Vargje biblike të njohura nga GYƆNI 5

Ndaje

Ni, “Yɛlimaŋni ka n yɛtti ya wa, ni, ŋɔn kam zaa wum n yɛttɔ'a wa ka niŋi ŋɔn tum ma na maa yɛdda, di daama mari nyɔvuriseaa kan ka naari. Ba bu ti yɛ kari u sariya, amaa u pun yi kum ni n‑kpɛ nyɔvuri ni.

Yisa daa nya u ka u dɔ bɛni ka daa baŋŋi, ni, dooru maa daa pun mari doo wa ka di yuui; ka u daa boosi u, ni, “Ammi, i boori i nya tippu?”

Ya karimni Naawunni Litaafi la n‑viisira, ni, ka puuni ka ya nin nya nyɔvuri kan ka tariga; tɔ - ana n nyɛ an diri sɛhara n‑tiri man yɛla. Di zaa yɔri, ya mun ku sakki ni ya kyɛ n saani na n‑deaai nyɔvuri.”

Ka Yisa yɛli u, “Doaama n‑zaani saazugu, ka kpikki i sɔŋŋu maa n‑kyaŋŋi.” Lala saha maa ka doo maa da nya tippu; u daa kpikki u sɔŋŋu ka piili n‑kyɛnna. Dindahinseaa lala ŋɔn daa niŋi maa daa nyɛ la Vuusim Dabsiri daari

Ka Yisa labsi n‑yɛli ba, “Yɛlimaŋni ka n yɛtti ya: Bii maa ku toaai n‑niŋi bunseela u mammantoori; u niŋni la u yi nya u Ba ŋɔn niŋni seelli la kɔkɔa. U Ba maa ŋɔn tumni seem, lala ka Bii maa gba tumna.