Juan 7
7
Jesúspa awẽ extuwawe ikũira wadiwuba
1Naskata bai Galilea Jesús kawasapaudi. Naskatari bai Judea adu ipaidiba judíowawe retepaixikakĩ wedayaiwudu. 2Judíowawe fiesta wapaudiwu awẽ ade Enramadas#7.2 Judíowawe ma wikakĩ adaitikata fiesta wapaudiwu awẽ ade Enramadas atũ xidiwawe apaudi keskawakakĩ tsua ikabarixu Egipto adua wukaxu. ma chaiba ikaidu 3Jesúspa awẽ extuwawe Jesús yuidiwu: “Dudu neteyabawe. Judea adu katawe miuxũ tapibiswawe mi awara akaitu bia uĩnuwu. 4Tapinabea yura iixikĩ ude tsuã awara atiruba. Naatiiwixu yurawawe uĩyaiwudu atawe”, awẽ udiwetsawawe wadiwu. 5Udiwetsawawe ikũira wadiwuba. 6Jesúspa atu yuidi: “Naatiiwixu tapiyaiwu Diospa ẽ awẽ wake a dukuyuaba. Awetiãra kapai ma katiru. 7Yura bai adu ikawawe batu duikaspatiruwuba. Naskaweke ea duikaspakadi ẽ atu ikũkui yuiyaitu na chakabiswu. 8Fiesta adu wutakawe. Ẽ kayuikaiba. Ewẽ wari iyuaba”, Jesúspa atu wadi. 9Naduri atu yuita Galilea adu Jesús neteyudi.
Jesús fiesta adu kadi awẽ ade Enramadas
10Udiwetsakuiwu fiesta wuawudu Jesús chipu kadi. Tsuã tapiabadu udekui Jerusalén adu kadi. 11Judíowawe Jesús wedadiwu fiestadua: “Wakime naa dukuwede”, wadiwu. 12Yurawawe yuitiwadiwu: “Naa dukuwede shara”. Wetsawawe yuikakĩ: “Baa. A dukuwede sharaba. Yurawu parabis”, wadiwu. 13Naskata awirana yuinadiwu judíowawe atu dikayabanuwu judíowuki besekadi.
14Fiesta adaitiawubadu Jesús oración pexe mera ikita atu tapibadi. 15Wetsa keskarakata judíowawe Jesús yuidiwu: “Aweskawaxu awarawu tapia kedeyabawidixakĩ”, wadiwu. 16Jesúspa atu kebadi: “Na ẽ batu tapibai ewenaba ewẽ Epana. Na ea nichiditu naa. 17Watura wetsã Epa Diospa apaiyai keskara tapipaikĩ tapitiru da ẽ batu tapibai ewẽ Epa naa. Ewẽ shinama ẽ batu awa yuitiruba. 18Watura wetsã awẽ shinama shinaxu awikui atu yuitiru. Na ea nichidi sharakui naa ma ikũira watiru. Naa ikũkui. A chaniba.
19Epa Dios tsai bitsisipa Moisés kededi. Naskaweke ma ikũira wapaiba. Aweskakĩ ma ea retepaime”, Jesúspa atu wadi. 20Yurawawe kebadiwu: “A mera waka ikiadu iki. Tsuã bia retepaime”, wadiwu. 21Jesúspa atu yuidi: “Wetsa keskarata ea ma uĩ tsuã atiruba wisti ẽ sábadowaidu akaitu. 22Moiséspa yuidi matu wake werunawake raba kaĩya ocho peda ma ikadu atũ wushki wichi ma xatetiru. A tsai Moisésnaba. Awẽ xidiwuna idi. Maawawe dukuwede sábadowaidu ma wushki wichi xatetiru. 23Moiséspa kededi ma ikũira wanu sábadowiyaitu matu wake atũ wushki wichi ma xatebis. Aweskai ma iki sidaime sábadowaidu dukuwede ẽ kayawake. 24Awiana awara ẽ shara wake: ‘Chakawaa’, ea wayabakawe. Kayakawi shinasharakuikawe”, Jesúspa atu wadi.
“Ewẽ Epa Dios ariax ẽ udi”, Jesúspa atu wadi
25Jerusalén ikawu awirasi yuinadiwu: “Da dukuwede judíowawe wedakadi retexikakĩ. 26Nexpakaya nixu yura ichapa atu yuiwiyaitu tsuã awa akadiba. Diaiwuwawe ikũira wakadi da dukuwede Mesíasraka”, idiwu. 27“Ma nu tapia waniax udimaiki da dukuwede. Mesías tsuã tapitiruba wakiax uimaiki”, idiwu. 28Jesúspa oración pexe meraxu atu tapibaidu a udua yuiyaiwawe tapixu atu kebadi tsai ewapatu: “Ikũme ma ea una ẽ waniax udimaiki ma tapiame. Ewẽ shinama ẽ uaba. Ewẽ Epã ea nichidi naki nu chipu diatiru. Naa maawawe ma tapiaba. 29Naskaweke ẽ tapia naduax ẽ udi. Naskata naatu ea nichidi”. 30Atu yuiyaitu dikakadi sidadiwu. Naskaxu achipaidiwu cárcel mera ikibapaikakĩ. Na retexikadi awẽ peda iyuabadu tsuã Jesús aweskawadiwuba. 31Yura ichapawawe ikũira wadiwu naskata yuidiwu: “Epa Diospa Mesías nichia uxũ tsuã atiruba keskara aaxime da dukuwene atiru keskara”, idiwu.
Fariseowawe Jesús achipaidiwu
32Yura ichapawawe Jesús udua tsai shara yuiyaiwawe fariseowawe dikadiwu sacerdote diaiwuwawe oración pexe kexebiswu nichidiwu Jesús achikaxu cárcel mera ikibanuwu. 33Jesúspa atu yuidi: “Ẽ batuwe iki chaiba. Naskata na ea nichidi adu ẽ dasuxiwi. 34Ma ea wedawaidaka. Naskaweke ea ma wichiwaidakaba. Ẽ ikadu ma katiruba”, Jesúspa atu wadi. 35Judíowu yuinadiwu: “Da dukuwede waki kaime nu wichitiruba. Judío nuku kaiwuu bai wetsa adu ikawu adu kairaka. Naskatari na judíowuba atu tapibaikai. 36Awe ipai ikime: ‘Ma ea wedawaidaka. Naskaweke ea ma wichiwaidakaba. Ẽ ikadu ma katiruba’, iki”, wadiwu.
Espíritu Santo yurawu ibapaketiru
37Fiesta ewapa ma adaitiadu Jesús widinakawata tsai ewapatu atu yuidi: “Watura wetsa ea dubiyai e adu wekawe. Na ea ikũira wai ede ayatiru. 38Epa Dios awẽ tsai kedea. Duku mera ede detsutiruba keskara na ea ikũirawaawu”. 39Jesúspa duduri atu yuidi. Na ikũirawaawu Espíritu Santoya ipadakawu. Jesúspa Espíritu Santo tsua inayuaba idi awẽ kaya sharayuabadu. Awẽ Apadu kaxu chipu Espíritu Santo atu inanupukui.
Jesús udua aduri wisti shinadiwuba
40Na tsai dikayaiwu atiriwi yurawu yuinadiwu: “Ikũkui da dukuwene Epa Dios tsai yuibis”, wadiwu. 41Atiriwawe yuidiwu: “Da dukuwede Epa Diospa Mesías nichidi”, wadiwu. Wetsawawe yuidiwu: “Da dukuwede Epa Diospa nichidiba. Epa Diospa nichia Galilea adua kaĩtiruba. 42Epa Dios tsai kedea: ‘Epa Diospa Mesías nichia diaiwu Davidpa awẽ kaiwuu uduax ichapanawã kaĩpakedakawu. Belén aduax kaĩnupukui na David pexe ichapa Belén ipaudi adua’ ”, idiwu. 43Naskaweke Jesús udua aduri wisti shinadiwuba. Wetsa shinata wetsa shinata wadiwu. 44Atiriwawe Jesús achikaxu iyupaidiwu. Naskaweke tsuã adiba.
Judío atũ diaiwuwawe Jesús ikũira wadiwuba
45Naskata oración pexe kexebiswu dasukata fariseowuki wekata sacerdotewu atũ diaiwu adu wediwu. Nawuwawe atu ñukadiwu: “Aweskakĩ Jesús ma eweibame”, atu wadiwu. 46Oración pexe kexebiswawe atu kebadiwu: “Na dukuwene awẽ tsai sharakui. Tsuã aduri yuibisba”, atu wadiwu. 47Naskatari fariseowawe atu yuidiwu: “Baturiwi parame”, atu wadiwu. 48“Nuku diaiwu atiriwawe Jesús ikũira waawuba. Naskata fariseowaweri. 49Da yurawuwawe Moisés Epa Dios tsai kededi tapiawuba. Naskake Epa Diospa atu ubiskuibaxiwi”, idiwu. 50Dukuwede fariseo awẽ ade Nicodemo Jesús uĩtabistu atu yuidi. 51“Moiséspa tsai kedediwu adu kedea. Awara chakawaa dikataba dukuwede nu ubiskuibatiruba”. 52Naskaitu Nicodemo kebadiwu: “¿Miiriwi Galilea aduame? Epa Dios tsai tapiwe tapixikĩ. Galilea adua Epa Dios tsai yuibis uaba”, wadiwu. 53Naskata naatiiwi atũ pexe adu wudiwu.
Aktualisht i përzgjedhur:
Juan 7: mtsB
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr