Marqus Dí Injíl 12
12
1PHER uh uhnáṉ nál tamsíláṉ deke ákhan laggá, paí Ikk biṉde angúr dá bág láyá, te uh de diwále wáṛ dittí, te chubachcha kaḍḍhiá, te burj usáriá, te uh núṉ máliáṉ núṉ soṉpke par des tur gayá. 2Te rut sir us ikk naukar núṉ máliáṉ kol ghalliá, paí máliáṉ bág de phal vichchoṉ kujh liáwe. 3Te uhnáṉ uh núṉ phaṛke kuṭṭiá, te sakkhne harth moṛ dittá. 4Te us dujji wárí ikk hor naukar núṉ uhnáṉ kol ghalliá, uhnáṉ uh dá sir páṛiá, te uh di pat láh dittí. 5Te us ikk hor núṉ ghalliá, te uhnáṉ uh núṉ már suṭṭiá. Te hor bahuteáṉ núṉ ghalliá; uhnáṉ kaiáṉ núṉ kuṭṭiá, te kaiáṉ núṉ már suṭṭiá. 6Hun uh de kol ikk si, uh dá piyárá puttar. Oṛak us uh núṉ bhí uhnáṉ kol ih ákhke ghalliá, paí Uh mere puttar di tán adar karange. 7Par uhnáṉ máliáṉ ápo vichch ákhiá, Wáris iho hí hai. Áo, asíṉ uh uúṉ már suṭṭie, táṉ wirsá sáḍá ho jáegá. 8Te uhnáṉ uh núṉ phaṛke már dittá, te angúr de bágoṉ kaḍḍhke uh núṉ báhar suṭṭiá. 9Hun bág dá málik kí karegá? Uh áwegá, te uhnáṉ máliáṉ núṉ jánoṉ márke angúr dá bág hornáṉ núṉ dewegá. 10Tusáṉ ih nawishta bhí nahíṉ paṛhiá, pai Jis patthar núṉ rájáṉ ne nápasand kítá, uho hí guṭh dá sirá baniá. 11Ih Ḳhudáwand de walloṉ hoiá, te sáḍi nazar vichch acharj hai 12Te uh uhde phaṛan dá mauqaʼ labbhde sán, par lokáṉ koloṉ ḍare, kyúṉ jo uhnáṉ ján liá, paí us ih tamsíl sáḍe utte ákhí sí, te uh núṉ chhaḍḍke ṭur gaye. 13Te uhnáṉ Farísiáṉ te Herodiáṉ vichchoṉ kaiáṉ núṉ uh de kol ghalliá, paí uh núṉ galláṉ dí pháhí vichch phasán. 14Te uhnáṉ uh de kol áke ákhiá, pai Ai ustád, asíṉ jánne hán, paí túṉ sachchá haiṉ, te tainúṉ kisí dí parwáh nahíṉ; kyúṉ jo túṉ bandeáṉ dá liház nahíṉ kardá, par túṉ sacháí nál Ḳhudá dá ráh dassṉá haiṉ Qaisar núṉ jizyá dená cháhidá hai, yá nahíṉ? Asiṉ deie, yá ná deie, 15Par us ne uhnáṉ dá makar jánke uhnáṉ núṉ ákhiá, Mainúṉ kyúṉ azmáunde ho? dínár mere kol liáo, paí maiṉ vekháṉ. 16So uhnáṉ liáuṉdá, te us uhnáṉ núṉ ákhiá, lh múrat te harf kih de ne? Uhnáṉ ákhiá, Qaisar de, 17Tad Yisúʼ uhnáṉ núṉ ákhiá, Jihṛíáṉ chízáṉ Qaisar díáṉ ne, so Qaisar núṉ deo; te jihṛíáṉ Ḳhudá díáṉ ne, Ḳhudá núṉ deo. Te uh de thoṉ bahut hairán hoe. 18Te Sadúqí, jihṛe ákhde ne, paí qiámat nahíṉ hoṉí, uh de kol áe, te ih suwál kítá, paí 19Ai Ustád, sáḍe laí Músá likhiá hai, paí je kise dá bhará mar jáe, te uh dí wahuṭí rahe, te ulád na howe, táṉ us dá bhará uh dí wahuṭí núṉ kar lawe, te apne bhará laí ulád paidá kare. 20Satt bhará sán; te pahle wahuṭí kiti, te be-aulád már gayá. 21Te dujje uh núṉ kítá, te be-aulád mar gayá; te isí tarah trijjá bhí; 22Te satte autre mar gaye. Sáreáṉ de pichchhoṉ úh zanání bhí mar gayí. 23Qiámat núṉ uh uhnáṉ vichchoṉ kih dí wahuṭí howegí? Kyúṉ jo uh sattáṉ de ghar wassí sí. 24Yisúʼ uhnáṉ núṉ ákhiá, paí Tusíṉ is karke bhulekhe vichch nahíṉ pae ho, paí ná kitábáṉ núṉ, te ná Ḳhudá dí qudrat núṉ jánde ho? 25Paí jad uh murdeáṉ vichchoṉ uṭṭhange, ná wiáh karange ná wiáhíáṉ jángíáṉ, par asmán de firishteáṉ wáṉgúṉ honge. 26Par murdeáṉ dí bábat, paí uh jí uṭṭhde ne, tusáṉ Músá dí kitáb vichch Jháṛí dí gall vichch parhiá nahíṉ, paí Ḳhudá ne uh núṉ kíkur ákhiá, paí Maiṉ Ibrahám dá Ḳhudá, te Isháq dá Ḳhudá, te Yaʼqúb dá Ḳhudá háṉ? 27Uh murdeáṉ dá Ḳhudá nahín, sagoṉ jíuṉdeáṉ dá Ḳhudá hai. Tusíṉ baṛí bhul vichch pae hoe ho. 28Tad faqíháṉ vichchoṉ ikk uh de kol áyá, te jád uhnáṉ dí báhs suní, te samjhiá; paí us uhuáṉ núṉ ḳhúb jawáb dittá, táṉ uh de thoṉ puchchhiá, pai sáriáṉ hukmáṉ vichchoṉ kihṛá waddá hai? 29Yisúʼ uhnúṉ jawáb dittá, Awwál ih hai, pai Sun, Isráíl Ḳhudáwand sáḍá Ḳhudá ikk hí Ḳhudáwand hai; 30Te túṉ Ḳhudáwand apne Ḳhudá núṉ apne sáre dil nál, te apní sárí jáṉ nál, te apní sárí aql nál, te apne sáre zor nál piyár kar. 31Dijjá ih hai, Túṉ apne gawáṉḍhí núṉ apne jihá piyár kar. Ihnáṉ náloṉ waḍḍá koí hukm nahíṉ nai. 32Tad us faqíh uh núṉ ákhiá, Thík, Ai ustád, túṉ sach ákhiá, paí uh ikk hí hai, te uh de bájhoṉ hor koí nahíṉ hai; 33Te sáre dil nál te sárí samajh nál, te sáre zor nál uh núṉ piyár karná, te gawáṉḍhí núṉ apne jihá piyár karná, sáriáṉ qurbáṉíáṉ, jihṛíáṉ agg utte sáṛíáṉ jáṉdiáṉ ne, te charháwíáṉ náloṉ waḍḍí gall hai. 34Te jadoṉ Yisúʼ vekhiá, paí us ʼaql nál jawáb dittá, táṉ us ákhiá, Túṉ Ḳhudá dí bádsháhí thoṉ dúr nahíṉ haiṉ. Te aidoṉ aggoṉ kise dá hausila na piá, paí uh de thoṉ suwál puchchhe. 35Te Yisúʼ haikal vichch taʼlím deṉdíáṉ ákhiá, paí Faqíh kíkur ákhde ne, paí Masíh Dáúd dá puttar hai? 36Dáúd Pák Rúh dí ráhíṉ ákhiá, paí Ḳhudáwand ne mere Ḳhudáwand núṉ ákhiá, paí Túṉ mere sajje páse baiṭh, jad tíkur maiṉ tere wairíáṉ núṉ tere pair rakkhan dí chaukí na karáṉ. 37Dáúd te áp us núṉ Ḳhudáwand ákhdá hai, pher uh dá puttar kitthoṉ hoiá? Te ʼámm ḳhás ḳhushí nál uh dí sunde sán. 38Te us apní taʼlím vichch ákhiá, paí Faqíháṉ thoṉ hushiár raho, jihṛe lamme kapṛe páke ṭurná phirna te bazáráṉ vichch salám lainá pasand karde ne. 39Te Iʼbádatḳháneáṉ vichch aglíáṉ kursíáṉ, te ziáfatwále gharáṉ vichch uchche tháṉ cháhuṉde ne. 40Uh bewá ʼauratán de gharán núṉ nigal jáṉde ne, te vikhálan laí lammí chauṛí namáz paṛhde ne; uhnáṉ núṉ ziyáda sazá milegí. 41Te haikal de ḳhazáne de sámne bahke vekhdá Sí, paí lok ḳhazáne vichch kíkur paise páṉde ne; te bahutere baḳhtáwaráṉ ne bahut kujh páyá. 42Te ikk garíb bewá ne áke do damṛíáṉ páíáṉ, jihnáṉ dá ikk dhelá huṉdá hai. 43Te us ápne shágirdáṉ núṉ kol saddke ákhiá, Maiṉ tuhánúṉ sach ákhná háṉ, paí is garíb bewá uhnáṉ sabhnáṉ náloṉ jihṛe ḳhazáne vichch páṉde ne, bahutá pá dittá; 44Kyúṉ jo sabhnáṉ apní bachchat vichchoṉ páyá; par us apní thuṛ vichchoṉ jo kujh uh de kol sí, apní sárí púṉjí pá dittí.
Aktualisht i përzgjedhur:
Marqus Dí Injíl 12: PNT1927R
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Historical texts published by British and Foreign Bible Society 1917-1927.