Aluki 12
12
Da dɛna-ya pʋlibsum dõma
(Amatie 10:26-27)
1Wakat-ẽŋa nẽr-kʋʋŋɔ n lagsɛ zo'oge mikra taaba, nẽera taaba nãma, tɩ Azezi dẽŋɛ yele a karẽnbiisi la yetɩ: «Guuse ya mẽŋa la Farisi dõma pʋlibsum na n ãn wʋ dãbɩllɛ n botɩ dãam wuu kɛlla la. 2Bõn-sɛka woo n lile wʋn lilge, la bõn-sɛka woo n sʋgɛ wʋn puke. 3Bɛla, bõn-sɛka woo tɩ ya tɔgɛ lika pʋam, ba wʋn tɔgɛ ẽ na peelem pʋam tɩ nẽrba wuu wõm, la bõn-sɛka tɩ ya waasʋm deem na, ba wʋn zom na gɔsgɔ mõolɛ tɩ nẽrba wuu wõm.»
La masɛ tɩ ya zɔta la Nawẽnnɛ
(Amatie 10:28-31)
4«M sɩrdõma, mam yetɩ ya tɩ ya da zɔta dabeem la sɛba n kʋʋrɩ ĩyã mã'a, dee ka tãna wʋn ẽŋɛ sɛla pa'asɛ la. 5Mam wʋn pa'alɛ ya lan masɛ tɩ ya zɔta sɛka. Zɔta-ya Nawẽnnɛ n tã wʋn kʋ, dee tara pãŋa wʋn kẽ'esɛ ya bug-tẽŋa la. Asɩra, zɔta-ya Nawẽnnɛ. 6Ba ka koosrɩ mõom niinto banuu la lig-kõba bayi mã'a? La Nawẽnnɛ ka yĩnni baa ayɩla yelle. 7La baa yãma zuugo zomto, Nawẽnnɛ mi ba wuu kãllɛ mɛ. Bɛla ĩyã, da zɔta-ya dabeem, tɩ yãma tarɩ yõorɔ gãnna niinto zozo'e mɛ.»
Sɛka n sakrɩ Azezi, Nawẽnnɛ Sɩa wʋn sõŋɛ ẽ mɛ
(Amatie 10:32-33;12:32;10:19-20)
8«La mam yetɩ ya tɩ nẽr-sɛka woo n ze'ele nẽrba nẽŋam yetɩ ẽŋa de la mam nẽra, mam n de Nẽrsaala Dayʋa la mẽ wʋn ze'ele Nawẽnnɛ malɛkadõma nẽŋam yetɩ a de la mam nẽra. 9La nẽr-sɛka woo n sɩ'ɩsɛ nẽrba nẽŋam tɩ ẽŋa dagɩ mam nẽra, mam mẽ wʋn sɩ'ɩsɛ Nawẽnnɛ malɛkadõma nẽŋam tɩ a dagɩ mam nẽra. 10La nẽr-sɛka woo n tɔgɛ Nẽrsaala Dayʋa la be'em, Nawẽnnɛ wʋn basɛ a tõon-be'ero taalɛ, la nẽr-sɛka woo n pɔ'ɔgɛ Nawẽnnɛ Sɩa, Nawẽnnɛ kãn basɛ a tõon-be'ero taalɛ.
11Ba sãn yõgɛ ya sẽŋɛ ba wẽndeto pʋam, bɩɩ na'adõma nẽŋam, bɩɩ kɛ'ɛndõma nẽŋam tɩ ba di ya sarɩya, da fabla-ya yan wʋn lerge se'em, bɩɩ yan wʋn tɔgɛ se'em to'oge ya mẽŋa. 12Se'ere n soe la, Nawẽnnɛ Sɩa n wʋn pa'alɛ ya wakat-ẽŋa yan wʋn tɔgɛ se'em.»
Bõntarsa n ka tarɩ yɛm makrɛ
13Azezi n tɔgɛ kɩ'ɩlɩm na, tɩ nẽra ayɩla n boe nẽr-kʋʋŋɔ la pʋam yele ẽ yetɩ: «Karẽnsãama, yele m kẽema tɩ a dɩkɛ tõma sɔ n ki dee bõn-sɛba la, pʋɩ bɔ ma m bõnɔ.» 14Tɩ Azezi soke ẽ yetɩ: «Ãne n bɔ mam nõorɛ tɩ m dɛna ya sarɩyadita, bɩɩ m pʋta ya bõntarsõm bɔ'ɔra ya?» 15Dee yele nẽrba la wuu yetɩ: «Guusra-ya ya mẽŋa, da ɛɛra bõntarsõm zozo'e, se'ere n soe la, la dagɩ nẽra n tarɩ bõntarsõm zo'oge ĩyã tɩ a tarɩ yõvore.»
16A yele bɛla, dee makɛ la makrɛ bɔ ba yetɩ: «Bʋraaga n daan boe dɛna bõntarsa, tɩ a vatɔ bõnkɔɔla mãalɛ sõŋa, 17tɩ a tẽ'esɛ a pʋtẽ'erʋm yetɩ: ‹Zẽ'a ka boe tɩ m wʋn sũm m bõnkɔɔla la. Bɛla ĩyã, mam wʋn ẽŋɛ la wãne?› 18Yãŋa yele a mẽŋa yetɩ: ‹Mam mi mam wʋn ẽŋɛ se'em. Mam wʋn wõrɛ m bã la mɛ, malgɛ mẽ bã-kãra, sũm m bõnkɔɔla, la m sɛla woo. 19Dee yele m sũurum yetɩ: M tarɩ bõntarsõm zo'oge, la wʋn seke ma paagɛ yʋʋma zozo'e. Bɛla m wʋn vo'ose mɛ di dee yũ, dee ẽŋɛ sũ-yẽlga.› 20Tɩ Nawẽnnɛ yele ẽ yetɩ: ‹Gergo wã, yʋ'ʋŋ-ẽna wã m wʋn to'oge fʋ vɔm na. La ãne n wʋn sɔna bõn-sɛba tɩ fʋ bĩŋe la?› » 21La Azezi le yetɩ: «La de la bɛla la nẽr-sɛka woo n lagsrɩ bõntarsõm bĩŋra a mẽŋa ĩyã, dee ka tara sɛla sɛla Nawẽnnɛ zẽ'am.»
Nawẽnnɛ n bɩsrɩ tɩ yelle
(Amatie 6:25-34)
22Bɛla poorʋm, Azezi yele a karẽnbiisi la yetɩ: «Bɛla ĩyã, mam yetɩ ya tɩ ya da fabla ya vɔm yelle, ya wʋn di sɛla, bɩɩ ya wʋn yɛ fu-sɛba la yelle. 23Vɔm yelle gãnnɩ dia mɛ, tɩ ĩyã yelle mẽ gãnna futo. 24Bɩsɛ-ya gõorɔ, ba ka bʋtɩ, ba ka lagsrɩ bõnkɔɔla, la ba ka tarɩ bãarɛ bɩɩ dia bĩŋre zẽ'a, la Nawẽnnɛ n bɔ'ɔrɩ ba dia. La yãma ka tarɩ yõorɔ gãnna bõn-ẽgla zo'oge sɩra? 25Ãne n boe ya pʋam n tã wʋn pa'asɛ a vɔm woglʋm fẽfẽe ẽn fablɩ la ĩyã? 26La yãma sãn ka tãna wʋn ẽŋɛ bɛla n de bõn-pɩka, bẽm ĩyã tɩ yãma fabla bõn-sɛba n weege la yelle? 27Bɩsɛ-ya mõ-puuro n ãn sõŋa se'em, ba ka tõnnɩ, ba mẽ ka wʋgrɩ futo. La mam yetɩ ya mɛ tɩ, baa naba Asalomõ na'am n yʋʋn tarɩ pãŋa la, a yʋʋn ka tã'agɛ yɛ fuugo n ãn sõŋa wʋ mõ-puugo ayɩla. 28La Nawẽnnɛ sãn botɩ mõorɔ n boe zĩna dee tɩ ba wʋn yõ ba bugum beere ãna sõŋa bɛla, a kãn bɩsɛ ya yelle sõŋa gãnna bɛla mɛ bɩɩ? Bẽm tɩ yãma ka bɔ Nawẽnnɛ sɩra zo'oge? 29Da basɛ-ya tɩ yan wʋn di sɛla, bɩɩ yan wʋn yũ sɛla yelle pakɛ ya. 30La de la nẽr-sɛba n ka mi Nawẽnnɛ n eerɩ bõn-bãma wuu. La yãma Sɔ Nawẽnnɛ mi tɩ yãma boorɩ bõn-bãma wuu mɛ. 31Ɛ-ya Nawẽnnɛ so'olʋm na gãnna wuu, tɩ a wʋn bɔ ya bõn-bãma pa'asɛ.»
Bõntarsõm n ka sã'anɩ
(Amatie 6:19-21)
32«M nẽrba, ya ka zo'oge, la da zɔta-ya dabeem, se'ere n soe la, la paagɛ ya Sɔ Nawẽnnɛ yɛm mɛ tɩ a yetɩ a bɔ ya a so'olʋm. 33Koose-ya yãma n tarɩ sɛla la dɩkɛ ligri la bɔ nasdõma. Ya sãn ẽŋɛ bɛla, ya eerɩ la bõntarsõm n ka sã'anɩ. Ɛ-ya bõntarsõm tɩ ba bɔna Nawẽnnɛ yire wakatɛ wuu, bilam tɩ nayigba kãn tã'agɛ zũ, tɩ bõn-mõgla mẽ kãn tã'agɛ sã'am ba. 34Se'ere n soe la, ya bõntarsõm n boe zẽ'a na, ya pʋtẽ'era mẽ boe la bilam.»
Mãasʋm-ya gu'ura
35Azezi le yetɩ: «Mãasʋm-ya lʋ ya sagãna ya sɩɩsɩ tɩ ya wʋn tã'agɛ tõm, dee yõ ya fɩtladõma, 36ãna wʋ nẽrba n gu'uri ba zuudãana n wʋn ze'ele pɔgdire kibsa wa'am, tɩ a sãn wa'am wa wi, tɩ ba yo'oge yaŋa tɔtɔ bɔ ẽ. 37Tõntõn-sɛba tɩ ba zuudãana wʋn paam tɩ ba ze gu'ura ẽ, tarɩ zu-yẽlga. Mam yetɩ ya la sɩra tɩ, a wʋn basɛ tɩ ba zĩ'ire, tɩ zuudãana la mẽŋa mãasʋm wa pʋɩ ba dia. 38A sãn wa'am sõnsʋa, bɩɩ bewiine, wa yẽ tɩ ba ken gu'ura ẽ, ba tarɩ zu-yẽlga. 39Bãŋɛ-ya tɩ yidãana sãn mina wakat-sɛka tɩ nayiga wʋn wa zũ ẽ, a wʋn gu'ura a yire mɛ kãn basɛ tɩ nayiga la kẽ zũ ẽ. 40Bɛla, yãma mẽ mãasʋm zɛ sõŋa, tɩ Nẽrsaala Dayʋa la sẽm na wakat-sɛka tɩ yãma ka tẽ'esrɩ tɩ a wʋn wa'am na.»
Tõntõnna masɛ mɛ tɩ a ɩta a zuudãana n boorɩ se'em na
(Amatie 24:45-51)
41Tɩ Apɩyɛɛrɩ soke ẽ yetɩ: «Zuudãana, fõn makɛ makrɛ ẽna wã la tõma mã'a bɩɩ, nẽrba wuu?» 42Tɩ Zuudãana Azezi lerge ẽ yetɩ: «Ãne n de tõntõn-sõŋɔ n tarɩ yɛm? La de la ẽŋa tɩ a zuudãana wʋn yetɩ a bɩsra a yire yelle, bɔ'ɔra a tõntõnɩba dia wʋ lan masɛ, dee sẽŋɛ sore. 43Zuudãana la sãn leme wa yẽ tɩ tõntõnna la tõm wʋ ẽŋa n yele se'em na, tõntõnna la tarɩ zu-yẽlga. 44Mam yetɩ ya la sɩra tɩ, a zuudãana la wʋn dɩkɛ ẽŋa n tarɩ sɛla la wuu bɔ ẽ mɛ tɩ a bɩsra.
