Popularni biblijski stihovi iz Lukas 6

Podijeli

Den, ai avela tumen dino: Von dena muial ande e bari pošotsi kai si pe tumaro dži jekh laši mezura, kjidini, miškisardi ai dini opral; ke von mezurina tumenge la mezurasa kai sas tumari.

O manuš o lašio tsirdel laše dieli anda o lašio mandjin peske ilesko, ai o nasul tsirdel nasul dieli anda pesko nasul mandjin; ke si anda o but kai si ande o ilo ke o mui del duma.

Numa kamen tumare dušmanon, keren mištimos, ai den užile bi t'ažiukeren khanči. Ai tumaro pokjinimos avela baro, ai tume avena šiave kudalesko kai si Mai Vučo, ke vo si lašio kudalenge kai či naisin ai le nasulenge.

T'avel tumenge mila, sar tumaro Dad si miloso.

Na den pe e kris, ai tume či avena dine pe e kris; na den strafo, ai tume či avena dine pe o strafo; jertin, ai tume avena jertime.

Numa me phenav tumenge, tumenge kai ašunen mande: Kamen tumare dušmanon, keren mištimos kudalenge kai vuřitsin tumen. Svintson kudalen kai den tumen armaia, řudjin kudalenge kai maren tumen.

So tume kamen ke le manuš keren tumenge, keren sa kadia lenge.

T'avela varekon ke malavel tu pe jekh buka, mai sikav leske vi e kaver. T'avela varekon ke lel tjiri bunda, te na des tu palpale te lela vi tjiro gad. De ka varekon kai mangel tutar, ai na mai mang palpale tjiro mištimos katar kudo kai lias tutar.

Nai jekh lašio kopači kai nai pe leste laše fruti, či jekh čořo kopači te šai del laše fruti.

Ke sako kopači prinžiaren les katar lake fruti. Či kjiden figi ai či kjiden struguro pe le kanře.