Luka 2
2
Kuvyalwa kwa Jeso
(Matayo 1:18-25)
1Kaisari Augusito walagizira atʼu osi okala a tsʼini ya utawaliwe atarwe. 2Kutarwa kwa atʼu kuko kwakala ni kwa mwanzo, ukati Kireniyo ariphokala ndiye gavuna wa jimbo ra Siriya. 3Na chila mutʼu wakwendadzandikishira kwao-kwao.
4Ndo Jesefu wabanda charo kulaa mudzi wa Nazareti urio Galilaya, hata mudzi wa Betelehemu urio jimbo ra Judea, kovyalwa mufalume Daudi, mana, wakala ni wa murere wa yiye Daudi. 5Na Jesefu wakwendadzandikisha phamwenga na wendewe Maryamu yekala ukomalirwa. 6-7Ariphofika kuko ákwendayona nyumba ya ajeni yidziudzala atʼu kare. Kwa vivyo, achendaphenya dzibanda ra ngʼombe. Na phokala acheri kuko, Maryamu tsʼikuye ya kudzivugula yafika, na achidzivugula mwanawe wa kwanza mwanalume. Achimufinikʼira nguwo, na achimulaza ndani ya sanduku ra kupʼira nyasi ngʼombe.
Arisa analairirwa ni malaika a Mulungu
8Pʼande zizo za phephi-phephi na uo mudzi wa Betelehemu, kwakala kuna arisa okala achichesa kurinda mifugo yao. 9Ndo malaika wa Bwana achialairira maruru, na mungʼalo wa Mulungu uchiamwirikira kʼanda zosi. Phapho ao arisa achogofyerwa muno, na 10yiye malaika achiaamba, “Mutsʼogophe! Maana, nidzimurehera Nguma Mbidzo yondaahamira muno atʼu osi. 11Rero Mutivyi wenu uvyalwa kuko Betelehemu mudzi ovyalwa mufalume Daudi, na ndiye Kʼirisito Bwana. 12Mwimwi mundakwendaona dalili zizi: mundakwendaona mwana mutsanga ufinikʼirwa nguwo, na ulazwa ndani ya sanduku ra kupʼira nyasi ngʼombe.”
13Na phapho kare, duu bomu ra malaika a mulunguni achigwirikana na yiye malaika yekala unagomba na ao arisa, achimulika Mulungu kwa kwamba,
14“Mulikeni Mulungu kuko dzulu mulunguni,
na reri duniani kwa atʼu aajaliwao ni Mulungu!”
15Ao malaika ariphouka kuuya mulunguni, ao arisa áambana, “Hindeni mwenga kwa mwenga hata mudzi wa Betelehemu, hukagaoneni gaga godzambirwa ni malaika wa Mulungu.” 16Ndo hinyo achenda mairo, na achendamona Maryamu na Jesefu, na yiye mwana wao mutsanga ulazwa ndani ya sanduku ra kupʼira nyasi ngʼombe. 17Ao arisa ariphomona yiye mwana, achiaambira atʼu osi nguma yokala malaika udziaambira dzulu ya yiye mwana. 18Osi osikira gago gosemwa ni ao arisa áangalala. 19Ela Maryamu yiye wagaika moyoni maneno gago gosi, na achikala achililikana dzuluye. 20Na ao arisa achiuya kwao mifugoni na kuno achikala anamulika Mulungu kwa gosi gokala adzambirwa na kona, mana, gosi gákala dza vyokala adzambirwa ni yiye malaika.
Jeso unahatsʼwa
21 #
Alaw 12:3;
Luk 1:31
Yiriphofika tsʼiku ya nane, wabitwʼatsʼi, na achimuhatsʼa dzina ra Jeso, ririro wakala uhewa ni malaika phokala kʼadzangwe hata kwinjizwa.
