Luka 3
3
Masumuriro ga Johana Mubatizi
(Matayo 3:1-12; Mariko 1:1-8; Johana 1:19-28)
1-2Kaisari Tʼiberiyo ariphokala uhenda myaka kumi na mitsano ya kutawala Rumi, Mulungu wamwamba Johana mwana wa Zakariya yekala u nyika, asumurire nenore. Ukati uo Pʼonitiyo Pilato wakala unatawala jimbo ra Judea, Herode#3:1-2 Herode yuyu wakala ni Herode Anitipa. wakala ndiye mubomu wa jimbo ra Galilaya, na nduguye Filipu yiye wakala ni mubomu wa majimbo ga Itureya na Tʼirakoniti. Lusania wakala ni mubomu wa jimbo ra Abilene, na Anasi na Kayafa ákala ndio makuhani abomu. 3Ndo Johana achenda pʼande zosi zodziphakana na muho wa Jorodani, achikala unasumurira kukala, ni seti atʼu atye na abatizwe, kwa hata Mulungu aasamehe dambi zao. 4#Isa 40:3-5Gago gálairira dza mugomvi wa Mulungu Isaya arivyoandika mwakwe chitabuni kukala,
“Kuna mutʼu unagomba kwa laka ra dzulu kuko nyika unaamba:
‘Mutsengereni Bwana Mulungu njiraye,
yiikeni tititi mikondoye.
5Chila detʼe narisirirwe,
chila mulima na mwango nayiikwe reri mwenga,
phenye ngurai naphaikwe tititi,
njira mbii-mbii nazitengezwe zikale mbidzo.
6Na adamu osi andawona wokofu
ulaao kwa Mulungu!’ ”
7 #
Mat 12:34; 23:33 Atʼu anji ámutuwa Johana kwa abatizwe. Ndo Johana achiaamba, “Mwimwi chivyazi chii dza nyoka! Ni ani yemutsunira kukala, munaidima kuchimbira kutiywa akili kwa Mulungu kudzako? 8#Joh 8:33Hʼaya vivi bee onyesani kwa mahendo kukala mwatya. Tsʼoneni munaidima kuchimbira kutiywa akili ni Mulungu kudzako kwa kwamba, ‘Abayehu ni Burahemu.’ Maana ninamwambira kukala, Mulungu unaidima kugagaluza mawe gaga gakakala anangwa a Burahemu. 9#Mat 7:19Tsoka ridziunulwa kare vivi, na chila muhi otsʼivyala matunda madzo undatemwa wochwe.”
10Duu ra atʼu achimuuza vivi, “Bee huhendedze sambi?” Johana achiaudzidza achiaamba, 11“Mwenye mavalo ga ndani mairi, mwenga naamupʼe yetsʼina, na mwenye leu naagavye anzie.” 12#Luk 7:29Atosi a kodi ra miyo nao achidza kwa hata abatizwe, na achimuuza vivi, “Mwalimu, huhendedze sino?” 13Johana achiaamba, “Mutsʼivoye kodi ra miyo kuchira chiwango choikwa.” 14Shikari nao achimuuza achimwamba, “Hanga sino swi huhendedze?” Johana achiaudzidza achiaamba, “Mutsʼiuhuse-uhuse atʼu kwa muhongwe, hebu kumulumbira mutʼu ulongo. Toshekani na mishahara yenu tu.”
15Osi ákala analolera kudza kwa Mutivyi, na ndo phapho achanza kudziuza mwao myoyoni dzulu ya Johana, “Akale yuyu ndiye yiye Kʼirisito?” 16Phapho Johana achiaambira osi kukala, “Mimi ninamubatiza na madzi tu, ela mutʼu wa widimi muno kuriko mimi, undakudza, ariye tsʼiwirya hata kukala muhendikaziwe wa kumuvula virahu. Yiye undamubatiza na Roho wa Mulungu, na moho. 17Na yiye unga dza mutʼu yedzigwira lungo mwakwe mikononi, aphetʼe nganu ayitiye chitsagani, na makʼoya akagaoche na moho otsʼifisika.”
