Javanese, Caribbean - 1999 Edition (NT) Drama

<div class="version vid250 iso6393jvn" data-vid="250" data-iso6393="jvn">
 <div class="book bkLUK">
 <div class="chapter ch23" data-usfm="LUK.23">
 <div class="label">23</div><div class="s1">Gusti Y&#233;sus nang ngarep&#233; gramang Pilatus</div><div class="p"> 1Wong kab&#232;h mau terus pada ngadek lan nggawa Gusti Y&#233;sus nang ngarep&#233; gramang Pilatus. 2Nang kono wong-wong pada nyalahk&#233; D&#232;kn&#233;, ngomong: &#8220;Awak&#233; d&#233;w&#233; wis ngerti n&#232;k wong iki nyasark&#233; rayat. D&#232;kn&#233; ngojok-ojoki wong supaya ora mbayar belasting marang ratun&#233;, awit D&#232;kn&#233; d&#233;w&#233; ngakun&#233; Kristus, ratu.&#8221;</div><div class="p"> 3Gramang Pilatus terus takon marang Gusti Y&#233;sus: &#8220;Apa kow&#233; kuwi ratun&#233; bangsa Ju?&#8221;</div><div class="p">Gusti Y&#233;sus semaur: &#8220;Bener, panty&#232;n mengkono!&#8221;</div><div class="p"> 4Gramang Pilatus terus ngomong marang para pengarep&#233; imam lan wong ok&#232;h sing nang kono: &#8220;N&#232;k manut pinemuku wong iki ora salah apa-apa.&#8221;</div><div class="p"> 5Nanging wong-wong ngetyek wa&#233; ngomong: &#8220;Wong iki mulangi wong-wong kongkon pada mbruntak, molai nang bawah Galil&#233;a terus nang sak Yud&#233;a lan saiki samp&#232;k tekan k&#233;n&#233;.&#8221;</div><div class="s1">Gusti Y&#233;sus nang ngarep&#233;</div><div class="s2">ratu H&#233;rod&#232;s</div><div class="p"> 6Kadung gramang Pilatus krungu omong&#233; wong-wong mau, d&#232;kn&#233; terus takon: &#8220;Apa wong iki tekan&#233; sangka Galil&#233;a?&#8221; 7Bareng krungu n&#232;k Gusti Y&#233;sus kuwi sangka panggonan pengurusan&#233; ratu H&#233;rod&#232;s, d&#232;kn&#233; terus ngongkon nggawa Gusti Y&#233;sus nang nggon&#233; ratu H&#233;rod&#232;s, sing ing waktu kuwi ndilalah&#233; nang kuta Y&#233;rusal&#232;m. 8Kadung ratu H&#233;rod&#232;s weruh Gusti Y&#233;sus, d&#232;kn&#233; bungah banget, awit wis suwi krungu bab D&#232;kn&#233;, mulan&#233; kep&#233;ngin weruh d&#233;w&#233;. Malah d&#232;kn&#233; ngarep-arep bisaa weruh Gusti Y&#233;sus nindakk&#233; mujijat. 9Mulan&#233; ratu H&#233;rod&#232;s ngetokk&#233; pitakonan pirang-pirang marang Gusti Y&#233;sus, nanging D&#232;kn&#233; ora gelem semaur apa-apa. 10Para pengarep&#233; imam lan para guru Kitab uga nang kono lan pada nyalahk&#233; Gusti Y&#233;sus nganggo prekara-prekara sing abot. 11Gusti Y&#233;sus digaw&#233; sembrana karo ratu H&#233;rod&#232;s lan para soldat. D&#232;kn&#233; terus dienggoni penganggon&#233; ratu terus digawa balik men&#232;h nang ngarep&#233; gramang Pilatus. 12Wiwit dina iku ratu H&#233;rod&#232;s lan gramang Pilatus pada kekantyan men&#232;h, maun&#233; memungsuhan.</div><div class="s1">Gusti Y&#233;sus nampa setrapan pati</div><div class="p"> 13Gramang Pilatus terus ngumpulk&#233; para pengarep&#233; imam, para penuntun lan uga rayat&#233;. 