Mateus 1
1
Damsu ad Jesu
1Aga damsu ad Jesu Kristo, i ndur David, i ndur Abraham, 2Abraham i damen Isaak; Isaak i damen Jakob; Jakob i damen Juda ma su ndern; 3Juda i damen Peres e Sera, nanen asor i Tamar; Peres i damen Hesron; Hesron i damen Ram; 4Ram i damen Aminadab; Aminadab i damen Nason; Nason i damen Salmon; 5Salmon i damen Boas, nanen i Rahab; Boas i damen Obed, nanen aden Ruth; Obed i damen Isai; 6Isai i damen David, aga King asu; David i damen Salomo, nanen i nambuln ad Uria; 7Salomo i damen Rehabeam; Rehabeam i damen Abia; Abia i damen Asa; Asa i damen Josavat; 8Josavat i damen Joram; Joram i damen Usia; 9Usia i damen Jotam; Jotam i damen Ahas; Ahas i damen Hiskia; 10Hiskia i damen Manase; Manese i damen Amos; Amos i damen Josia; 11Josia i damen Jegonia, ma su ndern, le rang, be su Israel masi su gina le gor Babilon le kalabus asu. 12Kalabus asu boen, Jegonia i damen Sealtiel; Sealtiel i damen Serubabel; 13Serubabel i damen Abihud; Abihud i damen Eliakim; Eliakim i damen Asor; 14Asor i damen Sadok; Sadok i damen Agim; Agim i damen Eliud; 15Eliud i damen Eleasar; Eleasar i damen Matan; Matan i damen Jakob; 16Jakob i damen Josev; Josev i nambulen ad Maria, i da gini ndurn Jesu, ngarn Kristo. 17Du hanguruen malabo dagara: Le rang ad Abraham mabenan le rang ad David, aga su damu masongul e hamou; le rang ad David, mabenan le rang su Juda masi gina le gor Babilonia, le kalabus asu, aga su damsu masongul e hamou. Su damsu mabenan le rang, Kristo gin meher, aga su masongul e hamou lie.
Jesu i meher le boan.
18Kristo i gin me boan dagara: Josev beg ibdi Maria, hom ndurbihin gle nambulen. Maria de gina le um ad nambulen masou, Meluan Helian gin meher ndro Maria, i gin ilgi ndurn le ndrnen. 19Josev, i nambulen Maria masou, i hom gamel monen ge, i mburen, su vong longu momen le ad Maria, i hanguruen le bergoln, i beg bieni Maria, debosan su vong nongen bahilou le aden. 20I beg hinen dagara, hom Angelo ad Ndorlaben i meher lobing, le inhini aden, i vong i bai: Josev Ndur David, mbue uo go noh, hian ibdi Maria gle nambulem. Ndur ad Maria i da le ndrnen i ad hom ndramed bui, Meluan Helian gin ilgi i. 21Hom ndurgamel na gmeher e bosoui i ngarn Jesus. I ogo i bolumiasu ndramed, i rumburdi su le longu asu momen. 22Longu ogo na gmehere dege Ndorlaben i gin vong le bohosu Provet, homo i da boharni, i vong, i boi: 23E lele hom ndurbihin i belengeni ndurn, ndurgamel na gmeher, su bosoui ngarn Imanuel, aga i vonei: Jehova i da ndro du. 24Josev i mamed malabo, i hinen dege Angelo ad Ndorlaben gin boharni le ndro i, i ibdi Maria le nambulen, i dulieni i le um aden. 25I de gin meher bage de la ndro i bui, hanu ndurgamel ad Maria gin me i bosoui ngarn Jesus.
Aktualisht i përzgjedhur:
Mateus 1: LLENT
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Published by the British and Foreign Bible Society 1956