18Kwa gago na manjine manji, Johana waasumurira atʼu Nguma Mbidzo na kwadinira agaluze njira zao. 19#Mat 14:3, 4; Mar 6:17, 18Ela Johana wamona Herode Anitipa mufalume wa jimbo ra Galilaya, kukala ni mulongo, na achimugombera kwakukala, wakala udzimutorosa Herodiya mukaza nduguye. Na chisha, achimugombera kahiri kwa mai gosi manjine gokala udzigahenda. 20Ndo Herode Anitipa achionjeza uiwe kwa kumufunga Johana.
Jeso unabatizwa
(Matayo 3:13-17; Mariko 1:9-11)
21Atʼu osi ariphobatizwa, Jeso naye wabatizwa. Na ariphokala unavoya, mbingu zichifunuka, 22#Mwa 22:2; Zab 2:7; Isa 42:1; Mat 3:17; Mar 1:11; Luk 9:35na Roho wa Mulungu yemutsererera na umbo dza ra ngiya achidzamudulama. Phapho laka kulaa mulunguni richisikirika richamba,
“Uwe u Mwanangu nikuhenzaye,
na uwe mimi unanihamira.”
Akare a Jeso
(Matayo 1:1-17)
23Jeso ariphoanza kaziye mbere za atʼu, wakala una myaka yifikayo mirongo mihahu hivi, na atʼu áona dza kwamba wakala ni mwana wa Jesefu,
ariye abaye wakala ni Heli.
24Heli wakala ni mwana wa Matati,
na Matati naye wakala ni mwana wa Lawi.
Lawi wakala ni mwana wa Meliki,
Meliki wakala ni mwana wa Janai,
na Janai naye wakala ni mwana wa Jesefu.
25Jesefu wakala ni mwana wa Matatiya,
Matatiya wakala ni mwana wa Amosi,
na Amosi naye wakala ni mwana wa Nahumu.
Nahumu wakala ni mwana wa Hesili,
Hesili wakala ni mwana wa Nagai,
26Nagai wakala ni mwana wa Maati,
Maati wakala ni mwana wa Matatiya,
Matatiya wakala ni mwana wa Shemeni,
Shemeni wakala ni mwana wa Joseki,
na Joseki naye wakala ni mwana wa Juda.
27Juda wakala ni mwana wa Johanani,
Johanani wakala ni mwana wa Resa,
Resa wakala ni mwana wa Zerubabeli,
Zerubabeli wakala ni mwana wa Shealitiyeli,
na Shealitiyeli naye wakala ni mwana wa Neri.
28Neri wakala ni mwana wa Meliki,
Meliki wakala ni mwana wa Adi,
Adi wakala ni mwana wa Kosamu,
Kosamu wakala ni mwana wa Elamadamu,
na Elamadamu naye wakala ni mwana wa Eri.
29Eri wakala ni mwana wa Joshuwa,
Joshuwa wakala ni mwana wa Eliyezeri,
Eliyezeri wakala ni mwana wa Jorimu,
Jorimu wakala ni mwana wa Matati,
na Matati naye wakala ni mwana wa Lawi.
30Lawi wakala ni mwana wa Simioni,
Simioni wakala ni mwana wa Juda,
Juda wakala ni mwana wa Jesefu,
Jesefu wakala ni mwana wa Jonamu,
na Jonamu naye wakala ni mwana wa Eliakimu.
31Eliakimu wakala ni mwana wa Meleya,
Meleya wakala ni mwana wa Mena,
Mena wakala ni mwana wa Matata,
Matata wakala ni mwana wa Natani,
na Natani naye wakala ni mwana wa Daudi.