14D&#232;kn&#233; terus ngomong marang wong-wong: &#8220;Kow&#233; nggawa wong iki nang nggonku lan kow&#233; ngomong n&#232;k wong iki nyasark&#233; rayat. Wong&#233; wis tak takoni nang ngarepmu, nanging aku ora nemu salah blas sing mbok omongk&#233;. 15Uga ratu H&#233;rod&#232;s ora nemu salah apa-apa, awit d&#232;kn&#233; ngongkon nggawa Y&#233;sus balik nang nggonku men&#232;h. Wong iki ora nglakoni salah apa-apa sing marakk&#233; D&#232;kn&#233; kudu dik&#232;ki setrapan pati. 16Mulan&#233; wong&#233; arep tak kongkon metyuti wa&#233; terus tak etyulk&#233;.&#8221; ( 17Wis dadi adat, saben riyaya Paskah gramang Pilatus ngetokk&#233; setrapan siji, manut penjaluk&#233; rayat.)</div><div class="p"> 18Wong ok&#232;h sing nang kono pada bengok-bengok: &#8220;Wong iku dipat&#232;ni! Barabas dietokk&#233;.&#8221; 19Barabas kuwi disetrap, jalaran d&#232;kn&#233; mbruntak nang kuta lan mat&#232;ni wong.</div><div class="p"> 20Jalaran gramang Pilatus kep&#233;ngin ngetokk&#233; Gusti Y&#233;sus, mulan&#233; d&#232;kn&#233; ngomong sepisan men&#232;h marang wong ok&#232;h mau. 21Nanging wong-wong pada bengok-bengok ngomong: &#8220;Dipent&#232;ng wa&#233;! Dipent&#232;ng!&#8221;</div><div class="p"> 22Gramang Pilatus samp&#232;k ngomong ping telun&#233; marang wong ok&#232;h mau, tembung&#233;: &#8220;Nanging wong iki salah&#233; apa? Aku ora nemu salah&#233; wong iki sing marakk&#233; kudu dipat&#232;ni. Wong iki arep tak kongkon metyuti wa&#233; terus tak etyulk&#233;.&#8221;</div><div class="p"> 23Nanging wong-wong malah tambah bengok-bengok sak kuwat&#233;, ngomong n&#232;k Gusti Y&#233;sus kudu dipent&#232;ng. Ent&#232;k-ent&#232;k&#233; wong ok&#232;h mau menang. 24Gramang Pilatus terus nggaw&#233; putusan ngek&#232;ki setrapan pati marang Gusti Y&#233;sus, manut karep&#233; wong ok&#232;h mau. 25Barabas, sing disetrap jalaran nglakoni pembruntakan lan mat&#232;ni wong, dietokk&#233;, manut karep&#233; wong-wong. Gramang Pilatus terus masrahk&#233; Gusti Y&#233;sus marang wong ok&#232;h mau, supaya pada nglakoni apa karep&#233;.</div><div class="s1">Gusti Y&#233;sus dipent&#232;ng</div><div class="p"> 26Gusti Y&#233;sus terus digawa metu sangka kuta Y&#233;rusal&#232;m. Nang dalan kepetuk wong sing jeneng&#233; Simon, sangka kuta Sir&#233;n&#233;, arep mlebu kuta. Simon dityeluk lan dipeksa kongkon manggul kayu pent&#232;ngan&#233; nang mburin&#233; Gusti Y&#233;sus.</div><div class="p"> 27Ok&#232;h wong pada ngetutk&#233; lakun&#233; Gusti Y&#233;sus. Nang tengah&#233; wong ok&#232;h kuwi uga &#232;n&#232;ng wong w&#233;dok siji-loro. Wong w&#233;dok-w&#233;dok mau pada ngantemi dadan&#233; nangisi Gusti Y&#233;sus lan pada sambat. 28Gusti Y&#233;sus terus nol&#232;h lan ngomong marang wong w&#233;dok-w&#233;dok mau: &#8220;Kow&#233;, wong w&#233;dok Y&#233;rusal&#232;m, kow&#233; aja pada nangisi Aku; tangisana awakmu d&#233;w&#233; lan anak-anakmu. 29Awit bakal &#232;n&#232;ng waktun&#233; wong ngomong: &#8216;Beja tenan wong w&#233;dok sing gabuk, sing ora tau nglairk&#233; anak lan ora tau nyusoni bayi!&#8217; 30Bakal &#232;n&#232;ng waktun&#233; wong pada ngomong marang gunung-gunung: &#8216;Aku tibanana,&#8217; lan uga ngomong marang puntuk-puntuk: &#8216;Aku hurukana!&#8217; 31Awit n&#232;k kaya ng&#233;n&#233; penggaw&#233;n&#233; marang kayu sing urip, lah kayu sing garing men&#232;h bakal dikapakk&#233;?&#8221;</div><div class="p"> 32En&#232;ng wong nakal loro sing digiring bareng karo Gusti Y&#233;sus, sing uga arep dipat&#232;ni. 33Kadung wis tekan panggonan sing jeneng&#233; &#8220;Endas wong,&#8221; Gusti Y&#233;sus terus dipent&#232;ng bareng karo wong nakal loro mau, siji nang tengen&#233; lan siji nang kiwan&#233;. 34Gusti Y&#233;sus terus ndonga: &#8220;Duh Bapakku, salah&#233; wong-wong iki mbok dingapura, awit ora pada ngerti apa sing dilakoni.&#8221;</div><div class="p">Salin&#233; Gusti Y&#233;sus terus dipratung nganggo lotr&#233; karo para soldat sing njaga. 35Wong ok&#232;h pada nyawang lelakon nang kono kuwi. Para pengarep&#233; bangsa Ju pada moyoki Gusti Y&#233;sus, tembung&#233;: &#8220;D&#232;kn&#233; wis nulungi wong liya. N&#232;k panty&#232;n wong kuwi Kristus, kongkonan&#233; Gusti Allah tenan, jajal kono apa bisa nulungi awak&#233; d&#232;kn&#233; d&#233;w&#233;.&#8221;</div><div class="p"> 36Soldat-soldat ya pada moyoki terus marani Gusti Y&#233;sus lan ngek&#232;ki anggur ketyut. 37Terus ngomong: &#8220;N&#232;k Kow&#233; ratun&#233; wong Ju, tulungana awakmu d&#233;w&#233;.&#8221;</div><div class="p"> 38Nang sak nduwur&#233; sirah&#233; Gusti Y&#233;sus &#232;n&#232;ng tulisan: &#8220;Y&#233;sus, ratun&#233; wong Ju.&#8221;</div><div class="p"> 39Salah sijin&#233; wong nakal sing dipent&#232;ng ngolok-olok Gusti Y&#233;sus, ngomong: &#8220;N&#232;k Kow&#233; kuwi Kristus tenan, tulungana awakmu d&#233;w&#233; lan awak&#233; d&#233;w&#233; wong loro pisan.&#8221;</div><div class="p"> 40Nanging wong nakal sing liyan&#233; nyen&#232;ni kantyan&#233; ngomong: &#8220;Apa kow&#233; ora wedi blas karo Gusti Allah, awak&#233; d&#233;w&#233; iki &#233;ntuk setrapan pati. 41Kanggo awak&#233; d&#233;w&#233; setrapan iki wis sak mestin&#233;. Nanging wong iki ora salah apa-apa.&#8221; 42Wong&#233; terus ngomong marang Gusti Y&#233;sus: &#8220;Gusti, mbok &#233;ling marang aku n&#232;k Kow&#233; wis ing kratonmu.&#8221;</div><div class="p"> 43Gusti Y&#233;sus semaur: &#8220;Pretyayaa, dina iki wa&#233; kow&#233; bakal bareng karo Aku mlebu ing Pirdus.&#8221;</div><div class="s1">Ninggal&#233; Gusti Y&#233;sus</div><div class="p"> 44Kira-kira jam rolas awan sak negara kono kab&#232;h malih peteng ndedet, samp&#232;k jam telu, awit sreng&#233;ng&#233;n&#233; ketutupan. 45Kord&#232;n nang Gr&#233;ja Ged&#233; suw&#232;k tengah&#233;. 46Gusti Y&#233;sus terus mbengok banter: &#8220;Duh Bapakku, Aku masrahk&#233; nyawaku nang tanganmu!&#8221; Sakwis&#233; ngomong kuwi D&#232;kn&#233; terus ninggal.</div><div class="p"> 47Kadung kumendan&#233; para soldat sing jaga nang kono weruh lelakon kuwi mau kab&#232;h, d&#232;kn&#233; terus ngluhurk&#233; Gusti Allah ngomong: &#8220;Nyata tenan n&#232;k wong iki ora salah.&#8221;</div><div class="p"> 48Wong-wong sing pada teka mbrono kep&#233;ngin weruh lelakon nang kono uga pada weruh kuwi mau kab&#232;h. Pada rumangsa salah kab&#232;h lan ngantemi dadan&#233; terus pada mulih. 49Wong kab&#232;h sing pada kenal karo Gusti Y&#233;sus lan uga wong w&#233;dok-w&#233;dok sing m&#232;lu Gusti Y&#233;sus sangka Galil&#233;a pada ngadek lan ndelokk&#233; lelakon kuwi kab&#232;h sangka kadohan.</div><div class="s1">Gusti Y&#233;sus dikubur</div><div class="p"> 50-51En&#232;ng wong sing jeneng&#233; Yos&#232;f, sangka Arimat&#233;a, kutan&#233; wong Ju. Yos&#232;f iki wong apik lan kaj&#232;n, wong pretyaya sing ngarep-arep tekan&#233; Kraton&#233; Allah. Yos&#232;f iki wargan&#233; Kruton Agama, nanging d&#232;kn&#233; ora nyetujoni putusan&#233; liya-liyan&#233; mau bab Gusti Y&#233;sus. 52Yos&#232;f terus mara nang nggon&#233; gramang Pilatus nyuwun layon&#233; Gusti Y&#233;sus. 53Yos&#232;f terus ngedunk&#233; layon&#233; sangka kayu pent&#232;ngan terus dibuntel mori alus. Sakwis&#233; kuwi layon&#233; terus dikubur nang kuburan sing ditatah sangka watu. Kuburan iki durung tau kanggo. 54Saiki wis dinan&#233; kanggo tata-tata, awit sedilut men&#232;h wis tiba dina sabat.</div><div class="p"> 55Wong w&#233;dok-w&#233;dok sing m&#232;lu Gusti Y&#233;sus sangka Galil&#233;a ya pada ngetutk&#233; Yos&#232;f, m&#232;lu ngeterk&#233; layon&#233; nang kuburan. Wong-wong kuwi pada weruh d&#233;w&#233; sing ny&#232;l&#232;hk&#233; layon&#233; Gusti Y&#233;sus. 56Wong w&#233;dok-w&#233;dok mau terus pada mulih lan nyawisk&#233; bumbu-bumbu lan lenga-wangi sing arep dienggo ngusapi awak&#233; Gusti Y&#233;sus.</div><div class="p">Esuk&#233;, dina sabat, wong-wong mau pada l&#232;r&#232;n enggon&#233; nyambutgaw&#233;, manut w&#232;t&#233; dina sabat.</div>
 </div>
 </div>
</div>

Wong kabèh mau terus pada ngadek lan nggawa Gusti Yésus nang ngarepé gramang Pilatus. Nang kono wong-wong pada nyalahké Dèkné, ngomong: “Awaké déwé wis ngerti nèk wong iki nyasarké rayat. Dèkné ngojok-ojoki wong supaya ora mbayar belasting marang ratuné, awit Dèkné déwé ngakuné Kristus, ratu.”
Gramang Pilatus terus takon marang Gusti Yésus: “Apa kowé kuwi ratuné bangsa Ju?”
Gusti Yésus semaur: “Bener, pantyèn mengkono!”
Gramang Pilatus terus ngomong marang para pengarepé imam lan wong okèh sing nang kono: “Nèk manut pinemuku wong iki ora salah apa-apa.”
Nanging wong-wong ngetyek waé ngomong: “Wong iki mulangi wong-wong kongkon pada mbruntak, molai nang bawah Galiléa terus nang sak Yudéa lan saiki sampèk tekan kéné.”


Kadung gramang Pilatus krungu omongé wong-wong mau, dèkné terus takon: “Apa wong iki tekané sangka Galiléa?” Bareng krungu nèk Gusti Yésus kuwi sangka panggonan pengurusané ratu Hérodès, dèkné terus ngongkon nggawa Gusti Yésus nang nggoné ratu Hérodès, sing ing waktu kuwi ndilalahé nang kuta Yérusalèm. Kadung ratu Hérodès weruh Gusti Yésus, dèkné bungah banget, awit wis suwi krungu bab Dèkné, mulané kepéngin weruh déwé. Malah dèkné ngarep-arep bisaa weruh Gusti Yésus nindakké mujijat. Mulané ratu Hérodès ngetokké pitakonan pirang-pirang marang Gusti Yésus, nanging Dèkné ora gelem semaur apa-apa. Para pengarepé imam lan para guru Kitab uga nang kono lan pada nyalahké Gusti Yésus nganggo prekara-prekara sing abot. Gusti Yésus digawé sembrana karo ratu Hérodès lan para soldat. Dèkné terus dienggoni penganggoné ratu terus digawa balik menèh nang ngarepé gramang Pilatus. Wiwit dina iku ratu Hérodès lan gramang Pilatus pada kekantyan menèh, mauné memungsuhan.

Gramang Pilatus terus ngumpulké para pengarepé imam, para penuntun lan uga rayaté. Dèkné terus ngomong marang wong-wong: “Kowé nggawa wong iki nang nggonku lan kowé ngomong nèk wong iki nyasarké rayat. Wongé wis tak takoni nang ngarepmu, nanging aku ora nemu salah blas sing mbok omongké. Uga ratu Hérodès ora nemu salah apa-apa, awit dèkné ngongkon nggawa Yésus balik nang nggonku menèh. Wong iki ora nglakoni salah apa-apa sing marakké Dèkné kudu dikèki setrapan pati. Mulané wongé arep tak kongkon metyuti waé terus tak etyulké.” ( Wis dadi adat, saben riyaya Paskah gramang Pilatus ngetokké setrapan siji, manut penjaluké rayat.)
Wong okèh sing nang kono pada bengok-bengok: “Wong iku dipatèni! Barabas dietokké.” Barabas kuwi disetrap, jalaran dèkné mbruntak nang kuta lan matèni wong.
Jalaran gramang Pilatus kepéngin ngetokké Gusti Yésus, mulané dèkné ngomong sepisan menèh marang wong okèh mau. Nanging wong-wong pada bengok-bengok ngomong: “Dipentèng waé! Dipentèng!”
Gramang Pilatus sampèk ngomong ping teluné marang wong okèh mau, tembungé: “Nanging wong iki salahé apa? Aku ora nemu salahé wong iki sing marakké kudu dipatèni. Wong iki arep tak kongkon metyuti waé terus tak etyulké.”
Nanging wong-wong malah tambah bengok-bengok sak kuwaté, ngomong nèk Gusti Yésus kudu dipentèng. Entèk-entèké wong okèh mau menang. Gramang Pilatus terus nggawé putusan ngekèki setrapan pati marang Gusti Yésus, manut karepé wong okèh mau. Barabas, sing disetrap jalaran nglakoni pembruntakan lan matèni wong, dietokké, manut karepé wong-wong. Gramang Pilatus terus masrahké Gusti Yésus marang wong okèh mau, supaya pada nglakoni apa karepé.

Gusti Yésus terus digawa metu sangka kuta Yérusalèm. Nang dalan kepetuk wong sing jenengé Simon, sangka kuta Siréné, arep mlebu kuta. Simon dityeluk lan dipeksa kongkon manggul kayu pentèngané nang mburiné Gusti Yésus.
Okèh wong pada ngetutké lakuné Gusti Yésus. Nang tengahé wong okèh kuwi uga ènèng wong wédok siji-loro. Wong wédok-wédok mau pada ngantemi dadané nangisi Gusti Yésus lan pada sambat. Gusti Yésus terus nolèh lan ngomong marang wong wédok-wédok mau: “Kowé, wong wédok Yérusalèm, kowé aja pada nangisi Aku; tangisana awakmu déwé lan anak-anakmu. Awit bakal ènèng waktuné wong ngomong: ‘Beja tenan wong wédok sing gabuk, sing ora tau nglairké anak lan ora tau nyusoni bayi!’ Bakal ènèng waktuné wong pada ngomong marang gunung-gunung: ‘Aku tibanana,’ lan uga ngomong marang puntuk-puntuk: ‘Aku hurukana!’ Awit nèk kaya ngéné penggawéné marang kayu sing urip, lah kayu sing garing menèh bakal dikapakké?”
Enèng wong nakal loro sing digiring bareng karo Gusti Yésus, sing uga arep dipatèni. Kadung wis tekan panggonan sing jenengé “Endas wong,” Gusti Yésus terus dipentèng bareng karo wong nakal loro mau, siji nang tengené lan siji nang kiwané. Gusti Yésus terus ndonga: “Duh Bapakku, salahé wong-wong iki mbok dingapura, awit ora pada ngerti apa sing dilakoni.”
Saliné Gusti Yésus terus dipratung nganggo lotré karo para soldat sing njaga. Wong okèh pada nyawang lelakon nang kono kuwi. Para pengarepé bangsa Ju pada moyoki Gusti Yésus, tembungé: “Dèkné wis nulungi wong liya. Nèk pantyèn wong kuwi Kristus, kongkonané Gusti Allah tenan, jajal kono apa bisa nulungi awaké dèkné déwé.”
Soldat-soldat ya pada moyoki terus marani Gusti Yésus lan ngekèki anggur ketyut. Terus ngomong: “Nèk Kowé ratuné wong Ju, tulungana awakmu déwé.”
Nang sak nduwuré sirahé Gusti Yésus ènèng tulisan: “Yésus, ratuné wong Ju.”
Salah sijiné wong nakal sing dipentèng ngolok-olok Gusti Yésus, ngomong: “Nèk Kowé kuwi Kristus tenan, tulungana awakmu déwé lan awaké déwé wong loro pisan.”
Nanging wong nakal sing liyané nyenèni kantyané ngomong: “Apa kowé ora wedi blas karo Gusti Allah, awaké déwé iki éntuk setrapan pati. Kanggo awaké déwé setrapan iki wis sak mestiné. Nanging wong iki ora salah apa-apa.” Wongé terus ngomong marang Gusti Yésus: “Gusti, mbok éling marang aku nèk Kowé wis ing kratonmu.”
Gusti Yésus semaur: “Pretyayaa, dina iki waé kowé bakal bareng karo Aku mlebu ing Pirdus.”

Kira-kira jam rolas awan sak negara kono kabèh malih peteng ndedet, sampèk jam telu, awit srengéngéné ketutupan. Kordèn nang Gréja Gedé suwèk tengahé. Gusti Yésus terus mbengok banter: “Duh Bapakku, Aku masrahké nyawaku nang tanganmu!” Sakwisé ngomong kuwi Dèkné terus ninggal.
Kadung kumendané para soldat sing jaga nang kono weruh lelakon kuwi mau kabèh, dèkné terus ngluhurké Gusti Allah ngomong: “Nyata tenan nèk wong iki ora salah.”
Wong-wong sing pada teka mbrono kepéngin weruh lelakon nang kono uga pada weruh kuwi mau kabèh. Pada rumangsa salah kabèh lan ngantemi dadané terus pada mulih. Wong kabèh sing pada kenal karo Gusti Yésus lan uga wong wédok-wédok sing mèlu Gusti Yésus sangka Galiléa pada ngadek lan ndelokké lelakon kuwi kabèh sangka kadohan.

Enèng wong sing jenengé Yosèf, sangka Arimatéa, kutané wong Ju. Yosèf iki wong apik lan kajèn, wong pretyaya sing ngarep-arep tekané Kratoné Allah. Yosèf iki wargané Kruton Agama, nanging dèkné ora nyetujoni putusané liya-liyané mau bab Gusti Yésus. Yosèf terus mara nang nggoné gramang Pilatus nyuwun layoné Gusti Yésus. Yosèf terus ngedunké layoné sangka kayu pentèngan terus dibuntel mori alus. Sakwisé kuwi layoné terus dikubur nang kuburan sing ditatah sangka watu. Kuburan iki durung tau kanggo. Saiki wis dinané kanggo tata-tata, awit sedilut menèh wis tiba dina sabat.
Wong wédok-wédok sing mèlu Gusti Yésus sangka Galiléa ya pada ngetutké Yosèf, mèlu ngeterké layoné nang kuburan. Wong-wong kuwi pada weruh déwé sing nyèlèhké layoné Gusti Yésus. Wong wédok-wédok mau terus pada mulih lan nyawiské bumbu-bumbu lan lenga-wangi sing arep dienggo ngusapi awaké Gusti Yésus.
Esuké, dina sabat, wong-wong mau pada lèrèn enggoné nyambutgawé, manut wèté dina sabat.

Slušaj Lukas 23