45La tõntõnna la sãn tẽ'esɛ yetɩ, ẽŋa zuudãana la yuuri mɛ ka kulna, yãŋa wẽ'era tõntõn-bʋraasɩ, la tõntõn-pɔgsɩ, dita, dee yũura bugra, 46a zuudãana la wʋn kulum na daar-sɛka tɩ a ka tẽ'esrɩ tɩ a wʋn wa'am, la wakat-sɛka tɩ a ka mi, wa di'ige ẽ. La a wʋn dige ẽ mɛ botɩ a lagɩm na sɛba n ka bɔ ẽŋa sɩra la yẽ sɩbgrɛ. 47Tõntõn-sɛka n mi a zuudãana n boorɩ se'em, dee ka mãasʋm bɩɩ ka tõm ẽn boorɩ se'em na, ba wʋn wẽ ẽ mɛ zozo'e. 48La tõntõn-sɛka n ka mi a zuudãana n boorɩ se'em, dee ẽŋɛ sɛla n masɛ tɩ ba wẽ ẽ, ba wʋn wẽ ẽ na fẽe. Sɛka tɩ ba bɔ ẽ zo'oge, ba mẽ wʋn soke ẽ yɛla zozo'e yelle mɛ, la sɛka tɩ ba gu'ule ẽ zo'oge, ba mẽ wʋn soke ẽ halɩ yɛla zozo'e yelle gãnna mɛ.»
Nẽr-sɛba n ka dolɩ Azezi wʋn welge mɛ la sɛba n dolɩ Azezi
(Amatie 10:34-36)
49«Mam wa'am tɩ m tʋʋrɛ la bugum dũnia wã zuo, la mam boorɩ nɩ mɛ zozo'e tɩ bugum na põn darɛ dita. 50La dẽnɩ tɩ mam yẽ nãmsgɔ zozo'e wʋ mam mise la ko'om pʋam na, la a yelle la wʋn nãmsɛ mam mɛ halɩ tɩ la wa ẽŋɛ ba'asɛ. 51Ya tẽ'esɛ tɩ mam wa'am tɩ m botɩ nẽrba nõorɛ n dɛna ayɩla dũnia zuo bɩɩ? Ayɛɩ, mam yetɩ ya tɩ mam tarɩ la welgre wa'am. 52La, lan pɔsɛ lɛɛlɛ wã wɛ'ɛsa, nẽrba banuu sãn bɔna yire ayɩla pʋam, nẽrba batã wʋn welge mɛ sisra nẽrba bayi la, tɩ nẽrba bayi la mẽ sisra nẽrba batã la. 53La sɔ wʋn sise a dayʋa, tɩ dayʋa mẽ sise a sɔ. La ma wʋn sise a pɔyʋa, tɩ pɔyʋa mẽ sise a ma. La dayʋa pɔga wʋn sise a sɩra ma, tɩ sɩra ma mẽ sise a dayʋa pɔga.»
Bãŋɛ-ya bõn-sɛba n ɩtɩ lɛɛlɛ wã võorɛ bɔkɛ
(Amatie 16:2-3)
54Tɩ Azezi yele nẽr-kʋʋŋɔ la yetɩ: «Ya sãn yẽ tɩ wara sobge bɔbrɛ ayẽma, ya yetɩ mɛ tɔtɔ tɩ saaga wʋn ni mɛ, tɩ a sɩrɩ ni. 55La ya sãn le yẽ tɩ kʋsebgo vugri bɔbrɛ ayẽma, ya yetɩ mɛ tɩ wɔlgɔ lɛm mɛ, tɩ wɔlgɔ wʋn sɩrɩ paagɛ. 56Pʋlibsum dõma wã! Yãma bɩsrɩ mɛ mina tẽŋa, la saazuum yɛla n ãn se'em. La bẽm tɩ yãma ka mina bõn-sɛba n ɩtɩ lɛɛlɛ wã võorɛ bɔkɛ?»
Malgɛ fʋ yɛla la Nawẽnnɛ
(Amatie 5:25-26)
57«Bẽm tɩ ya mẽŋa ka tẽ'esɛ bãŋɛ sɛla n masɛ tɩ ya wʋn ẽŋɛ bɔkɛ? 58Fʋ sãn tara yelle la nẽra, tɩ a tarɩ fʋ wɛ'ɛsa sarɩyadia zẽ'am, mõrgɛ tɩ ya mãalɛ yelle la sore, tɩ a da dɩkɛ fʋ bɔ sarɩyadita, tɩ a tɔgɛ fʋ yetɔga la dɩkɛ fʋ bɔ gu'ura, tɩ a kẽ'esɛ fɔ yʋ'a deem. 59Mam yetɩ fʋ la sɩra, tɩ fʋ kãn yẽ sore yese yʋ'a deem na, halɩ tɩ fʋ wʋn wa yɔ fʋ sãnnɛ na wuu ba'asɛ.»
Aktualisht i përzgjedhur:
Aluki 12: gurDBL
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2008, 2010, Wycliffe Bible Translators, Inc. All rights reserved.
Aluki 12
12
Da dɛna-ya pʋlibsum dõma
(Amatie 10:26-27)
1Wakat-ẽŋa nẽr-kʋʋŋɔ n lagsɛ zo'oge mikra taaba, nẽera taaba nãma, tɩ Azezi dẽŋɛ yele a karẽnbiisi la yetɩ: «Guuse ya mẽŋa la Farisi dõma pʋlibsum na n ãn wʋ dãbɩllɛ n botɩ dãam wuu kɛlla la. 2Bõn-sɛka woo n lile wʋn lilge, la bõn-sɛka woo n sʋgɛ wʋn puke. 3Bɛla, bõn-sɛka woo tɩ ya tɔgɛ lika pʋam, ba wʋn tɔgɛ ẽ na peelem pʋam tɩ nẽrba wuu wõm, la bõn-sɛka tɩ ya waasʋm deem na, ba wʋn zom na gɔsgɔ mõolɛ tɩ nẽrba wuu wõm.»
La masɛ tɩ ya zɔta la Nawẽnnɛ
(Amatie 10:28-31)
4«M sɩrdõma, mam yetɩ ya tɩ ya da zɔta dabeem la sɛba n kʋʋrɩ ĩyã mã'a, dee ka tãna wʋn ẽŋɛ sɛla pa'asɛ la. 5Mam wʋn pa'alɛ ya lan masɛ tɩ ya zɔta sɛka. Zɔta-ya Nawẽnnɛ n tã wʋn kʋ, dee tara pãŋa wʋn kẽ'esɛ ya bug-tẽŋa la. Asɩra, zɔta-ya Nawẽnnɛ. 6Ba ka koosrɩ mõom niinto banuu la lig-kõba bayi mã'a? La Nawẽnnɛ ka yĩnni baa ayɩla yelle. 7La baa yãma zuugo zomto, Nawẽnnɛ mi ba wuu kãllɛ mɛ. Bɛla ĩyã, da zɔta-ya dabeem, tɩ yãma tarɩ yõorɔ gãnna niinto zozo'e mɛ.»
Sɛka n sakrɩ Azezi, Nawẽnnɛ Sɩa wʋn sõŋɛ ẽ mɛ
(Amatie 10:32-33;12:32;10:19-20)
8«La mam yetɩ ya tɩ nẽr-sɛka woo n ze'ele nẽrba nẽŋam yetɩ ẽŋa de la mam nẽra, mam n de Nẽrsaala Dayʋa la mẽ wʋn ze'ele Nawẽnnɛ malɛkadõma nẽŋam yetɩ a de la mam nẽra. 9La nẽr-sɛka woo n sɩ'ɩsɛ nẽrba nẽŋam tɩ ẽŋa dagɩ mam nẽra, mam mẽ wʋn sɩ'ɩsɛ Nawẽnnɛ malɛkadõma nẽŋam tɩ a dagɩ mam nẽra. 10La nẽr-sɛka woo n tɔgɛ Nẽrsaala Dayʋa la be'em, Nawẽnnɛ wʋn basɛ a tõon-be'ero taalɛ, la nẽr-sɛka woo n pɔ'ɔgɛ Nawẽnnɛ Sɩa, Nawẽnnɛ kãn basɛ a tõon-be'ero taalɛ.
11Ba sãn yõgɛ ya sẽŋɛ ba wẽndeto pʋam, bɩɩ na'adõma nẽŋam, bɩɩ kɛ'ɛndõma nẽŋam tɩ ba di ya sarɩya, da fabla-ya yan wʋn lerge se'em, bɩɩ yan wʋn tɔgɛ se'em to'oge ya mẽŋa. 12Se'ere n soe la, Nawẽnnɛ Sɩa n wʋn pa'alɛ ya wakat-ẽŋa yan wʋn tɔgɛ se'em.»
Bõntarsa n ka tarɩ yɛm makrɛ
13Azezi n tɔgɛ kɩ'ɩlɩm na, tɩ nẽra ayɩla n boe nẽr-kʋʋŋɔ la pʋam yele ẽ yetɩ: «Karẽnsãama, yele m kẽema tɩ a dɩkɛ tõma sɔ n ki dee bõn-sɛba la, pʋɩ bɔ ma m bõnɔ.» 14Tɩ Azezi soke ẽ yetɩ: «Ãne n bɔ mam nõorɛ tɩ m dɛna ya sarɩyadita, bɩɩ m pʋta ya bõntarsõm bɔ'ɔra ya?» 15Dee yele nẽrba la wuu yetɩ: «Guusra-ya ya mẽŋa, da ɛɛra bõntarsõm zozo'e, se'ere n soe la, la dagɩ nẽra n tarɩ bõntarsõm zo'oge ĩyã tɩ a tarɩ yõvore.»
