Psalmet 138
138
1Psalm i Davidit.
Do të të falënderoj me gjithë zemër,
para hyjnive për ty do të këndoj.
2Do të përkulem drejt tempullit tënd të shenjtë
dhe emrin tënd do të përlëvdoj
për mirësinë e besnikërinë tënde,
sepse emrin tënd dhe fjalën tënde
i ke lartësuar mbi gjithçka.#138.2 të tjerë: e madhërove fjalën tënde më shumë se emrin tënd
3Ditën që të thirra, më dëgjove,
shpirtit tim i dhe guxim e fuqi.
4Gjithë mbretërit e tokës do të të përlëvdojnë, o Zot,
se i kanë dëgjuar fjalët e gojës sate.
5Do të këndojnë për udhët e Zotit:
«E madhe është lavdia e Zotit!».
6I lartë është Zoti, por të përulurin e shikon,
ndërsa kryelartin e dallon nga larg.
7Edhe po të kaloj përmes fatkeqësisë,
ti do të më mbash gjallë kundër zemërimit të armiqve,
do ta shtrish dorën dhe e djathta jote do të më shpëtojë.
8 Zoti do të përmbushë gjithçka për mua.
O Zot, mirësia jote mbetet në amshim,
nga veprat e duarve të tua mos hiq dorë!
Aktualisht i përzgjedhur:
Psalmet 138: AL1
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© Shoqëria Biblike Ndërkonfesionale e Shqipërisë 2020
© Interconfessional Bible Society of Albania 2020