Matayo 3
3
Johana Mubatizi unanza kuhubiri na kubatiza atʼu
(Mariko 1:1-8; Luka 3:1-18; Johana 1:19-28)
1Gariphochira gago, myaka yachira, ndipho Johana Mubatizi achilairira, na achanza kusumurira neno ra Mulungu kuko Judea kʼanda za nyika. 2#Mat 4:17; Mar 1:15Johana waamba, “Atyani kwakukala, Ufalume wa Mulungu ufika phephi.” 3#Isa 40:3Johana yuyu ndiye yehadzwa ni mugomvi wa Mulungu Isaya phoamba,
“Kuna mutʼu unagomba kwa laka ra dzulu kuko nyika unaamba,
‘Mutsengereni Bwana Mulungu njiraye,
yiikeni tititi mikondoye!’ ”
4 #
2 Afal 1:8
Johana wakala uvala valo rofumwa na nyoga za ngamia, na wakala ufunga mukanda wa chʼingo mwakwe chununi. Leure rakala ni nzije na nyuchi. 5Na atʼu kulaa Jerusalemu yosi, kulaa jimbo rosi ra Judea na upande wosini wa kʼanda-kʼanda ya muho wa Jorodani ákala achenda kwakwe, 6na kusema madambi gao gokala adzigahenda, naye achiabatiza phapho muho wa Jorodani.
7 #
Mat 12:34; 23:33 Ndo achidza Afarisayo anji na Asadukayo kwa abatizwe, na Johana ariphoaona waamba, “Mwimwi chivyazi chii dza nyoka! Ni ani yemutsunira kukala, munaidima kuchimbira kutiywa akili kwa Mulungu kudzako? 8Hʼaya vivi bee onyesani kwa mahendo kukala, mwatya. 9#Joh 8:33Tsʼoneni munaidima kuchimbira kutiywa akili ni Mulungu kudzako kwa kwamba, ‘Abayehu ni Burahemu!’ Maana ninamwambira kukala, Mulungu unaidima kugagaluza mawe gaga gakakala anangwa a Burahemu.
10 #
Mat 7:19
“Tsoka ridziunulwa kare vivi, na chila muhi otsʼivyala matunda madzo undatemwa wochwe. 11Mimi ninamubatiza na madzi tu konyesa kukala, mudzetya. Ela mutʼu wa widimi muno kuriko mimi undakudza nyuma zangu, ariye tsʼiwirya hata kukala muhendikaziwe wa kumutsukulira virahuvye. Yiye undakudzamubatiza na Roho wa Mulungu, na moho. 12Yiye unga dza mutʼu yedzigwira lungo mwakwe mikononi, aphetʼe nganuye ayitiye chitsagani, na makʼoya akagaoche na moho otsʼifisika.”
Jeso unabatizwa
(Mariko 1:9-11; Luka 3:21-22)
13Ukati uo wa Johana, Jeso walaa jimbo ra Galilaya achidza muho wa Jorodani kwa Johana, kwa hata abatizwe naye. 14Ela Johana achiheza kurema kumubatiza kwa kumwamba, “Unaidimadze kudza kwangu nikubatize uwe? Mimi ndimi wa kubatizwa ni uwe!” 15Ela Jeso yiye achimuudzidza achimwamba, “Johana, nibatiza tu uwe vivi huchimize mahenzo gosi ga Mulungu.” Phapho Johana achimubatiza.
16Jeso ariphobatizwa tu, walaa mumo madzini na phapho kare mbingu zichifunuka na achimona Roho wa Mulungu unatserera na umbo dza ra ngiya, na achidzamudulama. 17#Mwa 22:2; Zab 2:7; Isa 42:1; Mat 12:18; 17:5; Mar 1:11; Luk 9:35Laka kulaa mulunguni richisikirika richamba, “Yuyu ni Mwanangu nimuhenzaye, na unanihamira.”
Aktualisht i përzgjedhur:
Matayo 3: CHIDUR
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr