Urtia 8
8
Të mirat e urtisë
1Shtrihet nga njëri skaj në tjetrin me fuqi,
gjithçka drejton mirë.
2Urtinë dashurova, e kërkova që në rininë time,
e dëshirova ta marr nuse e të martohem me të,
u bëra dashnor i bukurisë së saj.
3Prejardhjen e vet fisnike lavdëron e me Perëndinë jeton,
sunduesi i të gjithave e ka dashuruar.
4Është e njohur me dijen e Perëndisë,
vendos për veprat e tij.
5Pasuria është zotërim i dëshiruar në jetë,
por ç'ka më të pasur se urtia, që i ndërton të gjitha?
6E nëse maturia ndërton,
kush tjetër veç urtisë është krijues i gjithçkaje?
7Kush dashuron drejtësinë,
do të lindë virtyte:
ajo mëson maturinë e mençurinë,
drejtësinë e trimërinë.
Më të dobishme se këto s'ka në jetën e njerëzve.
8Kur dikush dëshiron të mësojë shumë,
ajo njeh të shkuarën dhe parathotë të ardhmen,
kupton ojnat e fjalëve e zgjidh gjëegjëzat,
i di që më parë shenjat e ngjarjeve,
rrjedhën e kohëve e të moteve.
9Gjykova të marr urtinë për shoqe jete,
sepse e di që do të më jetë këshilltare e mirë
dhe do të më japë zemër në shqetësime e pikëllime.
10Për shkak të urtisë do të fitoj lavdi në popull
dhe nder përpara të vjetërve, megjithëse jam i ri.
11Do të jem i mprehtë në gjykim
dhe të fuqishmit do të mrekullohen.
12Kur të hesht, do të presin,
kur ta rimarr fjalën, do të më vënë vesh,
kur të flas përsëri, do të mbyllin gojën me dorë.
13Prej saj do të fitoj pavdekësinë,
kujtim të përjetshëm do të lë pas meje.
14Do të qeveris popujt,
kombet do të më nënshtrohen.
15Mbretërit e tmerrshëm do të më kenë frikë,
përpara popullit do të jem i urtë,
trim do të jem në luftë.
16Kur të kthehem në shtëpi, do të prehem me urtinë,
nuk sjell hidhërim shoqëria me të,
jetesa me të nuk sjell dhimbje,
por veç kënaqësi e gëzim.
17Këto po mendoja me vete
e në zemrën time kuptova
se lidhja me urtinë sjell pavdekësinë,
18se miqësia e urtisë sjell gëzim të virtytshëm,
veprat e duarve të saj pasuri të pashterur,
shtrimi në bisedë me të sjell pjekuri,
emër të mirë sjell biseda me të,
prandaj e lypa ta marr.
19Që fëmijë isha i zgjuar,
më ra për fat një shpirt i mirë,
20për më tepër, duke qenë i mirë,
hyra në një trup pa të meta.
21Por e di se s'do të kisha pasur urti,
po të mos ma jepte Perëndia.
Shenjë urtie është të dish nga vjen ajo,
ndaj i thirra Zotit,
iu luta me gjithë zemër.
Aktualisht i përzgjedhur:
Urtia 8: AL1
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© Shoqëria Biblike Ndërkonfesionale e Shqipërisë 2020
© Interconfessional Bible Society of Albania 2020
Urtia 8
8
Të mirat e urtisë
1Shtrihet nga njëri skaj në tjetrin me fuqi,
gjithçka drejton mirë.
2Urtinë dashurova, e kërkova që në rininë time,
e dëshirova ta marr nuse e të martohem me të,
u bëra dashnor i bukurisë së saj.
3Prejardhjen e vet fisnike lavdëron e me Perëndinë jeton,
sunduesi i të gjithave e ka dashuruar.
4Është e njohur me dijen e Perëndisë,
vendos për veprat e tij.
5Pasuria është zotërim i dëshiruar në jetë,
por ç'ka më të pasur se urtia, që i ndërton të gjitha?
6E nëse maturia ndërton,
kush tjetër veç urtisë është krijues i gjithçkaje?
7Kush dashuron drejtësinë,
do të lindë virtyte:
ajo mëson maturinë e mençurinë,
drejtësinë e trimërinë.
Më të dobishme se këto s'ka në jetën e njerëzve.
8Kur dikush dëshiron të mësojë shumë,
ajo njeh të shkuarën dhe parathotë të ardhmen,
kupton ojnat e fjalëve e zgjidh gjëegjëzat,
i di që më parë shenjat e ngjarjeve,
rrjedhën e kohëve e të moteve.
9Gjykova të marr urtinë për shoqe jete,
sepse e di që do të më jetë këshilltare e mirë
dhe do të më japë zemër në shqetësime e pikëllime.
10Për shkak të urtisë do të fitoj lavdi në popull
dhe nder përpara të vjetërve, megjithëse jam i ri.
11Do të jem i mprehtë në gjykim
dhe të fuqishmit do të mrekullohen.
12Kur të hesht, do të presin,
kur ta rimarr fjalën, do të më vënë vesh,
kur të flas përsëri, do të mbyllin gojën me dorë.
13Prej saj do të fitoj pavdekësinë,
kujtim të përjetshëm do të lë pas meje.
14Do të qeveris popujt,
kombet do të më nënshtrohen.
15Mbretërit e tmerrshëm do të më kenë frikë,
përpara popullit do të jem i urtë,
trim do të jem në luftë.
16Kur të kthehem në shtëpi, do të prehem me urtinë,
nuk sjell hidhërim shoqëria me të,
jetesa me të nuk sjell dhimbje,
por veç kënaqësi e gëzim.
17Këto po mendoja me vete
e në zemrën time kuptova
se lidhja me urtinë sjell pavdekësinë,
18se miqësia e urtisë sjell gëzim të virtytshëm,
veprat e duarve të saj pasuri të pashterur,
shtrimi në bisedë me të sjell pjekuri,
emër të mirë sjell biseda me të,
prandaj e lypa ta marr.
19Që fëmijë isha i zgjuar,
më ra për fat një shpirt i mirë,
20për më tepër, duke qenë i mirë,
hyra në një trup pa të meta.
21Por e di se s'do të kisha pasur urti,
po të mos ma jepte Perëndia.
Shenjë urtie është të dish nga vjen ajo,
ndaj i thirra Zotit,
iu luta me gjithë zemër.
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© Shoqëria Biblike Ndërkonfesionale e Shqipërisë 2020
© Interconfessional Bible Society of Albania 2020