Popularni biblijski stihovi iz MATHI 6

Podijeli

Pdainu ru kri ngi Mma Kruwngpaam leh Mma rinkindit ava athlaam chaan; ungu havale mkheng ruk naan ado kurthuwk ra.

“Ava leiji, pduk nii kira naanni plung pja maan; mleija pduk nii ki rang nga anto kunchul chdaat ra. Nii khat ki kja ngi mnit ava ki kpurdon chra.

“Ava leiji Neiji ahin thaanni kthea, naanni arinkhuwn mlei thu, talu chaa nikdi mdit mata talu nee nikdi mdit mata adaksaan mlei thu talu hiil naa nikdi kdingi plung pja maan. Then hinnu rinkhu ungta dona hinnu daksaa ava ngi kheel sii pme mo?

Pdainu naanni aṭhil chaak in mpha thu, innka thu vangluwt inra ungu thurngot asul in thiinra tuprutti ka am naanki Apah ava hin aṭhil chaan; ungu tuprutti aksut pṭoi in naanki Apah ava ngi mnah akpii chraan.

“Hanto lulu ngi aṭhil chaan: Parwaan tha ka am neenki Kpah, Nah amiing kchiir kurthuwk so. Nah Akruwngpaam kurjung kurthuwk so, Parwaan tha aplung bin ado tlot heppi, dultipaam thu kurthuwk so.

Mnii ktaiki thenpen tnii mhai pii chaan

ungta neen rukku neen ki lei ktuwl rek kdo ptlot pik in heppi, klei tuwl rek in mhai ptlot pik chaan

ungta kepthleem thu mhai ptla chmaan, pdainu kṭha kma thungki mhai arthuw chaan; mleija Kruwngpaam, ungta rutan, ungu laarnee ava kṭuw knai kma ki Nah ado: Amen

Mleija naanni mii rek do parma na aptlot pik inbi, parwaan ki Apah in ruk va ado parma naan thungki akuptlot pik chraan.

Kjuwng puwa rekka asuwn; mmaanni pṭau lamme, arkun lamme, ktom thung ruk va purkuk lamme; anto daat joso parwaan ki naan Apah ngi mdo pmaal chaak lam. Naanna mmaan kheel dek kurthuwk maan ti mo?

“Ngeetti pṭum da tampei kakaak chra, ungu kupru rekki pkui donle mdo prut chaak ra; dultipaam thu adaksaa kiinra alrou purtuwl maan. Pdainu ngeet do pṭum mara tampei kakaak kmara ungu kupru ngi mdo prut chaak mara, adaksaa inki tumra parwaan tha alrou apurtuwl chaan. Mleija naanki alrou am na thung ngi aplung bin in rukka ka am ra.

“Ku mii khat lee ngi chukpu knii sok lo nime; mleija mma ngi khat pder chthi donle khat wonsat klo ra, mdit mata khat hin plung plut bet thi donle khat hin pau kleek psuk ra. Naanni Isowr leh alrou sok adolown ro nime.

Pdainu snii ngi kring daat ungu pduk nii ngi lung plu thung ngi tdii pthiira, bil thungki arna rek daat rap klua Isowr ri mpihiillu, O, kthlowm suwnni krin cha mii rek, Mma ngi naanna kheel sii ngi apihiil in nime mo?

Pdainu naanni apiik chaak in mpha thu, achang inki khut dotlot ava alee inki khut pdee maan; anto mkurthut bi ado piik chaak rek in ava kurthuwk ra; ungta tuprutti aksut pṭoi chaan Apah inni mnah akpii chraan.

“Mii rek maiṭhuwmmi mmaan do dee rang ngi plung klut dotlot ado tlot ma nraan chek asin chaan; anto mkurthut mabi parwaan ki Apah in hinki mnah thloi chni maan ti.

“Ungta naanni then angowl in mpha thu, ṭha tlot ktlo rek lulu ngi; mik sut na thung ngi arda kdowng ngi am maan, mleija mmaanni then mngowl in mpha thu mii rek do dee nrang ngi mmai in tpurnung lamda. Kinditti, Neiji ahin thaanni kthea, mmaanki mnah ava mdo arlaan chaak dok in. Pdainu naanni then angowl in mpha thu, aluwn thao apbul inra ungu amai in aphiit in. Ungu mii ngi athen ngowl in ava dei nime pdainu tuprutti ka am naan ki Apah in, ungta tuprutti aksut pṭoi in naanki Apah inni mnah akpii chraan.