каштын.
Aktuálne označené:
:
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Библим сӓрӹшӹ институт, Хельсинки 2014