Génesis 3
3
Li Adán xchi'uc Evae la sbajbeic smantal Dios
1Li quiletel chon#Ap 12.9; 20.2. ta vo'onee ja' no'ox stuc toj manya c'usi tspas xchi'uc sbijil ta scotol yantic chonbolometic ti pasbil yu'un Muc'ul Diose. Ja' yu'un jech la sjac'be li antse:
—¿Me ta melel laj yalboxuc Muc'ul Dios mu xu' chalo'beic sat jpetsuc li te'etic li' ta ts'unubaltique? —xi.
2Itac'ov li antse:
—Xu' ta jlo'becutic sat scotol li te'etic li' ta ts'unubaltique. 3Ja' no'ox mu xu' ta jlo'becutic sat li jpets te' te ta o'lol ts'unubaltique. Laj yalbuncutic Dios ti mu xu' ta jlo'cutique, ti mu xu' ta jpicutique. Me jech ta jpascutique, ta xichamcutic —xi.
4Pero li chone jech laj yalbe li antse:
—Mu meleluc. Mu xachamic yu'un. 5Yu'un li Diose sna'oj ti chjam asatic me laj alo'ique; chlic ana'ic c'usi lec xchi'uc c'usi chopol. Chaco'lajic jech chac c'u cha'al Dios —xi.
6Li antse laj yil ti toj c'upil sba li sat te'e; chac xa slo' ya'ay ta ora. La snop ti jech ta xbijub oe. Jech bat stul jbej li sat te'e; la slo'. Bat yac'be li smalale; te la slo' ec.#Ro 5.12. 7Jech ta ora ijam satic, laj yil sbaic ti t'analique. Jech lic sts'isic yanal higo te'; ja' la smac sbaic o.
8C'alal bat xa'ox c'ac'ale,#3.8 C'ac'ale - Oy boch'o chalic jtotique. li vinic xchi'uc yajnile laj ya'yic ti te chanov tal ta yut ts'unubaltic li Muc'ul Diose. Jech bat snac' sbaic ta anil ta yolon te'etic te ta yut ts'unubaltic. 9Li Muc'ul Diose laj yapta li vinique. Jech la sjac'be:
—¿Bu oyot? —xi.
10Itac'ov li vinique:
—Laj ca'ay ti te chaxanov tal ta yolon ts'unubaltique jech lixi' yu'un t'analun, jech la jnac' jba —xi.
11Li Diose jech la sjac'be:
—¿Boch'o laj yalbot ti t'analote? ¿Me yu'un laj alo'be sat li te' ti laj calbot mu me xalo'e? —xut.
12Itac'ov li vinique:
—Ja' laj yac'bun li ants ti laj avac'bun jchi'ine jech la jlo' —xi.
13Li Muc'ul Diose jech la sjac'be ec li antse:
—¿C'u yu'un ti jech laj apase? —xut.
Itac'ov li antse:
—Ja' la slo'laun li chone#2 Co 11.3; 1 Ti 2.14. jech la jlo' —xi.
14Li Muc'ul Diose jech laj yalbe noxtoc li chone:
—Ta sventa ti jech laj apase, vo'ot toj ven chopol chacom ta scotol li yantic chonetique. Li' tanae xaquilet ta banamil chaxanov ti jayib c'ac'al cuxulote, xchi'uc puru ts'u'ilum chalo'. 15Ta xcac' ti acontra abaic chacom o achi'uc li antse. Jech ta xcom o c'alal ta avalab anich'nab xchi'uc syal'alabtac li antse.#Ap 12.17. Li syal'ole ta to xlic xvoch'bot ajol; yan li vo'ote ja' no'ox chati'be xchac yacan —xut.
16Jech laj yalbe ec li antse:
—Chaquepajesbot xc'uxul ti c'alal cha'alaje. Ep c'ux chava'ay ti c'alal ta xvoc' avalabe, pero chcuch avu'un, yu'un ja' lec chava'ay ti chachi'in amalale, jech ja' ta spasot o ta mantal —xut.
17Jech laj yalbe ec li vinique:
—Ta sventa ti laj ach'unbe smantal li avajnile, xchi'uc laj alo' li sat te' ti laj calbot mu xu' chalo'e, li' ta orae vo'ot ta amul ti chopol ta xcom o li banamile. Tsots cha'abtej c'alal chata ave'el ti jayib c'ac'al cuxulote. 18Li' ta banamile ta xch'i ep ta chop ch'ixetic.#Ro 8.20; Heb 6.8. Jech noxtoc ta xlic alo' te'tical itajetic ti stac' lo'ele. 19Ep chachiq'uinaj c'alal chata ave'el. Ja' to chlaj avocol c'alal me lapas ta lum yan veltae. Yu'un ta lum ono'ox pasbilot, jech chac'ataj ta lum yan velta noxtoc —x'utat.
20Li vinique Eva#3.20 Eva - Ta hebreo c'op ja' smelol cuxlejalil. laj yac'be sbi li yajnile, yu'un ja' me'il yu'unic scotol li boch'otic cuxulique. 21Li Muc'ul Diose la spas c'u'il ta snuculil chonbolometic yu'un ja' la yac'be slap li vinic xchi'uc yajnile. 22Jech laj yal: “Li' ta orae ja' xa jech ic'ot jech c'u cha'al vu'utic li vinique, yu'un laj xa sna' c'usi lec xchi'uc c'usi chopol. Mu xa xu' chbat stul yan velta li sat te' sventa cuxlejale#Ap 22.14. yu'un me la slo'e, jech xu' chcuxi o sbatel osil”, xi li Muc'ul Diose.
23Ja' yu'un li Muc'ul Diose la sloq'ues batel ta ts'unubaltic Edén li vinique. Lic yac' abtejuc ta banamil ti bu ono'ox ilic tal sbec'tale. 24C'alal laj xa'ox sloq'ues batel li vinique, la stac tal querubinetic#3.24 Querubinetic - Ja' jchop j'almantaletic yu'un Dios ti chtun sventa tstac batel c'alal oy c'usi chbat xchabiique. Li j'almantaletic le'e chvinaj ta sc'op Dios ti oy xiq'uique. Q'uelo Glosario. te ta ts'unubaltic ta sloq'ueb c'ac'al,#3.24 C'ac'al - Oy boch'o chalic jtotic. xchi'uc jun espada xpulpun no'ox, yu'un ja' tsjoyibta ta jujujot sventa mu me boch'o xbat yo' bu oy li jpets te' sventa cuxlejale.
Aktualisht i përzgjedhur:
Génesis 3: TZE97
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Tzotzil Chenalhó DC Bible © Sociedad Bíblica de México, a. c., 2002.