32Daudi wakala ni mwana wa Jese,
Jese wakala ni mwana wa Obedi,
Obedi wakala ni mwana wa Boazi,
Boazi wakala ni mwana wa Shela,
Shela wakala ni mwana wa Nashoni,
33Nashoni wakala ni mwana wa Aminadabu,
Aminadabu wakala ni mwana wa Adimini,
Adimini wakala ni mwana wa Arini,#3:33 Arini ni dzina rinjine ra Aramu, lola Matayo 1:3-4.
Arini wakala ni mwana wa Hezironi,
Hezironi wakala ni mwana wa Peresi,
na Peresi naye wakala ni mwana wa Juda.
34Juda wakala ni mwana wa Jakobo,
Jakobo wakala ni mwana wa Isaka,
Isaka wakala ni mwana wa Burahemu,
Burahemu wakala ni mwana wa Tera,
Tera wakala ni mwana wa Nahori,
35na Nahori naye wakala ni mwana wa Serugi.
Serugi wakala ni mwana wa Reu,
Reu wakala ni mwana wa Pelegi,
Pelegi wakala ni mwana wa Eberi,
Eberi wakala ni mwana wa Shela,
36na Shela naye wakala ni mwana wa Kainani.
Kainani wakala ni mwana wa Arifakisadi,
Arifakisadi wakala ni mwana wa Shemu,
Shemu wakala ni mwana wa Nuhu,
na Nuhu naye wakala ni mwana wa Lameki.
37Lameki wakala ni mwana wa Matusela,
Matusela wakala ni mwana wa Henoko,
Henoko wakala ni mwana wa Jaredi,
Jaredi wakala ni mwana wa Mahalaleli,
na Mahalaleli naye wakala ni mwana wa Kainani.
38Kainani wakala ni mwana wa Enoshi,
Enoshi wakala ni mwana wa Seti,
Seti wakala ni mwana wa Adamu,
na Adamu naye wakala ni wa Mulungu.
Aktualisht i përzgjedhur:
Luka 3: CHIDUR
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Luka 3
3
Masumuriro ga Johana Mubatizi
(Matayo 3:1-12; Mariko 1:1-8; Johana 1:19-28)
1-2Kaisari Tʼiberiyo ariphokala uhenda myaka kumi na mitsano ya kutawala Rumi, Mulungu wamwamba Johana mwana wa Zakariya yekala u nyika, asumurire nenore. Ukati uo Pʼonitiyo Pilato wakala unatawala jimbo ra Judea, Herode#3:1-2 Herode yuyu wakala ni Herode Anitipa. wakala ndiye mubomu wa jimbo ra Galilaya, na nduguye Filipu yiye wakala ni mubomu wa majimbo ga Itureya na Tʼirakoniti. Lusania wakala ni mubomu wa jimbo ra Abilene, na Anasi na Kayafa ákala ndio makuhani abomu. 3Ndo Johana achenda pʼande zosi zodziphakana na muho wa Jorodani, achikala unasumurira kukala, ni seti atʼu atye na abatizwe, kwa hata Mulungu aasamehe dambi zao. 4#Isa 40:3-5Gago gálairira dza mugomvi wa Mulungu Isaya arivyoandika mwakwe chitabuni kukala,
“Kuna mutʼu unagomba kwa laka ra dzulu kuko nyika unaamba:
‘Mutsengereni Bwana Mulungu njiraye,
yiikeni tititi mikondoye.
5Chila detʼe narisirirwe,
chila mulima na mwango nayiikwe reri mwenga,
phenye ngurai naphaikwe tititi,
njira mbii-mbii nazitengezwe zikale mbidzo.
6Na adamu osi andawona wokofu
ulaao kwa Mulungu!’ ”
7 #
Mat 12:34; 23:33 Atʼu anji ámutuwa Johana kwa abatizwe. Ndo Johana achiaamba, “Mwimwi chivyazi chii dza nyoka! Ni ani yemutsunira kukala, munaidima kuchimbira kutiywa akili kwa Mulungu kudzako? 8#Joh 8:33Hʼaya vivi bee onyesani kwa mahendo kukala mwatya. Tsʼoneni munaidima kuchimbira kutiywa akili ni Mulungu kudzako kwa kwamba, ‘Abayehu ni Burahemu.’ Maana ninamwambira kukala, Mulungu unaidima kugagaluza mawe gaga gakakala anangwa a Burahemu. 9#Mat 7:19Tsoka ridziunulwa kare vivi, na chila muhi otsʼivyala matunda madzo undatemwa wochwe.”
10Duu ra atʼu achimuuza vivi, “Bee huhendedze sambi?” Johana achiaudzidza achiaamba, 11“Mwenye mavalo ga ndani mairi, mwenga naamupʼe yetsʼina, na mwenye leu naagavye anzie.” 12#Luk 7:29Atosi a kodi ra miyo nao achidza kwa hata abatizwe, na achimuuza vivi, “Mwalimu, huhendedze sino?” 13Johana achiaamba, “Mutsʼivoye kodi ra miyo kuchira chiwango choikwa.” 14Shikari nao achimuuza achimwamba, “Hanga sino swi huhendedze?” Johana achiaudzidza achiaamba, “Mutsʼiuhuse-uhuse atʼu kwa muhongwe, hebu kumulumbira mutʼu ulongo. Toshekani na mishahara yenu tu.”
15Osi ákala analolera kudza kwa Mutivyi, na ndo phapho achanza kudziuza mwao myoyoni dzulu ya Johana, “Akale yuyu ndiye yiye Kʼirisito?” 16Phapho Johana achiaambira osi kukala, “Mimi ninamubatiza na madzi tu, ela mutʼu wa widimi muno kuriko mimi, undakudza, ariye tsʼiwirya hata kukala muhendikaziwe wa kumuvula virahu. Yiye undamubatiza na Roho wa Mulungu, na moho. 17Na yiye unga dza mutʼu yedzigwira lungo mwakwe mikononi, aphetʼe nganu ayitiye chitsagani, na makʼoya akagaoche na moho otsʼifisika.”
18Kwa gago na manjine manji, Johana waasumurira atʼu Nguma Mbidzo na kwadinira agaluze njira zao. 19#Mat 14:3, 4; Mar 6:17, 18Ela Johana wamona Herode Anitipa mufalume wa jimbo ra Galilaya, kukala ni mulongo, na achimugombera kwakukala, wakala udzimutorosa Herodiya mukaza nduguye. Na chisha, achimugombera kahiri kwa mai gosi manjine gokala udzigahenda. 20Ndo Herode Anitipa achionjeza uiwe kwa kumufunga Johana.
Jeso unabatizwa
(Matayo 3:13-17; Mariko 1:9-11)
21Atʼu osi ariphobatizwa, Jeso naye wabatizwa. Na ariphokala unavoya, mbingu zichifunuka, 22#Mwa 22:2; Zab 2:7; Isa 42:1; Mat 3:17; Mar 1:11; Luk 9:35na Roho wa Mulungu yemutsererera na umbo dza ra ngiya achidzamudulama. Phapho laka kulaa mulunguni richisikirika richamba,
“Uwe u Mwanangu nikuhenzaye,
na uwe mimi unanihamira.”
Akare a Jeso
(Matayo 1:1-17)
23Jeso ariphoanza kaziye mbere za atʼu, wakala una myaka yifikayo mirongo mihahu hivi, na atʼu áona dza kwamba wakala ni mwana wa Jesefu,
ariye abaye wakala ni Heli.
24Heli wakala ni mwana wa Matati,
na Matati naye wakala ni mwana wa Lawi.
Lawi wakala ni mwana wa Meliki,
Meliki wakala ni mwana wa Janai,
na Janai naye wakala ni mwana wa Jesefu.
