Matthew 24
24
KETH TOANGNUEHEWL, XXIV.
1YEH Jesus u foke kë temple u tre ah perren ah tre ngha hun ko ko woa, ngha tunky woa yuck u temple tre.
2Jesus nghaleh ko ko ngha, nkeh nyërick n tre manah ë? mbah; urongdong yah no fohm pay bull ngho boaehn loi kë poom atook, peh ngha pong.
3Yeh u chall ko kick olive atook ahperren ah tre ngha hun ko ko woa soyë nghaleh, nkuna hë trim tre ndërick n tre ma cheh oh? yeh hun cheh leh yempy tre hë shee la leh n hun oh, hë shëë la leh upock u tre ukissy ah?
4Jesus yoom, nghaleh ko ko ngha, mbaykeh ëtrehn, ma nghah no shinny moa.
5Aniah ëgbir ngha hun kë ilillë më nghaleh, yang yahlah Krist, ngha shinny aniah ëgbir.
6Ngha tuieh hallë upem u tre nu hallë pehny u pem u tre: m ma sompon: nyërick n tre manah ma hun peh. Kereh upock u tre kissyehnum.
7Ram ngha poh ko kë ram, baily tre kë baily tre; peh choe rë lokoh nrick, nack u bang; lehly tre leh packil kë ayin ëgbir.
8Nyërick n tre manah buleing ma choe trip u sompon tre.
9Peh ngha kah hallë sompon, peh dyë ngha: ramtë buleing ngha sarrah nghan hallë hallë më.
10Aniah ëgbir ngha shillyeh, ngha tunky bull u bull, ngha sarrah bull u bull.
11Prophet mbull ëgbir ngha hun, nu ngha shinny aniah ëgbir.
12Yehpeh yempy bang ah tre ah chang ah bang, umarr aniah tre ngho cheh bossle.
13Kereh wonno semeh yenkeleng ko kë ukissy upock u tre yeo; peh chëëkeh woa.
14Gospel baily tre wonoky, peh woa trokoh fohm ko kë upock u tre buleing hallë tamasery ko kë ramtë tre buleing ukissy upock u tre u moi.
15Mbah; trim tre nghono no keh oh yempy sarran semehry kë ayin ah yahmung; kë manleh prophet Daniel pehnkeh foh yeo, wonno karang yeo u shëë la.
16Wonno cheh kë Judea woa kim kë nrong n tre.
17Wonno cheh ko kill tre atook, yeo, m ma tull hallë kui nyërick n woa ko killeh.
18Wonno choe kë traalah yeo, m ma moony hallë kui nyërick n woa.
19Sompon ëgbir hallë ahlakan ah tre nghana wutt kun yeo, nu nghana kully uhiant kë trim tre nghoneh.
20Kereh n tum Foybatukeh u ma nghah moa kim kë winter oh, kë sabbath oh.
21Trim tre sompon bomu ngho cheh; sompon kono u chehn choe kë utrip upock u tre ko kë ënang ë to, beh; ma chehn choe peh trim o trim.
22Lo peh bettehn trim tre gbo kit; no o no u boaehn cheekeh; kereh hallë hallë aniah hettyeh tre peh betty trim tre.
23Trim tre lo aniah ngha fohm moa gbo, nlehly Krist woa ngha rë; Krist woa rë kull, m ma la laneh.
24Peh hun moi ahkrist ah tre ahprophet tre m bull, ngha tunky yempy bomu tre kë bonkah lan lo ngha boa gbo, ngha shinny aniah yettyeh tre.
25Nlehly ah kundy fohm la ngha.
26Mbah, lo ngha foh yeo, nlehly woa rë ko tofeh, m ma koh kull: lo ngha nghaleh, nlehly woa rë ko kunkeh ma la laneh.
27Kë manleh pillpill u tre ko hinkeh ko ëtook, peh ko keh ko boolung, bonkah nlan traak nopokan tre woa hun yeo.
28Ko loa yempy woo peh kull, yëbah tre ngha bony.
29Yeh trim sompon ngho chang, kehkehtoo pall ë tre leh choe rtill; nu pang ë tre leh boaehn gbentha; ului n tre ma looll ko tukeh, nu fossoh foytë tre ngho yickettah.
30Trim tre nghoneh, yempy traak nopokan tre peh kin foy. Ramtë upock u tre ngha trang; ngha keh traak nopokan tre u moi kë hvoy foy tre, kë fossoh nu gbentha bomu.
31Woa wum angel ah woa tre kë pehny katul tonkakem, ngha tunkullah aniah hettyeh ah tre ko kë hiengtë hewl, ko kë ayin o ayin.
32Ntui mbuntha hallë rum bonoh tre: yeh lehty tre tatë pomoh, u trip u fuh pomtë tre ngha shëë la rë summer u cheh ëtrent.
33Kë manleh yeh u keh nyërick n tre manah buleing, no shëë la rë traak nopokan tre woa rë ëtrent, woa rë fongfoll u tre ëboll.
34Urongdon yah no fohm aniah nghanaky ngha boaehn chang mendeh nyërick n tre buleing ma kissy.
35Foy oh, lehly tre oh leh chang; kereh lumtë më ta boaehn chang.
36No o no u boa la nshee trim to nghono; beh, chehn angel ah tre ngha shee lan: papah më u shee la gbo.
37Kereh kë manleh peh choe kë trim Noah, peh choe pehreh kë trim tre yeh traak nopokan tre u hun yeo.
38Kë manleh peh choe yeh trim nloiah ma moiehnum kë, aniah tre ngha dyo, ngha kull, ngha noh, peh ngha kah unoh mendeh trim tre Noah u loi ko kë wom bomu.
39Ngha shee lan, mendeh men nloiah ma hun nu nyummel ngha buleing; aniah tre ngha nghah bonkah lan, trim tre yeh traak nopokan tre u hun yeo.
40Aniah ting ngha choe ko braalah, peh kuieh bull, peh loi poom tre.
41Ahlakan ah ting ngha cheh ko kill bokuloh, peh kui bull, peh loi poom tre.
42Mbah; nchetty, no sheen trim tre yeome no woa hun yeo.
43Kereh nshee la, lo ahwain kill u shee la gbo trim tre duino u hun yeo, woa na chettyeh rë duino tre u boaehn hun ko woa killeh.
44Mbah, n gbenghulleng trim o trim: yehpeh traak nopokan tre u hun kë trim tre no baykehn ëtrehn.
45Ngeneh chee boy keleng, boy cherryeh, wonno nghah woa sukono ko killeh, hallë kah kë anin indeh ngha trim o trim.
46Rubah kë boy tre wonno nghah kë oh, yeh papah woa moony.
47Urondong yah no fohm, peh woa nghah sukono kë nyërick n tre buleing.
48Kereh lo boy bang u tre nghaleh ko woa ugbolleh, papah më hunehnum.
49Nu trip u bung ahboy ah poom tre, nu dyo, nu kull, kë ahyill ah tre uborr ubull.
50Papah boy wonno u hun kë trim tre ngho cheh woa nlehlyeh oh.
51U kettyeh woa, nu beh woa kë yin aniah yamfah: ko loa cheh fui ëmam kull nu kilin tëkott.
Aktualisht i përzgjedhur:
Matthew 24: BUY1816
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
First published by the Church Missionary Society in 1816.