Mateo 6
6
Jesús t'awa'any tuwëëk jëëjp pa'ayoo'n
1»Katij m'oyjaa'y'ajjt nityijyë xyëknikkä'äjxjë'ëktë jaa'y akujjky nits jä'yë xtsoktë jaa'y m'ijxëtë't mnijaw'attëtë't. Ku najj m'atë'ëtstë, nittij juu'ny mTeety'ajjt tsajpjotmë't mkamo'jëtë't.
2»Jakëjxts ëjts nwa'any, ku ayoopëttëjjk xputtëkkë't katij jaa'y xtoknijaa'wëkyexy, naa'xkë'n y'atë'ëtstë ëë'mpëttëjjk maj jäjp jaa'y ka'amaa'yë'n ttayo'ymyuktë ok oymyaa'jë tuu'aajy jäts tsoktë nits käjxta'aky y'it'të't, ixyam ëjts nnikkäjpxy jäts tëj jä' najj jyuu'ny tpaat'të. 3Ku ayoopëttëjjk xputtëkkë't nippën xkattoknijawë't, oyë'm pën yëkxon xjamëëtnamyayë kä' jä' xwaajnë't; 4amää'tsk jä' xtu'nt, nits ku mTeety'ajjt tsajpjotmë't t'ijxt tukkë'yë tij mtümpy amää'tsk, jä'äts mmo'jë'p mjuu'ny.
Jesús t'awa'any ntsoj y'ijxë nuu'kxtaajkë'n
(Lc 11.2-4)
5»Ku miits mnuu'kxta'aktë't, katij najj m'atë'ëtstë naa'xkë'n win'ëë'mpëttëjjk y'atë'ëtstë, tänääpy jä' nityijyë t'oyjawëtë nyuu'kxta'aktë't maj jäjp jaa'y ka'amaa'yë'n ttayo'ytmyuktë ok oymyaa'jë maay'aajy jä'äts tsyojktë'p jäts jaa'y y'ijxëtë't y'aa'xtukkëtë't. Ixyamts ëjts nnikkäjpxy jäts tëj jä' najj tpaat'të jyuu'ny. 6Kuts mijts mnuu'kxta'akwa'any, tëkkë mtijkypy yëk'attuk mtëjjk jäts mmunuu'kxta'ak mTeety'ajjt amää'tsk, jä' t'ijxp tmatoop tij mijts mtümpy amää'tsk, jä'äts tyëknikkä'äjxjë'ëkp jaa'y akujjky tij tëj x'amatoy ayu'utsy amää'tsk.
7»Ku miits mnuu'kxta'aktë't katij nikoj mkajpxwintëwtë, naa'xkë'n y'atë'ëtstë kattëyjyaa'w'eepyëttëjjk, winmaytyë'p jä' jäts nit Yës Teety myatowëtë't ku jekynyäxy nityijyë nyuu'kxta'aktë. 8Kä'äts miits najj m'atë'ëtstë't, jä'ku mTeety'ajjt tsajpjotmë't nyijaa'wëkyejxypy jä' tij mka'ijjtxëtë'p oyë'm jä' xjaka'amatowtënë'm. 9Najj miits mnuu'kxta'aktë't:
»Nteety'ajjt tsajpjotmë't, mijts mtsënääpy mjüky'eepy tsajpjotm
wä'n mxëëw tyëkmëjj'ijxy tyëkmëjjkexy.
10Wä'n tminy tja'aty mpawaa'n mkuttujjkë'n
jäts nyaxt tyunë't yaj it naxwiiny mati' tuujnë'p jäm tsajpjotm.
11Moyky ëëts nkääky ntojkx
mati' ëëts jawom jawom xka'ijjtjääpy.
12Mää'kxtujjkjääky ëëts ntakkoo'ny
naa'xkë'n ëëts nmää'kxtüky
pënpën ëëts xmuttunttakkoypy.
13Katij xnitüky xyëkjäty jäts ëëts takkoo'nyjötypy nku'ijxë't nkuwa'akkë't
jäts yëkjë'wa'ak tukkë'yë kya'oywyë.
14»Pën mmää'kxtüjkypy miits mmuku'uktëjjk pën mmuttuntakkoojyë'p, ninyajjts mTeety'ajjt mmää'kxtukkëtë't; 15kuts pën xkamää'kxtuktë't ninyajjts mTeety'ajjt mpöky mkamää'kxtujjkxëtë't.
Jesús tkajpxtëy ayuuj'eeky
16»Ku miits m'ayuujjëtë't katij amaay mwiin m'aaw xtuntë naa'xkë'n win'ëë'mptëjjk y'atë'ëtstë, yëk'ayoopë nityijyë wyin'ixtë nits jaa'y ttoknijawëtë jäts ayuuj'eetyë'p. Ixyam ëjts nnikkäjpxy jäts tëj jä' najj tpaat'të jyuu'ny. 17Ku m'ayuujjëtë't tsi'itë kuppatstë, jäts nawyookëtë miits oy tsuj, 18nits katij jaa'y tkumaytyë jäts m'ayuuj'eetyë'p miits. Tu'ukë'm mTeety'ajjt tsajpjotmë't t'ijxy tnijawë mati' amää'tsk ayu'utsy mtuntë'p, jä'äts mmo'jëtë'p mjuu'ny
Yëkmayëtë maay pëjkta'aky tsajpjotm
(Lc 12.33-34)
19»Katij xyëknippät'të maay pëjkta'aky yaj it naxwiiny, jä'ku wojjkë'p pu'tp yaj tukkë'yë jäts jäj mää'tspë nyaxtë tyëkkëtë. 20Yëkmayëtë maay pëjkta'aky tsajpjotm, kä' jäm tij pyu'uty wyökyë jäts kä' jäm mää'tspë jya'at'të. 21Jä'ku maj mijts mmaay mpëjkta'aky jämts mijts m'aaw mjoojt xkäxtë.
Nikkëjjx nyijajjë'k nyittëë'kxë'k
(Lc 11.34-36)
22»Wiin nikkëjjx tyëknikkä'äjxjë'kp, pën y'ijxypy mwiin y'oywyë, tukkë'yë mnikkëjjx ajajjk'attuujy y'ity; 23pën kya'oywyë'ts mwiin y'ijxypy akkoots'attuujyts mnikkëjjx y'ity, jäts ajajjk mati' tsee'my m'ajaa'w'eepy toypy kä' tyoy, ¡xätsyë koots'atüjpyts mjüky'ajjt y'ity!
Yës Teety ok kumeeny'ajjt
(Lc 16.13)
24»Nippën kya'oy'ajjtxë't nimäjtsk wintsën tmuttu'nt, tsyokp jä' tu'uk kya'oy'ijxp jä' jatu'uk ok myu'oyë'p jä' tu'uk myu'ampëkp jä' jatu'uk. Kä' y'oyë't Yës Teety yëkmuttu'nt jäts mëët meeny yëktajottakko'yty.
Yës Teety t'ijxy'ijtp y'uu'ktëjjk
(Lc 12.22-31)
25»Jakëjxts ëjts miits nnëëjmëtë: Katij kyoojyë xwinmaytyë tij mka'ytyë'p m'uuktë'p jäts xtajükyë'të't, ok wit tij mnatyaxoxëtë'p, jä'ku këjx'am tsyowpaaty jüky'ajjt kä' nyë'në kääky tojkx ninyaj këjx'am tsyowpaaty nikkëjjx kä' nyë'në wit. 26Ijxtë aa'xtuktë joon mati' käkyo'ytyë'p kä' nyi'iptë yu'utë jäts kä' maj tkoojnjë'ëktë jyee'kxy; mTeety'ajjt tsajpjotmë't jä' tyëkjëë'kxp. ¡Ntsots miits xtijy y'ijxë mkajee'kxypyaat'të't, mëjj'ijxy mëjjkexy miits m'ity kä' nyë'në joon! 27Oyë'm pën kyoojyë tjatajottakkoy kä'äm jä' myayë't nits jaktu'kxëëw jyüky'ajjt tyëkyo'nt.
28Jäts ninyaj, ¿tikëjx miits xtajottakkoytyë tij mnatyaxoxëtë'p? Ijxtë aa'xtuktë pëjjy mati' kamjoojty yomp, kä' jä' tyuntë kyojjtë. 29Kä'äts yëkkuttujkpë Salomón najj oy tsuj nyaxyojjxë naa'xk tu'uk pëjjy, oyë'm jä' y'ijjty jyakkumeenyjaa'yë. 30Najj Yës Teety aay ujjts tyëk'oykye'exy mati' ixyam jä'yë oy tsuj kä'xp kamjötypy jäts jawom wixtëjkm yëkjënkonpäjtnë't, ¡ntsots xtijy y'ijxë mkayëkxoxtë't, miits kattëyjyaa'w'eepyë jaa'y! 31Najjts katij miits xtsätsywinmaytye tij mjëë'kxtë'p m'uuktë'p ok tij mnatyaxoxëtë'p 32Kattëyjyaa'w'eepyë jaa'y yë' ttsätsywinmaytyë'p, jäm miits mTeety'ajjt tsajpjotmë't jä'äts tnijaa'wëkyëjxp tijjäty miits mka'ijjtxëtë'p. 33Tajottakkoytyë jäts Yës Teety kyuttujjkë'n xkuytyuujnëtë't, jükyëtë tëy wa'ats nits jä' myëkmo'otë't pëntijjäty mka'ijjtxëtë'p. 34Katij miits xniwinmayë'të pëntij jawom itp ka'itp. Jä'ku tu'kxëëw jatu'kxëëw yë' y'atsijjpë'n y'atsuujxë'n tmuminy.
Aktualisht i përzgjedhur:
Mateo 6: YTYA
Thekso
Ndaje
Kopjo
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Porciones en Mixe de Yalalag, Oaxaca, México © Sociedad Bíblica de México, A.C.
Mateo 6
6
Jesús t'awa'any tuwëëk jëëjp pa'ayoo'n
1»Katij m'oyjaa'y'ajjt nityijyë xyëknikkä'äjxjë'ëktë jaa'y akujjky nits jä'yë xtsoktë jaa'y m'ijxëtë't mnijaw'attëtë't. Ku najj m'atë'ëtstë, nittij juu'ny mTeety'ajjt tsajpjotmë't mkamo'jëtë't.
2»Jakëjxts ëjts nwa'any, ku ayoopëttëjjk xputtëkkë't katij jaa'y xtoknijaa'wëkyexy, naa'xkë'n y'atë'ëtstë ëë'mpëttëjjk maj jäjp jaa'y ka'amaa'yë'n ttayo'ymyuktë ok oymyaa'jë tuu'aajy jäts tsoktë nits käjxta'aky y'it'të't, ixyam ëjts nnikkäjpxy jäts tëj jä' najj jyuu'ny tpaat'të. 3Ku ayoopëttëjjk xputtëkkë't nippën xkattoknijawë't, oyë'm pën yëkxon xjamëëtnamyayë kä' jä' xwaajnë't; 4amää'tsk jä' xtu'nt, nits ku mTeety'ajjt tsajpjotmë't t'ijxt tukkë'yë tij mtümpy amää'tsk, jä'äts mmo'jë'p mjuu'ny.
Jesús t'awa'any ntsoj y'ijxë nuu'kxtaajkë'n
(Lc 11.2-4)
5»Ku miits mnuu'kxta'aktë't, katij najj m'atë'ëtstë naa'xkë'n win'ëë'mpëttëjjk y'atë'ëtstë, tänääpy jä' nityijyë t'oyjawëtë nyuu'kxta'aktë't maj jäjp jaa'y ka'amaa'yë'n ttayo'ytmyuktë ok oymyaa'jë maay'aajy jä'äts tsyojktë'p jäts jaa'y y'ijxëtë't y'aa'xtukkëtë't. Ixyamts ëjts nnikkäjpxy jäts tëj jä' najj tpaat'të jyuu'ny. 6Kuts mijts mnuu'kxta'akwa'any, tëkkë mtijkypy yëk'attuk mtëjjk jäts mmunuu'kxta'ak mTeety'ajjt amää'tsk, jä' t'ijxp tmatoop tij mijts mtümpy amää'tsk, jä'äts tyëknikkä'äjxjë'ëkp jaa'y akujjky tij tëj x'amatoy ayu'utsy amää'tsk.
7»Ku miits mnuu'kxta'aktë't katij nikoj mkajpxwintëwtë, naa'xkë'n y'atë'ëtstë kattëyjyaa'w'eepyëttëjjk, winmaytyë'p jä' jäts nit Yës Teety myatowëtë't ku jekynyäxy nityijyë nyuu'kxta'aktë. 8Kä'äts miits najj m'atë'ëtstë't, jä'ku mTeety'ajjt tsajpjotmë't nyijaa'wëkyejxypy jä' tij mka'ijjtxëtë'p oyë'm jä' xjaka'amatowtënë'm. 9Najj miits mnuu'kxta'aktë't:
»Nteety'ajjt tsajpjotmë't, mijts mtsënääpy mjüky'eepy tsajpjotm
wä'n mxëëw tyëkmëjj'ijxy tyëkmëjjkexy.
10Wä'n tminy tja'aty mpawaa'n mkuttujjkë'n
jäts nyaxt tyunë't yaj it naxwiiny mati' tuujnë'p jäm tsajpjotm.
11Moyky ëëts nkääky ntojkx
mati' ëëts jawom jawom xka'ijjtjääpy.
12Mää'kxtujjkjääky ëëts ntakkoo'ny
naa'xkë'n ëëts nmää'kxtüky
pënpën ëëts xmuttunttakkoypy.
13Katij xnitüky xyëkjäty jäts ëëts takkoo'nyjötypy nku'ijxë't nkuwa'akkë't
jäts yëkjë'wa'ak tukkë'yë kya'oywyë.
14»Pën mmää'kxtüjkypy miits mmuku'uktëjjk pën mmuttuntakkoojyë'p, ninyajjts mTeety'ajjt mmää'kxtukkëtë't; 15kuts pën xkamää'kxtuktë't ninyajjts mTeety'ajjt mpöky mkamää'kxtujjkxëtë't.
Jesús tkajpxtëy ayuuj'eeky
16»Ku miits m'ayuujjëtë't katij amaay mwiin m'aaw xtuntë naa'xkë'n win'ëë'mptëjjk y'atë'ëtstë, yëk'ayoopë nityijyë wyin'ixtë nits jaa'y ttoknijawëtë jäts ayuuj'eetyë'p. Ixyam ëjts nnikkäjpxy jäts tëj jä' najj tpaat'të jyuu'ny. 17Ku m'ayuujjëtë't tsi'itë kuppatstë, jäts nawyookëtë miits oy tsuj, 18nits katij jaa'y tkumaytyë jäts m'ayuuj'eetyë'p miits. Tu'ukë'm mTeety'ajjt tsajpjotmë't t'ijxy tnijawë mati' amää'tsk ayu'utsy mtuntë'p, jä'äts mmo'jëtë'p mjuu'ny
Yëkmayëtë maay pëjkta'aky tsajpjotm
(Lc 12.33-34)
19»Katij xyëknippät'të maay pëjkta'aky yaj it naxwiiny, jä'ku wojjkë'p pu'tp yaj tukkë'yë jäts jäj mää'tspë nyaxtë tyëkkëtë. 20Yëkmayëtë maay pëjkta'aky tsajpjotm, kä' jäm tij pyu'uty wyökyë jäts kä' jäm mää'tspë jya'at'të. 21Jä'ku maj mijts mmaay mpëjkta'aky jämts mijts m'aaw mjoojt xkäxtë.
Nikkëjjx nyijajjë'k nyittëë'kxë'k
(Lc 11.34-36)
22»Wiin nikkëjjx tyëknikkä'äjxjë'kp, pën y'ijxypy mwiin y'oywyë, tukkë'yë mnikkëjjx ajajjk'attuujy y'ity; 23pën kya'oywyë'ts mwiin y'ijxypy akkoots'attuujyts mnikkëjjx y'ity, jäts ajajjk mati' tsee'my m'ajaa'w'eepy toypy kä' tyoy, ¡xätsyë koots'atüjpyts mjüky'ajjt y'ity!
Yës Teety ok kumeeny'ajjt
(Lc 16.13)
24»Nippën kya'oy'ajjtxë't nimäjtsk wintsën tmuttu'nt, tsyokp jä' tu'uk kya'oy'ijxp jä' jatu'uk ok myu'oyë'p jä' tu'uk myu'ampëkp jä' jatu'uk. Kä' y'oyë't Yës Teety yëkmuttu'nt jäts mëët meeny yëktajottakko'yty.
Yës Teety t'ijxy'ijtp y'uu'ktëjjk
(Lc 12.22-31)
25»Jakëjxts ëjts miits nnëëjmëtë: Katij kyoojyë xwinmaytyë tij mka'ytyë'p m'uuktë'p jäts xtajükyë'të't, ok wit tij mnatyaxoxëtë'p, jä'ku këjx'am tsyowpaaty jüky'ajjt kä' nyë'në kääky tojkx ninyaj këjx'am tsyowpaaty nikkëjjx kä' nyë'në wit. 26Ijxtë aa'xtuktë joon mati' käkyo'ytyë'p kä' nyi'iptë yu'utë jäts kä' maj tkoojnjë'ëktë jyee'kxy; mTeety'ajjt tsajpjotmë't jä' tyëkjëë'kxp. ¡Ntsots miits xtijy y'ijxë mkajee'kxypyaat'të't, mëjj'ijxy mëjjkexy miits m'ity kä' nyë'në joon! 27Oyë'm pën kyoojyë tjatajottakkoy kä'äm jä' myayë't nits jaktu'kxëëw jyüky'ajjt tyëkyo'nt.
28Jäts ninyaj, ¿tikëjx miits xtajottakkoytyë tij mnatyaxoxëtë'p? Ijxtë aa'xtuktë pëjjy mati' kamjoojty yomp, kä' jä' tyuntë kyojjtë. 29Kä'äts yëkkuttujkpë Salomón najj oy tsuj nyaxyojjxë naa'xk tu'uk pëjjy, oyë'm jä' y'ijjty jyakkumeenyjaa'yë. 30Najj Yës Teety aay ujjts tyëk'oykye'exy mati' ixyam jä'yë oy tsuj kä'xp kamjötypy jäts jawom wixtëjkm yëkjënkonpäjtnë't, ¡ntsots xtijy y'ijxë mkayëkxoxtë't, miits kattëyjyaa'w'eepyë jaa'y! 31Najjts katij miits xtsätsywinmaytye tij mjëë'kxtë'p m'uuktë'p ok tij mnatyaxoxëtë'p 32Kattëyjyaa'w'eepyë jaa'y yë' ttsätsywinmaytyë'p, jäm miits mTeety'ajjt tsajpjotmë't jä'äts tnijaa'wëkyëjxp tijjäty miits mka'ijjtxëtë'p. 33Tajottakkoytyë jäts Yës Teety kyuttujjkë'n xkuytyuujnëtë't, jükyëtë tëy wa'ats nits jä' myëkmo'otë't pëntijjäty mka'ijjtxëtë'p. 34Katij miits xniwinmayë'të pëntij jawom itp ka'itp. Jä'ku tu'kxëëw jatu'kxëëw yë' y'atsijjpë'n y'atsuujxë'n tmuminy.
Aktualisht i përzgjedhur:
:
Thekso
Ndaje
Kopjo
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Porciones en Mixe de Yalalag, Oaxaca, México © Sociedad Bíblica de México, A.C.