Psalmet 8

1Mjeshtrit të korit. Për Gititin. Psalm i Davidit.

2O Zot, Zoti ynë,

sa i mrekullueshëm është emri yt mbi tokën mbarë!

Mbi qiej e shpalos madhështinë tënde.

3Me gojën e fëmijëve dhe të foshnjave

tregove fuqinë kundër armiqve të tu,

që t'i bësh të heshtin armiq e kundërshtarë.

4Kur vështroj qiellin, veprën e duarve të tua,

hënën e yjet që ti krijove,

5ç'është njeriu që të kujtohesh për të,

apo biri i njeriut që të kujdesesh për të?

6Pak më pak se Perëndi#8.6 të tjerë: engjëjt e bëre,

e kurorëzove me nder e me lavdi.

7I dhe pushtet mbi veprat e duarve të tua,

gjithçka ia nënshtrove nën këmbë:

8mbarë dhentë, gjedhët

dhe egërsirat e fushës,

9zogjtë e qiellit, peshqit e detit,

gjithçka që shtigjet e deteve përshkon.

10O Zot, Zoti ynë,

sa i mrekullueshëm është emri yt mbi tokën mbarë!

Aktualisht i përzgjedhur:

Psalmet 8: AL1

Thekso

Ndaje

Copy

A doni që theksimet tuaja të jenë të ruajtura në të gjitha pajisjet që keni? Regjistrohu ose hyr

Vargje biblike të njohura nga
Psalmet 8