Aluki 13
13
Teege-ya yɛm basɛ tõon-be'ero
1La wakat-ẽŋa nẽrba basɛba n wa'am wa tɔgɛ pa'alɛ Azezi, gɔmna Apilatɩ n daan botɩ ba kʋ Galile nẽrba basɛba wakat-sɛka tɩ ba boe mĩ kãabra bɔ'ɔra Nawẽnnɛ, tɩ ba zɩɩm yese gaam na kãabgɔ la zɩɩm. 2Tɩ Azezi lerge ba yetɩ: «Yãma tẽ'esɛ tɩ Galile nẽr-bãma n daan yẽ nãmsgɔ ẽŋa la, bãma n de tõon-be'ero dõma gãnna Galile dõma basɛba la bɩɩ? 3Mam yetɩ ya tɩ ayɛɩ, yãma sãn ka teege yɛm basɛ tõon-be'ero, yãma wuu mẽ wʋn sã'am na bɛla. 4La nẽrba pia la anii tɩ de-tʋgma yʋʋn lui kʋ ba Silo tẽŋa la, yãma tẽ'esɛ tɩ bãma n de tõon-be'ero dõma gãnna Zerizalɛm nẽrba basɛba la bɩɩ? 5Mam yetɩ ya tɩ ayɛɩ, yãma sãn ka teege yɛm basɛ tõon-be'ero, yãma wuu mẽ wʋn sã'am na bɛla.»
Kẽnkãŋa n ka wɔnnɩ makrɛ
6Azezi le makɛ la makrɛ ẽna wã yetɩ: «Bʋraaga n tarɩ kẽnkãŋa n sele a va'am pʋam, yãŋa wa'am tɩ a bɩsɛ a sãn tara biɛ, ka yẽ sɛla sɛla. 7Tɩ a yele va'am na gu'ura yetɩ: ‹Bɩsɛ, yʋʋma atã n wãna tɩ mam sẽnnɩ dee ka yẽta biɛ kẽnkãŋa wã zuo. Sɛ ẽ basɛ, tɩ a yẽrɛ la zẽ'a.› 8Tɩ gu'ura la lerge ẽ yetɩ: ‹Zuudãana, basɛ ẽ yʋʋn-ẽna mã'a, tɩ mam wʋn kɔ gilge a tille, ẽŋɛ bugulgo basɛ ẽ, 9la yʋʋnɛ sãn kaagɛ tɩ a wɔm, la ãn sõŋa, la a sãn ken ka wɔm, fʋ yãŋa sɛ ẽ basɛ.› »
Azezi botɩ pɔka yẽ ĩmã'asʋm vo'osgo daarɛ
10Azezi daan boe la Zifdõma wẽndeem vo'osgo daarɛ zãsna nẽrba, 11tɩ pɔka ayɩla bɔna mĩ tɩ kʋlkã'arga tara ẽ botɩ a dɛna kobgo paagɛ yʋʋma pia la anii, yũre ka tãna wʋn dɔ'ɔgɛ. 12Tɩ Azezi yẽ pɔka la, wi ẽ yetɩ: «Pɔka, fʋ yẽ yolsgo, fʋ bã'aga la basɛ fɔ.» 13Dee dɩkɛ a nu'usi paglɛ pɔka la zuo, tɩ bã'aga la basɛ pɔka la bilam mẽŋa, tɩ a tã'agɛ dɔ'ɔra, yãŋa pẽgra Nawẽnnɛ. 14Tɩ wẽndeego la naba sũure isge la Azezi, ẽŋa n botɩ pɔka la yẽ ĩmã'asʋm vo'osgo daarɛ la ĩyã. Tɩ a yele nẽrba la yetɩ: «Dabsa ayoobɩ n boe tɩ ya tãna wʋn tõm. Wa'am-ya dabs-bãma pʋam wa tɩbɛ ya mẽŋa, dee da sẽnna vo'osgo daarɛ tɩbra ya mẽŋa.» 15Tɩ Zuudãana Azezi lerge ẽ yetɩ: «Pʋlibsum dõma wã! Yãma nẽra woo ka lorgrɩ a lɔlga, bɩɩ a bõŋa sẽnna yũula ko'om vo'osgo daarɛ mɛ bɩɩ? 16Tɩ pɔg-ẽna wã n de Abraham yɩɩŋa tɩ Asũtãana lʋ ẽ yʋʋma pia la anii wã, la ka narɩ tɩ mam lorge ẽ vo'osgo daarɛ?» 17La ẽŋa n yele bɛla la, tɩ yãnnɛ yõkɛ a bɛ'ɛba la wuu, tɩ nẽr-kʋʋŋɔ la wuu sũure ẽŋɛ yẽlʋm la a tõon-yãlma sɛba wuu tɩ a ẽŋɛ la.