Jeso unalaviwa konze
22Ukati wa Jesefu na Maryamu wa kudzitakasa wafika dza vyokala vinahenzwa ni Shariya ya Musa. Ndo achimuhwala yiye mwana wao achenda naye Jerusalemu, kwa hata akamulavye mbere za Mulungu, 23#Kul 13:2, 12dza yirivyoandikwa Shariyani ya Bwana kukala, “Chila musundula sanzu wa chilume kulaa chila nyumba naatakaswe na alaviwe kwa Bwana.” 24#Alaw 12:6-8Chisha, ákala akwenda kamare kulavya makafara ga ngiya airi, hebu ana ngiya manga airi dza vyokala vinahenzwa ni Shariya ya Mulungu.
25Ukati uo kuko Jerusalemu, kwakala kuna mutʼu mumwenga yekala unahenda ga haki, na wadzilavya kumuhikirahikira Mulungu tsetsetse aihiwaye Simioni. Yiye wakala una pʼola ya kona Mulungu achitivya Aiziraeli, na wakala u chiroho. 26Na Roho wa Mulungu wakala udzimufunulira kukala, kʼandafa photsʼimona yiye Kʼirisito wa Bwana Mulungu yekala ulagwa. 27Ndo kwa kulongozwa ni Roho wa Mulungu, Simioni waphenya Hekaluni, na avyazi a Jeso ariphomureha Hekaluni mwana wao, kwa hata amuhendere dza vyokala vinahenzwa ni Shariya, 28Simioni achimuhwala yiye mwana achimugwiririra mwakwe mikononi, na achimulavira mumvera Mulungu achiamba,
29“Vivi Bwana Mulungu, udzichimiza chilaganecho
hata nikafa dza rero mimi muhumikio ninenda razi.
30Maana, nidzimona Mutivyi na matso gangu mwenye,
31Mutivyi yedzimuhuma kwa atʼu osi.
32 #
Isa 42:6; 49:6; 52:10 Mwana yuyu ni mwanga ondangʼazira manenogo atʼu a makabila manjine,
na undaahenda Aiziraeli ario ni atʼue amanyikane.”
33Abaye Jeso na ameye ákala adzangalazwa ni maneno gokala ganagombwa ni Simoni dzulu ya yiye mwana wao. 34Phapho Simioni achiahatsʼa, chisha achimwamba Maryamu ameye yiye mwana, “Aiziraeli anji kʼaandamukuluphira mwana yuyu, na ndo hata andalamulwa ni Mulungu. Ela anjine o andamukuluphira, nao ativywe. Na undangʼaza henzo ra Mulungu, na atʼu anji andamupinga 35na maazo gao gandangʼazwa lwazu-lwazu. Na uwe mwenye undasikira utsungu muno mwako rohoni.”
36Na phákala phana mugomvi wa Mulungu mumwenga wa chiche, muchetʼu mukare aihiwaye Ana mwanangwa wa Fanueli, yekala ni Mwasheri. Muchetʼu yuyu wakala ni gungu. Yiye ariphohwalwa wasagala na mulumewe myaka mifungahe tu, na mulume achifa. 37Ndo achirichwa gungu kulaira phapho hata ukati uo wakala ni muchetʼu mukare wa myaka mirongo minane na mine. Na ukati uo wosi wakala usagala Hekaluni achifunga na kuvoya usiku na mutsana. 38Ndo saa yiyo yenye wadzilavya mbere achimulavira mumvera Mulungu, na achisema nguma ya yiye mwana kwa atʼu osi okala analolera Mulungu aativye achina Jerusalemu.
Charo cha kuuya Nazareti
39 #
Mat 2:23
Jesefu na Maryamu ariphomala kuhenda gosi gokala ganahenzwa ni Shariya ya Mulungu, áanza charo cha kuuya kwao Nazareti kuko jimbo ra Galilaya. 40Kuko mwana wao achikula na mamura, achiudzala hekima, na Mulungu achenderera kumuhatsʼa.
Jeso Hekaluni
41 #
Kul 12:1-27; Kʼumb 16:1-8 Chila mwaka, avyazi a Jeso ákala ana ada ya kwenda Jerusalemu tsʼikukʼuuni ya Pʼasaka. 42Ndo ariphokala mwana wao Jeso uhenda myaka kumi na miiri, ao ákwenda naye kuko tsʼikukʼuuni dza yirivyokala ada yao. 43Tsʼikukʼuu yiriphosira, áanza charo cha kuuya kwao, ela Jeso yiye achisala kuko Jerusalemu photsʼi avyazie kumanya. 44Ao avyazie áona dza kwamba u kati ya riro duu ra acharo. Kwa vivyo, ao aenenda charo cha tsʼiku nzima, ndo achanza kumuuzira-uzira kati ya mbari zao, na asena ao. 45Ariphokala kʼaamonere, áuya Jerusalemu kwenda achimutsakula. 46Tsʼiku ya hahu, ákwendamona Hekaluni usegere na alimu a shariya, unaasirikisa na kwauza maswali, 47na osi osikira manenoge, áangalazwa ni kuko kumanyakwe na maudzidzige. 48Avyazie ariphomona áangalala, na ameye achimuuza vivi, “Mwanangu, heka unahutsosa vino? Mimi na abayo hangu dzuzi hunakutsakula hata kʼahurya chitʼu.” 49Ela yiye achiaudzidza achiaamba, “Mayo, kwadze mwakala munanitsakula? Kʼamumanyire mwimwi kukala, nákala ninahenzeka nikale nyumbani kwa Baba?” 50Ela ao avyazie kʼaamanyire chotuma hata agombe gago.
51Ndo Jeso phapho achiuya phamwenga na avyazie hata mudzi wa Nazareti, na achikala unaasikiza muno. Ela ameye wagaika mwakwe moyoni maneno gago gosi. 52#1 Sam 2:26; Ndar 3:4Naye Jeso achenderera kukula na mamurage, achikaza kupata hekima na achikaza kuhatsʼwa ni Mulungu, na kuhenzwa ni atʼu nao.
Aktualisht i përzgjedhur:
Luka 2: CHIDUR
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Luka 2
2
Kuvyalwa kwa Jeso
(Matayo 1:18-25)
1Kaisari Augusito walagizira atʼu osi okala a tsʼini ya utawaliwe atarwe. 2Kutarwa kwa atʼu kuko kwakala ni kwa mwanzo, ukati Kireniyo ariphokala ndiye gavuna wa jimbo ra Siriya. 3Na chila mutʼu wakwendadzandikishira kwao-kwao.
4Ndo Jesefu wabanda charo kulaa mudzi wa Nazareti urio Galilaya, hata mudzi wa Betelehemu urio jimbo ra Judea, kovyalwa mufalume Daudi, mana, wakala ni wa murere wa yiye Daudi. 5Na Jesefu wakwendadzandikisha phamwenga na wendewe Maryamu yekala ukomalirwa. 6-7Ariphofika kuko ákwendayona nyumba ya ajeni yidziudzala atʼu kare. Kwa vivyo, achendaphenya dzibanda ra ngʼombe. Na phokala acheri kuko, Maryamu tsʼikuye ya kudzivugula yafika, na achidzivugula mwanawe wa kwanza mwanalume. Achimufinikʼira nguwo, na achimulaza ndani ya sanduku ra kupʼira nyasi ngʼombe.
Arisa analairirwa ni malaika a Mulungu
8Pʼande zizo za phephi-phephi na uo mudzi wa Betelehemu, kwakala kuna arisa okala achichesa kurinda mifugo yao. 9Ndo malaika wa Bwana achialairira maruru, na mungʼalo wa Mulungu uchiamwirikira kʼanda zosi. Phapho ao arisa achogofyerwa muno, na 10yiye malaika achiaamba, “Mutsʼogophe! Maana, nidzimurehera Nguma Mbidzo yondaahamira muno atʼu osi. 11Rero Mutivyi wenu uvyalwa kuko Betelehemu mudzi ovyalwa mufalume Daudi, na ndiye Kʼirisito Bwana. 12Mwimwi mundakwendaona dalili zizi: mundakwendaona mwana mutsanga ufinikʼirwa nguwo, na ulazwa ndani ya sanduku ra kupʼira nyasi ngʼombe.”
13Na phapho kare, duu bomu ra malaika a mulunguni achigwirikana na yiye malaika yekala unagomba na ao arisa, achimulika Mulungu kwa kwamba,
14“Mulikeni Mulungu kuko dzulu mulunguni,
na reri duniani kwa atʼu aajaliwao ni Mulungu!”
15Ao malaika ariphouka kuuya mulunguni, ao arisa áambana, “Hindeni mwenga kwa mwenga hata mudzi wa Betelehemu, hukagaoneni gaga godzambirwa ni malaika wa Mulungu.” 16Ndo hinyo achenda mairo, na achendamona Maryamu na Jesefu, na yiye mwana wao mutsanga ulazwa ndani ya sanduku ra kupʼira nyasi ngʼombe. 17Ao arisa ariphomona yiye mwana, achiaambira atʼu osi nguma yokala malaika udziaambira dzulu ya yiye mwana. 18Osi osikira gago gosemwa ni ao arisa áangalala. 19Ela Maryamu yiye wagaika moyoni maneno gago gosi, na achikala achililikana dzuluye. 20Na ao arisa achiuya kwao mifugoni na kuno achikala anamulika Mulungu kwa gosi gokala adzambirwa na kona, mana, gosi gákala dza vyokala adzambirwa ni yiye malaika.
Jeso unahatsʼwa
21 #
Alaw 12:3;
Luk 1:31
Yiriphofika tsʼiku ya nane, wabitwʼatsʼi, na achimuhatsʼa dzina ra Jeso, ririro wakala uhewa ni malaika phokala kʼadzangwe hata kwinjizwa.
Jeso unalaviwa konze
22Ukati wa Jesefu na Maryamu wa kudzitakasa wafika dza vyokala vinahenzwa ni Shariya ya Musa. Ndo achimuhwala yiye mwana wao achenda naye Jerusalemu, kwa hata akamulavye mbere za Mulungu, 23#Kul 13:2, 12dza yirivyoandikwa Shariyani ya Bwana kukala, “Chila musundula sanzu wa chilume kulaa chila nyumba naatakaswe na alaviwe kwa Bwana.” 24#Alaw 12:6-8Chisha, ákala akwenda kamare kulavya makafara ga ngiya airi, hebu ana ngiya manga airi dza vyokala vinahenzwa ni Shariya ya Mulungu.
25Ukati uo kuko Jerusalemu, kwakala kuna mutʼu mumwenga yekala unahenda ga haki, na wadzilavya kumuhikirahikira Mulungu tsetsetse aihiwaye Simioni. Yiye wakala una pʼola ya kona Mulungu achitivya Aiziraeli, na wakala u chiroho. 26Na Roho wa Mulungu wakala udzimufunulira kukala, kʼandafa photsʼimona yiye Kʼirisito wa Bwana Mulungu yekala ulagwa. 27Ndo kwa kulongozwa ni Roho wa Mulungu, Simioni waphenya Hekaluni, na avyazi a Jeso ariphomureha Hekaluni mwana wao, kwa hata amuhendere dza vyokala vinahenzwa ni Shariya, 28Simioni achimuhwala yiye mwana achimugwiririra mwakwe mikononi, na achimulavira mumvera Mulungu achiamba,
29“Vivi Bwana Mulungu, udzichimiza chilaganecho
hata nikafa dza rero mimi muhumikio ninenda razi.
30Maana, nidzimona Mutivyi na matso gangu mwenye,
31Mutivyi yedzimuhuma kwa atʼu osi.
32 #
Isa 42:6; 49:6; 52:10 Mwana yuyu ni mwanga ondangʼazira manenogo atʼu a makabila manjine,
na undaahenda Aiziraeli ario ni atʼue amanyikane.”
