Mateu 1
1
Vanakulumunu vamwe Yesu
Lukashi 3:23-38
1Ali ni lishauma lyamaimyo lyavanakuluvake Yesu Klistu ndukulugwe Daudi na jojo ndukulugwe Abulaamu.
2Napanelo Abulaamu ammaleké Ishaki,
Ishaki kummaleka Yakobo,
Yakobo kummaleka Yuda
pamo na vakuluvake na vanung'unuvake.
3Yuda kummaleka Peleshi namu Shelaa,
ava, jujugwave kuva Tamali.
Peleshi kummaleka Eshiloni,
Eshiloni kummaleka Alamu,
4Alamu kummaleka Aminadabi,
Aminadabi kummaleka Naashoni,
Naashoni kummaleka Shalamoni,
5Shalamoni kummaleka Buwashi,
aju, anyoke kuva Laabe.
Buwashi kummaleka Obedi,
aju, anyoke kuva Luti.
Obedi kummaleka Yeshe,
6kutwala Yeshe kummaleka Umu Daudi.
Napanelo Umu Daudi kummaleka Shalomoni,
aju, anyoke kuva ndyagwe Uliyashi.
7Shalomoni kummaleka Loboamu,
Loboamu kummaleka Abiyashi,
Abiyashi kummaleka Asha,
8Asha kummaleka Yoshapati,
Yoshapati kummaleka Yolamu,
Yolamu kummaleka Ushiyashi,
9Ushiyashi kummaleka Yotamu,
Yotamu kummaleka Akashi,
Akashi kummaleka Eshekiyashi,
10Eshekiyashi kummaleka Manasheshe,
Manasheshe kummaleka Amomu,
Amomu kummaleka Yoshiyashi,
11Yoshiyashi kummaleka Yekoniyashi
pamo na vanung'unuvake.
Awo uvele wakati wavavakamulénge vanaishilaeli kuvaukanavo ku Babiloni.
12Napanelo ling'oto lyavanaishilaeli kukamuligwa kuka ku Babiloni,
Yekoniyashi anímmaleka Shalatiyeli,
Shalatiyeli kummaleka Shelubabeli,
13Shelubabeli kummaleka Abiude,
Abiude kummaleka Eliyakimu,
Eliyakimu kummaleka Asholi,
14Asholi kummaleka Shadoke,
Shadoke kummaleka Akimu,
Akimu kummaleka Eliyude,
15Eliyude kummaleka Eleashali,
Eleashali kummaleka Matani,
Matani kummaleka Yakobo,
16kutwala Yakobo kummaleka Yoshe
ntwagwe Maliya,
Maliya jojo ámmaleke Yesu
wavanshema Klistu.#1:16 Lina lya Klistu kwali Masiya linkuvanavo mana amulolo; shigalego Klistu shibalaniya Masiya . Mena ala ankwamba shimadengo shamunu wene wampakile Nnungu mauta yani aijá walivikíle Nnungu kuntumidya kwida.
17Nadoni kutunduvangila Abulaamu mpaka Daudi dindípagwa dimbula dyavanu kumi na nsheshe, kutunduvangila Daudi mpaka pavakamuligwe vanaishilaeli kuka ku Babiloni yadavo dindípagwa dimbula kumi na nsheshe na kutunduvangila pavapagwíte vanaishilaeli ku Babiloni mpaka Klistu dindípagwa momo dimbula kumi na nsheshe.
Kuvalekwa kumwe Yesu Klistu
Lukashi 2:1-7
18Napanelo Yesu Klistu aju, kuvalekwa kwake kuvele doni. Jujumunu Maliya wantamadíle Yoshe pakulota kunnomba kanji vakanava kulambana, Maliya andíimita kwaindila ya Imumu Wanashwe. 19Bai Yoshe alivikíle kunnomba Maliya kwoda avele munu waishaliya na halatíle kuntaa dyoni nkongwe jo, andyámuwa muntima mwake kunneka shipiipii. 20Akuno apanga nnugu wake au, njelo wake Umu andímwidila mwindoti ndamwaulila kushidoni, “Yoshe ndukulugwe Daudi, haunajope yakumpwashalela Maliya kuva ndyavo mwaa nae andiimita kwaindila ya Imumu Wanashwe. 21Nae anammaleka mwana nnume na wako undamupa lina lya Yesu mwaa alota kuvaposha venentete vake kwamadambi ave.” 22Vinu avi uti vinditandeka pakulota liwikile popo lilove lyatangwéle Umu kwaindila yankúlava wake aashidoni, 23“Mwenu, mwali ntete anammaleka mwana nnume. Mwana ajo vananshema lina lya Emanuweli,”#1:23 Lola Ishaiya 7:14. kwakuvalangangila mana ake, Nnungu ankupagwa namu wetu.
24Bai Yoshe pashishwike andítandela momo mwamwaulidile njelo wake Umu, nae anímpwashalela Maliya kuva nkongwe ndyagwe. 25Napanelo haléle na ndyagwe mpaka pammaleke mwana kutwala nae mwana jo kumupa lina lya Yesu.
Aktualisht i përzgjedhur:
Mateu 1: kde
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2013, Wycliffe Bible Translators, Inc. All rights reserved.