Matie 2:1-2

‑Mä Zwidee‑bhölɩɩ 'mö a ‑glɔ ‑bhlʋ wa laa Betelɛɛmö, ‑mä wa gwälɩnɩɛ Zezwii. ‑Lɛ a 'tɛnyɩ 'la 'mö, 'bhlɩlowli 'kɔdɔ wa laa Eloodɩ, mɔɔ 'kämanɩ a‑a. Wa gwälɩɛ Zezwii 'wëë, 'bɔgʋyiwa 'kädɩ ‑wa 'cɩɛɛ ‑zɛlɩɩ a libhoo, wa 'bhöönɩ mää ylʋʋ 'wlʋnɩɛ glu a pɩɔ 'yli 'n wa yiɛ ‑mä Zeluzalɛɛmö yi. 'N wa yiɛ nɩkpa nimï 'yɩbhä, wa lɛ naa: «Yuu wa gwälɩɛ 'lili 'wʋ, ‑ɔ glɩnɩɛ Zwiiföwaa a 'bhlɩlowli dɛ ɔ ‑wʋ bhä? ‑Zɛleyii ‑ɛ nyɩanyɩɛ 'dɩ nɩɩ wa kɔ gwälɩɩ, mää ylʋʋ 'wlʋnɩɛ glu a pɩɔ 'yli, ‑mä ‑a 'yɩnɛɛ 'ylɩmö, nza ‑a yiɛ ‑a 'kɔ bʋbɔ.»