33Abaye Jeso na ameye ákala adzangalazwa ni maneno gokala ganagombwa ni Simoni dzulu ya yiye mwana wao. 34Phapho Simioni achiahatsʼa, chisha achimwamba Maryamu ameye yiye mwana, “Aiziraeli anji kʼaandamukuluphira mwana yuyu, na ndo hata andalamulwa ni Mulungu. Ela anjine o andamukuluphira, nao ativywe. Na undangʼaza henzo ra Mulungu, na atʼu anji andamupinga 35na maazo gao gandangʼazwa lwazu-lwazu. Na uwe mwenye undasikira utsungu muno mwako rohoni.”
36Na phákala phana mugomvi wa Mulungu mumwenga wa chiche, muchetʼu mukare aihiwaye Ana mwanangwa wa Fanueli, yekala ni Mwasheri. Muchetʼu yuyu wakala ni gungu. Yiye ariphohwalwa wasagala na mulumewe myaka mifungahe tu, na mulume achifa. 37Ndo achirichwa gungu kulaira phapho hata ukati uo wakala ni muchetʼu mukare wa myaka mirongo minane na mine. Na ukati uo wosi wakala usagala Hekaluni achifunga na kuvoya usiku na mutsana. 38Ndo saa yiyo yenye wadzilavya mbere achimulavira mumvera Mulungu, na achisema nguma ya yiye mwana kwa atʼu osi okala analolera Mulungu aativye achina Jerusalemu.
Charo cha kuuya Nazareti
39 #
Mat 2:23
Jesefu na Maryamu ariphomala kuhenda gosi gokala ganahenzwa ni Shariya ya Mulungu, áanza charo cha kuuya kwao Nazareti kuko jimbo ra Galilaya. 40Kuko mwana wao achikula na mamura, achiudzala hekima, na Mulungu achenderera kumuhatsʼa.
Jeso Hekaluni
41 #
Kul 12:1-27; Kʼumb 16:1-8 Chila mwaka, avyazi a Jeso ákala ana ada ya kwenda Jerusalemu tsʼikukʼuuni ya Pʼasaka. 42Ndo ariphokala mwana wao Jeso uhenda myaka kumi na miiri, ao ákwenda naye kuko tsʼikukʼuuni dza yirivyokala ada yao. 43Tsʼikukʼuu yiriphosira, áanza charo cha kuuya kwao, ela Jeso yiye achisala kuko Jerusalemu photsʼi avyazie kumanya. 44Ao avyazie áona dza kwamba u kati ya riro duu ra acharo. Kwa vivyo, ao aenenda charo cha tsʼiku nzima, ndo achanza kumuuzira-uzira kati ya mbari zao, na asena ao. 45Ariphokala kʼaamonere, áuya Jerusalemu kwenda achimutsakula. 46Tsʼiku ya hahu, ákwendamona Hekaluni usegere na alimu a shariya, unaasirikisa na kwauza maswali, 47na osi osikira manenoge, áangalazwa ni kuko kumanyakwe na maudzidzige. 48Avyazie ariphomona áangalala, na ameye achimuuza vivi, “Mwanangu, heka unahutsosa vino? Mimi na abayo hangu dzuzi hunakutsakula hata kʼahurya chitʼu.” 49Ela yiye achiaudzidza achiaamba, “Mayo, kwadze mwakala munanitsakula? Kʼamumanyire mwimwi kukala, nákala ninahenzeka nikale nyumbani kwa Baba?” 50Ela ao avyazie kʼaamanyire chotuma hata agombe gago.
51Ndo Jeso phapho achiuya phamwenga na avyazie hata mudzi wa Nazareti, na achikala unaasikiza muno. Ela ameye wagaika mwakwe moyoni maneno gago gosi. 52#1 Sam 2:26; Ndar 3:4Naye Jeso achenderera kukula na mamurage, achikaza kupata hekima na achikaza kuhatsʼwa ni Mulungu, na kuhenzwa ni atʼu nao.
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr