Ura për te MarkuShembull

Konflikte të tjera

Marku shkroi për konflikte të ndryshme mes Zotit Jezus dhe drejtuesve judenj të kishës: së pari, mbi pushtetin e Jezusit për të ofruar faljen e mëkateve; pastaj në lidhje me të ngrënat e tij, i shoqëruar nga njerëzit e botës, njerëz mëkatarë; dhe në këtë rast, mbi çështjen e agjërimit. Jezusi iu përgjigj atyre me tri shëmbëlltyra: një martesë, veshjet dhe shishet e verës.

Çfarë nënkuptonte Zoti me këta shembuj? Ai po u mësonte farisenjve se feja e tyre në përpjekje për të qenë të shenjtë nuk mund të përshtatej kurrë me mësimet e Jezusit për hirin dhe faljen e plotë. Edhe ne duhet ta kemi të qartë e ta mbajmë parasysh këtë mësim. Lajmi i Mirë i Perëndisë është se shpëtimi është vetëm vepër e Tij. Kurrë nuk mund të jetë një ndërthurje e veprave tona të bindjes dhe hirit të Tij.

Përpjekja për ta fituar faljen përmes të qenët i përkryer është si qepja e një cope të re në një palë pantallona krejtësisht të vjetra. Në të gjitha përpjekjet tona, ne vetëm shtojmë mëkate, sepse asgjë nga ato gjëra që bëjmë nuk është e përkryer. Atëherë, si mund të shpëtohemi ne? Vetëm duke e larguar shikimin nga vetja dhe duke parë drejt Zotit Jezu Krisht. Zoti Jezus erdhi në tokë dhe iu bind Atit. Ai jetoi një jetë të përkryer, një jetë pa mëkat. Megjithatë, në fund të jetës së Tij Ai vdiq në kryq. Jezusi nuk vdiq për shkak të mëkateve të Tij, Ai vdiq për të tjerët. Mesazhi i mrekullueshëm i Biblës është se, kur besojmë vetëm tek Ai si Shpëtimtari i vetëm që mund të na shpëtojë plotësisht, do të shpëtohemi. Dhe, nuk mjafton vetëm ta dini këtë mesazh, ai duhet besuar.