Mariko Tʼangambere
Tʼangambere
Nguma Mbidzo dza yirivyoandikwa ni Mariko, ni chitabu chisumuriracho dzulu ya mazagazi, na mafunzo ga Jeso. Huchisoma chitabu chichi hunaona kukala, Jeso ariphoanza kaziye tu, wahenda kare vilinge vya kwangalaza. Jeso ariphoatsagula anafunzie ane a kwanza (1:16-20), wahenda kare vilinge vinji vya kuphoza akongo. Kati ya atʼu ophozwa, ni mutʼu yekala una pʼepʼo (1:21-28), mutsedzangwa wa chiche wa Simoni (1:29-31), na mutʼu yekala una mahana (1:40-45). Mariko wauyira kʼano nyinji kusema kukala, Jeso waphoza akongo kuchirira njira zoonyesa kukala, vilinge vivyo wavihenda kwa widimi wa Mulungu.
Hata vivyo, vilongozi a dini árema kumukuluphira Jeso, na gago gachibitʼa muyuwano (2:2-3:6), urio musindikizowe waahenda ao vilongozi a dini adzile kumuulaga Jeso (11:18). Elako, mapepo gáwona uo widimi wa Jeso, na gachimumanya ni Mwana wa Mulungu, itsʼiphokala, Jeso kʼagahenzezere gamwambire mutʼu ngumaze.
Chitabu chichi china vilinge vinji vyohendwa ni Jeso, na vivyo vyaangalaza maduu ga atʼu, na ao anafunzi a Jeso. Na Mariko wachandika kusema nguma za Jeso, na kwatiya moyo ondachisoma akuluphire widimi wa Jeso, kwa waativye na makongo, mapepo na chifo cha chiroho. Chisha, wasema vivyo kukala, mazagazi maphya ga kuluphiro kʼaga rahisi. Kwa vivyo, akuluphiri niamwige Jeso kwa kwahikirahikira anjine, na akale kwete hata kufa dza yiye vyokala.
Garigo Mumu
Mabambanyi ga kazi ya Jeso 1:1-13
Kazi ya Jeso yoyihenda jimbo ra Galilaya 1:14-8:26
Jeso unaafunza anafunzie 8:27-9:50
Jeso unenda Jerusalemu na anafunzie 10:1-52
Vilongozi a Ayahudi anayugana na Jeso 11:1-12:44
Jeso unaambira chimbere anafunzie gondakudzalairira 13:1-37
Majezo na chifo cha Jeso 14:1-15:47
Jeso wafufuka hata u moyo 16:1-8
Jeso unaalairira anafunzie 16:9-20
Aktualisht i përzgjedhur:
Mariko Tʼangambere: CHIDUR
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr