Vargje biblike të njohura nga Génesis 32

Ndaje

Irosati icantantanacari: —Eiro meeca pipajitajatsi Jacobo. Ainti pimpajitajea Israel; tempa avirotaque neashintsicatacariri Tasorentsi aisati atiri, ari panaacotaqueri quisajeivetimpiri.

Icantavetari: —Poimpacaajenata, irotajantsi onquitaiteaje. Icantanaqueri iriori Jacobo: —Eiro noipacaimpitsi, eirorica picantacoventanatsi Tasorentsiqui intasoncaventena.

Irintiquea piajancha apaniro imaajeivetapaacanta. Impoiji imapocaqueri aparoni Atirivetachari, ineashintsitapaacari irovetaincha inquitaiteacoteme.

Ari ipajitaquero Jacobo ineashintsicatacarinta atirivetachari, Penuel. Tempa icanti: “Aitaque noneasanotaqueriri Tasorentsi aca. Iro cantaincha te noncameji, aneatsina noni.”

Ari ineaqueri te irimateriji iranaacoteri Jacobo, irosati iposantacari ishoritaqui; itireitaqueri itonqui ishoritaquiniri.

Irosati isampitantacari: —¿Jaoca pipajitari? Yacanaqueri: —Nopajita Jacobo.

Ari isampivetanacari iriori: —¿Jaoca pipajitari avirori? Iro cantaincha icantanaqueri: —¡Paitaquea pisampitimentantanarori novajiro! Te incamanteriji. Irointi itasoncacoventaqueri, irosati ipeantanaja.

Te noncameetsaveteaji narori picavintsaashitaquena. Peerani nojatantacari namitsiqui Harán, nomonteanacaro ora nija Jordán. Tecatsi naanaque, apatiro noyotiquiiro. Iro cantaincha meeca oshequi catsini timimoyetaquenari. Jeri yoca nocarajeitaqueri apite apatojeitainchari.

Irotaque caari yoajeitantaro ishanincapeeni Israel imetsotonquire poshiniri ishoritaquiniri, irosati meeca icanta. Tempa iquenqueshirejeitiro, aitaque iposheetaqueriri Jacoboni.

Impoiji iquenquetsatacaaqueri Tasorentsi, icantiri: “Novincatsarite Tasorentsi, aviro iquemisantiri nocharineni Abrahama, aisati apa Isaac; tempa avirotaque cantajanari: ‘Pimpianaje piipatsitequi isavicajeitinta pishanincapee. Nontasoncacoventempi pareetantajeari cameetsa.’

¡Meeca nocoaque poavisaacotena! ¡Eiro pishinetiritsi iye iroajeitena! Oshequi notsaroacaacari impocaquerica iroapaaquero nojinapee aisati notomipee.