25Jesefu wakala ni mwana wa Matatiya,
Matatiya wakala ni mwana wa Amosi,
na Amosi naye wakala ni mwana wa Nahumu.
Nahumu wakala ni mwana wa Hesili,
Hesili wakala ni mwana wa Nagai,
26Nagai wakala ni mwana wa Maati,
Maati wakala ni mwana wa Matatiya,
Matatiya wakala ni mwana wa Shemeni,
Shemeni wakala ni mwana wa Joseki,
na Joseki naye wakala ni mwana wa Juda.
27Juda wakala ni mwana wa Johanani,
Johanani wakala ni mwana wa Resa,
Resa wakala ni mwana wa Zerubabeli,
Zerubabeli wakala ni mwana wa Shealitiyeli,
na Shealitiyeli naye wakala ni mwana wa Neri.
28Neri wakala ni mwana wa Meliki,
Meliki wakala ni mwana wa Adi,
Adi wakala ni mwana wa Kosamu,
Kosamu wakala ni mwana wa Elamadamu,
na Elamadamu naye wakala ni mwana wa Eri.
29Eri wakala ni mwana wa Joshuwa,
Joshuwa wakala ni mwana wa Eliyezeri,
Eliyezeri wakala ni mwana wa Jorimu,
Jorimu wakala ni mwana wa Matati,
na Matati naye wakala ni mwana wa Lawi.
30Lawi wakala ni mwana wa Simioni,
Simioni wakala ni mwana wa Juda,
Juda wakala ni mwana wa Jesefu,
Jesefu wakala ni mwana wa Jonamu,
na Jonamu naye wakala ni mwana wa Eliakimu.
31Eliakimu wakala ni mwana wa Meleya,
Meleya wakala ni mwana wa Mena,
Mena wakala ni mwana wa Matata,
Matata wakala ni mwana wa Natani,
na Natani naye wakala ni mwana wa Daudi.
32Daudi wakala ni mwana wa Jese,
Jese wakala ni mwana wa Obedi,
Obedi wakala ni mwana wa Boazi,
Boazi wakala ni mwana wa Shela,
Shela wakala ni mwana wa Nashoni,
33Nashoni wakala ni mwana wa Aminadabu,
Aminadabu wakala ni mwana wa Adimini,
Adimini wakala ni mwana wa Arini,#3:33 Arini ni dzina rinjine ra Aramu, lola Matayo 1:3-4.
Arini wakala ni mwana wa Hezironi,
Hezironi wakala ni mwana wa Peresi,
na Peresi naye wakala ni mwana wa Juda.
34Juda wakala ni mwana wa Jakobo,
Jakobo wakala ni mwana wa Isaka,
Isaka wakala ni mwana wa Burahemu,
Burahemu wakala ni mwana wa Tera,
Tera wakala ni mwana wa Nahori,
35na Nahori naye wakala ni mwana wa Serugi.
Serugi wakala ni mwana wa Reu,
Reu wakala ni mwana wa Pelegi,
Pelegi wakala ni mwana wa Eberi,
Eberi wakala ni mwana wa Shela,
36na Shela naye wakala ni mwana wa Kainani.
Kainani wakala ni mwana wa Arifakisadi,
Arifakisadi wakala ni mwana wa Shemu,
Shemu wakala ni mwana wa Nuhu,
na Nuhu naye wakala ni mwana wa Lameki.
37Lameki wakala ni mwana wa Matusela,
Matusela wakala ni mwana wa Henoko,
Henoko wakala ni mwana wa Jaredi,
Jaredi wakala ni mwana wa Mahalaleli,
na Mahalaleli naye wakala ni mwana wa Kainani.
38Kainani wakala ni mwana wa Enoshi,
Enoshi wakala ni mwana wa Seti,
Seti wakala ni mwana wa Adamu,
na Adamu naye wakala ni wa Mulungu.
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr