Cenisihs 15
15
Kishemanitoo Kii'ahshotamawaatc Eparaman
1O'o tahsh ekii ishkwaa ishihsenik, Eparam (Abram) kii‑ishinam ekii noontawaatc kaaTipencikenitc ekii'ikotc, “Keko sekisihken, Eparam, niin ohsha kaa‑aakooshkawinaan. Kitipa'amaakoowin hsa kaye wiinke tamihcaa.”
2Eparam tahsh kii‑ishi nahkwehtam, “Kiin kaaTipencikeyan Kishemanitoo, wekonen tahsh kemiishiyampan? Kaawiin iitok apinoonciish nintayaawaahsii. A'a tahsh kaawiih tipentank nintaya'iiman, amii 'awe Eli'iisar (Eliezer) weti Timaaskahsink (Damascus) kaaonciitc.” 3Keyaapi tahsh kiiani ihkito, “Emiishihsiwan tahsh apinoonciishak, peshik hsa kaapamiihtamawitc oka tipentaanan nintaya'iiman,” kii‑ihkito.
4Inashke tahsh kaaTipencikenitc okii'ikoon, “A'a hsa inini kaapamiihtawihk kaawiin a'a oka tipentansiinan kitaya'iiman; a'a hsa piko kiwiiyawink kaawii onciitc, mii hsa awe ketipentank kitaya'iiman,” okii'ikoon. 5#Rom 4.18; Heb 11.12. Akwaciink tahsh kaaTipencikenitc okii ishiwinikoon ekii'ikotc, “Inashke kihci kiishikonk inaapin, kakweci akim wanankohshak taka cikashkihtoowanen. Mii hsa ketahshiwaatc kipiiwesiimak kaatahshiwaatc wanankohshak,” okii'ikoon.
6 #
Rom 4.3; Gal 3.6; Jas 2.23. Eparam hsa tahsh okiih tepwehtawaan kaaTipencikenitc. Miitahsh kaakii inakimikotc ehkwayahkwaatisitc.
7O'o tahsh kaaTipencikenitc okii'ikoon, “Niin ohsha Tepenciketc kaakiih saakiciwinihk Er (Ur) ootenaank, Kaaltiiya (Chaldea) ahkiink, ewii miininaan o'o ahki kiin citipinawewisiyan,” okii'ikoon.
8Eparam tahsh okiih kakwecimaan, “Tepencikeyan Kishemanitoo, aanti itahsh kekii onci kihkentamaan niin citipinawewisiyaan,” kii‑ihkito.
9O'o tahsh okii ishi nahkwehtaakoon, “Piitamawihshin cinihsopipoonwewaatc (3) oshki pishihki, noonshe maanatihk kaye, ayaape maanahcaanihsh kaye. Piitamawihshin kaye kihci omiimii, omiimiihsenhs kaye.” 10Kahkina tahsh okiih piitamawaan ono Kishemanitoon, miitahsh kaaishi taahtaashkishwaatc. Kwehkwehk itahsh okii ishi pimihshimaa' ekii oncishkawihshimaatc. Pinehshiinsha' itahsh wiin kaawiin okiih taashkishwaahsii'. 11Mihtaskihtikwaanaakehsiwa'#15.11 Mihtaskihtikwaanaakehsi: Miiwak hsa iki kihci pinehshiinshak kaamihtaskihtikwaanewaatc kaakii amwaawaatc aya'aawihsha' kaaniponitc. tahsh i'imaa kiihpooniiwa' eshi apinitc aya'aawihsha'. Eparam (Abram) itahsh okii osha'waa'.
12 #
Job 4.13,14. Ahpii tahsh kiisihsoon eani pankihshimonitc, Eparam kiiani kihci kihpakinkwahshi. Wiinke tahsh kiihkashkiitipihkanini kiihkohtaaci, kiihkakwaanihsakamanci'o kaye. 13#Exo 1.1-14; Act 7.6. Kishemanitoon tahsh okii'ikoon, “Kehcinaac hsa kihkentan kipiiwesiimak cipiiwitewiwaatc weti pahkaan ahkiink. Mii hsa 'iweti ketashi pamiihtaakewaatc cikakwaatakanohkii'intwaa, kaawiin kaye kwayahk tatootawaahsiiwak niiwaahk (400) tahso pipoon minihk. 14#Exo 12.40,41; Act 7.7. Ninka nana'ahsimaa' itahsh i'i pemaatisinitc kekakwaatakanohkii'ikowaatc weti pahkaan ahkiink. Ahpii tahsh nakatamowaatc i'i ahkiini, wiinke hsa takihci wenootisiwak. 15Kiin itahsh wiin kika otihsaapantaan cikihci ahkiwensiiwiyan. Weweni hsa kika nip, miihsh cina'inikooyan. 16Paanimaa tahsh niiwiink kiiani aanihke ayaawaatc kipiiwesiimak miitahsh i'i payesh o'omaa ahkiink cipi takohshinowaatc, aaniihsh kaawiin mahshi ocihcihsehsinini cinana'ahsakwaapan Emorii (Amorites) kaatinowiwaatc eshi mamaashiiwaatc,” okii'ikoon.
17Ahpii tahsh kiisihsoon kaahpankihshimonitc, wiinke ehkashkiitipihkaninik, okii waapamaan itahsh ishkote ahkihkwan ehpaashkinesonitc, i'i kaye waahsahkonencikan eishkotewaninik i'imaa ehpipimi ayaanik nahsawaya'ii eshi'ayaanitc aya'aawihsha' kaakiih taashkishwaatc. 18#Act 7.5. Miitahsh i'i ehkiishikaninik Kishemanitoon Eparam kaakii'ishi ahshotamaakotc ekii'ikotc, “Kipiiwesiimak hsa nimiinaak o'o ahki, cionci maacihsenik siipiink Iicipahkiink eyaanik, piinihsh weti kihci siipink Iyoohparetiis (Euphrates); 19otahkiimini kaye i'i Kiinii (Kenites) kaatinowiwaatc, Kenisii (Kenizzites) kaatinowiwaatc, Kaatmanii (Kadmonites) kaatinowiwaatc, 20shikwa Heht (Hittites) kaatinowiwaatc, Perisii (Perizzites) kaatinowiwaatc, Orehpaa (Rephaites) kaatinowiwaatc, 21Emorii (Amorites) kaatinowiwaatc, Kenan (Canaanites) kaatinowiwaatc, Kirkashii (Girgashites) kaatinowiwaatc, shikwa Ciipas (Jebusites) kaatinowiwaatc.”
Aktualisht i përzgjedhur:
Cenisihs 15: OJBR
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Ojibwe Shorter Bible (Roman Script) © 2008 Canadian Bible Society