Vargje biblike të njohura nga Mariko 9

Ndaje

Jeso achimwamba, “Hangwe, uchikala unaidima! Maneno gosi ganaidimikika kwa mutʼu ariye una kuluphiro.”

Phapho yiye mutumia achigomba kwa laka ra dzulu achiamba, “Ninakuluphira, ela kuluphiro rangu kʼaritosha, naviza nikaze kukuluphira.”

Gariphochira gago, Jeso wakala u nyumbani na ao ahumwae hicheye, nao achimuuza vivi, “Kwadze sino kʼahwidimire kumulavya yiye pʼepʼo?” Jeso achiaudzidza achiaamba, “Pʼepʼo dza yuyatʼu ulaviwa kuchirira mavoyo hicheye.”

Munyu ni udzo, ela uchikala kʼaukoza, undawudzadze kukala udzo kahiri? Bee kʼamona mwimwi, nituwani mimi na moyo umwenga kamare, na musagale na reri kati yenu.”

“Mutʼu amuphokeraye mwanache dza yuyu kwa dzina rangu, bee unaniphokera mimi, na aniphokeraye mimi kʼaniphokera mimi hichiyangu tu, ela unamuphokera hata yenihuma.”

Ninamwambira jeri mino, mutʼu yeyosi yendamupʼa chikombe cha madzi ga kunwa kwakukala, mwimwi mu atʼu a mimi Kʼirisito, nina kanuni kukala, kʼandakosa kupata manosoge.”

Jeso waenderera kugomba achiamba, “Mutʼu yeyosi yendamuhenda mumwenga wa aa ario chiroho ni atsanga ariche kukuluphira, vingekalatʼo muno kala mutʼu yiye ni kufungwa lwala lubomu lwa tsʼingo, na akendatsuphwa kati-kati ya bahari.

Na dzitsoro richikuhenda uriche kunituwa, rishungulule. Ni baha kuhenda chʼongo, ela ukaphenye Ufalumeni kwa Mulungu, kuriko kukala na matsogo gosi mairi, na ukatsuphwe moho wa Jahanamu.