Mahendo Tʼangambere
Tʼangambere
Mahendo ga ahumwa a Jeso, ni chitabu cha phiri choandikirwa mwishimiwa Teofilo, ni Luka. Cha kwanza ni chiratʼu chiihiwacho, “Nguma Mbidzo dza yirivyoandikwa ni Luka.” Ndo chitabu chichi chinendereza cho cha kwanza. Lengore bomu ni kusema vivyo arivyo anafunzi a Jeso a mwanzo álongozwa ni Roho wa Mulungu, achivumisa Nguma Mbidzo dzulu ya Jeso. Ao áanzira Jerusalemu na Judea yosi, achenda Samariya, na hata duniani kosi. Uu ni udzumbe dzulu ya vivyo urivyo ujeso waanza kwa Ayahudi, na uchigotʼa hata uchikala kuluphiro ra dunia yosi.
Utʼu wa halahala kwenye chitabu chichi, ni yiye Roho wa Mulungu yeatsererera akuluphiri ko Jerusalemu tsʼiku ya Pʼenitekosite, na achenderera kwalongoza, na kwajenga. Mumu hunaona shida bomu zokala na anafunzi a Jeso a mwanzo, Jeso ariphokala uhwalwa kwenda dzulu mulunguni. Ao ákala kʼaamanya ni aphio ario anaidima kukala atʼu a Mulungu. Ela Roho wa Mulungu wakala nao ukati wosi. Yiye waafunulira kukala, Jeso wakudzativya Ayahudi na atʼu a makabila manjine, na kukala, Mulungu unahenza atʼu a chila itsʼi, na chila chiryomo akale atʼue.
Mutʼu yevumisa muno riri kuluphiro ra chijeso ni Pʼaulo, na chitabu chichi chinasumurira manji dzulu ya vivyo arivyosumurira Nguma Mbidzo kwa atʼu a makabila manjine. Musindikizowe, yiye wakwendayisumurira mudzi wa Rumi.
Garigo Mumu
Nguma Mbidzo yinasumurirwa Jerusalemu 1:1-8:3
Nguma Mbidzo yinasumurirwa Judea na Samariya 8:4-12:25
Charo cha kwanza cha Pʼaulo cha kwendasumurira Nguma Mbidzo 13:1-14:28
Monano wa akuluphiri ohendwa Jerusalemu 15:1-35
Charo cha phiri cha Pʼaulo cha kwendasumurira Nguma Mbidzo 15:36-18:22
Charo cha hahu cha Pʼaulo cha kwendasumurira Nguma Mbidzo 18:23-21:16
Pʼaulo unagwirwa Jerusalemu 21:17-23:22
Pʼaulo unaphirikwa Kaisariya kwa gavuna 23:23-26:32
Pʼaulo unaphirikwa mudzi wa Rumi 27:1-28:31
Aktualisht i përzgjedhur:
Mahendo Tʼangambere: CHIDUR
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr