Улон-вылон 6
6
6-тӥ ЛЮКЕТ
1Музъем вылэ адямиос йылыны кутскем бере соослэн нылъёссы вордӥськизы, 2соку Инмар пиос адямиослэсь нылъёссэс адӟизы, соослы соос чебересь потӥзы но бырйыса соосты асьсэлы кышнолы басьтылыны кутскизы. 3[Инмар] Кузё-Инмар шуиз: «Пумтэм вапумъёс ӵоже [та] адямиос Мынэсьтым Духме кулэтэм карыса медаз улэ, уго соос лулмугор гинэ; соослэн улоно нуналзы сю кызь ар мед луоз». 4Со виын туж ӝужыт-таза муртъёс музъем вылын уло вал, уката ик Инмар пиос адями нылъёс доры пыраны кутскем бере, соослы нылпи вайылыны кутскем бере; та кужмоесь, валляна дырысен дано адямиос вал.
5[Инмар] Кузё-Инмар адӟиз: музъем вылысь адямиос пӧлын азыса-сӧриськыса улон туж алямын вал, соослэн вань малпанъёссы, мылкыдзы лек ужъёс лэсьтон борды ялан кыстӥськиз; 6жаляз Кузё-Инмар, ӧкынӥз, музъем вылэ адямиез кылдытӥ шуыса, Солэн сюлмыз ӝоже усиз. 7Соку Кузё-Инмар шуиз: «Музъем вылысь Аслэсьтым кылдытэм адямиосме быдто, адямиосын ӵош пудоосты но, нюж кыстӥськыса ветлӥсьёсты но, ин тылобурдоосты но быдто, жалясько-ӧкынӥсько, соосты кылдытӥ шуыса».
8Нош Ной [Инмар] Кузё-Инмар дорысь дэлет басьтӥз.
9Тани Нойлэн улон-вылон сюресэз: Ной ас вакытаз вань адямиос пӧлысь шонерлыко, дун-шектэм улӥсь мурт вал; Ной Инмар азьтӥ ветлӥз. 10Нойлэн куинь пиосыз вордӥськизы: Сӥм, Хам но Иафет. 11Нош музъем Инмар азьын сьӧлыкъёс пушкы выйиз, музъем сьӧсь ужъёсын пачылмиз. 12Инмар [Кузё-Инмар] музъем шоры учкиз но адӟиз: со сьӧлыкъёсын сисьмемын, уго вань лулмугор музъем вылын ас сюрессэ саптаз. 13Инмар [Кузё-Инмар] Нойлы шуиз: «Вань адямиослэн быронзы Мынам азям вуиз, музъемвыл соослэн сьӧсь ужъёсынызы пачылмиз. Тани табере Мон соосты музъем вылысь быдто. 14Аслыд гофер пулэсь пыж (ковчег) лэсьты; висъетъёс отчы лэсьты; кыр ласянь но, пуш ласянь но сое юрсирен зыра. 15Сое тазьы лэсьты: пыжлэн кузьдалаез куинь сю гырпум кузьда мед луоз, пасьталаез – витьтон гырпум, нош ӝуждалаез – куамын гырпум. 16Пыж пушкад, солэн йылӥяз одӥг гырпум ӝужда пась лэсьты, урдэс ласянь пыже пырыны ӧс лэсьты; пыжедлэн пушказ – солэн вылӥяз, шораз, улӥяз – [улон инты] лэсьты. 17Тани, Мон ин улысь вань улэп макеосты быдтон понна музъем вылэ бадӟым ву лэзё; мар вань музъем вылын, ваньмыз быроз. 18Нош тонэн валче Мон Аслэсьтым сӥзёнме усьто, соку тон пыже пырод, тонэн огазе пырозы кышноед, пиосыд, кенъёсыд. 19Пыжад озьы ик пырты [вань пудоос, вань нюж кыстӥськыса ветлӥсьёс пӧлысь,] вань улэп, вань луло макеос пӧлысь – ваньзэ кузэн-кузэн пырты, тонэн огазьын соос улэп мед кылёзы, – айыё-мумыё соос мед луозы. 20[Вань] тылобурдоосты выжыен-выжыен, [вань] пудоосты выжыен-выжыен, музъем вылтӥ вань нюж кыстӥськыса ветлӥсьёсты выжыен-выжыен пырты, – ваньзы соос кузэн-палэн [айыен-мумыен] тон доры пырозы, [тонэн ӵош] улэп мед кылёзы шуыса. 21Тон котькыӵе сиён-юон басьты, – кин мар сие, соосты ас дорад люка; со тыныд но, соослы но сиён-юон луоз». 22Ной ваньзэ лэсьтӥз, кызьы Инмар [Кузё-Инмар] сое косӥз, озьы ик со лэсьтӥз.
Aktualisht i përzgjedhur:
Улон-вылон 6: УДМБИБ
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
(c) Библияез берыктонъя Институт, Хельсинки, 2013; 2016