Popularni biblijski stihovi iz Luuka 6

Podijeli

Muveetsage viipa, apo najyʉnyie pwʉ muvombelwagwa kʉ wiipa mu kɨgelelo ɨkyʉ kɨkingʼinilwe, ikange kɨheleliike nʉ kʉlesʉka, ʉlwakʉva ɨkɨgelelo ɨkyʉ mukʉvagelela avange, kyʉ kyene najyʉnyie mugelelwagwa.”

Wʉ jɨlɨwo, najyʉ muunu ʉnnonu ihʉmya inonu, ʉkʉhʉma mu numbula jya mwene ɨnonu. Namwene ʉmuunu ʉmbejangi ihʉmya imbiivi, ʉkʉhʉma mu numbula jya mwene ɨmbiivi, ʉlwakʉva, ʉgwʉ ʉmuunu itsova, gwʉ gadɨgile mu numbula jya mwene.

“Apeene ʉnyie, muvaganage avalʉgʉ viinyo nʉ kʉvavombela inonu. Ikange muvapeetsage avikopa, kɨtsila kʉhʉʉvɨla ʉkʉta jʉvikʉvakilivulila isyʉ muvapye. Mungavombe itso, ʉNgʉlʉve alavapa ʉlʉhombo ʉlʉlʉti. Ikange mulaava vaana va Ngʉlʉve ʉNdʉti va syoni ʉlwakʉva ʉmwene mwipa na kʉ valya ʉwʉ navisaana na vatulanongwa.

Pwʉ muveetsage vanya kɨsa, ndʉwʉ ʉDadajiinyo nya kɨsa.

“Kwʉ baako ʉkʉvahɨga avange, pwʉ najyʉnyie namulaahɨgwe. Kwʉ baako ʉkʉvatsova sivi avange, apo najyʉnyie namukatsowaagwe sivi. Muvasyɨkɨlage avajiinyo, pwʉ najyʉnyie musyɨkɨliwaagwa.

“Lɨno, ndikʉvavʉʉla ʉnyie nyɨ mukʉmmʉlɨhɨtsa ndiita, muvaganage avalʉgʉ viinyo, muvavombelage inonu avikʉvasʉʉla ʉnyie, ʉwʉ vikʉvakootola, muvasajage, nʉ wʉ vikʉvavombela ʉgwʉ naganogiili, muvadoovelage inonu.

Muvavombelage avaanu avange ndʉwʉ najyʉnyie munogwa ʉkʉvombelwa.

Ɨngave ʉmuunu akʉtovile ʉlʉtseetse lʉpamato, indeke akʉtove nalʉ lʉtseetse ʉlʉnge. Ikange ʉmuunu angapoke ɨlikoti lyako, indeke atoole najɨ kanzo. Ɨngave ʉmuunu ikʉkʉdoova ɨkɨɨnu, impe. Ikange ʉmuunu angapoke isiinu syako, wɨlekelwe ʉkʉta akʉkilivulile.

“Ʉmʼbɨkɨ ʉnnonu guhʉʉpa iseke inonu, ikange ʉmʼbɨkɨ ʉmbiivi guhʉʉpa iseke imbiivi.

Avaanu vikʉgʉmanya ʉmʼbɨkɨ kʉ nzɨla jya seke tsa gwene, ʉlwakʉva avaanu navitʉngʉla iseke tsa mikʉjʉ evo itsa mizabibu mu mabɨkɨ ga mitwinyo.