LUKA 23
23
1NAO acio othe monganĩte magĩũkĩra makĩmũtwara kũrĩ Pilato. 2Magĩitĩka kũmũthitaka, makiuga atĩrĩ, Nĩtũkorire mũndũ ũyũ akĩhĩtithia andũ a rũrĩrĩ ruitũ, o na akĩmagiragia marutĩre Kaisari igoti, akiugaga atĩ we mwene nĩwe Kristo, na nĩ mũthamaki. 3Nake Pilato akĩmũũria atĩrĩ, Kaĩ wee ũkĩrĩ Mũthamaki wa Ayahudi? Nake agĩcokia, akiuga atĩrĩ, Wee nĩwoiga. 4Nake Pilato akĩĩra athĩnjĩri-Ngai arĩa anene na andũ a kĩrĩndĩ atĩrĩ, Niĩ-rĩ, ndikuona mũndũ ũyũ arĩ na ũndũ mũũru ekĩte. 5Nao makĩĩrutanĩria kuuga magwatĩirie atĩrĩ, Nĩatũmaga andũ mokanĩrĩre, akĩrutanaga Judea guothe, o gwata Galili kũrĩa aambĩrĩirie, nginya o gũkũ. 6Nake Pilato aaigua ũguo, akĩmoria kana mũndũ ũcio nĩ wa Galili. 7Na aaigua atĩ nĩ wa kũu Herode aathanaga, akĩmũtwarithia kũrĩ Herode, nĩ ũndũ o nake aarĩ Jerusalemu matukũ macio.
8Nake Herode ona Jesu, agĩkena mũno: amu nĩ hingo ndaya aatũire endaga kũmuona, nĩ ũndũ ngumo yake nĩyamũkinyĩire; na nĩegereirie atĩ hihi nĩekuona kĩama gĩkĩringwo nĩwe. 9Agĩkĩmũũria ndeto nyingĩ; nowe Jesu ndaigana kũmũcokeria ũndũ. 10Nao athĩnjĩri-Ngai arĩa anene na aandĩki-marũa makĩrũgama, makĩmũthitakaga magwatĩirie mũno. 11Nake Herode, me na athigari ake makĩmũira, na makĩmũnyũrũria, makĩmũhumba nguo thaka, makĩmũcokia kwĩ Pilato. 12Nao Herode na Pilato magĩtuma ndũgũ o mũthĩ ũcio; nĩ ũndũ-rĩ, mbere ĩo nĩmaamenaine.
13Nake Pilato akĩũngania athĩnjĩri-Ngai arĩa anene, na aathani, o na kĩrĩndĩ, 14akĩmera atĩrĩ, Mũndeheire mũndũ ũyũ atĩ nĩ mũndũ ũhĩtithagia andũ: na niĩ-rĩ, ndatuĩria ũhoro wake mwĩ ho, ndinakora mũndũ ũyũ arĩ na ũndũ mũũru ekĩte wa macio mũkũmũthitakĩra: 15o nake Herode, no ũguo: nĩ gũkorũo nĩaamũcokia kũrĩ ithuĩ; na rĩrĩ, gũtirĩ ũndũ ekĩte wa gũtũma atuĩrũo cira wa kũũragwo. 16Nĩ ũndũ ũcio nĩngũmũhũrithia, njoke ndĩmuohore. 17[Nĩ ũndũ kwarĩ mũtugo atĩ no mũhaka amohorere mũndũ ũmwe muohe gĩathĩ-inĩ kĩu.]