16A yele bɛla, dee makɛ la makrɛ bɔ ba yetɩ: «Bʋraaga n daan boe dɛna bõntarsa, tɩ a vatɔ bõnkɔɔla mãalɛ sõŋa, 17tɩ a tẽ'esɛ a pʋtẽ'erʋm yetɩ: ‹Zẽ'a ka boe tɩ m wʋn sũm m bõnkɔɔla la. Bɛla ĩyã, mam wʋn ẽŋɛ la wãne?› 18Yãŋa yele a mẽŋa yetɩ: ‹Mam mi mam wʋn ẽŋɛ se'em. Mam wʋn wõrɛ m bã la mɛ, malgɛ mẽ bã-kãra, sũm m bõnkɔɔla, la m sɛla woo. 19Dee yele m sũurum yetɩ: M tarɩ bõntarsõm zo'oge, la wʋn seke ma paagɛ yʋʋma zozo'e. Bɛla m wʋn vo'ose mɛ di dee yũ, dee ẽŋɛ sũ-yẽlga.› 20Tɩ Nawẽnnɛ yele ẽ yetɩ: ‹Gergo wã, yʋ'ʋŋ-ẽna wã m wʋn to'oge fʋ vɔm na. La ãne n wʋn sɔna bõn-sɛba tɩ fʋ bĩŋe la?› » 21La Azezi le yetɩ: «La de la bɛla la nẽr-sɛka woo n lagsrɩ bõntarsõm bĩŋra a mẽŋa ĩyã, dee ka tara sɛla sɛla Nawẽnnɛ zẽ'am.»
Nawẽnnɛ n bɩsrɩ tɩ yelle
(Amatie 6:25-34)
22Bɛla poorʋm, Azezi yele a karẽnbiisi la yetɩ: «Bɛla ĩyã, mam yetɩ ya tɩ ya da fabla ya vɔm yelle, ya wʋn di sɛla, bɩɩ ya wʋn yɛ fu-sɛba la yelle. 23Vɔm yelle gãnnɩ dia mɛ, tɩ ĩyã yelle mẽ gãnna futo. 24Bɩsɛ-ya gõorɔ, ba ka bʋtɩ, ba ka lagsrɩ bõnkɔɔla, la ba ka tarɩ bãarɛ bɩɩ dia bĩŋre zẽ'a, la Nawẽnnɛ n bɔ'ɔrɩ ba dia. La yãma ka tarɩ yõorɔ gãnna bõn-ẽgla zo'oge sɩra? 25Ãne n boe ya pʋam n tã wʋn pa'asɛ a vɔm woglʋm fẽfẽe ẽn fablɩ la ĩyã? 26La yãma sãn ka tãna wʋn ẽŋɛ bɛla n de bõn-pɩka, bẽm ĩyã tɩ yãma fabla bõn-sɛba n weege la yelle? 27Bɩsɛ-ya mõ-puuro n ãn sõŋa se'em, ba ka tõnnɩ, ba mẽ ka wʋgrɩ futo. La mam yetɩ ya mɛ tɩ, baa naba Asalomõ na'am n yʋʋn tarɩ pãŋa la, a yʋʋn ka tã'agɛ yɛ fuugo n ãn sõŋa wʋ mõ-puugo ayɩla. 28La Nawẽnnɛ sãn botɩ mõorɔ n boe zĩna dee tɩ ba wʋn yõ ba bugum beere ãna sõŋa bɛla, a kãn bɩsɛ ya yelle sõŋa gãnna bɛla mɛ bɩɩ? Bẽm tɩ yãma ka bɔ Nawẽnnɛ sɩra zo'oge? 29Da basɛ-ya tɩ yan wʋn di sɛla, bɩɩ yan wʋn yũ sɛla yelle pakɛ ya. 30La de la nẽr-sɛba n ka mi Nawẽnnɛ n eerɩ bõn-bãma wuu. La yãma Sɔ Nawẽnnɛ mi tɩ yãma boorɩ bõn-bãma wuu mɛ. 31Ɛ-ya Nawẽnnɛ so'olʋm na gãnna wuu, tɩ a wʋn bɔ ya bõn-bãma pa'asɛ.»
Bõntarsõm n ka sã'anɩ
(Amatie 6:19-21)
32«M nẽrba, ya ka zo'oge, la da zɔta-ya dabeem, se'ere n soe la, la paagɛ ya Sɔ Nawẽnnɛ yɛm mɛ tɩ a yetɩ a bɔ ya a so'olʋm. 33Koose-ya yãma n tarɩ sɛla la dɩkɛ ligri la bɔ nasdõma. Ya sãn ẽŋɛ bɛla, ya eerɩ la bõntarsõm n ka sã'anɩ. Ɛ-ya bõntarsõm tɩ ba bɔna Nawẽnnɛ yire wakatɛ wuu, bilam tɩ nayigba kãn tã'agɛ zũ, tɩ bõn-mõgla mẽ kãn tã'agɛ sã'am ba. 34Se'ere n soe la, ya bõntarsõm n boe zẽ'a na, ya pʋtẽ'era mẽ boe la bilam.»
Mãasʋm-ya gu'ura
35Azezi le yetɩ: «Mãasʋm-ya lʋ ya sagãna ya sɩɩsɩ tɩ ya wʋn tã'agɛ tõm, dee yõ ya fɩtladõma, 36ãna wʋ nẽrba n gu'uri ba zuudãana n wʋn ze'ele pɔgdire kibsa wa'am, tɩ a sãn wa'am wa wi, tɩ ba yo'oge yaŋa tɔtɔ bɔ ẽ. 37Tõntõn-sɛba tɩ ba zuudãana wʋn paam tɩ ba ze gu'ura ẽ, tarɩ zu-yẽlga. Mam yetɩ ya la sɩra tɩ, a wʋn basɛ tɩ ba zĩ'ire, tɩ zuudãana la mẽŋa mãasʋm wa pʋɩ ba dia. 38A sãn wa'am sõnsʋa, bɩɩ bewiine, wa yẽ tɩ ba ken gu'ura ẽ, ba tarɩ zu-yẽlga. 39Bãŋɛ-ya tɩ yidãana sãn mina wakat-sɛka tɩ nayiga wʋn wa zũ ẽ, a wʋn gu'ura a yire mɛ kãn basɛ tɩ nayiga la kẽ zũ ẽ. 40Bɛla, yãma mẽ mãasʋm zɛ sõŋa, tɩ Nẽrsaala Dayʋa la sẽm na wakat-sɛka tɩ yãma ka tẽ'esrɩ tɩ a wʋn wa'am na.»
Tõntõnna masɛ mɛ tɩ a ɩta a zuudãana n boorɩ se'em na
(Amatie 24:45-51)
41Tɩ Apɩyɛɛrɩ soke ẽ yetɩ: «Zuudãana, fõn makɛ makrɛ ẽna wã la tõma mã'a bɩɩ, nẽrba wuu?» 42Tɩ Zuudãana Azezi lerge ẽ yetɩ: «Ãne n de tõntõn-sõŋɔ n tarɩ yɛm? La de la ẽŋa tɩ a zuudãana wʋn yetɩ a bɩsra a yire yelle, bɔ'ɔra a tõntõnɩba dia wʋ lan masɛ, dee sẽŋɛ sore. 43Zuudãana la sãn leme wa yẽ tɩ tõntõnna la tõm wʋ ẽŋa n yele se'em na, tõntõnna la tarɩ zu-yẽlga. 44Mam yetɩ ya la sɩra tɩ, a zuudãana la wʋn dɩkɛ ẽŋa n tarɩ sɛla la wuu bɔ ẽ mɛ tɩ a bɩsra.
45La tõntõnna la sãn tẽ'esɛ yetɩ, ẽŋa zuudãana la yuuri mɛ ka kulna, yãŋa wẽ'era tõntõn-bʋraasɩ, la tõntõn-pɔgsɩ, dita, dee yũura bugra, 46a zuudãana la wʋn kulum na daar-sɛka tɩ a ka tẽ'esrɩ tɩ a wʋn wa'am, la wakat-sɛka tɩ a ka mi, wa di'ige ẽ. La a wʋn dige ẽ mɛ botɩ a lagɩm na sɛba n ka bɔ ẽŋa sɩra la yẽ sɩbgrɛ. 47Tõntõn-sɛka n mi a zuudãana n boorɩ se'em, dee ka mãasʋm bɩɩ ka tõm ẽn boorɩ se'em na, ba wʋn wẽ ẽ mɛ zozo'e. 48La tõntõn-sɛka n ka mi a zuudãana n boorɩ se'em, dee ẽŋɛ sɛla n masɛ tɩ ba wẽ ẽ, ba wʋn wẽ ẽ na fẽe. Sɛka tɩ ba bɔ ẽ zo'oge, ba mẽ wʋn soke ẽ yɛla zozo'e yelle mɛ, la sɛka tɩ ba gu'ule ẽ zo'oge, ba mẽ wʋn soke ẽ halɩ yɛla zozo'e yelle gãnna mɛ.»
Nẽr-sɛba n ka dolɩ Azezi wʋn welge mɛ la sɛba n dolɩ Azezi
(Amatie 10:34-36)
49«Mam wa'am tɩ m tʋʋrɛ la bugum dũnia wã zuo, la mam boorɩ nɩ mɛ zozo'e tɩ bugum na põn darɛ dita. 50La dẽnɩ tɩ mam yẽ nãmsgɔ zozo'e wʋ mam mise la ko'om pʋam na, la a yelle la wʋn nãmsɛ mam mɛ halɩ tɩ la wa ẽŋɛ ba'asɛ. 51Ya tẽ'esɛ tɩ mam wa'am tɩ m botɩ nẽrba nõorɛ n dɛna ayɩla dũnia zuo bɩɩ? Ayɛɩ, mam yetɩ ya tɩ mam tarɩ la welgre wa'am. 52La, lan pɔsɛ lɛɛlɛ wã wɛ'ɛsa, nẽrba banuu sãn bɔna yire ayɩla pʋam, nẽrba batã wʋn welge mɛ sisra nẽrba bayi la, tɩ nẽrba bayi la mẽ sisra nẽrba batã la. 53La sɔ wʋn sise a dayʋa, tɩ dayʋa mẽ sise a sɔ. La ma wʋn sise a pɔyʋa, tɩ pɔyʋa mẽ sise a ma. La dayʋa pɔga wʋn sise a sɩra ma, tɩ sɩra ma mẽ sise a dayʋa pɔga.»
Bãŋɛ-ya bõn-sɛba n ɩtɩ lɛɛlɛ wã võorɛ bɔkɛ
(Amatie 16:2-3)
54Tɩ Azezi yele nẽr-kʋʋŋɔ la yetɩ: «Ya sãn yẽ tɩ wara sobge bɔbrɛ ayẽma, ya yetɩ mɛ tɔtɔ tɩ saaga wʋn ni mɛ, tɩ a sɩrɩ ni. 55La ya sãn le yẽ tɩ kʋsebgo vugri bɔbrɛ ayẽma, ya yetɩ mɛ tɩ wɔlgɔ lɛm mɛ, tɩ wɔlgɔ wʋn sɩrɩ paagɛ. 56Pʋlibsum dõma wã! Yãma bɩsrɩ mɛ mina tẽŋa, la saazuum yɛla n ãn se'em. La bẽm tɩ yãma ka mina bõn-sɛba n ɩtɩ lɛɛlɛ wã võorɛ bɔkɛ?»
Malgɛ fʋ yɛla la Nawẽnnɛ
(Amatie 5:25-26)
57«Bẽm tɩ ya mẽŋa ka tẽ'esɛ bãŋɛ sɛla n masɛ tɩ ya wʋn ẽŋɛ bɔkɛ? 58Fʋ sãn tara yelle la nẽra, tɩ a tarɩ fʋ wɛ'ɛsa sarɩyadia zẽ'am, mõrgɛ tɩ ya mãalɛ yelle la sore, tɩ a da dɩkɛ fʋ bɔ sarɩyadita, tɩ a tɔgɛ fʋ yetɔga la dɩkɛ fʋ bɔ gu'ura, tɩ a kẽ'esɛ fɔ yʋ'a deem. 59Mam yetɩ fʋ la sɩra, tɩ fʋ kãn yẽ sore yese yʋ'a deem na, halɩ tɩ fʋ wʋn wa yɔ fʋ sãnnɛ na wuu ba'asɛ.»
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2008, 2010, Wycliffe Bible Translators, Inc. All rights reserved.