Vargje biblike të njohura nga João 4

Ndaje

Teusö pili a ösö kua mai kitä. Pili a ösö höpöpo mai kitä. Önö kutenö, wa Teusömo kuköma, pili wa õsi sai Teusömo totiopököö! Wa Teusömo pitilia totiopököö!‑ ĩ na Jesus a kuuma.

Pi naka. Waiha ĩ na töpö kua kitä. Huki ĩ na töpö kua waikia kule. Töpö Teusömo holisimo päo mai kitä. Pili töpö õsi sai Teusömo totio kitä. Teusö aiki, “Sanöma töpö Teusömo kuköma, ĩ na töpö kuapököö! Töpö õsi Teusömo nö, töpö Teusömo pitilimo totiopököö!” ĩ na Teusö a pi kuu.

Kamisanö kawa na maa sa tuu totoki wi, ĩ wa tuu koalöma, wa amisi kota mai kitä. Kawa na maa sa tuu totoki wi, kawa õsi na ĩ tuu hẽasi haapo opa nö, ĩ tuunö wa õsi topa koiki nö, wa õsi palimipaso kitäö!‑ ĩ na Jesus a kuuma.

‑Teusö anö tä totoma wi, ĩ wa tä taö aköna, wa tä nakali pi. Kawa na maa sa tuu naka pole, kawanö ĩ sa taö aköna, kamisa na wa nako pi. Wa nako aköna, wa toa konasopö, ĩ sa tuu totoki pi‑ Jesus a kuu soatasoma.

Ĩ na ĩ töpö kuu ha, ‑Teusö sa kai a hini totio wi, ĩ nasimö tä nii pasiwö. Nii wa tä oalöma, wa lotete epö, wa pi mönaha apaö, ĩ na tä kua kua wi na, ĩ na kamisanö Teusö sa kai a hini totio kutenö, sa lotete epö, sa pi mönaha apaö, ĩ na sa kua hö̃töoö. “Ĩ na wa kuapököö!” Teusö a kuu ha, “Awai. Ĩ na sa kua hö̃töo kitäö!” ĩ na sa pi kuu. “Ĩ na wa tä thamaö!” a kuu ha, ĩ na sa tä thama totiatalo opa hö̃töoö. Önö kutenö, “Teusö sa kai a hini totio wi, ĩ ipa nii tä pasiwöö!” ĩ na sa kuu alu kule nökö‑ Jesus a kuuma.

A kuu soatasoö ha, ‑Maa tuu hiki wi, ĩ wa hapoka po mane. Hi thaka taka pata pã apa pikipokili. Sa toa konaso wi, witi ha ĩ wa tuu hikilöpö?‑ samatia tilisoma tä kuu nö

A kuu ha, ‑Teusö anö a kaikanapa piale, Mesiias a hai, ĩ Cristo a hilo kua naine, ĩ a huu kitäö! Cristo a huu kitäö! Ĩ a waloiki nö, ĩ tä pewö na makö pewö pi hatukupamani kitä. Ĩ sa tä taö kule‑ ĩ na samatia tilisoma tä kuu ha, ‑Kawanö wa kateha pole, ĩ sa waikiwö. Kawa na sa hapalo pole, ĩ Cristo sa. Teusö anö sa kaikanapalö noai, ĩ sa‑ Jesus a kuuma.

‑Ki wano tänö sa tati maa noai maaki, sa kuati noai, ĩ tä pewö a taö öpa thai! Ĩ tä pewö a kateha totio opa kilia thai. Hapo. Ĩ ma möö nököö! Sanöma makö pewö na Cristo a kaikanamo totio piale, ĩ a hãto thai?‑ a kuuma.