Vargje biblike të njohura nga Ligji i përtërirë 6

Ndaje

Duaje ZOTIN, Perëndinë tënd, me gjithë zemrën tënde, me gjithë shpirtin tënd e me gjithë forcën tënde.

Përsëritja fëmijëve e fol për to kur të rrish ulur në shtëpi ose kur të ecësh udhës, kur të biesh në shtrojë ose kur të ngrihesh prej saj.

Mbaji në zemër këto fjalë që po të urdhëroj sot.

Dëgjo Izrael! ZOTI, Perëndia ynë, është një ZOT i vetëm.

Lidhi si shenjë në dorë e si shirit në ballë.

Shkruaji mbi shtalkat e shtëpive e mbi portat tuaja.

ZOTIN, Perëndinë tënd, do të druash, atij do t'i shërbesh e në emër të tij do të betohesh.

Kur ZOTI, Perëndia yt, të të sjellë në tokën, për të cilën iu betua etërve të tu, Abrahamit, Isakut, Jakobit, se do të ta japë ty; kur të të sjellë në qytete të mira e të mëdha, që nuk i ke ndërtuar vetë, në shtëpi plot me të mira, për të cilat nuk ke punuar vetë, në puse, që nuk i ke hapur vetë, në vreshta e ullishta që nuk i ke mbjellë vetë dhe kur të kesh për të ngrënë sa të ngopesh, kujdes se mos harron ZOTIN që të nxori nga toka e Egjiptit, nga vendi i skllavërisë.

«Këto janë urdhërimet, rregullat e vendimet që më urdhëroi ZOTI, Perëndia juaj, për t'jua mësuar, që t'i zbatoni në tokën ku po kaloni për ta pushtuar, me qëllim që ta druash ZOTIN, Perëndinë tënd, e t'i mbash gjatë gjithë jetës tërë rregullat e urdhërimet e tij, të cilat po t'i urdhëroj ty, bijve e nipave të tu. Kështu do të kesh jetë të gjatë.

Bëj çka është e mirë dhe e drejtë para ZOTIT, që të të shkojë mbarë e që të pushtosh tokën e mirë për të cilën ZOTI iu betua etërve të tu

sepse ZOTI, Perëndia yt, që është në mesin tënd, është Perëndi xheloz. Ai do të zemërohet me ty e do të të shfarosë prej faqes së dheut.

Mos shkoni pas perëndive të tjerë, pas perëndive të popujve që janë përreth jush

Mos e tundoni ZOTIN, Perëndinë tuaj, siç vepruat në Masë.