Nawẽnnɛ so'olʋm wõn na bẽm?
(Amatie 13:31-33, Amarkɩ 4:30-32)
18Tɩ Azezi yele ba yetɩ: «Nawẽnnɛ so'olʋm wõn na bẽm? La mam wʋn dɩkɛ la bẽm makɛ la ẽ? 19A ãn wʋ sɔ'ɔrɔ biire tɩ nẽra bʋrɛ a va'am pʋam, tɩ a bɩ lebge tɩ-kãtɛ. Tɩ niinto sẽnna tɛ'ɛra ba tʋgrɔ a wila zuo.»
20La a le yetɩ: «Mam wʋn le dɩkɛ la bẽm makɛ la Nawẽnnɛ so'olʋm? 21A ãn wʋ dãbɩllɛ tɩ pɔka dɩkɛ gaam na borborɩ zom la-kãra batã wẽ, tɩ dãbɩllɛ la botɩ ba wuu uke.»
Nẽrba n wʋn ẽŋɛ se'em kẽ Nawẽnnɛ so'olʋm
(Amatie 7:13-14,21-23)
22Azezi daan we'esɩ la Zerizalɛm dɔla tẽn-kãra la tẽn-pɩgsɩ pʋam zãsna nẽrba. 23Tɩ nẽra soke ẽ yetɩ: «Zuudãana, nẽrba fẽe mã'a n wʋn yẽ fãarɛ bɩɩ?» Tɩ a lerge ba yetɩ: 24«Nargɛ-ya pãŋa doose zanõrɛ n ãn mika kẽ Nawẽnnɛ so'olʋm pʋam, tɩ mam yetɩ ya mɛ tɩ nẽrba zozo'e wʋn wa ɛɛra mɛ tɩ ba kẽ, la ba kãn yãŋɛ. 25La wakatɛ sãn paagɛ, yidãana wʋn isge yʋ yaŋa la mɛ, la ya sãn weege yẽŋa, ya wʋn wẽ'era mɛ kɔkɔ yetɩ: ‹Zuudãana, yo'oge tɩ tɩ kẽ.› La a wʋn lerge ya yetɩ: ‹Mam ka mi yãma n ze'ele zẽ'a.› 26La ya wʋn yele ẽ yetɩ: ‹Dagɩ tõma la fõn n daan lagɩm dita, dee yũura, tɩ fʋ sẽnna tõma tẽŋam zãsna nẽrba?› 27La a wʋn le lerge ya yetɩ: ‹Mam ka mi yãma n ze'ele zẽ'a, fõrgɛ ya mam zẽ'am, yãma de la tõon-be'ero dõma.› 28La ya wʋn ka yẽ Abraham, la A'izakɩ, la Azakɔbɩ, la Nawẽnnɛ nõtɔ'ɔsrɩba wuu, tɩ ba boe Nawẽnnɛ so'olʋm pʋam, la yãma wʋn weege la yẽŋa kɛlla dee dɩkɛ ya nu'usi gɩ nõorʋm. 29La nẽrba wʋn yese dapɔ-bɔba, la zanõ-bɔba, la zʋʋgɔ bɔba, la gɔbga bɔba wa'am wa zĩ'ire Nawẽnnɛ so'olʋm pʋam di. 30Bãŋɛ-ya tɩ nẽrba basɛba n de poorʋm dõma wʋn lebge nẽŋam dõma, tɩ basɛba n mẽ de nẽŋam dõma wʋn wa lebge poorʋm dõma.»
Azezi sũure sã'am mɛ Zerizalɛm dõma ĩyã
(Amatie 23:37-39)
31La wakat-ẽŋa tɩ Farisi dõma basɛba sẽŋɛ ka yele Azezi yetɩ: «Basɛ kalam dee sẽŋɛ zẽ'a ayẽma, tɩ Naba A'erɔdɩ eerɩ fʋ mɛ tɩ a kʋ.» 32Tɩ a lerge ba yetɩ: «Sẽŋɛ-ya ka yele yɛm be'ero dãana la yetɩ: ‹Zĩna la beesã, mam wʋn dige kʋlkã'arsɩ mɛ tɩ ba yese, dee botɩ bã'adõma yẽ ĩmã'asʋm, la dabsa atã daarɛ tɩ mam wʋn ba'asɛ m tõoma la wuu.› 33La dẽnɩ tɩ mam sẽŋɛ m sẽnnɛ na zĩna, la beesã, la dabsa atã daarɛ, se'ere n soe la, la ka masɛ tɩ Nawẽnnɛ nõtɔ'ɔsa ki zẽ'a ayẽma, sãn dagna Zerizalɛm pʋam.
34Zerizalɛm nẽrba, Zerizalɛm nẽrba, yãma kʋʋrɩ la Nawẽnnɛ nõtɔ'ɔsrɩba, dee lɔbra sɛba tɩ Nawẽnnɛ tõm ba ya zẽ'am la kuga kʋʋra. Nõorɛ faa tɩ mam boorɩ tɩ m lagsɛ ya wʋ nõ-yã'aŋa n lagsrɩ a kɔma ũna a kempagsɩ pʋam se'em na, tɩ ya ka bɔɔra. 35Bɛla, Nawẽnnɛ wʋn basɛ ya tẽŋa bɔ ya, tɩ a lebge daboto. Mam yetɩ ya tɩ ya kãn le yẽ mam, halɩ tɩ ya wʋn wa yetɩ: ‹Pẽgɛ-ya sɛka n sẽm na Zuudãana Nawẽnnɛ yʋ'ʋrɛ la.› »
Aktualisht i përzgjedhur:
Aluki 13: gurDBL
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2008, 2010, Wycliffe Bible Translators, Inc. All rights reserved.
Aluki 13
13
Teege-ya yɛm basɛ tõon-be'ero
1La wakat-ẽŋa nẽrba basɛba n wa'am wa tɔgɛ pa'alɛ Azezi, gɔmna Apilatɩ n daan botɩ ba kʋ Galile nẽrba basɛba wakat-sɛka tɩ ba boe mĩ kãabra bɔ'ɔra Nawẽnnɛ, tɩ ba zɩɩm yese gaam na kãabgɔ la zɩɩm. 2Tɩ Azezi lerge ba yetɩ: «Yãma tẽ'esɛ tɩ Galile nẽr-bãma n daan yẽ nãmsgɔ ẽŋa la, bãma n de tõon-be'ero dõma gãnna Galile dõma basɛba la bɩɩ? 3Mam yetɩ ya tɩ ayɛɩ, yãma sãn ka teege yɛm basɛ tõon-be'ero, yãma wuu mẽ wʋn sã'am na bɛla. 4La nẽrba pia la anii tɩ de-tʋgma yʋʋn lui kʋ ba Silo tẽŋa la, yãma tẽ'esɛ tɩ bãma n de tõon-be'ero dõma gãnna Zerizalɛm nẽrba basɛba la bɩɩ? 5Mam yetɩ ya tɩ ayɛɩ, yãma sãn ka teege yɛm basɛ tõon-be'ero, yãma wuu mẽ wʋn sã'am na bɛla.»
Kẽnkãŋa n ka wɔnnɩ makrɛ
6Azezi le makɛ la makrɛ ẽna wã yetɩ: «Bʋraaga n tarɩ kẽnkãŋa n sele a va'am pʋam, yãŋa wa'am tɩ a bɩsɛ a sãn tara biɛ, ka yẽ sɛla sɛla. 7Tɩ a yele va'am na gu'ura yetɩ: ‹Bɩsɛ, yʋʋma atã n wãna tɩ mam sẽnnɩ dee ka yẽta biɛ kẽnkãŋa wã zuo. Sɛ ẽ basɛ, tɩ a yẽrɛ la zẽ'a.› 8Tɩ gu'ura la lerge ẽ yetɩ: ‹Zuudãana, basɛ ẽ yʋʋn-ẽna mã'a, tɩ mam wʋn kɔ gilge a tille, ẽŋɛ bugulgo basɛ ẽ, 9la yʋʋnɛ sãn kaagɛ tɩ a wɔm, la ãn sõŋa, la a sãn ken ka wɔm, fʋ yãŋa sɛ ẽ basɛ.› »
Azezi botɩ pɔka yẽ ĩmã'asʋm vo'osgo daarɛ
10Azezi daan boe la Zifdõma wẽndeem vo'osgo daarɛ zãsna nẽrba, 11tɩ pɔka ayɩla bɔna mĩ tɩ kʋlkã'arga tara ẽ botɩ a dɛna kobgo paagɛ yʋʋma pia la anii, yũre ka tãna wʋn dɔ'ɔgɛ. 12Tɩ Azezi yẽ pɔka la, wi ẽ yetɩ: «Pɔka, fʋ yẽ yolsgo, fʋ bã'aga la basɛ fɔ.» 13Dee dɩkɛ a nu'usi paglɛ pɔka la zuo, tɩ bã'aga la basɛ pɔka la bilam mẽŋa, tɩ a tã'agɛ dɔ'ɔra, yãŋa pẽgra Nawẽnnɛ. 14Tɩ wẽndeego la naba sũure isge la Azezi, ẽŋa n botɩ pɔka la yẽ ĩmã'asʋm vo'osgo daarɛ la ĩyã. Tɩ a yele nẽrba la yetɩ: «Dabsa ayoobɩ n boe tɩ ya tãna wʋn tõm. Wa'am-ya dabs-bãma pʋam wa tɩbɛ ya mẽŋa, dee da sẽnna vo'osgo daarɛ tɩbra ya mẽŋa.» 15Tɩ Zuudãana Azezi lerge ẽ yetɩ: «Pʋlibsum dõma wã! Yãma nẽra woo ka lorgrɩ a lɔlga, bɩɩ a bõŋa sẽnna yũula ko'om vo'osgo daarɛ mɛ bɩɩ? 16Tɩ pɔg-ẽna wã n de Abraham yɩɩŋa tɩ Asũtãana lʋ ẽ yʋʋma pia la anii wã, la ka narɩ tɩ mam lorge ẽ vo'osgo daarɛ?» 17La ẽŋa n yele bɛla la, tɩ yãnnɛ yõkɛ a bɛ'ɛba la wuu, tɩ nẽr-kʋʋŋɔ la wuu sũure ẽŋɛ yẽlʋm la a tõon-yãlma sɛba wuu tɩ a ẽŋɛ la.
Nawẽnnɛ so'olʋm wõn na bẽm?
(Amatie 13:31-33, Amarkɩ 4:30-32)
18Tɩ Azezi yele ba yetɩ: «Nawẽnnɛ so'olʋm wõn na bẽm? La mam wʋn dɩkɛ la bẽm makɛ la ẽ? 19A ãn wʋ sɔ'ɔrɔ biire tɩ nẽra bʋrɛ a va'am pʋam, tɩ a bɩ lebge tɩ-kãtɛ. Tɩ niinto sẽnna tɛ'ɛra ba tʋgrɔ a wila zuo.»
20La a le yetɩ: «Mam wʋn le dɩkɛ la bẽm makɛ la Nawẽnnɛ so'olʋm? 21A ãn wʋ dãbɩllɛ tɩ pɔka dɩkɛ gaam na borborɩ zom la-kãra batã wẽ, tɩ dãbɩllɛ la botɩ ba wuu uke.»
Nẽrba n wʋn ẽŋɛ se'em kẽ Nawẽnnɛ so'olʋm
(Amatie 7:13-14,21-23)
22Azezi daan we'esɩ la Zerizalɛm dɔla tẽn-kãra la tẽn-pɩgsɩ pʋam zãsna nẽrba. 23Tɩ nẽra soke ẽ yetɩ: «Zuudãana, nẽrba fẽe mã'a n wʋn yẽ fãarɛ bɩɩ?» Tɩ a lerge ba yetɩ: 24«Nargɛ-ya pãŋa doose zanõrɛ n ãn mika kẽ Nawẽnnɛ so'olʋm pʋam, tɩ mam yetɩ ya mɛ tɩ nẽrba zozo'e wʋn wa ɛɛra mɛ tɩ ba kẽ, la ba kãn yãŋɛ. 25La wakatɛ sãn paagɛ, yidãana wʋn isge yʋ yaŋa la mɛ, la ya sãn weege yẽŋa, ya wʋn wẽ'era mɛ kɔkɔ yetɩ: ‹Zuudãana, yo'oge tɩ tɩ kẽ.› La a wʋn lerge ya yetɩ: ‹Mam ka mi yãma n ze'ele zẽ'a.› 26La ya wʋn yele ẽ yetɩ: ‹Dagɩ tõma la fõn n daan lagɩm dita, dee yũura, tɩ fʋ sẽnna tõma tẽŋam zãsna nẽrba?› 27La a wʋn le lerge ya yetɩ: ‹Mam ka mi yãma n ze'ele zẽ'a, fõrgɛ ya mam zẽ'am, yãma de la tõon-be'ero dõma.› 28La ya wʋn ka yẽ Abraham, la A'izakɩ, la Azakɔbɩ, la Nawẽnnɛ nõtɔ'ɔsrɩba wuu, tɩ ba boe Nawẽnnɛ so'olʋm pʋam, la yãma wʋn weege la yẽŋa kɛlla dee dɩkɛ ya nu'usi gɩ nõorʋm. 29La nẽrba wʋn yese dapɔ-bɔba, la zanõ-bɔba, la zʋʋgɔ bɔba, la gɔbga bɔba wa'am wa zĩ'ire Nawẽnnɛ so'olʋm pʋam di. 30Bãŋɛ-ya tɩ nẽrba basɛba n de poorʋm dõma wʋn lebge nẽŋam dõma, tɩ basɛba n mẽ de nẽŋam dõma wʋn wa lebge poorʋm dõma.»
Azezi sũure sã'am mɛ Zerizalɛm dõma ĩyã
(Amatie 23:37-39)
31La wakat-ẽŋa tɩ Farisi dõma basɛba sẽŋɛ ka yele Azezi yetɩ: «Basɛ kalam dee sẽŋɛ zẽ'a ayẽma, tɩ Naba A'erɔdɩ eerɩ fʋ mɛ tɩ a kʋ.» 32Tɩ a lerge ba yetɩ: «Sẽŋɛ-ya ka yele yɛm be'ero dãana la yetɩ: ‹Zĩna la beesã, mam wʋn dige kʋlkã'arsɩ mɛ tɩ ba yese, dee botɩ bã'adõma yẽ ĩmã'asʋm, la dabsa atã daarɛ tɩ mam wʋn ba'asɛ m tõoma la wuu.› 33La dẽnɩ tɩ mam sẽŋɛ m sẽnnɛ na zĩna, la beesã, la dabsa atã daarɛ, se'ere n soe la, la ka masɛ tɩ Nawẽnnɛ nõtɔ'ɔsa ki zẽ'a ayẽma, sãn dagna Zerizalɛm pʋam.
34Zerizalɛm nẽrba, Zerizalɛm nẽrba, yãma kʋʋrɩ la Nawẽnnɛ nõtɔ'ɔsrɩba, dee lɔbra sɛba tɩ Nawẽnnɛ tõm ba ya zẽ'am la kuga kʋʋra. Nõorɛ faa tɩ mam boorɩ tɩ m lagsɛ ya wʋ nõ-yã'aŋa n lagsrɩ a kɔma ũna a kempagsɩ pʋam se'em na, tɩ ya ka bɔɔra. 35Bɛla, Nawẽnnɛ wʋn basɛ ya tẽŋa bɔ ya, tɩ a lebge daboto. Mam yetɩ ya tɩ ya kãn le yẽ mam, halɩ tɩ ya wʋn wa yetɩ: ‹Pẽgɛ-ya sɛka n sẽm na Zuudãana Nawẽnnɛ yʋ'ʋrɛ la.› »
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2008, 2010, Wycliffe Bible Translators, Inc. All rights reserved.