18No rĩrĩ, andũ acio othe makĩanĩrĩra hamwe, makiuga atĩrĩ, Eheria mũndũ ũyũ, ũtuohorere Baraba. 19Nake ũcio nĩ mũndũ waikĩtio korokoro-inĩ nĩ ũndũ wa ngũĩ ĩrĩa aarutithĩtie kũu itũũra inĩ, o na kũũragana. 20Nake Pilato akĩmaarĩria rĩngĩ, nĩ ũndũ nĩendaga kuohora Jesu; 21no andũ acio makĩgũũthũka makiugaga atĩrĩ, Mwambithie mũtĩ igũrũ, mwambithie mũtĩ igũrũ! 22Nake akĩmoria hĩndĩ ya gatatũ, Nĩkĩ, nĩ ũũru ũrĩkũ mũndũ ũyũ ekĩte? Ndinona ũndũ wa gũtũma ndĩmũũragithie: nĩ ũndũ ũcio nĩngũkĩmũhũrithia, njoke ndĩmuohore. 23Nao makĩgũũthũka na mĩgambo mĩnene, makĩhoyaga atĩ aambithio mũtĩ igũrũ. Nake Pilato akĩhootwo nĩ mĩgambo ĩo yao. 24Agĩgĩtua atĩ gwĩkwo o ta ũrĩa maahoire. 25Nake akĩohorithia mũndũ ũcio waikĩtio korokoro-inĩ nĩ ũndũ wa kũrutithia ngũĩ o na kũũragana, o ũcio metirie; no nĩaaneanire Jesu mamwĩke o ta ũrĩa mendaga.
26Na rĩrĩa maamũrutaga hau, makĩnyita mũndũ Mũkurene wetagwo Simoni, akiuma na mĩgũnda-inĩ, makĩmũigĩrĩra mũtharaba wa Jesu aũkuue, amuumĩte thutha.
27Na kĩrĩndĩ kĩingĩ gĩkĩmuuma thutha, o na andũ-a-nja magĩĩtugutanagia na makĩmũcakayagĩra. 28Nowe Jesu akĩmehugũrĩra, akĩmera atĩrĩ, Atumia aya, ciana cia Jerusalemu, tigai kũndĩrĩra, nĩ kaba mwĩrĩrĩre inyuene o na ciana cianyu. 29Nĩ gũkorũo matukũ nĩmagoka rĩrĩa andũ makoiga atĩrĩ, Gũkena-rĩ, nĩ arĩa marĩ thata, nacio nda iria itarĩ ciaciara, o nacio nyondo iria itarĩ ciongwo nĩ twana. 30#Hos 10.8; Kũg 6.16.Hĩndĩ ĩo nĩrĩo magaitĩka kwĩra irĩma atĩrĩ, Tũgũĩrei; o na kwĩra ithũngũri, Tũhumbĩrei. 31Nĩ ũndũ-rĩ, akorũo mekaga maũndũ maya mũtĩ wĩ mũigũ-rĩ, kaĩ mageka atĩa mũtĩ wĩ mũũmũ?
32Na nĩhaarĩ andũ angĩ erĩ, ageri ngero, maatwaranĩirio hamwe nake makoragwo.
33Na maakinya handũ hetagwo Kĩbuuri, hau nĩho maamwambĩire mũtĩ igũrũ, nao acio ageri ngero, ũmwe guoko-inĩ gwake kwa ũrĩo, na ũrĩa ũngĩ guoko-inĩ gwake kwa ũmotho. 34#Thab 22.18.Nake Jesu akiuga atĩrĩ, Awa, mohere, nĩ gũkorũo matikũmenya ũrĩa megwĩka. Nao athigari makĩgayana nguo ciake na gũcicukĩra mĩtĩ. 35#Thab 22.7.Na kĩrĩndĩ nĩkĩarũgamĩte o gĩkĩĩrorera. Anene o nao makĩmũthekerera, makiuga atĩrĩ, Nĩaahonokagia andũ angĩ; nĩakĩĩhonokie we mwene, angĩkorũo nĩwe Kristo wa Ngai, ũrĩa wake mũthure. 36#Thab 69.21.Athigari nao makĩmũnyũrũria, magĩthiĩ harĩ we makĩmũtwarĩrĩra thiki 37makĩmwĩra atĩrĩ, Akorũo wee nĩwe mũthamaki wa Ayahudi, wĩhonokie. 38Na nĩhaarĩ irũa rĩandĩkĩtwo igũrũ rĩake, atĩrĩ, ŨYŨ NĨWE MŨTHAMAKI WA AYAHUDI.
39Na mũndũ ũmwe wa acio ageri ngero maacuurĩtio mĩtĩ-inĩ akĩmũruma, akiuga atĩrĩ, Githĩ tiwe Kristo? Wĩhonokie wee mwene, na ũtũhonokie ithuĩ. 40Nake ũrĩa ũngĩ agĩcokia akĩmũkaania, akĩmũũria atĩrĩ, Anga o na Ngai ndũngĩmwĩtigĩra, kuona atĩ wee o nawe nĩũtuĩrĩirũo ituĩro o take?
41Na ithuĩ-rĩ, nĩ kĩhooto tũtuĩrĩirũo nakĩo: amu nĩ kũrĩhio tũkũrĩhio maũndũ marĩa twaneka: no mũndũ ũyũ rĩ, ndarĩ ũndũ mũũru ekĩte. 42Nake akiuga atĩrĩ, Jesu, ĩtĩkĩra gũkandirikana rĩrĩa ũgoka ũgwatĩte ũthamaki waku. 43Nake akĩmwĩra atĩrĩ, Ngũkwĩra na ma, atĩ ũmũthĩ nĩũrĩkorũo ũrĩ hamwe na niĩ kũrĩa maroho ma arĩa metĩkĩtie mathiaga#23.43 Kũndũ kũu kwagetirũo ni Jesu na kiugo kĩngĩtaũrũo nĩ Jesu na kiugo kĩngĩtaũrũo ũũ, “mũgũnda wa Ngai wĩ gĩkeno.”. 44#Thama 26.31-33.Na gwakinya ta thaa thita, gũkĩgĩa na nduma bũrũri wothe o kinya thaa kenda, 45naguo ũtheri wa riũa ũgĩthira: nakĩo gĩtama kĩa hekarũ gĩgĩatũkana na gatagatĩ. 46#Thab 31.5.Nake Jesu akĩanĩrĩra na mũgambo mũnene akiuga atĩrĩ, Awa, nĩndakũnengera roho wakwa o moko-inĩ maku: na aarĩkia kuuga ũguo, agĩtuĩkana. 47Nake mũnene ũrĩa wa athigari igana ona ũrĩa gwekĩka, agĩkumia Ngai, akiuga atĩrĩ, Kaĩ ti-itherũ mũndũ ũyũ oima mũthingu-ĩ! 48Na andũ othe a kĩrĩndĩ arĩa monganĩte kwĩrorera, rĩrĩa monire maũndũ macio mekĩka, makĩinũka makĩĩhũrahũraga gĩthũri. 49#Luk 8.2,3.Nao arĩa othe moyaine nake, o na andũ-a nja arĩa maamũrũmĩrĩire moimĩte Galili, makĩrũgama haraya, makĩĩrorera maũndũ macio.
50Na rĩrĩ, haarĩ mũndũ wetagwo Jusufu, mũthuri wa kĩama warĩ mũndũ mwega na mũthingu, 51(ndetĩkanĩtie na ndundu yao kana wĩko wao). Ningĩ aarĩ wa Arimathea, itũũra rĩa Ayahudi, na nĩaatanyĩte ũthamaki wa Ngai. 52Mũndũ ũcio agĩthiĩ kwĩ Pilato, akĩmũhoya aheo mwĩrĩ wa Jesu. 53Agĩcoka akĩũruta mũtĩ-inĩ, akĩũthaya na tama wa gatani, akĩũiga mbĩrĩra-inĩ yenjetwo rũaro inĩ rũa ihiga, na ndĩrĩ yaigwo mũndũ. 54Na mũthenya ũcio warĩ mũthenya wa Ihaarĩria, naguo mũthenya wa thabatũ nĩwakiriĩ gũkinya. 55Nao atumia arĩa moimĩte nake Galili makiuma thutha, makĩona mbĩrĩra ĩo, o na ũrĩa mwĩrĩ wake waigirũo ho. 56#Thama 20.10; Gũcok 5.14.Magĩkĩinũka, magĩthondeka mĩnyamũ mĩnungi wega na maguta ma goro.
Naguo mũthenya wa thabatũ makĩhurũka, o ta ũrĩa gwathanĩtwo.
Aktualisht i përzgjedhur:
LUKA 23: OGKBIBLE
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
©Bible Society of Kenya, 2019