GENESIS Byalaanmaw
Byalaanmaw
Genesis (Zenesis) cipaw asuilan tuh “Athonaw” cipaw nynh thua. E ccauh nynh vaaw te lae raenaw, ccungccaw thokeinaw, laephi vawlan seinaw te teingnaw athonaw kong te Pachia nynh ccungccaw a ccuepenaw kong kha a ho. Genesis hynh phuin ning lang phia kho athua:
1. Byaria 1-11 lungkhu kya laephi raenaw kong te masaty ccungccaw phungpaw a um. E kyahin Adam te Evi kong, Kain te Abel kong, Noah te tuipayn kong te Babilon Innhangpaw kong a um.
2. Byaria 12-50 lungkhu kya masaty Israel hae mih minpaaw hae thokeinaw phungpaw a um. Masaty tuh Abraham thua zah aning tuh Pachia a zynnaw te a doliakunaw kya a minthaanpaw nynh thua. Abraham koute a ccapaw Isak kong, a mintaw Jakob (Israel cite mah ko athuapaw) kong, Israel phin haw lae ning hae mih paaw hae athua hae paw Jakob ccapaw hae lu haw lae ning kong kha a um. Jakob ccapaw hae laku e Josef kong kha abyapi lan um zah, Jakob te ccangpaw a ccapaw hae kha mih innbyn hae ryte Izip ram lang a cciakhae hae paw kong kha a um (byaria 12-50).
E ccauh nynh ccungccaw hae kong kha ho salamah a paccyn huaccepaw tuh Pachia nynh rya a lawpaw kong kha nynh thua. Pachia nynh atyn-are a raenaw kong kyate tho zah, Pachia nynh a ccungccaw hae kha zungzae a oihsah cih hae cipaw byakinpyakunaw khate athang. E ccauh athonaw te athangnaw cia abyapi huapaw tuh Pachia nynh thua; hoyleinaw a raetu hae kha byapia hae zah de a tahnaw hae kong, a ccungccaw hae kha cciakhae hae zah a bawmnaw hae kong te mih phungpaw a raenaw zia kha a langsah. Minphuin phuin kheit zynnaw phungpaw te tuh-e zynnaw tuh a hiinthya nawlan bawm khylan hynh-e ccauh rynpaw hynh zei athua.
Abyalupi hae
Vaaw te lae te ccungccaw raenaw 1.1—2.25
Seinaw te teingnaw athonaw 3.1-24
Adam kyate Noah kyacia 4.1—5.32
Noah te tuipayn 6.1—10.32
Babel Innhangpaw 11.1-9
Shem kyate Abram kyacia 11.10-32
Thokeinaw paaw hae: Abraham, Isak, Jakob 12.1—35.29
Esau ciihan hae 36.1-43
Josef te a uno hae 37.1—45.28
Israel hae Izip ram kya 46.1—50.26
Aktualisht i përzgjedhur:
GENESIS Byalaanmaw: ZB16
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Zotung Bible © Bible Society of Myanmar, 2016.