Vargje biblike të njohura nga Mariko 10

Ndaje

Maana, hata mimi Mutʼu yelaa dzulu nákudzaahikirahikira atʼu, na nidzilavire kufa kwa niativye anji. Ela tsʼidzire kudzahikirwahikirwa.”

Jeso achialola, chisha achiaamba, “Mudamu kʼagaidima gago, ela kwa Mulungu kʼakuna rishindaro.”

Jeso yiye achimwamba, “Kuluphiroro ridzikuphoza. Kwa vivyo, enda vyako.” Phapho kare yiye mutʼu yetsʼona achiona, achimutuwa Jeso mumo charoni.

Kwa vivyo, Mulungu chochigwizanya, mudamu niatsʼichitsamule.”

Jeso achimulola, na achimuhenza. Ndo achimwamba, “Uwe unakosa kuhenda chitʼu chimwenga tu. Enda ukaguze miyoyo uriyo nayo, na pʼesa zondapata uapʼe achiya. Uchihenda vivyo, undakala udzidziikira mbeko mulunguni. Hʼaya chidzako udze, unituwe.”

Jeso achimuuza vivi, “Unahenza nikuhenderedze?” Yiye mutʼu yetsʼona achimuudzidza achimwamba, “Mwalimu, ninavoya nipate kona.”

Ela mwimwi kwenu navitsʼikale hivyo. Ahenzaye kukala chilongozi kati yenu, ni seti aahikirehikire anzie osi.

Ninamwambira jeri mino, mutʼu yeyosi yetsʼi kuluphiro dza mwanache mudide, kʼandaphenya Ufalumeni kwa Mulungu.”

Elako anji ario ni a mwanzo vivi, andakudzakala a musindikizo, na anji ario ni a musindikizo vivi, andakudzakala a mwanzo.”

Ela hangu urumwengu unaanza kuumbwa, Maandiko ga Mulungu ganaamba, ‘Mulungu waaumba mulume na muche.’ Na ‘Gago ndigo gatumago hata mulume achihwala, undaatelephuka avyazie agwirikane na muchewe, na ao airi andakala mwiri umwenga.’ Ndo ao andakala tsʼio airi kahiri, ela andakala mwiri umwenga.