Johana 3
3
Jeso na Nikodemo
1Kwakala chilongozi mumwenga wa Chiyahudi wa chirundu cha Afarisayo, aihiwaye Nikodemo. 2Tsʼiku mwenga na usiku yiye, wakwenda kwa Jeso, achimulamusa chisha achimwamba, “Mwalimu, hunamanya kukala uwe u mwalimu uriyeolohewa ni Mulungu, kwakukala, kʼaphana mutʼu aidimaye kuhenda zizi dalili za kwangalaza uzihendazo photsʼi Mulungu.”
3Jeso achimwamba, “Ninakwambira jeri-jeri uwe, mutʼu atsʼiphovyalwa luphya, kʼaidima kuwona Ufalume wa Mulungu.” 4Nikodemo achimuuza vivi, “Kwani mutʼu muzima unaidimadze kuvyalwa kahiri? Akale unaidima kuuya ndanini mwa ameye, na akavyalwa lwa phiri?” 5Jeso achimuudzidza achimwamba, “Ninakwambira jeri-jeri uwe, mutʼu atsʼiphovyalwa kuchirira madzi na kuchirira Roho wa Mulungu,#3:5 Chiyunanini maana yinjine ya neno riri ni vuto. Lola Joh 3:8. bee kʼaidima kamare kuphenya Ufalumeni kwa Mulungu. 6Mwiri wa mudamu uvyalwa ni abaye na ameye, ela mazagazi ga chiroho gavyalwa ni Roho wa Mulungu. 7Utsʼangalale kwakukala, nidzikwambira kukala, ni seti muvyalwe luphya. 8Vuto nikuvuma na kwenda rihenzako, na nikukala unarisikira vivyo rivumavyo, ela kʼumanya rilaako, hebu rendako. Ndo Roho wa Mulungu naye uvyala mazagazi ga chiroho dza vivyo.”
9Nikodemo achimuuza vivi, “Uu! Maneno gano ganaidimikikadze?” 10Jeso achimuudzidza achimwamba, “Uwe u mwalimu mwenye umanyikanaye kwa Ayahudi. Ndo kwadze kʼugamanya maneno gano? 11Ninakwambira jeri-jeri uwe, mimi ninagomba nigamanyago, na gogaona na matso, ela mwi kʼamuwenzi udzumbe wangu. 12Nichikala nidzimwambira gano maneno ga phapha duniani tu namwi kʼamukuluphira, fuje nichidzamwambira maneno ga mulunguni? 13Kʼakuna mutʼu yekwenda dzulu mulunguni, ela mimi Mutʼu yelaa dzulu nálaa kuko mulunguni. 14-15#Isab 21:9Viratʼu Musa arivyomuunula dzulu yuyatʼu nyoka wa shaba kuko nyika, mimi Mutʼu yelaa dzulu nami, ni seti niunulwe dzulu dza vivyo, kwa hata chila anikuluphiraye akale na uzima uphya wa kare na kare.” 16Maana, Mulungu waahenza atʼu a dunia muno hata achimulavya Mwanawe wa hicheye, kwa chila amukuluphiraye atsʼihangamike, ela akale na uzima uphya wa kare na kare. 17Maana, Mulungu wamuhuma Mwanawe duniani kudzaativya atʼu, ela kʼamuhumire adze aalamule.
18Chila amukuluphiraye Mwana kʼalamulwa, ela yetsʼimukuluphira, ulamulwa kare ni mulongo kwakukala, kʼamukuluphirire Mwana wa hicheye wa Mulungu. 19Na Mulungu unaalamula atʼu ni alongo kwakukala, wahuma Mwanawe duniani, ariye ndiye mwanga, ela atʼu ahenza dziza kuriko o mwanga kwakukala, mahendo gao gákala ni mai. 20Chila mutʼu ahendaye mai umena mwanga, na kʼadza pho phenye uo mwanga, kwakukala, kʼenzi mahendoge mai gamwirikwe. 21Ela ahendaye ga haki unadza mwangani, kwa hata vimanywe lwazu kukala, gakwe gohenda waidimiswa ni Mulungu.
Jeso ndiye yelaa mulunguni
22Gariphochira gago, Jeso wakwenda vidzidzi vya jimbo ra Judea phamwenga na anafunzie, achikala kuko tsʼiku nyinji, na o anafunzie achibatiza atʼu. 23Johana naye wakala unaenderera kubatiza atʼu kuko Ainoni, phephi na mudzi wa Salemu, kwakukala, kwakala kuna madzi manji, na atʼu ákala anenda kwenda kwa akabatizwe. 24#Mat 14:3; Mar 6:17; Luk 3:19, 20(Ukati uo, Johana wakala kʼadzangwe kufungwa.)
25Tsʼiku mwenga, kwalairira kʼani kati ya anafunzi a Johana, na Muyahudi mumwenga dzulu ya kutakaswa ndani ya madzi. 26Ndo ao anafunzi achimutuwa Johana achendamwamba, “Mwalimu, yuyatʼu mutʼu yekala naye kuko ngʼambo ya muho wa Jorodani na hata wakala uchiambira atʼu dzuluye, bee vivi naye unabatiza, na atʼu osi anamutuwa yiye.”
27Johana achiaudzidza achiaamba, “Mutʼu kʼaidima kupata chitʼu chochosi photsʼihewa ni Mulungu. 28#Joh 1:20Samba námwambira chimbere mwi kukala, ‘Mimi tsʼimi yiye Kʼirisito, ela ni náhumwa ni Mulungu nimulongolere’? 29Mwimwi nimumanye kukala, mwari ni wa muloli, ela musena wa muloli aimaye na kusikira laka ra muloli, nikuhamirwa muno. Sambi, yiyo ndiyo raha nisikirayo mimi, na yichimira. 30Yiye ni seti ahwale nguma, nami nguma yangu yiphunguke.”
31Adzaye kulaa dzulu, u dzulu kuchira osi; na alaaye duniani, ni wa phapha duniani, na ugomba ga phapha duniani. Ela adzaye kulaa mulunguni, u dzulu kuchira osi, 32na ugomba dzulu ya garatʼu arigogaona na kugasikira, ela ni atʼu achache tu akuluphirao udzumbewe. 33Mutʼu aukuluphiraye udzumbewe, bee unakubali tsetsetse kukala, Mulungu ni mujeri. 34Maana, yiye mutʼu ahumwaye ni Mulungu ugomba ga yiye Mulungu, mana, Mulungu unamwajaliya mutʼu yiye Rohowe photsʼi chipimo. 35#Mat 11:27; Luk 10:22Baba Mulungu unamuhenza yiye Mwanawe, na maneno gosi wamurichira yiye. 36Kwa vivyo, amukuluphiraye yiye Mwana, unao uzima uphya wa kare na kare. Ela yetsʼimukuluphira, kʼandaupata uzima uo, mana, Mulungu unaenderera kumutsukirirwa.
Aktualisht i përzgjedhur:
Johana 3: CHIDUR
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr